هكذا الناس والدنيا هذا حالها(يامرزوق)!!

[كبتن عتيبه]

|165| |165| |165| |165| |165| |165| |165|

|194| |165| |165|

مساكم الله بالخير أجمعين....



يامساء الخير واللّي من وراء الخير خير=يارجالً على الميعاد جينا لها

الليالي رحى فوق العرب تستدير=هكذا الناس والدنيا هذا حالها!!

[علي الثبيتي]

ارحب ياكبتن مناحي وحياك الله
ومساك الله بالنور والعلم الزين
وسلامة الاسفار والحمدلله على السلامه
وصح لسانك ياكبتن وبنتظار مرزوق
متابعين متابعين

[مرزوق حمدان العتيبي]

...
.
ارحب ...


يامساء النور واللي قدر الله يصير = من ضمير العتيبي قالها قالها
انت وين انت غايب ؟غبت عنا كثير !!= شوفتك من بعد غيبه فرح نالها

[كبتن عتيبه]

طيب ..طيب


طير ياطير وأن هبّ الهوى لاتطير=الهبايب بعضها الموت يبرالها

كان ماتدّور الشعار ..وأنت المدير=خلّ إدارتك فال الله ولا فالها

[كبتن عتيبه]

الله يبقيك يالنشمي ويسلمك ويعافيك

مرورك وحضورك هنا شرف لنا

شكراً على حسن المتابعه

[مرزوق حمدان العتيبي]

طيب
..
طيب
..


انت وش فيك دايم في كلامك مثير = ياستر الله على غترتك واعقالها
كل شاعر كبير إله المقام الكبير = قبل مخراجها وش لون مدخالها

[مرزوق حمدان العتيبي]

..
.

مرحبا تراحيب الحيا يالنشمي
..
تشرفنا ..
بوجودك .
..

[الايداء1]

,
,
الله
الله
صحت السنتكم يالشعار


الكابتن مناحي
يامساء الخير واللّي من وراء الخير خير=يارجـالً علـى الميعـاد جينـا لـهـا

الليالي رحـى فـوق العـرب تستديـر=هكـذا النـاس والدنيـا هـذا حالهـا!!

,
,
أبو محمد


يامساء النور واللي قـدر الله يصيـر=مـن ضميـر العتيبـي قالهـا قالهـا
انت وين انت غايب ؟غبت عنا كثير !!=شوفتك من بعـد غيبـه فـرح نالهـا

,
متابعين وبقوه ,,

[الشمالي الغربي]

العملاقين


الكبتن ومرزوق


صحة السنتكم ولاهننننننتوا



متابع





كل الود والتقدير

[كبتن عتيبه]

اسف على التاخير..يامرزوق


اكبر الاوديه واد الرشاء والجرير=جعلها بالمزون ان خيّل خيالها

بثها ياطويل العمر عبر الاثير=كان واليا القناه مبرمج أرسالها

[كبتن عتيبه]

الايداء

الشمالي

هلا بالغالين

[مرزوق حمدان العتيبي]

..
ابد ابد اخذ راحتك ..



اطول اجبالها اجبال السراه وعسير = الله اللي بسطها ووجد اجبالها
خلها تنطلق والماد ماهو قصير = كل عقده ترى صاحبك حلالها

[مرزوق حمدان العتيبي]

...
.
ابو تركي

ابو خالد ...
لنا الشرف ان نحظى بمتابعتكم الغاليه ..
...

[كبتن عتيبه]

كل ماقلت كبف اوضاعكم؟ ..قلت غير=واثر الاوضاع يامرزوق يرثى لها

كل يومين وانت مضوّي الك بعير=مير سنع جمالك وانت جمّالها

[مرزوق حمدان العتيبي]

الله الله

البساط احمدي قدم الغني والفقير = من بسط سفرته للناس حيّالها
وانت يومك مرشّح بالسفاره سفير = ماكربت الحزام وقلت حنّالها

[كبتن عتيبه]

نعم..نعم

انت ياصاحبي مرزوق وضعك خطير=تبسط السفره وبعدين تشتالها

ماتذّرى بقومً ماتخيل الصفير=دام عندي بيوت العز وظلالها

[((الدلبحي))]

صحت السنتكم يالشعار


متابع لكم

[مرزوق حمدان العتيبي]

تدعي وانت ماتعلم خفايا الضمير = البضاعه خبرها عند دلالها
كان هذا مردّك جعل خيرك وفير = ماغبطناك فالدلّه وفنجالها

[مرزوق حمدان العتيبي]

...
.
ابو حمود مرحبا الف ....
والغلا صلف :)
..
تشرفنا

[كبتن عتيبه]

لا والله الا سرى الليل...

