ياصاحب الشاص لاتبلاه بتيوسك

[((الدلبحي))]

القصيده للشاعر حسين بن عايض السميري



ياصاحب الشاص لاتبلاه بتيوسك =
ماورّدوها لشيل العنز والظاني


وارد عراوي يكفي كل هاجوسك =
ان كان لابد رد الشاص لعماني


حتى تعوّد على ساسك ومردوسك =
نبا ندوّر لشاصك واحـــــــــد(ن) ثاني


لو ان قطم الخشوم تشوف هدروسك =
كان امنعوا وارد الشاصات من داني


وحطوك مجرم على الشاشة بقاموسك =
وجابوا هويّتك في مرسوم ياباني


والا تنحّر سهيل ان طال ناموسك =
ثم اشحنه بالكلاش وصنع عماني


ثم حط ماهب فيه ودب بفلوسك =
من عند قابوس والا الشيخ ابن ثاني

[فواز الشيباني]

اخي الدلبحي

صح السانك والسان الشاعر السميري

الله يعطيك العافيه ولاهنت على النقل الموفق

[((الدلبحي))]

فواز الشيباني

الله يعافيك وتسلم على تواصلك المستمر

تحيااااااااااااااااااااااااااااتي

[وليد الزراقي]

ياصاحب الشاص لاتبـلاه بتيوسـك
ماورّدوهـا لشـيـل العـنـز والظـانـي

الله يعطيك العافيه ولاهنت على النقل الموفق
تحياتي

[تاج السلاطين]

الدلبـــحي

يعطيك العافيه اخوي ونقل موفق

والقصيده هذي كانت ممازحه من حسين بن عايض لولد عمه ذيب بن هاجد

ورد عليه ذيب بقصيده ..

وهذا رد الشاعر ذيب بن هاجد السميري:


ياللي بعرض الجماعه مدميٍ موسـك
ماترفعه عـن ولـد عـمٍ ولاعانـي
إبليس ناخسك لين أظهرت مدسوسك
وانا احسب انـك مديّـن ياعريبانـي
عانك تبربس بعد ماشـاب قرنوسـك
وتشوف بين العرب مقدي وغلطانـي
الجيب شاريه ماسمع راي بربوسـك
من شان روحي وغال الرّبع لن جاني
وفوقه نشيل الغنم لـو دق ناقوسـك
نجيب منها عشـا ذرفيـن الايمانـي
والا اليا طاح وسط الطعس خنفوسك
وضليت تبحث وتلهث والشّفق دانـي
واخذت حاجاتك اللي فيـه ولبوسـك
شمـاغ وعقـال والدفّـه وتومانـي
ودرّعت رجلاك وسط جلود جاموسك
تبغى العرب بين وحل وخشم بسياني
وظليت تشّر على السكّـه بفانوسـك
تعبـان ضميـان مرعبـك العويّانـي
انا على النور الاعلى شفت كندوسك
وانته تفاشح من المشـوار مشقانـي
أقول وش فيك وانت تقول ابا ابوسك
انقذتنـي يارفيقـي عقـب ماجانـي
ارسـل لعبّـادة النيـران جاسوسـك
إن كان ياحسين في راسك حميدانـي
واقـول ياهيرهيتوقـل لهنـدوسـك
الجيب زيدوا جماله قـدر الامكانـي
قدام نفرض عليك حصار ونحوسـك
واللي بقي عنـك يكملـه المريكانـي
والّا نحث الخميـر تقلّـع ضروسـك
ونزهم على جرج بوش يكمل الثانـي

[((الدلبحي))]

وليد الزراقي

يعطيك العافيه على تواجدك

تحيااااااااااااااااااااااااااااااااتي

[((الدلبحي))]

تاج السلاطين

بيض الله وجهك على الرد والتعليق وتسلم يمناك يالجزل


تحياااااااااااااااااااااااااااااااتي

[ابـن نـعـيـس]

ياصاحب الشاص لاتبـلاه بتيوسـك =ماورّدوهـا لشـيـل العـنـز والظـانـي



رائعه من رائع


تحياااااااااااااااااااااااااااااااااااتي

[فيصل المسعودي]

الدلبحي


دائماً أختيار طيب


ورائع وجزل


تشكر ياطيب


تحياتي

[الحايف]

الدلبحي

اشكرك على نقل القصيده يا الغالي

[غشام نجد]

السلام عليكم ورحمه الله
اخي الدلبحي وتاج السلاطين

صح السانك والسان الشاعر السميري

الله يعطيك العافيه ولاهنت على النقل الموفق
تحياتي لك

[((الدلبحي))]

اشكر الجميع على التواصل بالردود

ولكم جزيل الشكر والاحترام

تحيااااااااااااااااااااااااااااااااااتي