انت وين أنت رايح يابعيد الهقاوي

[الطوفان]

انـت ويـن أنـت رايح يابعيد الهقاوي***يابعـيد الهقاوي والديــار البـعيده

انت ماأنته حليف ولا خوين مخاوي***الله أكبر عليكم يالجنون المريده

[أبو مرحبا]

يسلاااااااااااااام علاااااااااااك ياطوفان

ننتظر بعيد الهقاوي

[مرزوق حمدان العتيبي]

...
.

ياسلام علاك يالطوفان...
ابداع معهود منك ... وننتظر بيعد الهقاوي ..
..

[بعيـد الهقاوي]

انـت ويـن أنـت رايح يابعيد الهقاوي***يابعـيد الهقاوي والديــار البـعيده

انت ماأنته حليف ولا خوين مخاوي***الله أكبر عليكم يالجنون المريده



قد قطعنا الديار اللي بها الذيب عاوي=ريض(ن) يالمطاري والليالي مديده

كيف أخاوي مطاري عقب قول الخلاوي=رحلة(ن) تجمع المطران ماهي سعيده

[الصبر جميل]

انـت ويـن أنـت رايح يابعيد الهقاوي***يابعـيد الهقاوي والديــار البـعيده

انت ماأنته حليف ولا خوين مخاوي***الله أكبر عليكم يالجنون المريدهجيتك يا الطوفان ونت اتعرفني زين واتم المعرفه

[بعيـد الهقاوي]

مرزوق العتيبي & قحص

حياكم نوتوا الصفحه

[الصبر جميل]

.................................................. ..........
......................

وينك رايح يالاخو ؟؟
المحاوره قائمه بين شاعرين وانت خلك فالمدرج
وتفرج ..
واسلوبك ماهوب غريب علي
انــــــــــــــذار .

[الطوفان]

أنت ماانته بسالم من ضروب النداوي***من يدين السبور ومن يدين القعيده

قالها واحد مجنـــــون دايـــــم جلاوي***ذاه لن قالـــها لوان ماهي بااكيـــده

[الطوفان]

حياك الله اخوي الصبر جميل

ولكن مايصير شاعرين ضد شاعر . لك مني فائق التحيه

[بعيـد الهقاوي]

وانت تبشر بشلفا مثل شلفا العطاوي=يوم كل(ن) يماري بالسيوف الحديده

قالها بالوفا والصدق ماهوب غاوي=وأشهدوله جميع الناس وأنا شهيده

[الطوفان]

هب ياكبرهــا ياعبرهــا يالهاواوي***من سمع كلمتك يقول وش هالوليده

ابلشونا هل التزوير وأهل الرشاوي***ماشهدله ياكود أهل القلوب البليده

[الطوفان]

قحص
،
،
مرزوق العتيبي
،
،
شكرا لكم على مروركم . دمتم بخير

[بعيـد الهقاوي]

آه وا راسك اللي تالي الوقت خاوي=منت قادر تمشيها على ماتريده

المطاري جحدها يوم طاح متساوي=مير والله وأمانه ماتفيد الجحيده

[الطوفان]

انت من حر قلبك صارقلبك شـقاوي****والهواء قام يلعبــه ســـوات الجــريده

يابعيـدالـهقاوي خل عنك الدعاوي*** قبل نكشف حساب البنك وأكشف رصيدة

[مرزوق حمدان العتيبي]

معجب ومتابع ... ياحضرات الشعراء :)
واصلوا ...
ولكم منّا التواصل والتشجيع ..

|165| |165| |165| |165| |165| |165|

|196|

[مرزوق حمدان العتيبي]

انت من حر قلبك صار قلبك شــــقاوي

الظاهر انك نسيت كلمه يالطوفان..
.
الله الله ....

