تركي عطالله الميزاني (( 2000 )) &&&&& أبوزيد الغبيوي &&&

[الوليد العتيبي]

أنقل لكم هذه المحاورة الرائعه والجميلة بمعناها وهي بين الشاعرين

تركي عطالله الميزاني (( 2000 )) &&&&& أبوزيد الغبيوي &&&


** أبو زيد الغبيوي :

قوم ياتركي واجيب اللي تجيبه ..

وإلعب الطاروق مع عزوة عتيبه ..

والبنادم مايحوش إلا نصيبه ..

مايطير الطير ماكسور الجناح ..........

(( ياصفوف الملاعب يازحول الرجال

عزو الملعبه ويزين موالها ))

(( لو تلفت جنوب ولو تلفت شمال

ماتصفق يمينك غير بشمالها ))

*** تركي 2000 :

كل ليله أقابل عتيبه وأغني ...

وياكثر ماياصل الأجواد مني ...

وأنت يابوزيد رد العلم عني ....

مايطير الطير مكسور الجناح ..............

(( ياصفوف الملاعب ياقروم العيال

هكذا الوقت والدنيا على حالها ))

(( ..... الجمال اللي تشيل الثقال

وأم ظرفين فال الله ولا فالها ))

*** أبو زيد الغبيوي :

من عتيبه يالمطيري شاب راسك ...

مير طعني لاتطول فــــــي حساسك ...

والعتيبي لاوقف فاللــعــب حـاســك ....

مايطير الطير مكسور الجناح...................

(( الجدي في محله مايجيه الزوال

لو قنات الجزيره شوش إرسالها ))

(( عارفين الجمال ولانت ضمن الجمال

أنت تتبع جمالن نعرف أزوالها ))

*** تركي 2000 :

والله إني مالقيت إلا العوافي ..

العرب في ديارها والستر ضافي...

واتمشى وانبسط والجو صافي ...

مايطير الطير مكسور ...............

(( منت ويا السماء والجدي يبن الحلال

وأنت غترتك دوب تسوي إعقالها ))

(( أخر الوقت يابو زيد روح وتعال

وإبن خيمتك فوق وإظبط إظلالها ))

*** أبو زيد الغبيوي :

منت ويا العافيه يابو عطالله ...

فيك من جور الزمن تسعين عله ..

وأبك حنا نعقد الحبل ونحله ...

مايطير الطير ......................

(( عارفين الغروب وعارفين الزوال

دلتك دلتك مشروب فنجالها ))

(( ساكنين القصور اللي تحتها الظلال

واليتيمه عشاها دوب جهالها ))

*** تركي 2000 :

دلتي فنجالها يصعب علاكم ...

عنه يمال الشحم تقصر يداكم ...

إحمد الله قبل لانلعن ثواكم ...


مايطير الطير ......................

(( لاتخيبل ترانا مانحب الخبال

مايعن الكحيله غير خيالها ))

(( وأنت ماجاك غير الفال قبل العقال

والجمل حملته يبرك ويشتالها ))

*** أبو زيد الغبيوي :

البصيص ياتريكي وش جراله ...

نشرب الفنجال ونكب البياله ...

والسلات يروح ويميل عقاله ...

مايطير الطير .......................

(( كيف تجحد عتيبه في قديم الليال

عزوتي عزوتي ماتحصر أفعالها ))

(( ماتخيبلت ياتركي وامشي عدال

والمراجل ماتخضع غير رجالها ))

*** تركي 2000 :

تركي إبن حميد عانه فالمغاره...

والمحيا عان راسه فالزباره ...

غير إبن قشعان وشيوخ الأماره ...

مايطير الطير ............................

(( مالكم فعل معنا في نهار القتال

قدمنا ربعك العتبان يرثالها ))

(( إستحبها على ربعه كريم السبال

ياخي إ ستح على لحيتك وإسبالها ))

*** أبو زيد الغبيوي :

دور الجبريل والجبعاء وغيره ....

والبصيص وين يمان الستيره ...

ياسلاحن مالقيناله ذخيره ....

مايطير الطير ...........................

(( وأبك حنا ترانا مثل صم الجبال

فالجزيره من اللي يجهل إجبالها ))

(( دون ربعي وفي عين المطيري خلال

من لقا حيلتن فالوقت يحتالها ))

*** تركي 2000 :

في علوم الكذب مايلحق مداكم ....

وكذبكم والله إليبطي ماحماكم ....

وأبك حنا منكم إنطلق نساكم ...

مايطير الطير ..........................

(( الله اللي مسلطنا عزيز الجلال

فوقكم والفعول إتعرف فعالها ))

(( سمعتك عندنا والله ماتسوى ريال

مير بعض السوالف مالك ومالها ))

*** أبو زيد العبيوي :

ناصر الشغار وش سوى منول ...

يوم جات العبدليه يالمهول .......

سالفه من ماضي الهجره تقول ......

مايطير الطير ...........

