يامرزوق علمني...؟ [الأرشيف] - الهيـــــــــــــلا *** منتدى قبيلة عتيبة

أبو زيد

22-Mar-2006, 09:07 PM

الأخ الغالي أبو محمد استلم طال عمرك ...الله لايهينك

مرزوق علمني عن اللي يقولون
صحيح شايب مابقى سن مسنون
الله يـعـوضــنا ثـــلاثــيـن مـلـيـون
هذي هي الدنيا وكلن مدحدر

يامديري وصلنا علم عنكم خطير ## قيل مرزوق ناوي للسفر والجهاد
كل أبونا نعاين خايفين المصير ## مير نبغى الوصيه للخلف فالعباد

علي الثبيتي

22-Mar-2006, 09:26 PM

صح لسانك يابو زيد

وينك يابو محمد العلم فيه علم؟؟؟؟؟؟؟؟؟؟؟؟؟؟؟

مرزوق حمدان العتيبي

22-Mar-2006, 09:34 PM

..
.
مرحبا يابو زيد
والله يجملنا معك يابعدي ...

الياوصلك العلم لازم توكد
ياطيّّب المجنا تركد تركد
الكد ضاع وربك يعوّض الكد
هذي هي الدنيا وكلن مدحدر

انت عاقل واظنك ناوي ٍ كل خير = الجهاد اطمحه والله يجيب المراد

وش يخوفك ياراع المقام الكبير = اثر بعض الاوادم ماعليه اعتماد

مرزوق حمدان العتيبي

22-Mar-2006, 09:36 PM

صح لسانك يابو زيد

وينك يابو محمد العلم فيه علم؟؟؟؟؟؟؟؟؟؟؟؟؟؟؟

...............

وصلت ياغالي
...
والعلم بحر مار الله يخارجنا هههههههه.
تحياتي لك .
...
.

قرنــاس الصبيحي

22-Mar-2006, 09:55 PM

صح لسانك ابو زيد 10 مليوووووووووووووووون

صح لسانك يامرزوق 10 مليوووووووووووووووون

مرزوق حمدان العتيبي

22-Mar-2006, 10:10 PM

....
..

صح بدنك ياقرناس
ترليووووووووووووووووووووووون

....

أبو زيد

22-Mar-2006, 11:06 PM

مرحبا يابو محمد... عزالله إنك مجمل أول وتالي .. لكن حبيت ألعب معك... حيث اللعب معك يشرف

والآن اســـتــلم الله لايهينك....

لن مات مرزوق العتيبي وأنا حيّ
القلب يحزن..والمحاجر تسحيّ
والصبر واجب.. والجزع مايصحيّ
هذي هي الدنيا وكلن مدحدر

ليت مرزوق عيني بداله مدير ## شايفن لي زروعن حاينه للحصاد
اعتمدني وأسدك وقت عج وغبير ## لو أنا عندك أصغر من رقيد المهاد

أبو زيد

22-Mar-2006, 11:08 PM

الأخوة النشمي وقرناس صحت أبدانكم وطالت أعماركم ومشكورين على المرور الله لايهينكم

الوليد العتيبي

22-Mar-2006, 11:15 PM

ابو زيد صح لسانك

ابو محمد صح لسانك

واصلو والصفوف عندي

تحياتي

أبو زيد

22-Mar-2006, 11:23 PM

أخي الوليد صح بدنك وتسلم

مرزوق حمدان العتيبي

22-Mar-2006, 11:29 PM

الموت يابو زيد عند الإلهي
وانت وراك بطولة العمر راهي
صحيح كم خلف السواهي دواهي
هذي هي الدنيا وكلن مدحدر

انت معنا على كل المكاسب خشير = والتمنّي ماعمره للكسولين فاد
مايحفظ الامانه رجل ماله ضمير = وان نهيته عن ادروب المناقيد زاد

مرزوق حمدان العتيبي

22-Mar-2006, 11:33 PM

....
.

ابو الوليد .. صح بدنك ..
يسعدنا تواصلك ..
...
.

أبو زيد

22-Mar-2006, 11:46 PM

ياليه يامرزوق تجرح ضميري
وأنا بغيت أساعدك يامديري
هذا زمانن فيه كسر وكسيري
هذي هي الدنيا وكلن مدحدر

والله إني حفيظن للأمانه صرير ## يالصقور الجريحة خففي فالهداد
إن بغيت أتغدى والله إني قدير ## يامباني شواهق ماعليها اعتماد

أبو زيد

22-Mar-2006, 11:50 PM

تعديل لو سمحت لتكرار كلمة اعتماد وأنا ماشفتها..

إن بغيت أتغدى والله إني قدير ## يا مباني شواهق ساسها حاد حاد

تحياتي

فهيد مقعد الرويس

23-Mar-2006, 01:10 AM

ابوزيد

ابومحمد

صحة السنتكم

واصلو ولكم المتابعه

مقعد الدغيلبي

23-Mar-2006, 11:13 AM

ارحبوووووووووووووووووو ا
ياشعار
ابوزيد والمدير مرزوق
اجتمع الابداع والنقض والفتل
وش بقيلنا الله يرحم حالنا

أبو زيد

23-Mar-2006, 04:14 PM

هلا والله أخوي مقعد... أنت الكل فالكل طال عمرك... ولايهونون الأخوان....

شرفت بمرورك....

مرزوق حمدان العتيبي

23-Mar-2006, 07:12 PM

....

ماني بجارح خاطرك يابن عمي
افهم وش اللي قلت لاتصير عــِمّي
ترى يخص الخير والشر عمّي
هذي هي الدنيا وكلن مدحدر

مانذمك عسى الله يحفظك يالامير = الحروره ترى ماهيب مثل البراد
انت حرٍّ نبا منك العشاء فالمطير = بس على الله تبيض وجهنا فالهداد

أبو زيد

23-Mar-2006, 08:00 PM

تسلم يابومحمد....

استلم الله لايهينك...

الـحـج يـامـا حـاصـلن فيه مافيـه
ناسن تطوف وناس تسرق ملافيه
والله غفورن يستر الذنب يـخـفـيـه
هذي هي الدنيا وكلن مدحدر

الفرزدق موالي وتحت أمرك جرير ## كل واحد يعادل جيش ماله هجاد
وإن كتب لي حياةٍ بعون ربي يصير ## للمطيري عــلاجٍ عـنـدنا بالـوكـاد

مرزوق حمدان العتيبي

24-Mar-2006, 04:13 PM

...
..
ابو زيد سعدت باللعب معك

وصح لسانك ..
..

أبو زيد

24-Mar-2006, 05:08 PM

وأنا والله أسعد ... واللعب معك راقي ويشرف...

تحياتي لك يابومحمد... وصح لسانك...