العمر رحله......والوقت فارس

[ابوسعودالقثامي]

العمر رحله واليالي مضاهير=والوقت فارس جاب سيفه وسله
ساعه تجي فيها المصايب مصادير=وساعه تجي أحلى من اليوم كله
يومٍ معه صجه ولجه وتفكير=ويومٍ ليا منه طلع مانمله
وشهر يجي معه الفرح والتباشير=يلمع هلاله بين كل الاهله
وشهر يمربدون شرٍولاخير=مثل ماقالوا راح محدٍ فطله
وسنه يجي فيها ربيع ومخاضير=وسنه تحوش المال دقه وجله
دار الزمن على الخدم والمشاهير =والرابح اللي فيه نضف سجله
واللي همومه كيف جمع الدنانير=يجيه يومٍ للتجاره يدله
اماتعدل واختلف واخلف السير=واستغفر المعبود عن كل زله
والايحوفه من حلاله معاصير=ومن بعد شوف العز شوف المذله
كلٍ بها الدنيايحصل مشاوير=روحه وجيه كن مافيه عله
وان وقفت معاد فيها معاذير=أقرب قريب عليه قبره يهله
والرابح اللي رضين بالمقادير=لومابه الأ تمرةٍ في محله
وصلى وصام وبدل الشر بالخير= ومسك لسانه عن نميمه وخله0


ابوسعود القثامي

[مرزوق حمدان العتيبي]

...
.
ابداع غير مستغرب من اهله
قصيده شامخه كشموخ شاعرها .
صح لسانك يابو سعود ..
وفي انتظار المزيد من روائعك .
...

[فواز الشيباني]

اخي ابو سعود

الصراحه كلمة ابداع قليله في حقك

قصيده جزله من جزل

الله يعطيك العافيه ولاهنت

[ابوسعودالقثامي]

اخواني

مرزوق العتيبي

فيصل الشيباني

اشكركم على المرور وهذا من طيبكم

تحياتي

[أبو زيد]

صح لسانك وعلا شانك

تحياتي

[خلف بن مرزوق]

00


ابو سعود


صح لساااانك..ولاهنت

ابيات جزلة و مليئة بالمعاني


واستوقفني عجز البيت التالي

وان وقفت معـاد فيهـا معاذيـر
....................أقرب قريب عليـه قبـره يهلـه


يبدولي ان هناك خطأ املائي اخل بالوزن




احترااااامي

[ابوسعودالقثامي]

الاخ ابوزيد

أ شكر ك على المرور

وتقبل تحياتي

[ابوسعودالقثامي]

اخي
خلف بن مرزوق

دققت في البيت المذكور بعدك ولم احصل العجز الذي ذكرت
مع اني لم اكتب اي قصيده الابعد ما الاحنها

ولكن البيت يتضح معناه من البيت الذي قبله

شكرا على مرورك يابو مرزوق و منكم نستفيد
تحياتي

[ابـن نـعـيـس]

اخي ابو سعود

الصراحه كلمة ابداع قليله في حقك

قصيده جزله من جزل

الله يعطيك العافيه ولاهنت

[الوليد العتيبي]

صح لسانك يابو سعود

يعطيك العافيه

[ابوسعودالقثامي]

اخواني

ابن نعيس

الوليد العتيبي

اشكركم جزيل الشكر على مروركم
وتقبلوا جل احترامي