المساعد الشخصي الرقمي

مشاهدة النسخة كاملة : على ملاعبة الهواء


ابوسعودالقثامي
01-Apr-2006, 02:24 PM
ياليت يم وطيف مرسى وميقاع=واقلع من الدولي وأكب الجماعي
من المطار اطير قدام الاشعاع=قدام شمس الصبح تطلع شعاعي
على ملاعبة الهواء نقلع بساع=طيارها مايوم جاه الصداعي
طيارها للبعد ينقال قطاع=يقطع بمسراحه فجوجٍ وساعي
إلى أقلعت اسرع من البرق لاشاع= تشبه لحرٍنادرٍ ميباعي
واليا استوت بالجو ثم ابعد القاع=كن المحرك به ذيابٍ جياعي
واليا نزلت تشبه ربيبٍ ومطواع= شيهانةٍ تسمع لها صوت داعي
تصنيع كافرللصناعات طماع=قليل دين وللصناعات واعي
القلب ياشليويح عصى ولاطاع=ولو بغا النسيان ماله مطاعي
على ديار البدو انا صرت بتاع=نبي على التبه نفل الشراعي
ونشرب حليب اللي رعت كل مرباع=ونبعد عن الصافي وحليب المراعي
حليب رمحه صافي بدون صناع=ماهو من اللي زودوه بصناعي
شفا لمنهو حس في بطنه أوجاع=نشرب منه لوكان حنا شباعي

ابوسعود القثامي

منصور بن فهيد
01-Apr-2006, 04:15 PM
طيارها للبعد ينقال قطاع
يقطع بمسراحه فجوجٍ وساعي

صح لسانك اخوي ابو سعود
قصيده رائعه وجزله وفوق مستوى الاعجاب والتقدير
لاهنت على اتحافنا بها
بانتظار روائعك القادمه بكل شوق
تحياتي وتقديري

علي الثبيتي
01-Apr-2006, 04:39 PM
ابو سعود صح لسانك وابيض وجه على هذا الابداع

خلف بن مرزوق
01-Apr-2006, 04:44 PM
00

ابوسعود القثامي

معاني جزلة ومفردات رائعة وابيات جميلة


صح لسانك يابو سعود

:

:
القلب ياشليويح عصى ولاطاع
ولو بغا النسيان ماله مطاعي


ياسلام لو كان ..

القلب ياشليويح عاصي ولاطاع
لو هو بغا النسيان ماله مطاعي:)


ملاحظة: لم استطع مراسلتك لاالغاءك الخاصية:(


تقبل اصدق التحايا

مرزوق حمدان العتيبي
01-Apr-2006, 04:46 PM
...
.
صح لسانك .. فعلا ابداع الله لايهينك ..
....

ابوسعودالقثامي
01-Apr-2006, 07:51 PM
النشمي

صح بدنك ... وحياك الله

ابوسعودالقثامي
01-Apr-2006, 07:55 PM
خلف بن مرزوق
تسلم على المرور وملاحضتك محل اهتمامي

تحياتي

ابوسعودالقثامي
01-Apr-2006, 07:59 PM
مرزوق العتيبي
شكراُ لك على المرور
وتـٌٌٌٌٌٌٌٌٌقـــــــــبـــــــل
تـــــحــــــــــــــــيــاتي

ابوسعودالقثامي
01-Apr-2006, 08:04 PM
النويري

صح بدنك ... وحياك الله
شكراُ لك على المرور

تحياتي

فهيد مقعد الرويس
02-Apr-2006, 02:42 PM
صح السانك يابوسعود

قصيده جميله

تقبل تحياتي

روق والسماء فوق
02-Apr-2006, 05:37 PM
صح لسانك يابو سعود

ابـن نـعـيـس
02-Apr-2006, 08:07 PM
صح لسانك وسلم بنانك

لاهنت


تحيااااااااااااااااااااااااااااااتي