ربي شنبكي ( يا بنت ) ................

[فيصل المسعودي]

عبد الرحمن عيد







أكتب ودمعـي فـوق الاوراق سكـاب =
ياعيـن مايستاهلـك مــن سكبـكـي


لاطاحت (ا )دموعك على الحبر وإنساب =
كن الـورق يبكـي معـي يـوم ٍ أبكـي


من دمعتك ياعين حستـي لنـا كتـاب =
بعض الورق مـن حْـر مابـه شربكـي


شيبت ياعينـي و أنـا تونـي شـاب =
ياليـت دمعـك مانـزل مـن جعبـكـي


ياعيـن همـي لوبكيتـيـه مـاطـاب =
ولوطاحت (ا)رموشـك وشيـب هدبكـي


ويانـار قلبـي لوحشـى جوفنـا ذاب =
الهـم بـاقـي لوضلـوعـي حطبـكـي


فوحك يخلـي دمـع الاجفـان صبـاب =
وصابـر عشـان الله علينـا كتبـكـي


مابـرّدت فوحـك ملاقـات الاحـبـاب =
وراعـيـك والله لــو درا ماقربـكـي


لاكـان خفـي يـوم راحـن الاسبـاب =
مـالـك لــزومٍ دام ولّــى سببـكـي


بنتٍ قمرها عـن سمـاء ليلنـا غـاب =
قلنـا لـهـا يابـنـت ردّي عربـكـي


صكت سواتـك بيننـا كـل الابـواب =
ياليتـنـي أدري وش الـلـي قلبـكـي


ياليت كذبك كان مـع شخـص كـذاب =
ماهـو مـع اللـي لحـظـةٍ ماكذبـكـي


أنتِ كذا.. ؟ وربعك عريقين الانسـاب =
وشلون صرتي لـو هفابـك نسبكـي !


ويابنت والله لو علـى قطـع الارقـاب =
ما صيـر خبـلٍ تحـت شـارة طلبكـي


أنـا عزيـزٍ مـا أبـي درب الاذنـاب =
اللـي رويتيهـم خنـا مــن قربْـكـي


ويابنت لأحرزتـي طويليـن الأشنـاب =
نحلـق شواربـنـا وربــي شنبـكـي

[الوليد العتيبي]

بنتٍ قمرها عـن سمـاء ليلنـا غـاب =قلنـا لـهـا يابـنـت ردّي عربـكـي

صح لسان الشاعر
وتسلم يمينك ياغالي

[((الدلبحي))]

فيصل

تسلم يمناك على الاختيار الرائع والجزل

صح السانك والسان شاعرها

تحياااااااااااااااااااااااااااااتي

[عبدالله العريدي]

فيصل المسعودي

صح السانك على القصيدة الرائعه

لاهنت

ابو خالد الروقي

[ابـن نـعـيـس]

أنـا عزيـزٍ مـا أبـي درب الاذنـاب =اللـي رويتيهـم خنـا مــن قربْـكـي


ويابنت لأحرزتـي طويليـن الأشنـاب =نحلـق شواربـنـا وربــي شنبـكـي


لاهنت يالذيب

اختيار رائع كالعاده

تحيااااااااااااااااااااااااااااااااااتي

[مرزوق حمدان العتيبي]

...
.
اختيار موفق .
..
والله يعطيك العافيه يافيصل ..
...

[فواز الشيباني]

اخي فيصل
تسلم يمناك على الاختيار الرائع والجزل

صح السانك والسان شاعرها