ودي أخذ مع الطوفان موجه سريعه

[المداوي]

ودي أخذ مع الطوفان موجه سريعه =والبواخر برسيها بمرسى بحرها

ياغناة الرجال الغانمه يا القطيعه =والليال تولي لين يرحل شهرها

[الرشيدي]

الله الله

صح لسانك يالمداوي

وبإنتظار الطوفان00

[الايداء1]

,
,صح السانك

يالمداوي وبأنتظار الطوفان ,

[المداوي]

حياك الله الرشيدي


صح بدنك

والله يعين

[المداوي]

هلابك أخوي الأيداء

[الطوفان]

يالمداوي تبا تلقى الحصون المنيعه****والحصون المنيعه عامره في ديرها

المعادي ننفذفيه حكم الشريعه****ضربت السيف تفصل راسها عن نحرها

[الطوفان]

الرشيدي : حييت يالطيب

[الطوفان]

ابوتركي
هلابك وبمرورك

[الرشيدي]

المعادي ننفذفيه حكم الشريعه****ضربت السيف تفصل راسها عن نحرها

صح الله لسانك يالطوفان على هالبيت00

[الطوفان]

صح بدنك يالرشيدي
ويشهد الله اني ودي بقاف سماري معك
لعبك جزل ومعانيك جزله.
تحياتي

[الطوفان]

يالمداوي بيوتك الاوله لها لحن وبيوتك الثانيه لها لحن ثاني؟؟؟؟؟؟؟؟؟.

تصبح على خير

[المداوي]

ويش حصنك دخيلك يوم حصنك تذيعه=ابك بادك حصنك والفعول تخبرها

انت توك وتوى الليل جتك الفجيعه= الليالي نبي نسهر لمطلع فجرها

العذر انا مشغول بلحن ثاني وسريت معه

[شيخ القبيلة]

أنا ماشفت القصيدة ما طلعت

[الطوفان]

لي حصون منازلها نجوم(ن) رفيعه****مانت ويا النجوم ولاانت ويا قمرها

كل صعبه ليا جتنا تعود مطيعه**** انشد اللي سمعها وانشد اللي حضرها

[المداوي]

ابك خلك على أرضك ياوليد الرضيعه=لا تطالع سماءها يوم ضعت بنظرها

عندنا لك جيوشاً بالملاقى مريعه = مابه أحدن هزمها مابه احدن قهرها

[أبو مرحبا]

المداوي الطوفان


يسلااااااااااام عليكم


وااااااصلو

متابعين

[الطوفان]

انت جدك مضر ولاانت جدك ربيعه*****قولها لين نعرف بطنها من ظهرها

من بعدها ترى مافيه شكر وصنيعه*****كم من لحيتة(ن) قبلك نتفنا شعرها

[المداوي]

حياك الله قحص

[المداوي]

ابك انا من بني عامر عريب الصنيعه=وأنته من انت يوم انك تميز دهرها

شكركم مانبيه ولا نبي من يشيعه= والرجال محشومه عن سواك ان ذكرها

[الطوفان]

وبك انا من عتيبه دايم (ن) في الطليعه******عزوتي روق وعتيبه عظيم(ن) فخرها

يابني عامر الزلات فيكم طبيعه***** مير حنا حشرناها وربي حشرها

[المداوي]

دامنا عيال عم اركد بفوق الوسيعه=عزوتي ثاني العتبان والله نصرها

ارجع أجدودنا الاولى وخل الرجيعه=كل ربعن لها ساس وحيد يحصرها

[الطوفان]

قامت اليوم حرب(ن) مثل حرب الوديعه*****واثرها بين الاخوه مار عدا خطرها

ياسلايل هوازن كل ذيب بريعه****نحمد الله هوازن يوم ربي عمرها

[الايداء1]

قامت اليوم حرب(ن) مثل حرب الوديعه*****واثرها بين الاخوه مار عدا خطرها

ياسلايل هوازن كل ذيب بريعه****نحمد الله هوازن يوم ربي عمرها

,
,
الحمد لله

جات سلامات

واصلو باني العم ,,,

[المداوي]

صح لساانك اخوي


الطوفان


واسعدني التحاور مع شاعر

كبير مثلك


واللجيات اكثر انشاء الله


وتحياتي


اخوك

المداوي

[الطوفان]

صح بدنك اخي المدواي
سعدت كثيرا بالمحاورة معك
فاأنت شاعر كبير لك وزنك
والى اللقاء
تحياتي