المساعد الشخصي الرقمي

مشاهدة النسخة كاملة : خالد & بقيق !!!!!!!!


ابـن نـعـيـس
27-Mar-2006, 11:51 PM
روّعوك متابعة كل شيطان ٍ مريد ... يا بقيق ..ويكرم الدِّين عن مقصودها

خالد محمد العتيبي http://www.alyaum.com/images/11/11956/366145_1.jpg




يا عروس البيد والصدر ليل السبت بـِيد=مَير ما بيّن قمَرها وذعذع نودها
هال رمله كل عرقوب واستضما الجريد=والحمام السدره الدوف كبّ فنودها
رسمك اللي لوحه الجفن به شي ٍ جديد=أنكرتـه الروح وانتي محل وجودها
وكنّ صوت انذارك العصر يا جلّ الرصيد=نوح من تلطم نحَرها على مفقودها
روّعوك متابعة كل شيطان ٍ مريد=يا بقيق ..ويكرم الدِّين عن مقصودها
ما لهم رشدٍ من الله ولا معهم رشيد=شرذمه وأعدا عِدا الدِّين صار يقودها
يا هل التلحيد والكيد وارباع العبيد=حرمة المسلم عن البيت وين عهودها
أبشروا بالحرب والضرب والكرب الشديد=فوق الارض وساعة العَرض عقب لحودها
من مضى من جندنا في سبيل الله شهيد=وانتم الـه النار تسعر ومن وُقودها
يا هَدَب عيني ونـُوني ويا دَمّ الوريد=يا سجلّ أحباب روحي وكنز سدودها
هملجي بالجفن للمزن والعمر المديد=واحمدي من له دعا الناس ولـه سجودها
في لحانا عن عدانا وعن مكر الضديد=لـ اشتكت روس البنادق لضا بارودها
دونك اورود المزرّج ومصقول الحديد=والنفوس أغلى مانملكـه فيك نجودها
في ذرى من شوفته عيد ومقابلـه عيد=مقدم آل سعود والدار منـه سعودها
خادم البيتين والدِّين وخـزام العنيد=ملتجى شعب الجزيره وستـر حدودها
ساسها بالشرع والسيف والراي السديد=ما تدرّا بـِيض الاحداث والاّ سودها
ثابتٍ مثل الديانه وفي جنبه عضيد=درعنا ليث المعارك وضيم فهودها
سيدي سلطان والمدح وجزال القصيد=نبتديها من مقامه وفيه نعودها
وابشري بالعز والنصر والمجد المشيد=يا بلادٍ من علـَمها قديح زنودها
والله انّ ارضك عليهم لحُود وشدّ قيد=ما بقى منـّا رضيع ٍ تهبّه نـُودها

وسلامتكم

مرزوق حمدان العتيبي
28-Mar-2006, 12:01 AM
...
.

صح لسان الشاعر المبدع
ابو فهـــد .... واشكرك على ذوقك
المميز ....يابو مهل ...
..
اخوك ....

مركز المعلومات
28-Mar-2006, 12:25 AM
صح لسانك ولسان ابوفهد


دائم مبدع يابن نعيس


وبيض الله وجهك


تحياااااااااااااااااااااااااااتي

ابـن نـعـيـس
28-Mar-2006, 09:05 AM
ابومحمد

لاهنت

ومشكووور على تواصلك الرائع


تحياااااااااااااااااااااااااااتي

ابـن نـعـيـس
28-Mar-2006, 09:06 AM
المروي

صح بدنك ... وبيض الله وجهك


مشكووور على مروووورك العطر


تحيااااااااااااااااااااااااااااااتي

فهيد مقعد الرويس
28-Mar-2006, 03:28 PM
تسلم يابن نعيس على النقل

وصح السان الشاعر

احترامي وتقديري

متعب بن فالح
29-Mar-2006, 10:14 PM
صح السانكـ
يااابو فهد



ومشكور يبن نعيس
وبيض الله وجهكـ

نواف2007
30-Mar-2006, 04:50 PM
ابن نعيس

صح لسانك ولسان شاعرها

تقبل تحياتيييييييييييييييييييييييييييي

الفراهيدي
01-Apr-2006, 02:59 AM
تسلم يابن نعيس

على النقل الموفق

وصح السان قايلها

ابـن نـعـيـس
01-Apr-2006, 11:19 PM
المبتدي

الله يسلمك

مشكووور على تواصلك الدائم


تحيااااااااااااااااااااااااااااااتي

ابـن نـعـيـس
01-Apr-2006, 11:19 PM
متعب بن فالح

صح بدنك ... وبيض الله وجهك


مشكووور على مروووورك العطر


تحيااااااااااااااااااااااااااااااتي

ابـن نـعـيـس
01-Apr-2006, 11:20 PM
نواف

صح بدنك ... وحياك الله


مشكووور على مروووورك العطر


تحيااااااااااااااااااااااااااااااتي

ابـن نـعـيـس
01-Apr-2006, 11:20 PM
الفراهيدي


الله يسلمك

مشكووور على تواصلك الدائم


تحيااااااااااااااااااااااااااااااتي