ثواب زيدالحارثي
24-Mar-2006, 02:08 AM
بسم الله الرحمن الرحيم
اقام ضباط وافراد لواء الملك عبدالزيز بالاحساء حفل توديع للواء سلطان بن صالح الملافح
واستقبال للواء \ شلاح بن زايد بن ثعلي الروقي\ قائد اللواء الجديد
وذلك يوم الاثنين الموافق 20 \2\ 1427ها..وبهذه المناسبه تشرفت بالمشاركه بهذه
القصيده توديعن للواء سلطان وترحيبن باللواء شلاح\\
---------------------------------------------------------------------------------------
أنا ماهضت من حزة غروب ومن حمامن ناح = ولاكن المواقف تدفع المعنى وقيفانه
وترا لولا الوفا مشتاق بالي للقصيد وباح = وعبر عن مشاعر خاطره من فيض وجدانه
ليالينا عساها كلها طيب وسعد وفراح = تسلي ضايق الصدر الحزين وتجلي احزانه
يصيب القلب من فرقا صناديد الرجال اجراح = سلام الله على اللي قامت الحفله على شانه
سلام امن الضمير اللي بجزلات المثايل فاح = كما فوحة زهر فيضن سقاه الله بودانه
وبسم مسفر مساعد حضرة القايد بدا ونباح = سنا نورن يشرع في حلول الضيف بيبانه
نيابه عن لوانا اللي لبس للطايلات اوشاح = بحضرة كل ضباطه مع افراده على اركانه
نوادع من تفانى للوطن واخلص وفا وكفاح = ونرحب بالخلف جعل السلف متعلين شانه
وانا وشلون اوادع قايدن بقلوبنا ماراح = وفينا معه ووفانا وعهد الصدق ماخانه
الا يابن ملافخ سج في نجد العذي مرتاح = وفيت ال موطنك وابليت في ساحات ميدانه
مواجيب الرجال أتصونها للنايبه نطاح = ليا عقد قليل الفود للناصين حجانه
يجيلك ضايق الخاطر ويرجع خاطره منساح = تقول أنه عليك ايمون يابوفيصل اميانه
معاريفك وطيبك رتبتن تبقا ولا تنزاح = على متنك يابن صالح مقصاته وتيجانه
زهيت ابها هنا وهناك واضح مانريد ايضاح = ومن ينكر هل المعروف منا ياجب العانه
وترا مانرتجي من مدح طلقين اليمان ارباح = رجانا للعظيم الواحد المعبود سبحانه
ذكرك الله بخيرن يالمزون اللي حياها طاح = لها عامين تسقي كل عطشانه وضميانه
وعسا نو السحاب اللي نشوفه يوم برقه لاح = على كل الوطن يضفي جميع ابوابل امزانه
موفق خير ياسلطان واهلا فيك ياشلاح = من القلب النظيف اللي يترجم شعره السانه
كبيرين البخوت اللي تروح وذكرها وضاح = لها وجهن يشرفها وراسن يعلو امتانه
وتعيسين البخوت اللي تموت ولالها مداح = خشاش ارضن ولو عاشت تموت ابذل ومهانه
يابن ثعلي حللت وتاح لك ما لا لغيرك تاح = معازيبك ثقتها فيك موثوقه ومليانه
وصناديق الوفا والطيب بيدينك لها مفتاح = ويدينك لابغيت اتفكها ماهيب بلشانه
عشقت امن الرجال اللي هدفها للرجال اصلاح = ولا لدت نظرها في دروبن مالها خانه
وعشقت العاقل اللي مايواجه بالصياح اصياح = ليا شاف الهبيل ايصيح مس اشعيل ببطانه
يركد رمية الطايش ويعدل ساقي الفلاح = وهبا من يشعبه حس الصفير ويكثر اجنانه
اعرف الما وفرقه عن سراب الما من الضحضاح = ولا نركب ببابورن حدانا فعل قبطانه
بحورن سطحها صافي وداخلها مية تمساح = ودوا التمساح لاكشر جماه انكسر اسنانه -----------------------------------------------------
