ركز وعطني ردها ياذياب....

[مرزوق حمدان العتيبي]

في حلة عتيبه يزين اللعب بالقاف الجديد = وان كان قام اذياب جمّل والجزيله قدها
ياذ ياب خلك منتبه واسمع ترى المعنى بعيد = والكلمه اللي تاصلك ركز وعطني ردّها

[علي الثبيتي]

الاخ مرزوق صح لسانك مليون على هالبدعه والقاف الطيب وبنتظار ذياب
متابعين وعلى القوه

[مرزوق حمدان العتيبي]

...
.

صح بدنك ... يالنشمي ..
لاهنت على تواجدك العزيز ..
اخوك .....

[الفراهيدي]

ياسلام يامرزوق

صح لسانك مليون

وينك ياذياب

[((الدلبحي))]

ابومحمد صح السانك وفي انتظار ذياب

تحياااااااااااااااااااااااتي

[مرزوق حمدان العتيبي]

...
.

الفراهيدي ... و ... الدلبحي
مرحبا تراحيب المطر ..
تشرفت بكم ونورت الصفحه بحروفكم ..
لاهنتم ...
..

[مقعد الدغيلبي]

الله
الله
لا هنت يا مبدع على هالقاف وركز مضبوط ياذياب

[مرزوق حمدان العتيبي]

..
.
مقعد الدغليبي..
سعدنا بتشريفك يابن العم ..
تحياتي

[مقعد الدغيلبي]

لاهنت يابو محمد
متابعين وفي أنتظار أذيــــــــــــاب

[ذياب]

في حلة عتيبه يزين اللعب والمولا شهيد=مادام باقي عندنا ناس(ن) جزيل(ن) مدها

أن كان مرزوق العتيبي يرغب العلم الاكيد =يطلب حقيقه والحقيقه للرجال أنعدها

[حمد بن جوباح]

.
..

الله الله
الشاعرين المبدعين
مرزوق العتيبي + ذياب
صحت السنتكم
والصفوف تراها والمه
>> يا الجمهور زحّفوا وراكم شوي خلوا للصفوف مجال
:)

.
.
.
.

تحياتي ،،

[ذياب]

النشمي & الفراهيدي & الدلبحي & مقعد الدغيلبي & راس حربه

يامرحبا ياربعنا نورتوا الصفحه

أخوكم/ ذياب

[مرزوق حمدان العتيبي]

العلم توّه با وله والبنك مليان ٍ رصيد = والمرجله لهل الفعول اللي عريب ٍ جدها
وانا ببالي حاجة ٍ بقولها للمستفيد = يابينها قدم الفهيم أوسومها في خدها

[فهيد مقعد الرويس]

ماقول الا عسى الله ما يقطعنا من الابداع واهله

تسلم يابو محمد

ولايهون ذياب

واصلوا

وازهلو الصفوف والمتابعه

تحياتييييييييييييييييي

[مقعد الدغيلبي]

أسر ياليل والطاروق محتمي
واصلو
واصلو
الصفوف لاتموت يالمبتدي ؛ الليل

[الشمالي الغربي]

الله الله الله


مرزوق



ذياب



زانت علومكم



واصلوا لاهنننننتوا


متابع

[ذياب]

آسف على التاخير


العلم توه باوله وأنا ضلوعي من حديد=ماهمني مزح الرجال ولا شحني جدها

هيا تفضل بيننا الميدان والزايد يزيد=وأن كان قدمت اليمين أقول هيا شدها

[ذياب]

المبتدي & الشمالي الغربي


حياكم ياربعنا نورتوا الصفحه

أخوكم/ ذياب

[مرزوق حمدان العتيبي]

...
.

الله الله


انته ضلوعك من حديد وعارف انّك ماتبيد = لكن وين القى الرجال اللي بعيد ٍ سدّها
كل الرسايل عانها في وسط صندوق البريد = والليله البيضاء ماندري.. وش يصير بغدّها

[مرزوق حمدان العتيبي]

...
.
كل عبارات الشكر والتقدير..
للي شرفونا.
..