طيب..طيب


ليلة العيد قالوا بيّنه من عصير=مير ماتنتؤكّد غير بهلالها

وفيه إجابه بسيطه للسؤال الكبير=الكحيله تعرف عيون خيّالها

[كبتن عتيبه]

الدلبحي

ارحب يالذيب

[مرزوق حمدان العتيبي]

من توكل على الله مايهمّه عسير = كل حمله ليامنّه برك شالها
والكحيله ليا شفتك علاها مغير = معي سيف ٍ يقصّك ويتحمّالها

[كبتن عتيبه]

طيب..طيب


كثروا اللي يبون البنت وانت الاخير=وانت ابن عمّها مدري ولد خالها

وكان رمحك عطيب وكان سيفك شطير=لاتصْل العشاء غير أنت رجالها

[مرزوق حمدان العتيبي]

...

اهب اهب

|191|


ماوردت العدود ومعي حبل ٍ قصير = لو تطول العدود اروى على جالها
انت لاتحسب انك صرت فيها خبير= اعرف البنت ماتطري على بالها

[كبتن عتيبه]

الله..الله




انت بالحبل تارد فوق عدن غزير=مير قبلك رجال تورّد حبالها

الفرزدق ماهو في حاجتك ياجرير=لو عطوك الهنوف تحطّم أمالها

[مرزوق حمدان العتيبي]

....
.

الله الله
هاستلم وصح لسانك ... يامبدع ..


ان بغيت الهنوف اقدام رجلي تسير = ولوّها بالجبال السود نرقالها
وانت ريّح تراني ما اتخذتك شوير = كل لحيه ننزلها بمنزالها

[أبو الوليد]

هذا في المنتدى والا في الميدان

والله يالربع كنكم في الملعبة

ماشاء الله عليكم .. كيف لو الصفوف معكم

محاورة قوية بمعنى الكلمة

يعطيكم العافية ..

[مرزوق حمدان العتيبي]

...
.
الاستاذ ابو الوليد ...
كلماتك اضاءت الصفحه وعطرتها
شكرا لك على اطرءك العذب وحضورك الباهي ..
...

[فواز الشيباني]

بيض الله وجيهكم

محاوره رائعه ومعاني قويه

الله يعطيكم العافيه

[كبتن عتيبه]

طيب..طيب


صيتها فوق ضلع وسرّها جوف بير=وانت ماتحتريك ولا تحرّى لها

كيف تبغى الاماره وانت مانته بامير؟=دون ابوابها مقفوله أقفالها

[كبتن عتيبه]

الوليد

فواز الشيباني


ارحبوووا

يالغالين

[الفراهيدي]

كل ماقلت كبف اوضاعكم؟ ..قلت غير=واثر الاوضاع يامرزوق يرثى لها

كل يومين وانت مضوّي الك بعير=مير سنع جمالك وانت جمّالها

|200| |200| |200|

ــــــــــــــــــــــــــــــــــــــــــــــــــ ـ


صح لسانك يامناحي

وصح لسانك يامرزوق

تحيااااااااااااتي

[مرزوق حمدان العتيبي]

بين لفح السموم ولسعة الزمهرير = من تعب في دروب المرجله نالها
ما يحقر الاوادم غير رجل ٍ حقير = هيّنه هيّنه بلحيل وانا لها

[مرزوق حمدان العتيبي]

..
.

فواز الشيباني
حياك الله ومشكور على تواجدك ..

[مرزوق حمدان العتيبي]

...
.
صح بدنك يالفراهيدي
وسعدنا بحضورك
..

[فهيد مقعد الرويس]

الله الله

تحيه طيبه للكبتن المبدع

تحيه طيبه للمدير المتميز

صحة السنتكم ياشعار

كل الود والتقدير

[مرزوق حمدان العتيبي]

..
.
وتحيه وافيه .. لشخصك
يالمبتدي .. تشرفنا بمرورك المحبب...
...

[كبتن عتيبه]

اشكر الجميع على التصفح والمرور

مرزوق الى اللقاء في محاورة

آخرى

[الايداء1]

,
,

تسلم

يامناحي أنت وأبو
محمد أمتعتونا بأبداعكم ,,,

[مرزوق حمدان العتيبي]

اشكر الجميع على التصفح والمرور

مرزوق الى اللقاء في محاورة

آخرى

...
الى اللقاء ياسي كبتن
والموعد قريب باذن الله
..
تحياتي

[مرزوق حمدان العتيبي]

,
,

تسلم

يامناحي أنت وأبو
محمد أمتعتونا بأبداعكم ,,,
...
من قال يسلم يابو تركي
واكتمل الابداع بوجودك.
...
تحياتي