شعرالملازم اول \ ثواب بن زيد بن نجا الحارثي
اقام ضباط وافراد لواء الملك عبدالزيز بالاحساء حفل توديع للواء سلطان بن صالح الملافح
واستقبال للواء \ شلاح بن زايد بن ثعلي الروقي\ قائد اللواء الجديد
وذلك يوم الاثنين الموافق 20 \2\ 1427ها..وبهذه المناسبه تشرفت بالمشاركه بهذه
القصيده توديعن للواء سلطان وترحيبن باللواء شلاح\\
---------------------------------------------------------------------------------------
أنا ماهضت من حزة غروب ومن حمامن ناح = ولاكن المواقف تدفع المعنى وقيفانه
وترا لولا الوفا مشتاق بالي للقصيد وباح = وعبر عن مشاعر خاطره من فيض وجدانه
ليالينا عساها كلها طيب وسعد وفراح = تسلي ضايق الصدر الحزين وتجلي احزانه
يصيب القلب من فرقا صناديد الرجال اجراح = سلام الله على اللي قامت الحفله على شانه
سلام امن الضمير اللي بجزلات المثايل فاح = كما فوحة زهر فيضن سقاه الله بودانه
وبسم مسفر مساعد حضرة القايد بدا ونباح = سنا نورن يشرع في حلول الضيف بيبانه
نيابه عن لوانا اللي لبس للطايلات اوشاح = بحضرة كل ضباطه مع افراده على اركانه
نوادع من تفانى للوطن واخلص وفا وكفاح = ونرحب بالخلف جعل السلف متعلين شانه
وانا وشلون اوادع قايدن بقلوبنا ماراح = وفينا معه ووفانا وعهد الصدق ماخانه
الا يابن ملافخ سج في نجد العذي مرتاح = وفيت ال موطنك وابليت في ساحات ميدانه
مواجيب الرجال أتصونها للنايبه نطاح = ليا عقد قليل الفود للناصين حجانه
يجيلك ضايق الخاطر ويرجع خاطره منساح = تقول أنه عليك ايمون يابوفيصل اميانه
معاريفك وطيبك رتبتن تبقا ولا تنزاح = على متنك يابن صالح مقصاته وتيجانه
زهيت ابها هنا وهناك واضح مانريد ايضاح = ومن ينكر هل المعروف منا ياجب العانه
وترا مانرتجي من مدح طلقين اليمان ارباح = رجانا للعظيم الواحد المعبود سبحانه
ذكرك الله بخيرن يالمزون اللي حياها طاح = لها عامين تسقي كل عطشانه وضميانه
وعسا نو السحاب اللي نشوفه يوم برقه لاح = على كل الوطن يضفي جميع ابوابل امزانه
موفق خير ياسلطان واهلا فيك ياشلاح = من القلب النظيف اللي يترجم شعره السانه
كبيرين البخوت اللي تروح وذكرها وضاح = لها وجهن يشرفها وراسن يعلو امتانه
وتعيسين البخوت اللي تموت ولالها مداح = خشاش ارضن ولو عاشت تموت ابذل ومهانه
يابن ثعلي حللت وتاح لك ما لا لغيرك تاح = معازيبك ثقتها فيك موثوقه ومليانه
وصناديق الوفا والطيب بيدينك لها مفتاح = ويدينك لابغيت اتفكها ماهيب بلشانه
عشقت امن الرجال اللي هدفها للرجال اصلاح = ولا لدت نظرها في دروبن مالها خانه
وعشقت العاقل اللي مايواجه بالصياح اصياح = ليا شاف الهبيل ايصيح مس اشعيل ببطانه
يركد رمية الطايش ويعدل ساقي الفلاح = وهبا من يشعبه حس الصفير ويكثر اجنانه
اعرف الما وفرقه عن سراب الما من الضحضاح = ولا نركب ببابورن حدانا فعل قبطانه
بحورن سطحها صافي وداخلها مية تمساح = ودوا التمساح لاكشر جماه انكسر اسنانه -----------------------------------------------------
شعرالملازم اول \ ثواب بن زيد بن نجا الحارثي