[ذياب]

في ذمتي ماسل سيفي لجل سيفن من جريد=وأنا تراني عارفن جزر البحور ومدها

قد قلت لك وش تنتظر تعبت يامرزوق اعيد=السلعه اللي جبتها قدم الاوادم حدها

[مرزوق حمدان العتيبي]

ياذياب مايخفى الهدف .. تلقاه في بيت القصيد = وان قدمت يمناك فعل الخير انا ماردّها
والشاعر الحاذق من ابياتي يميّز ويش اريد = والدار مبناها ترى مايستوي مع هدّها

[ذياب]

أنته تصيد يابن عمي مار ماعرف وش تصيد=وأظن قصدك نسمت الغربي يذعذع ندها

لا تشتحن ياصاحبي من حد سيف ابن الوليد=شلفا ذياب الغاليه لا ماينوشك حدها

[مرزوق حمدان العتيبي]

انا ماصيد الا العلوم الطيبه قولاً وكيد = مانيب مثل اللي لاخذها .. جابها مرتدّها
السيف ماينفع بدون انصاب لو انّه حديد = والشجره اللي ظللتنا بالضماير ودّها

[مقعد الدغيلبي]

والشجره اللي ظللتنا بالضماير ودهـــــــــــــــــا
ياسلام يابومحمد
الله لايهينك أنت وذياب على هالطاروق المبدع

[مرزوق حمدان العتيبي]

...
.
حياك الله يامقعد ..
ولا تهوون ..
يكتمل الابداع بتواصلك ...
..اخوك ..

[وليد الزراقي]

تسلم يابو محمد

ولايهون ذياب

واصلوا

وازهلو الصفوف والمتابعه

تحياتي

[فواز الشيباني]

تسلم يابو محمد

ولايهون ذياب

واصلوا
ماسك الصفين

[ذياب]

اللي تمنن مالها منه ولا راي(ن) رشيد=عيني على زاد اليتيمه فالدهر مالدها

شجرتك هذي طيبه فيها شقي فيها سعيد=لولا دخول (أصليب) يامرزوق يلعن جدها

[مرزوق حمدان العتيبي]

المشكله لا طحت لك في واحد ٍ راسه عنيد = ماكل رجل ٍ لا بغيته فاللوازم سدها
وام الكباير لزعلتنا ووصلتنا ام العبيد = امّا قطعنا راسها ولا كسرنا يدّها

[مرزوق حمدان العتيبي]

..
.
وليد الزراقي ..
وفواز الشيباني ..
..
هلابك والسعاده والفرح في وجودكم ..
تشرفنا ..
...

[ذياب]

المشكله لا طحت لك في واحد ٍ راسه عنيد = ماكل رجل ٍ لا بغيته فاللوازم سدها
وام الكباير لزعلتنا ووصلتنا ام العبيد = امّا قطعنا راسها ولا كسرنا يدّها

الله الله

يامرزوق

صح السانك

ولنا لقاء آخر

أخوكـــــــــ/ذيــــــــاب

[ماجد الهذلي]

مرزوق وذياب شعراء رائعين

سلمتوا على هذا الإبداع

تقبلوا تقديري وأعجابي

تحيااتي

[ذياب]

مرزوق وذياب شعراء رائعين

سلمتوا على هذا الإبداع

تقبلوا تقديري وأعجابي

تحيااتي


الشي الرئع مرورك

ياماجد

أخوكـ/ذياب

[مرزوق حمدان العتيبي]

...
..
صح بدنك ياذياب
ومشكور يانخبه ..
..
وبحول الله لنا لقاأت
اخوك ..

[مرزوق حمدان العتيبي]

..
.
ماعليك زود ياماجد الهذلي..

وشرفنا مروك .
كل الود ...