سؤال عن قصيدة ربعي عتيبه من العارض ليا الحره؟؟

[بن عضي]

أخواني الاعزاء اود ان اسئل عن هذة الابيات حيث يقول الشاعر:


اقفي عن الهاجري وابعد عن المره***لوكان ماجا من الاجواد منقودي



شيبانا يقولون ان البيت هذا الشطر الاول منه صحيح والثاني فيه تعديل على القصيده الحقيقه مرعاه للقبيلتين الهواجر والمره ولكن اريد معرفه القصه والقصيدة حيث كانت القصيده تمدح عتيبه وتذم قبيلت الهواجر وقبيلت المره للموقف الذي حدث لشاعر هذه القصيده.

........اذا كنتو محرجين من كتابت ابياتها فأنتم لادخل لكم لان الشاعر من قالها وهو لم يقلها هكذا قأتمنى على من يعرف السالفه والبيت هذا ان يقولها ومشكورين.



اهم شي البيت :) والله لايهينكم.

[فواز الشيباني]

اخي بن عضي

القصه ماتحظرني الوقت الحالي ولاكن ابشر

راح اجيبها بعون الله اما القصيده موجوده كامله في توقيعي وعلى الربابه

الولد يسوي دعايه للتوقيعه هههههههههههههههههههههههههههههه

[منصور بن فهيد]

يعطيكم العافيه

وهي موجوده على توقيعي

ههههههههههه

تحياتي وتقديري

[بن عضي]

اللــه لايهينكم على مروركم بس ابي انتظر منكم السالفه والبيت هذا اللي شفتوه:)

[((الدلبحي))]

ابن غضي

فواز تزهل الله يعافيه ويبي يجيبها وان ماجابها اناوردها لك

وانا وفواز في الحال واحد

تحيااااااااااااااااااااااااااااااااااااااااتي

[السافري]

السلام عليكم ورحمة الله وبركاته
على ما اظن اخي الغالي بن عضي ان الشاعر خلف الرقاص الحافي كان قد اصيب في احدى غزوات قبيلة عتيبه في منطقة الاحساء وقد نسيه ابناء قبيلته هناك بعد انتهاء المعركه فكان كسيرا لايستطيع العوده الى دياره فمكث عند قبيلتي الهواجر والمره فكتب هذه القصيده لابناء عمه حتي ياتوا له ويرحل معهم الى دياره(نجد) وبالفعل لما وصلتهم القصيده ذهبوا له ورجع معهم الى دياره.
(اتمنى ان اكون قد وفقت في نقل القصه كما هي)

اخـــــــــوكـــــــــــم / الــــــــســــــــافـــــــــري

[بن عضي]

اللــه لايهينكم جميعا ومشكور يالسافري بس انا ابي واحد متأكد من السالفه :)ولاهنتو على الجهد الطيب

[فهد النفيعي]

على ماسمعت ان البيت يقول
انشد عني الهاجري ونشد المره

[السنافي7]

الله يعطيكم العافيه وإن شاء الله سوف نبحث عن القصه ونتأكد منها يأبن عضي
تحيااااااااااااااااااتي للجميع

[وثاب]

اللي انا سمعته انه كان مسجون في سجن بن جلوي

ولان قبيلة بني هاجر وقبيلة المره مقرها بالمنطقه الشرقيه فالشاعر كره المنطقه كلها

واللي عنده معلومه يزودنا بها

[سفاح الرشداني]

مساكم الله بالخير


السالفه على ماسمعت انه كان مسجون
والحراس كان هاجري ومري

ويتذكر ربعه عتيبه وقال القصيد

وثانيا هو على فكره ماسب احد بس

[النايع]

الله يرحم فيحان الرقاص

اقفي عن الهاجري وابعد عن المره = ..........................................


والله يرحم اللي قال: لو كان ما جاء من الاجواد منقودي

[سيحان]

فيحان كان مسجون في سجن غمران فالحسا وهالسجن تحت الارض يعني اخذ


سنين ما يشوف النور ويوم طلعوه ما ابطى ماوصل نجد الا وهو ميت



والبيت يقول


اقفا عن الهاجري واقفا عن المره ......... لو ما لقينا على الاجواد منقودي




يعني ما سبهم ولايسبون اجواد مثل ما قال وانشدو اللي معاشرهم

[ابن عيدة]

السلام عليكم ورحمة الله وبركاته

أولا الشاعر لم يسب المرة أو الهواجر وانما كان موجود لديهم عندما أطلق سراحة ونظرا لشدة اشتياقه لنجد لبعدها من موقعه لأن ربعة لايوجدون بهذه المنطقة ولبعدها الشديد ومن يقول أنه سبهم لايفهم في الشعر مثقال ذرة ولكن رجل يرغب الأنتقال من قبائل غير قبيلته لأن قبيلته يجد فيها العز والكرامة ومعرفة مقدار الشخص واشتياقه الشديد بعد طول الفراق أنشد بهذه الأبيات وهي موجودة بالمنتدى للذي يبحث عنها كاملة ولكن تنقصها القصةونرجو من كل شخص يعلم بالقصة نشرها للفائدة ومن معلوماتي المتواضعة بأن المذكر كان مسجون بالأحساء وأطلق سراحه وقال هذه القصيدة الخالدة وهو في طريقه الى قومه أو ربعه عتيبة كما قال والشكر لكم