رديــــه السبيعي والعتيبي

[بن عضي]

أليكم رديه بين الشاعرين فهد السبيعي(وحيد الجزيره)وفيصل بن غالب بن مطزان العتيبي ...تفضلواااااا

الشاعر:فهد السبيعي(وحيد الجزيره)


راكـــــــــبن فقـــــسار من مصنعه ماجا بلاش***مـــــــــايجيبه غير رجلن ثري مثل بوش
طــــــــالعن من معرضه والثمن قد سيق كاش***وأضمان اللي معه داخل الدرج مخشوش
لـــــــونه أبيض مثل بارق ظلامن في رشاش***والمـــــــراتب مخملن لونها يزها النقوش
ســــــــــــايقه لاركب فوقه ودق السلف شاش***مـــــثل قايد دوله وفاز في حرب الجيوش
راكــــــــــــــــبه ماقد جابه عند بيبان الوراش***ولابــــــــــعد شالوه للمنطقه فوق الونوش
ســــــايقه ماهـــوب يدرئ عن ارضن هشاش***لآًًنس البنــــزين ياطا الوعر كنه مخروش
وأن عطـــــــــــــاله مع تخاتيخ وديارن نشاش***مايـــــــــــداني رجل راعيه لبنصه تنوش
سايــــــــــــــــقه بالمرجله وافين ماهوب لاش***صافــــين قلبه من الغل ماهوب بمغشوش
منوة اللــــــــي ماخذن رخصته عقب المعاش***مـــــــــــــاليٍ مخباه والدرج مليان قروش

رديـــه الشاعر:فيصل بن غالب بن مطزان العتيبي

بـــــــــــــــــــــأسم من بارك مساريح الغباش***أبـــــــتدي نظم القوافي بأسم رب العروش
ومــــــــــرحبا بك يالسباعي عد وبل الرشاش***وعــد سيل لاحدر من قرنة الوادي يغوش
أنـــت ياعـــز الخوي وأنت من فالصدرجاش***وأنــــــت ياستر العذارى ويانسل الوحوش
اركــــــــــــــب اللي لاتحدر كما طلقة كلاش***ولا أعترضلك بنت شيخن تسلهم بالرموش
جيــــبن أبيــــــــض كن لونه جديدات القماش***وســــــــــالم من السمكره وأيضاًً الرشوش
ولافـــهقت الـــــــنير والارض العكـــــــــاش***داخـــــــــــلن ديره عتابه وطبيت الجموش
شـــــــــــــــــــــرفونا بالزياره وعدو للمعاش***أنتـــــــشرف كل من زارنا بوجهن بشوش
وخطـــــــــــــــــــــكم جـــــــانا ولافيها نقاش***وأســـــــــــتلم ردن نــــــــظمته فوق اوش

[شاعر متواضع]

صح السان الشاعرين وتسلم أناملك على النقل يابن عضي ولاهنت
نشوووووووووووفكم على خير

[طلاع الكريزي]

مشكور يابن عضى وفيه قصيده قالها الشاعر الكبير مرير الحبيل العتيبى فاالجيب وهي من ازين القصايد ورد علاه ابونيان الحربي مدرى عاد تعرفها والالا مار انصحك تسمعها وشكررررا

[وليد الزراقي]

تشكر على نقلها
تحياتي

[ابـن نـعـيـس]

تسلم يمناك وبيض الله وجهك


تحيااااااااااااااااااااااااااااااااتي

[فواز الشيباني]

يعطيك العافيه

وما قصرت
يا غالي

[تاج السلاطين]

ابن عضي

تسلم يمينك اخوي ع النقل الرائع..

وبيض الله وجهك لاعــدمــناك

وصح لسان السبيعي والعتيبي على تألقهم وابداعهم

[روق والسماء فوق]

صح لسان الشاعرين
وتسلم يالغالي ابن عضي

[بن عضي]

تسلمـــــــــــون على مروركم الكريم والطيب ومشكورين:)

[منصور بن فهيد]

يعطيك الف عافيه يابن عضي

على هالمشاركه الطيبه

بانتظار مشاركاتك القادمه بشوق

تحياتي وتقديري

[فيصل المسعودي]

تشكر على النقل


تقبل تحياتي