(( مانحلل حلال ولا نحرم حلال

والخلايق ماتجزا غير باعمالها ))

(( ترا ذبحة ياصاحبي راس مال

والبنوك الثريه تحفظ أموالها ))


(( النــــــــــــــــــــــــهايــــــــــــــــــــ ــــــــه ))

[الفراهيدي]

الله يعطيك العافية

ماقصرت على النقل

وبيض الله وجهك

[مرزوق حمدان العتيبي]

...
.
نشكي من بعض محاوراتنا هنا
وابوهااا للجنه مع هالمستوى من المحاورات :)

لاهنت والله يعطيك العافيه ..
.

[satam_2007]

بيض الله وجهك وما قصرت


تقبل تحياتي:الشاعر حبيب العازمي (ابو فيصل)

[فتى وادي الرشا]

الوليد العتيبي بيض الله وجهك وماقصرت محاوره قويه جدا ابدع فيها ابوزيد الغبيوي

[داهية عتيبة]

تسلم على نقل المحاوره وابوزيد شاعر نتمنى له التوفيق

فيه بعض الاخطاء الاملائيه ياليت تعدلها

تحياتي

[((الدلبحي))]

تسلم يمناك والمحاوره هاذي فيها

اشوي تعصب وعنصريه

لاهنت ونتمنى لبو زيد التوفيق

تحيااااااااااااااااااااااااااااتي

[ابن الهوازن]

الله يعطيك العافيه
يالوليد على المجهود
تحياتي
ابن الهوازن

[فتـــى المطران]

محاوره طيبه من شاعرين لهم مستقبل زاهر

[شيخ العزاب]

أشهد إن أبو زيد سراه يالربع وتركي إذا ما عرف يفتل البيت قام يركب أبيات من راسه كلها كذب .........الله يعطيك العافية ياذيبان

[الوليد العتيبي]

الفراهيدي/مرزوق/الدلبحي/ابن الهوازن/فتى المطران/satam/فتى وادي الرشا/داهية عتيبه/شيخ العزاب
شكر خاص على مروركم في الموضوع المطروح
اتمنا ان تكون حزت على اعجابكم
تحياتي

[تركي النفيعي]

الله لايهينك يالوليد وتركي الورع هذا اللي ما طلع الا امس مسويلي فيها شاعر دابلا كبدي وماقصرت الوليد على هالمحاوره

[الوليد العتيبي]

النفاعي
شكراً على مرورك
يا غالي

[فواز الشيباني]

الله يعطيك العافية

ماقصرت على النقل

وبيض الله وجهك

[الوليد العتيبي]

فواز
مشكور على المرور
ياغالي

[الـشـبـح]

الوليد العتيبي


لاهنت على نقل المحاورة

[الوليد العتيبي]

الشبح مشكور على المرور ياغالي

[شارب الدله]

صح لسانك وسلم بنانك

[الوليد العتيبي]

شارب الدله مشكور على المرور

[الجبيل العضيله]

.................................................. ...........................

نتمنى ان تلتزم بالاداب العربية الاصيلة في ردودك


الإدارة

[الجبيل العضيله]

.................................................. ..........

فكره لايرتقي مع مبادئ وسياسة المنتدى واعضائه الاجلاء , لذلك تم إلغاء عضويته


الإدارة

[نواف العصيمي]

ويعطيك العافيه يا الوليد

هدوء يالربع إن شاء الله خير .


ولكم التقدير والإحترام

[بوغازي]

مشكور على المرور يابن العم بيض الله وجهك

[ابوبجاد الرويس]

السلام عليكم ورحمه الله وبركاته

يالاخ : الجبيل العضيله هذا كلام مايقول رجال بصراحه لان هذا كلام شوراع واستح على وجهك

العتبان طال عمرك واثقين في انفسهم مايحتاج لشهادتك واصلا انا محط عقلي بعقل واحد ناقص و

يقول كلام مايدري وش وراه لانك اصلا ضعيف عقل ولكن لن اسب قبيلتك وكل قبيله فيها حقها من

طيبها ورداها ..... يادنيا العجائب وقت كل قام يتكلم فيه ومبطي محد يقول بم ...........

[فهد العطاوي555]

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
بارك الله بك , شكراً أخي الكريم

[ذياب ابن غانم]

عزالله انه حدر وسند بالغبيوي

[البرنس العتيبي]

اتوقع هذه المحاوره بدايه ابو زيد

[الباااسل]

عز الله ان ابوزيد كفي ووفى ولاعطاه غير الحقايق وهو يتغنى بالاكاذيب والكلام اللي كله نصب في نصب



لكن بيض الله وجه ابوزيد وفعل ربعه مجمله ماهوب اللي يحط لربعه فعولاً ماهيب لهم

[صاهد الشيباني]

ابوزيد الغبيوي خصم وقد خصم تركي في اكثر من بيت وتركي في كثر من محاورة يفحم من اول بيتين لان رصيده في المواجهه ضعيف جداً

[الفرنتـي]

عز الله ان ابوزيد كفي ووفى ولاعطاه غير الحقايق وهو يتغنى بالاكاذيب والكلام اللي كله نصب في نصب



لكن بيض الله وجه ابوزيد وفعل ربعه مجمله ماهوب اللي يحط لربعه فعولاً ماهيب لهم

الباسل بيض الله وجهك وجه ابو زيد وجه ناقل الموضوع والله انك قلت الي كنت بقولة .


.,.,.,.,.,تقبلو مروري.,.,.,.,.,.,