احمد الله يوم انه خلقني عتيبي

[علي فلاح العضياني]

اسمعوني وانا الفالح و ربعي عتيبه=واحمد الله يوم انه خلقني عتيبي
من دعته المنيه يالله انك تجيبه= وحبذا من بعيد ولا يجي من قريبي

[تركي الحربي]

سبعة انعام فيكم دون شكٍ وريبه = قلتها ياعتيبي دون شكٍ وريبي

هات علمك وحذرا لاتجيب المصيبه = كان عندك علومٍ جيبها ياصحيبي

[علي فلاح العضياني]

ما عليكم نزود ومنك ماهي غريبه=انت طيب ومنك الطيب ماهو غريبي
دوك علمن يوقع فالنحر والتريبه=ما عليه يطيب لتركي او ما يطيبي

[حمد بن جوباح]

اسمعوني وانا الفالح و ربعي عتيبه=واحمد الله يوم(ن) انه خلقني عتيبي
من دعته المنيه يالله انك تجيبه= وحبذا من بعيد ولا يجي من قريبي


الله الله
الفالح..
الشاعر المبدع
صح لسانك يالغالي
ولا تشيل هم الصف..
ما دام راس حاربه هو اللي ماسكه
:)

تركي الحربي
صح لسانك يالحبيب
من طول الغيبات جاب الغنايم
وحياك الله بين اخوانك

..
.

[تركي الحربي]

راعي الطيب يجزا ياشبابه بطيبه = وان نصانا بطيبه لزم يرجع بطيبي

علمكم يمكن انه ماج دون الضريبه = مير تبشر بعلمٍ منه راسك يشيبي

[الشمالي الغربي]

الله الله الله



الفالح


تركي الحربي


ابداع × ابداع


لله دركم


عنوني حطيت مركاي بينكم



لاهنننننننننننننننننننننننننننتوا

[تركي الحربي]

راس حربه

صح بدنك يالغالي

ماردني عنكم الا المشاغل ولكنكم دايم على البال

الله يبقيك ويطول بعمرك

لاهنت

[تركي الحربي]

الشمالي الغربي


متابعتك ومتابعة مثلك وشرواك شرف

واشادتك وسام

حييت يالغالي ولاهنت

[علي فلاح العضياني]

ما يغر المذاهب والسلوم العريبه=كل رجل(ن) عريب وجد جده عريبي
علمنا ما يضيع الا هدفنا نصيبه=وانت بندقك لا ترميبها ما تصيبي

[تركي الحربي]

اسف على التاخير

واستلم لاهنت


القشر ياوسيع المعرفه وش تبيبه = خل صدرك وسيع وخل قلبك لبيبي

ردها في خباها قبل تحصل غليبه = وانت ياذيب ياسرحان كت الشعيبي

[علي فلاح العضياني]

والله انك يا حلو النوم ما تهتني به=انت لو اني ابغا ادخلك في وسط جيبي
يمدي اضلوعك من الخوف راحت حطيبه=ذي سوات العتيبي لا لقاله حريبي

[تركي الحربي]

من يجيب الخطيه جعل بقعا تعيبه = غدرة الضيف عيب وكل هرجك معيبي

فالسنين البعيده والسنين القريبه = مالكم فعل معنا وافتهم ياحبيبي

[تركي الحربي]

على العموم

بيض الله وجهك

انا ابى اطلع عندي دوام بكره

لكن اذا بغيت تكمل كمل والوعد غدا ان شاء الله

تصبحوووووووون على خييييييييييييييييييييييير

تقبل تحيات

تركي الحربي

[بناخي العتبان]

مبدعين ياشعار

فتل ونقض


واصلوووووووووووا

[تركي الحربي]

هلا يابناخي العتبان

مشكور على المتابعه

والله يعيين

تقبل تحياتي

تركي الحربي

[تركي الحربي]

وينك يالفالح