[بعيـد الهقاوي]

وصلك الذيب يارع الغنم يالشواوي=مير ابا منك خدمه لا تمد الزهيده

أكشفه يالمطاري وأخذ نجم(ن) سماوي=وأنت بيتك قزاز ولا يذريك حيده

[الطوفان]

يطرح الذيب ماس(ن) يضربه فالكلاوي***ماتجي من طرفنا الا العلوم السديده

انت اشوفك بعد حماك كنك أمشاوي*** كان ماطاب يضرب باأبرة(ن) في وريده

[بعيـد الهقاوي]

يطرح الذيب ماس(ن) يضربه فالكلاوي***ماتجي من طرفنا الا العلوم السديده



كفو يالطوفان

تشرفت باللعب معك

والى لقاء قريب آخر

أخوك/بعيد الهقاوي

[الطوفان]

يعطيك العافيه يابعيد الهقاوي
والنعم والله بك وبربعك . وطالبينك السموحه
ولك خالص التحيه

[مرزوق حمدان العتيبي]

...
.

صحت السنتكم ....
وبيض الله وجوهكم ... ابدعتم ولا قصرتم ....
...

[بعيـد الهقاوي]

يعطيك العافيه يابعيد الهقاوي
والنعم والله بك وبربعك . وطالبينك السموحه
ولك خالص التحيه


ماعليك زود يالطوفان

وأنت أعلومك كلها غانمه

والمحاوره مافيها ينتهي بعدها

أخوك/بعيد

[بعيـد الهقاوي]

...
.

صحت السنتكم ....
وبيض الله وجوهكم ... ابدعتم ولا قصرتم ....
...


وجهك ابيض يابو محمد

لا هنت على المتابعه

[الطوفان]

مشكور اخوى بعيد الهقاوي
،
،
الاخ مرزوق العتيبي
الشكر والعرفان موصول لك ياأبو محمد وبيض الله وجهك انت
ومشكور على دعمك الدائم للشعراء . حفظكم الله

[شاعر روق]

الاخوه والشعار

الطوفان وبعيد الهقاوي


بيض الله وجيكم ماقصرتوا طاروق ممتع ورائع

من شاعرين رائعين بلا شك

محبتي وتقديري لكما

[بعيـد الهقاوي]

الاخوه والشعار

الطوفان وبعيد الهقاوي


بيض الله وجيكم ماقصرتوا طاروق ممتع ورائع

من شاعرين رائعين بلا شك

محبتي وتقديري لكما


الرائع ياشاعر روق حظورك

ومتابعتك

اخوك/بعيد الهقاوي

[ذياب]

وصلك الذيب يارع الغنم يالشواوي=مير ابا منك خدمه لا تمد الزهيده

أكشفه يالمطاري وأخذ نجم(ن) سماوي=وأنت بيتك قزاز ولا يذريك حيده




الطوفان سنة كم صار مطاري

خخخخخخخخخخخخ

[$ الوافي $]

وانت تبشر بشلفا مثل شلفا العطاوي=يوم كل(ن) يماري بالسيوف الحديده

قالها بالوفا والصدق ماهوب غاوي=وأشهدوله جميع الناس وأنا شهيده

الصراااااااااحه اعجبتني بالحيل ( وأثركم منتم بهينين ) ومشكوريييييين |194|

أخوووووكم $ الوافي $

[يوسف السيحاني]

صح لسانك يا الطوفان


صح لسانك يا بعيد الهقاوي

[أبو نجر النفيعي]

صح السنتكم

واسمحوووولي على التاخير

ولاكن محااوره رائعه

بلا شك

الطوفان + بعيد الهقاوي

لاهنتو


تقديري

[الطوفان]

الطوفان سنة كم صار مطاري

خخخخخخخخخخخخ




ههههههههههههههههههههههههههههههههه


سنه نزع الوسام

تحياتي

[ذياب]

ههههههههههههههههههههههههههههههههه


سنه نزع الوسام

تحياتي


خخخخخخخخخخخخخخ

اي والله يالطوفان خسرنا $2000000 $ ريال ودينا ودنيانا

هههههههههههههههههه