اقرب شاعر يالربع...

[واسم اللاحي]

السلام عليكم

ومساكم الله بالخير يالربع


اقرب شاعر يرد الله لايهينه



مرحبا باسم الرجال موردة علط الرماحي=باسم روق وباسم برقا في طرف شبه الجزيره
ياجماعه دوروا لي شاعر بالحيل صاحي=ماينير ولايشير وكل ربعه تستشيره

[الرشيدي]

وعليكم السلام ورحمة الله وبركاته





البقا رديتةٍ تاتيك من كل النواحي= باسم عبس أهل الوفا والجود والاسما الشهيرة

ودي آنشدك عن قصة حبيب والرياحي=ياعسى بالأمر خير ويا عسى بالأمر خيرة

[واسم اللاحي]

حياك الله


يالرشيدي عقب زهبت الذخيره فالسلاحي=انتبه داخل خباها لاتثور بك الذخيره
يامنادي بالصلاحي يامنادي بالفلاحي=حيلتك من دون حالك لاتفكر فالكبيره

[الرشيدي]

أبقاك الله




لو أشب النار تحت القدر كان القدر فاحي= مير أنا ماني مع أهل المعرفة شباب نيرة
ردها ياواسم اللاحي على الحزم الصحاحي=وإعرف إن الأولة تاخذك من كف الأخيرة

[واسم اللاحي]

لاتشب النار وتصير الضحيه والاضاحي=عندنا والله مانرحمها لياشبت سعيره
اختر اللي ودك بها صاحبك وسام لاحي=ماوسم كود اللحي الطيبه في كل ديره

[الرشيدي]

والله إني عن طمان الأرض يرفعني جناحي=لو أشب النار بالمسكين صارت لي معيرة

أنت ودك كل ماتضمى تحصلها قراحي= مير حظك وردك هداج وحبالك قصيرة

[واسم اللاحي]

الفراش يطير وليا مر نار القوم طاحي=والحرار الشقر في روس المراقيب العسيره
عقب سارت قافلتنا ماعلي من النباحي=يقعد النباح وعتيبه تكمل فالمسيره

[الرشيدي]

واسم اللاحي


صح لسانك وبيض الله وجهك على هالطاروق


ودي والله نكمل الطاروق لكن الجايات أكثر


تصبح على خير

[واسم اللاحي]

صح بدنك يالرشيدي

وحياك الله يالغالي

والمعذره اذا حصل منا خطا

تحياتي
واسم اللاحي

[خلف بن مرزوق]

00

يامنادي بالصلاحي يامنـادي بالفلاحـي
.......حيلتك من دون حالك لاتفكـر فالكبيـره


واسم اللاحي صح لسااانك


وصح لساااان الرشيدي



تحياتي لكما

[شيخ القبيلة]

ياسلام على الأبيات الجميلة من كلا الطرفين وتشكرون على ماقدمتم

[مرزوق حمدان العتيبي]

...
.

محاوره تستحق الاشاده
صحت السنتكم ...
والحمد الله على السلامه ياواسم ..
نور المنتدى ..
..
اخوك ....

[مركز المعلومات]

بيض الله وجيهكم

والله لايهينك