مــــــــــــــــــــع اللـــــــــه

[علي القحطاني]

عد هل السحاب اللي بروقه تنوض = يا سلامي على الساحه وفرسانها

ما يجي البحر غيراللي لموجه يخوض = و لايقود السفينه غير ربانها

[مرزوق حمدان العتيبي]

عد هل السحاب اللي بروقه تنوض = يا سلامي على الساحه وفرسانها

ما يجي البحر غيراللي لموجه يخوض = و لايقود السفينه غير ربانها


عد من حـــج بيت الله وصلّى الفروض
--------- مرحــــــــــــبا ردة ٍ ... ما اختل ميزانها
حضنا فالمواقف من كبــار الحضوض
--------- والعلوم الجزيله..... شانـــــــنا شانها

[تركي البرّاق]

السلام عليكم ورحمة الله وبركاته


ااااااالله اااااااالله

ازهلوواااااا الصفوف يارياجيل

متاااااابعين لكم



تحياتي

[الشمالي الغربي]

الله الله الله


علي القحطاني


مرزوق العتيبي


صحة السنتكم ولاهننننتوا


متاااابع



كل الود والتقدير

[ماجد الهذلي]

علي القحطاني

مرزوق العتيبي

متابعينكم غلي النهايه

محاورة من بدايتها تنبئ بالتحدي

تحياااتي

[((الدلبحي))]

صحة السنتكم ولاهنتوا

واصلوا وعلى القوه

ترى الصفوف والمه


تحيااااااااااااااااااااااااااااااااتي

[علي القحطاني]

البقا وانت شاعر تستحق النهوض = ولا تقوم البيوت الا بعمدانها

بين لطم الصقور وبين قرص البعوض = كيف قلي تميز بين جنحانها

[علي القحطاني]

الاخوان الافاضل اشكركم كل الشكر وجعلكم تسلمون ولا تصيرون كلكم في صف مرزوق على شانه المراقب على الاقل اثنين يمسكون الصف

[مرزوق حمدان العتيبي]

...

مروي الشطير
&

الشمالي الغربي
$

ماجد الهذلي


*
الدلبحي .

الف شكر لكم على تواجدكم
فالصفحه لا تنوّر الا بحروفكم.

..
كل الود ...

[مرزوق حمدان العتيبي]

الله الله

كل ماشفت برق ٍ بالسحايب ينــوض
---------- قلت جعل الديار اتسيل وديانها

لوعقدت الحبال ايهون فيها النقوض
----------- ياعلي عانــــــها قدامكم عانها

[ابـن نـعـيـس]

صح السنتكم


ابداع لايوصف

واصلوووووووووووووووووو

[علي القحطاني]

الحكايه صريحه ما عليها غموض = ما تغرك كتابتها وعنوانها

الظما لا يضرك والصميل مخضوض = خيمة البدو قدمك فك بيبانها

[مرزوق حمدان العتيبي]

انت تاجر وتفرح لا لقيت العـــروض
---------- ودك اتشيلها من وسط دكانها

نارد الجم ون لحق الطلب مانجوض
---------- ننطــــح القوم ونمثل بشجعانها

[مرزوق حمدان العتيبي]

..
.
الابداع هو تواجدك.
يابن نعيس ..

تحياتي.
..

[علي القحطاني]

هيـــــــــــــــــــــــــــــــــــــه:

انت كبدك عليها يالعتيبي حموض = لين تحرقك شعلتها و دخانها

ابك حنا نوردها على كل حوض = والجماجم نوطيها لكرعانها

[علي القحطاني]

مرحبا بك ومسهلا في محلك يبن نعيس واشادتك لها وزنها طال عمرك

[مرزوق حمدان العتيبي]

اسسسسسسمع ...

انت كيّتك منجضها العتيبي نجوض
---------- والله اني مالوم الناس فا احزانها


جعل ربك على هاك الخساير يعوض
------------ اكبر مصــــيبة العربان فا وطانها

[علي القحطاني]

خلـــــــــــــــــــــــــوها:


لي تحلمت فينا قمت كنك معضوض = وقعنا في عيونك بين حجانها


اعتزينا وعرضنا عليكم عروض = وعودت خيلكم عروٍ لمرحانها

[مرزوق حمدان العتيبي]

خلوووووووووو ها...

لا تحلمت فيكم جيتك اركض ركوض
------------- بالسيوف الحــــــداد وبأم تيجانها

تجحد الحق يوم انك قلبيبك مروض
-------------- رح لقحطان ..... وانشد كل شيبانها

[علي القحطاني]

انتبه يوم تركض لا يجيلك رضوض = خلف ربعك بعد مدّت بسيقانها

اعتبر من سلم منكم سعيد محضوض = عاش لو كان نفسه زادت جنانها

[مرزوق حمدان العتيبي]

:)
ضحكتني رضوض الله يرجك ... يا مبدع ..

انت قدمي جوادك بالمطارد ربوض
--------- بعد ما اعقر جوادك تفطس اوزانها

جاكم اللي نفضكم يالحبابي نفوض
---------- نفضة ٍ فيك كل ّ ٍ شاف برهـــانها

[محمد العتيبي]

الله اكبر

ابداع رائع من شعراء اروع ...

[مرزوق حمدان العتيبي]

...
.
مرحبا يابو متعب ..
تو ما نورت الصفحه .

تحياتي

[علي القحطاني]

الله الله:

عقب ما جابكم حر و لهيب القيوض = جيت فازع بهل رنيه و جيرانها

شيب راسك جنايزكم ملت كل روض = والسباع الضواري شبع جيعانها

[مرزوق حمدان العتيبي]

ماهرجت الحقيقه باللسان اللموض
--------- ليه تكذب على عتيبه وشيخانها

احمد الله وخـــــلك فالمكان محفوض
............. عاشت المملكه وتعيش سكانها

..


الاخ العزيز علي القحطاني
صح لسانك سعدت باللعب معك ....
والى لقاء اخر ..
.اخوك ....

[علي القحطاني]

على راسي والله يابو محمد ولا هنت على كل حال والله يبيض وجهك ويصح لسانك


تحياتي للجميع

[الايداء1]

,
,

عمالقة الشعر

وأساتذة المعنى

متابعين لكم بكل شغف ,,,

[مرزوق حمدان العتيبي]

,
,

عمالقة الشعر

وأساتذة المعنى

متابعين لكم بكل شغف ,,,

الحمدلله على السلامه يابو تركي.
...
ومتابعتك شرف ..