نزول نسبه والمؤشر احمر .

[مرزوق حمدان العتيبي]

http://www.alriyadh.com/2006/03/02/img/023082.jpg


ياسلام الله على (مكـه) و(طيبـه) و(الجماعـي*****(عد وبـلٍ هلـت مزونـه وأنـا عينـي تخيلـه


مرحبا (بالكهرب) إللي فـز مـن مرقـده واعـي*****شال حملٍ فوق حملـه واضحـت حمولـه ثقيلـه



وش نرقع في ( الغذائي) صارت شقوقه وساعـي*****شف (لجين) اليوم شارد .. رافـعٍ بيـده شليلـه



ماذبحني ياجماعه غير( صـدقٍ) و)الصناعـي***** (و(الزراعي) مانفعنـي صـار طعمـه حنضليلـه



و( المواشي) في الصحاري تايهه من غير راعي*****يا عسـى ربـك يسهـل للمؤشـر مـن يشيلـه



المؤشـر لانـزل ياخـوي يكسـر لـي ذراعـي*****والنسـب يومـن توالـت زادت الحمـى مليلـه



حسبي الله ياجماعـه راح مجهـودي وضاعـي*****كل ما أملك راح لحظة مابقى .. غيـر الفشيلـه



ليت من هو قبل مده ( صفـا (محفظتـه وباعـي*****كانا أنا سالم .. وغانم .. ماغـدت نفسـي عليلـه



والتشكـي .. والتبكـي .. عـارفٍ مافيـه داعـي*****ليه انا امشي في الغـداري مامعـي فيهـا دليلـه



مالقينـا مـن يجـاوب مالقينـا مـن يـراعـي*****ضاعت الطاسه وكلٍ ماعـرف مـن هـو قبيلـه



ماسمعنا اللي يصوت مـا سمعنـا اللـي يداعـي*****مالقينـا فـي زمنـا فـارسٍ زبــن دخيـلـه



ياكثـر مـن راح فيهـا علقـت هـم بالكراعـي*****وكل شخصٍ طاح فيها مالقى إللـي يرتكـي لـه



لاتعجـل فـي أمـورك لاتجيـهـا بإندفـاعـي*****التأكـد .. والتركـد .. مامثلهـا مــن وسيـلـه



والمصيبـه كـان حلـت مـا يغطيهـا قنـاعـي*****ول ياحـظ التعاسـه .. دنيتـي دايـم بخيـلـه!!


منقوله .......

[((الدلبحي))]

تسلم يمناك يامرزوق على النقل الموفق

وسوق الاسهم اشبه بالسحر احد خسران واحد رابح

تحيااااااااااااااااااااااااااااااتي

[مرزوق حمدان العتيبي]

...
.
هلا وغلا يابو حمود ..
تشكراتي لك على حضورك الباهي .
...
والمؤشر هالايام خلا الاخلاق تعبانه :)
لاهنت .
...

[يوسف عبيد]

صح لسانك يا مرزوق على النقل المتميز والقصيدة الرائعه
والله يعين اصحاب الاسهم

[مشاري النفيعي]

تسلم
يامرزوق العتيبي

[مرزوق حمدان العتيبي]

...
.
مرحبا يايوسف ..
تسلم على حضورك ودعوتك الطيّبه .
...

[خلف بن مرزوق]

ياكثـر مـن راح فيهـا علقـت هـم بالكراعـي*****وكل شخصٍ طاح فيها مالقى إللـي يرتكـي لـه


هههه


رااااااااااااائعة يبو محمد

بس لاتكون من اللي علقتهم بالكراعي:)

تسلم يمينك على المنقول


احترااامي

[فيصل المسعودي]

صح لسان قايلها مرزوق


وانت جبت هالقصيده في وقتها


اهل الاسهم هاليومين عسا ربي يستر عليهم


الاخلاق زفت وتعبانه


تشكر اخوي


تقبل تحياتي

[مرزوق حمدان العتيبي]

...
.

الله يسلمك
..
يامشاري النفيعي .
...

[مرزوق حمدان العتيبي]

..
.

هلا ياخلف..
هههههههه
الا والله متعلق بكل جههه :)
..
الف شكر ياغالي..
على تواجدك ..
.
اخوك ...

[مرزوق حمدان العتيبي]

..
.
مرحبا يافيصل المسعودي.
..
والله انك صادق ..
الاخلاق بقرش والله انهم مايلامون..
كان الله في عونهم .
..
تحياتي

[الوليد العتيبي]

تسلم يمينك يابومحمد

[فواز الشيباني]

تسلم يمناك يامرزوق

على النقل الموفق

الله يعطينا كره الاسهم مافيها فايده الى وجع الراس والخساره

[مرزوق حمدان العتيبي]

..
.

هلا بالوليد .
شرفت ولك كل التقدير ..
..

[مرزوق حمدان العتيبي]

تسلم يمناك يامرزوق

على النقل الموفق

الله يعطينا كره الاسهم مافيها فايده الى وجع الراس والخساره

ههههه
لا لا يابو طلال ..
ياما ناس طبوا فيها ودبلوا..
بس حنا يالبدو حظنا ماش :(
.
كل الشكر على حضورك .
...