وليد الزراقي
13-Mar-2006, 09:23 AM
يا كثير الهرج هرجك في حدينا
.................. لو يصيب اقصى جماعتنا عنانا
عندنا مثلك لسان ولو بغينا
.................كان حذّفنا على المخطي حصانا
ولو بغينا في المنبه ما درينا
.................. ولو بغينا حرف واحد ماعدانا
لكن انا من سوالفهم قضينا
...................... نحمد الله عن خطاياهم نهانا
من نشدنا نعتذر له في نسينا
..................... لو يحاول عام ما يظهر خفانا
من عرفنا ويش قصده ما عدينا
......................... ولوعدينا كان بيدنا عدانا
ياعنود الصيد في الماضي مضينا
.....................فالهوى عيا يسانع لك هوانا
في عيونك لو كتبنا ما قرينا
.................وان كتبنا الوجد هجراناك محانا
فيك ملح وفيك نور وفيك زينا
..................وفي طريقك حظنا الاقشر رمانا
من عيونك في عيونك وش غدينا
........................ ماتعادل ضيقتك منّا غلانا
وش عليك الله يعافيك انكوينا
.......................ماكواك اللي من الدنيا كوانا
لو نعاني ما نعاني ما شكينا
.....................من زمانٍ فالعجايب ما توانا
المخابي تشتكي سلطة يدينا
.................... زبدة الموضوع تاخذ ما ورانا
ان عطينا ماحكينا وش عطينا
................ وان عُطينا ما جحدنا اللي عطانا
من مقلبة المعاني وش علينا
....................حاشمينٍ عن معانيهم لحانا
كم هقينا فالاوادم ما لقينا
...................كود من عشره تعود في ثمانا
ان بغينا حقنا منه استحينا
.................... من حيانا علموني وش بلانا
يا عسانا ما نزعل والدينا
....................ولا نزعل طارفتنا واقصرانا
ابتدينا والتهينا وانتهينا
..............وخط راع الكيد والله ما غوانا
شعر : صالح بن سعد بن سبيل
.................. لو يصيب اقصى جماعتنا عنانا
عندنا مثلك لسان ولو بغينا
.................كان حذّفنا على المخطي حصانا
ولو بغينا في المنبه ما درينا
.................. ولو بغينا حرف واحد ماعدانا
لكن انا من سوالفهم قضينا
...................... نحمد الله عن خطاياهم نهانا
من نشدنا نعتذر له في نسينا
..................... لو يحاول عام ما يظهر خفانا
من عرفنا ويش قصده ما عدينا
......................... ولوعدينا كان بيدنا عدانا
ياعنود الصيد في الماضي مضينا
.....................فالهوى عيا يسانع لك هوانا
في عيونك لو كتبنا ما قرينا
.................وان كتبنا الوجد هجراناك محانا
فيك ملح وفيك نور وفيك زينا
..................وفي طريقك حظنا الاقشر رمانا
من عيونك في عيونك وش غدينا
........................ ماتعادل ضيقتك منّا غلانا
وش عليك الله يعافيك انكوينا
.......................ماكواك اللي من الدنيا كوانا
لو نعاني ما نعاني ما شكينا
.....................من زمانٍ فالعجايب ما توانا
المخابي تشتكي سلطة يدينا
.................... زبدة الموضوع تاخذ ما ورانا
ان عطينا ماحكينا وش عطينا
................ وان عُطينا ما جحدنا اللي عطانا
من مقلبة المعاني وش علينا
....................حاشمينٍ عن معانيهم لحانا
كم هقينا فالاوادم ما لقينا
...................كود من عشره تعود في ثمانا
ان بغينا حقنا منه استحينا
.................... من حيانا علموني وش بلانا
يا عسانا ما نزعل والدينا
....................ولا نزعل طارفتنا واقصرانا
ابتدينا والتهينا وانتهينا
..............وخط راع الكيد والله ما غوانا
شعر : صالح بن سعد بن سبيل