يرضيك اموت..............

[فيصل المسعودي]

فهد المفرج



انا ليـا جـت زلّـة ٍ مـن رفيقـي=
لو انها اكبر من جبل قاف وطويـق
جنبتهـا ماكنهـا فــي طريـقـي=
اصـد عنهـا ياالوجيـه المطاليـق
مانيب ادوّرهـا وازعّـل صديقـي=
درب السعه لابـارك الله فالضيـق
هذا هو الحـب الوفـي والحقيقـي=
ماهي سواليف ٍ على غيـر توثيـق
اغيـظ عدوانـي واشجـع فريقـي=
ولاضاق صدري قمت اجر الطواريق
ولاشتدّت الازمات مايبـس ريقـي=
ولانيب متعنّز على يابـس الريـق
ارتاح بعض ايـام وايـام اضيقـي=
وذي عادة الدنيـا ولافيـه تبريـق
والله من جـرح ٍ بقلبـي عميقـي=
مخفيه مابيـن الحشـا والمعاليـق
علـى عشيـر ٍ منزلـه باالعقيقـي=
ياخوفتي وان غيّـروه العشاشيـق
وان قلت ابصبر عنه والله مااطيقي=
حبـه ذبحنـي والمحبـه توافيـق
يامحمد افزع لـي ترانـي غريقـي=
يرضيك اموت وينتهي كل تحقيـق

[((الدلبحي))]

صح السانك والسان فهد المفرج

تحياااااااااااااااااااااتي

[مرزوق حمدان العتيبي]

..
اشكرك على حسن اختيارك ...
وصح لسان المفرج .
.....

[روقي الجمش]

السلام عيكم ورحمة الله وبركاته .
أخي / فيصل المسعودي .
صــــح لسانك ولسان فهد المفرج . وأختيار موفق .
لك مني كل الحب والتقدير .

والســـــــــــلام ،،،

تقبـــــــــلوا تحيـــــــات / روقي الجمش .

[الوليد العتيبي]

أخي / فيصل المسعودي

يعطيك العافيه يالغالي

[طويل الذراع]

صح لسانك ولسان الشاعر

والله يعطيك العافيه

تحياتي

[وليد الزراقي]

لا ما يرضيني ههههه
تشكر على نقلها
تحياتي

[ابـن نـعـيـس]

تسلم يمناك يالغالي

وصح لسان فهد

تحيااااااااااااااااااااااااااااااااتي