السنين العوج خلتني كسير

[فهد الحربي]

هذي قصيده للشاعر الكبير والغني عن التعريف

محمد بن سند الحربي ارجوا ان تنال على اعجابكم

مع التحيه لكم



السنيـن العـوج خلتنـي كسيـر=زادت جروحـي ولا حّنّـت عّلـي

كل ما اضرب درب انا دربي عسير=والله إليـا حـب عبـده يبتـلـي

أبتلاني يـوم انـا تّـوي صغيـر=في همـومً سقمهـا يّغلـي غّلـي

حرّها كّنـه مثـل نـار السعيـر=وجمرها في جوف قلبي يسطلـي

أصبحت عيني كما عين الضريـر=وأنعمت من دمـع ماليهـا مّلـي

يابشر حسو قسى الوقت المريـر=لا تزيـدون القسـى باالمبتـلـي

القسى في هالزمن سيفً شطيـر=والله أن له حّـد موجـع يّقتلـي

صابني حّده صوابـه لـي خطيـر=صابنـي لآ ماتمـكـن مّقتـلـي

كم حملت من العنى شلت الكثيـر=وكم دّعيـت الله بهمـي ينجلـي

ياعسـى ربـي يعّوضنـي بخيـر=وياعسـى يآمـر بخيـرً عاجلـي

يالله افرجها علي من حيث أسيـر=وأكفني من شر هالوقـت البلـي

ماأبتغيك المال لاأجل البس حريـر=ولا أطمح من المال رفّعة منزلـي

منزلي عالي ولو فرشـي حصيـر=والله العالـي وقـدري معتـلـي

يالله أنت أعلّم بحالـي والمصيـر=أبتغي رزقك عشان أكفي (هلـي )

مغتني يـارب لّـو كنـت الفقيـر=مغتني من طاعتك وأنـت الولـي





الشاعر محمد بن سند الحربي

[راعي الشعلا]

السنيـن العـوج خلتنـي كسيـر
زادت جروحـي ولا حّنّـت عّلـي

صح لسان الشاعر وتسلم يالحربي

قصيدة رائة جدا تصور الواقع لكثيير من الناس

[ابـن نـعـيـس]

صح لسانك ولسان الحربي

قصيده رائعه


تحيااااااااااااااااااااااااااااااااتي

[تركي الحربي]

هلا وغلا ياولد العم

وتسلم يمينك يالذيب وصح لسان الشاعر القدير محمد سند

ولاهنت وبيض الله وجهك

[طويل الذراع]

صح لسانك ولسان الحربي

تحياتي

[((الدلبحي))]

تسلم يمناك وصح السان الحربي

هل له قرابه بالمرحوم سبيل بن سند

تحياااااااااااااااااااااااااااااااااااتي

[فواز الشيباني]

صح لسانك ولسان الحربي

تحياتي