طلب قصيده شليويح العطاوي

[غيث 11]

السلام عليكم ورحمة الله وبركاته
من لديه القصيده كامله عليه عرضها

[ابـن نـعـيـس]

وعليكم السلام ورحمه الله وبركاته

ياهلا ومرحبا اخوي

والله يحييييييييك في محلك وبين ربعك

اخي العزيز اي قصيده تبي لشليويح

اكتب القصيده اللي تبيها وان شاء الله تلقى ما يسرك

تحياااااااااااااااااااااااااااااااااااااااااتي

[غيث 11]

القصيده التي منها منا عن الرب الكريم غناوي

[ابـن نـعـيـس]

لك ما طلبت اخي الكريم


اول كلامي طلبتي ذكر الله=ماني عن الرب الكريم غناوي
أغفر ذنوبي يا محل ذنوبي=ان كان في بدع كلامي غاوي
مانيب من يمدح بقوله لسانه=ولا ني على عشق البني هواوي
على طلال الصبح خيل مخيلة=تاصل سناويها الى المطاوي
وبروقها الهند ومصاقيل العجم=ورعودها البارود والعزاوي
وتمطر بعطشان المحبب والقنا=والها بروس الخيرين تعاوي
جانا سعود مسير بجنوده=معه الدويش ولمة البداوي
ومعه جموع سبيع واهل العارض=وصبيان يام وبيرق القصماوي
ثمانية الاف عداد جموعهم=بلوى وربي يدفع البلاوي
وحنا ثمانمائة عداد جموعنا=ماش اجنبي فينا ولا برقاوي
الاد روق اللي عريب جدهم=لاجا من الحكام رد براوي
ندّب علينا شيخنا ابن محمد=ثم انتهض مثل العقاب الناوي
عودٍ تعطف في ظهر جلومز=جلومزٍ مثل القضيب الهاوي
مترفعٍ عنها اللحم بعلوها=شعلاً شعاع شعلّةٍ شعلاوي
وصحنا عليهم ثم عاونا الله=لين انها صارت لنا مناوي
ياظفرهم لاقرب الله دارهم=وحنا عليهم مثل نجمٍ هاوي
لكن سربتهم اليا اوجهنا بهم=شراد ريم مع حماد داوي
لكن سربتنا الي اوجهوا بنا=زمولٍ مخزمة على الكراوي
وطلحه نحوا عنا ببريه يسارهم=وتعاقبوا دهم العروق هداوي
كن الجنايز في نحاوي طلحه=جدع الخشب فالوادي السناوي
وحنا تلاقينا بسربة علوى=وساع الطعون مطوعين الغاوي
ونخيت مزحم سعد منهم ربعه=يوم اللقا زادوا ورا الهقاوي
ردوا يمانيهم لكل مجرب=ياما خذوا من روح كل مساوي
نضرب بسلات الهنادى روسهم=ونقصم مثانيهم مهيب سطاوي
ونرخي فيهم حد كل موصلة=في فعلها يحتار كل مداوي
وارويت مذلوق القنا من خيلهم=والشيوخ ما صدوا لها نحاوي
ومنعت سلطان البعير بينهم=يوم ادبحوا شرابة القهاوي
يارب تنجي وتنجي سابقي=اللي تزبني عن الاهاوي
ما يلحق العنان هامة راسها=ياكود يركيها على السنداوي
مضرب يديها في صليب الرقه=تاخذ من ادنى الحزم كبر الشاوي
قبٍ من الزلبات وا فٍ عدها=بنت الاصيل وركضها فجحاوي
ابرها وام العيال تبرها=تشرب حليب الفاطر الجنفاوي
تطلعن يالبيض في مركاضنا=وصلت كسايرهم الى الحجناوي
وعزي لهم لولا اسمر في خيلهم=يهوي علينا اهواية النداوي
لا رحم ابو من صد عن محرافها=يوم انجلاع الستر عن مضاوي
نطعن لعين اللي تهل دموعها=تبكي وفي تالي البكا نخاوي
تقول ياالظفران من عاداتكم=هوشوا عسى يبقي لنا شلاوي
ونطعن لعين اللي تجر حنينها=عفرا تبا صيفية المطاوي
قلت ابشري بالفك ياحم الذرا=دام الطعن يفك والاهاوي
تزبنوا عنا قصور عنيزة=لين احتماهم بيرق القصماوي
ترعى بنا عوج الركاب وتنثني=ماحدرت حسلة الى الحجناوي
والمدح لله ثم نسل محصن=عسى لهم عند الاله عراوي
ذوي ثبيت اهل المناخ شيوخنا=واهل الكرم والمنزل المتساوي
سواقة المغتر على الحرابه=يوم الحريب عن الحريب يلاوي
يا مسوي الفنجال عده لمدوخ=واثنه لابن صلال والجلاوي
وانا زبون الحرد ابو ضيف الله=لا قصر البرطم عن الشفاوي
وانا احمد الله يوم انا من لابه=ماهم بقطمان اليدين شواوي

[فواز الشيباني]

اخي ابن انعيس

الله يعطيك العافيه

على المجهود الرائع

[روق والسماء فوق]

مشكور على الجهد الرائع
اخوي ابن نعيس والله يعطيك العافيه

[ابـن نـعـيـس]

العفوووووووووووو


ماسويت الا الواجب


تحياااااااااااااااااااااااااااااااااااااااااااتي

[وليد الزراقي]

اخي ابن انعيس

الله يعطيك العافيه

على المجهود الرائع

[مقبول الشيباني]

الله يعطيك العافبه يابن نـــــــــــــــــــــــــــــــــــــــــــــــــ عيس والنعم بلاد روق وكفو

[العميد ركن]

كفيت وفيت يا ابن نعيس

الله يعطيك العافيه لي مداخله بعد اذنك على بيت شعر فى القصيده وهو:

ترعى بنا عوج الركاب وتنثنـي ماحدرت حسلة الى الحجنـاوي

اعتقد ان الصحيح :

ترعى بنا عوج الرقـاب وتنثنـي ماحدرت حسلة الى الحجنـاوي


وعوج الرقاب اى الابل


ام البيت تطلعن يالبيض فـي مركاضنـا وصلت كسايرهم الى الحجنـاوي {33}

اعتقد انه ياتى قبل هذا البيت مباشره

تزبنـوا عنـا قصـور عنيـزة لين احتماهم بيـرق القصمـاوي {40}

ليكتمل المعنى

لا هنت يا ابن نعيس على الحظور الدائم والمميز

[حاتم العطاوي]

ابن نعيس ماقصرت