-- لايقرب الا شاعر متمكن وكفو---

[محمدابوشهاب]

السلام عليكم ورحمة الله وبركاته

طاروق
لايقبل القسمه على ثنين

----------------
ابتدا الليل ياشعار والليل ليل ===== كل واحد يحمدالله ويمسك ترابه


لايجيني ضعيف ولا يجيني ذليل === لايجي غير من ياقف ويحسب حسابه

[سيــف المعانـي]

كل شعراء منتدى الهيلا كفو ان شاء الله

وفي الانتظار :)

[محمدابوشهاب]

كل شعراء منتدى الهيلا كفو ان شاء الله

وفي الانتظار :)



يستاهلون


وانا قلتها

من باب الحرص لاغير


وماقصدت احد

لاهنت

عالمرور

[مرزوق حمدان العتيبي]

...

وعليكم السلام ورحمة الله وبركاته
..
.
يابن راشد علامك غاديٍّ لك عويل
---------- جايب ٍ كل ماعندك ورابط عصابه

منتدى كل شهــم وصانع المستحيل
---------- ماذكر به عتيــبي غير ربّه يهابه

[محمدابوشهاب]

كفو

تحريبها وقدها


اررحب
--------
[جيت من وين ياللي مانبي لك بديل = خل عنك السوالف واسر مسرى الذيابه
ليت بعض الكتابه تنمسح بالمزيل = غير ماعاد لي حيله بذيك الكتابه

[مرزوق حمدان العتيبي]

...
.

ماعليك زود
واستلم ..

.
حاضر بمــاتريده وانتــــــبه يالزميل
-------- دربك اللي مشيته يتعب اللي مشابه

غمّض العين عن راع الكلام الهزيل
-------- واختر اللي يجمّل حكيه اللي حكابه

[محمدابوشهاب]

تحسب اني على فالي وعابر سبيل = امسك السيف زين وجوده مع نصابه
انت تعبان ولا صرت مافيك حيل = ليت مرزوق يرجع خلف لول شبابه

[مرزوق حمدان العتيبي]

ماسك السيف من فوق الحصان الاصيل
---------- يكــــــفي اني عتيبي من ســـــلالة عتابه

وانت اشوفك تســولف مير مامن حصيل
---------- وان تغيّرت ....في نيّتـــــك مابه غرابه

[((الدلبحي))]

الله الله واصلوا وعلى القوه


تحيااااااااااااااااااااااااااااااتي

[ابـن نـعـيـس]

صح السنتكم

رائع يابو محمد ولايهووون اليامي

وواصلوووووووووو

[الايداء1]

,
,
صحت السنتكم

ياشيوخ الشعار وش هالابداع

ترانا مستمتعين

[الوليد العتيبي]

ماسك السيف من فوق الحصان الاصيل
---------- يكــــــفي اني عتيبي من ســـــلالة عتابه


كفو يابومحمد
نوخ البعير

[محمدابوشهاب]

ماسك السيف وحصانك غداله صهيل = احمدالله وانا من خير عزوه ولابه
لاتقول الكلام الا محضر دليل = خل نهجك على نهج النبي والصحابه

[محمدابوشهاب]

الدلبجي


ارحب


مرورك


ومتابعتك


شرف

[محمدابوشهاب]

ابن نعيس

ولاتصغر

ولاهنت

متابعتك

تزيد

[محمدابوشهاب]

,
,
صحت السنتكم

ياشيوخ الشعار وش هالابداع

ترانا مستمتعين


هلا

هلا


ماعليك زود


ويعلم الله

اني استانس


اذا شفتك موجود


لاهنت

[محمدابوشهاب]

ماسك السيف من فوق الحصان الاصيل
---------- يكــــــفي اني عتيبي من ســـــلالة عتابه


كفو يابومحمد
نوخ البعير


شكرا

على

المرور

[قلب عتيبه]

لااهنت يامرزوق ياولد العم قالها المورقي لو الشعر له جنسيه جنسيته عتيبي

[مرزوق حمدان العتيبي]

ماسك السيف وحصانك غداله صهيل = احمدالله وانا من خير عزوه ولابه
لاتقول الكلام الا محضر دليل = خل نهجك على نهج النبي والصحابه
...........................


ابك انا كيف ابقنع قلبك اللي هبيل = والدليل اشتهر بالكون كل ٍ درابه
هدي سنّة محمد نهجنا مانميل = يوم بعض عنها سريع انقلابه

[مرزوق حمدان العتيبي]

..
.
الاخوان..
الدلبحي
ابن نعيس
....
نورتوا الصفحه واسعدنا تواجدكم ..
..

[مرزوق حمدان العتيبي]

..
.

الايداء
الوليد العتيبي
قلب عتيبه .
مرحبا مليون واكبر المكاسب
هو تواجدكم ورؤية عباراتكم الغاليه
...
كل الشكر ...