قادم
08-Feb-2006, 08:27 PM
هذه القصيده للشاعر/ مـقـبل بن جـــودان الـرويـــس...
قبل امس بعـد العـز ذقـت الاذيه=حسيت باللي حس ابه فاقـد الذات
بغـت تروح النفس مني ضحيه=اثر التساهل يقـتل البعـض حزات
لولا رجال الطيب واهل الحميه=يوم اسمعـوني الحق الصوت ونات
شالوني الاثنين وقت اضحويه=في موتر ٍ مصدوم ما فيه لوحات
عليه قرم ٍطيّره في شويّه=ماردته كثر النقط والاشارات
كله نشاط وسرعته فوق ميه =لين اوقفه بين الركون المخيفات
في مركز ٍمغـمور ما شفت زيه=خمسة عشر عام ومديره عـنايات
نشدني المسئول واسمه عـطيه=عاوز ملفك قلت ما منك فكات
قال الملف اللي تبي في يديه=لكن هات الكرت قبل الحجوزات
قلت ان كرتي ضاع فالفيصليه=وانا اتفرّج في بنات الخواجات
بس اطلب الدكتور خل الزريه=مالك ومال الهرج في فايت ٍفات
قال انت عينك عقب هاذي قويه=وانا احسب انك تفهم العلم بسكات
والله لسجـّل ضد شخصك قـضيه=حتى تروح ولاتجي للعـيادات
قالوا له اللي ما رضوا بالخطيه=وين الطبيب ان كان للطب نفعات
جا بوا لي الدكتور يكشف عليه=واخذ على جسمي ثلاثة فحوصات
الفحص الاول قال ما فيه شيه=والفحص الآخر صار فيه اختلافات
والثالث اللي صوّر البا طنيه=واحتار في امره طبيب الاشاعات
ابطا يفكر ثم نادى خويه=دار الحديث ومجمل القول همسات
تشاوروا في حالتي بالسويه=والعالم الله والبلاوي كثيرات
قلت ارحموني واذكروا ويش فيه=تراي مؤمن لو الاقدار صلفات
قال الطبيب اللي قليل ٍحليه=ما عاد تنفع فيك كل العلاجات
انته مريض وعـلتك داخليه=قبل امس جانا واحد ٍمثـلك ومات
حزّة سمعـته قلت حالي رديه=بالله ردوني والاقدام عجلات
ودي اشوف العـود قبل المنيه=واعطيه مالي من صكوك وْ وكالات
واكتب لخوي ان ما لقيته وصيه=يحط قبري في فياض ٍعذيات
هذا وكاد وقصة ٍواقعـيه=ماهوب شيّ ٍمن خيال وروايات
وانا احمد الوالي جزيل العـطيه=رجعـت بدري واختصرت المسافات
وامسيت وسط البيت بعـد العشيه=واصبحت طيّب والنتيجه سلامات
يالله يامن رد يوسف ليعقوب=يا منزل القرآن آيه وسوره
انك تساعدني على رد مكتوب=شخص ٍيدور من ورايه مشوره
خلاني افتح للشعر باب ودروب=واسهر معه حتى الصبح شع نوره
واختار اله ما لاق غالي ومصحوب=بالمسك والعنبر ونفحة عطوره
شعر على كيفي عن الشين محجوب=ما تهظم الشعار من حجم دوره
ما قاله اللي لا قصد فيه عذروب=لا قال له بيتين زادت غروره
شبه الكديش اللي من العز مسلوب=واخطاه عن درب الرشاد معثوره
ياللي تعاتبني ترى الزين مرغوب=والشين كنه شق من فوق عوره
جنب عن اللي شعرهم فرك عرقوب=اللي يشوتون الشعر شوت كوره
دايم يروثونه هجيني ومسحوب=لين احدثوا في ساحة الشعر ثوره
شعر النبط من فعلهم صار معطوب=داسو حماه وقللوا من حضوره
يا صاحبي كان انت شاعر وموهوب=الشعر لازم تازنه ياخو نوره
وزن الشعر في كل الاحوال مطلوب=والقافيه تعني جواز لعبوره
والثالث المعنى للاثنين منسوب=يكمل به المنشور حزة صدوره
هذا حسب عرفي والي طرح واسلوب=وانت انتبه تسلك طريق الوعوره
لا تحسب انك صرت قاضي ومنصوب=في محكمة عدل النفوس الغيوره
مالك ومال القوم غالب ومغلوب=بعض المواقف تتسم بالخطوره
ما يلحقك منها سوى حفنة ذنوب=فوق الذنوب اللي عليك مْحصوره
خلك مع اصحاب المبادي على صوب=اللي مواقفهم معاك مخبوره
ما تحتمل في موقفك هم وكروب=الله يجيرك من عواقب دهوره
هذه الابيات من الشاعر/مقبل بن جودان الى الشاعر/غازي بن عون
اشكر جنابك يابو عبدالله الخيّر=وارجي من الله تكون بخير ومقوّا
جيت امس يمي على صالونك مسيّر=وانا فتحت الك باب الود من جوّا
لكن الي صاحبٍ مذموم وصغيّر=نسيت اعرّفك ابه واخبرك من هوّا
شيطان شعري ملعون الجد والصيّر=ليتك تشوفه بعد ما رحت وش سوّا
قام يتخطف شوارد فكري النيّر=الظاهر انه على اللي عندكم خوّا
كنت احسب انه ضعيف وباعه قصيّر=حيث ان اله عام لا سرح ولا ضوّا
واليوم وده يبدل في ويغيّر=يفتل وانا انقض وحبله عسر وملوّا
ماللغني حق في ما يكسب فقيّر=افزع معي نردعه عن فعل ما نوّا
والا ترى وضعي اصبح صعب ومحيّر=في وجه من جده اخرج ادم وحوّا
رد الشاعر/غازي بن عون
يالشاعر اللي تقود الركب وتعير=وكسبك غفال ٍ تقلد جوخ وتفوا
كم خايع ٍفيه صيد الفكر ما ذير=تعانقتبه زهور الشيح والحوا
نحلة هجوسك توقع فيه وتطير=وتجني رحيق ٍطري ٍما بعد ذوا
وتشيد بيت الشعر في مقدم الدير=ما هوب خدر ٍيغز ايام ويطوا
ومن وَرْد عد القصيد بحبل ٍقصير= صدّر وهو ماشرب ذوده ولا روا
ومع غير راعيه ما يركب ولو ظير=ولا يسلم من المرض لو راسه يكوا
وانته جمل يابن عمي مانته بحوير=ولكل فعل يعزالرجل تتبوا
من العام تكتب من الشيكات وتجير=وصدى توجدك باقصى المملكه دوا
وفكري ليا اطريت علم منير ومنيّر=نوبٍ يدل الطريق ونوبٍ يغوا
هذه القصيده موجهه من الشاعر ..
مقبل بن جودان الرويس..
الى الشاعر الكبير...غازي بن دخيل الله بن عون الرويس...
عـزّاه يا قـلب ٍمعاليقه صْخاف=يبست عروقه من كثر ما يصالي
لاحسه الهاجوس يرجف وينلاف=لوف الهوى لغصون سدر ٍمدالي
يقرع كما طبل ٍعلى مشية الزّاف=بيدين خبل ٍ جر صوته يلالي
تقول ينتابه من الحب خفخاف=عقب الفراق اللي برا عود حالي
يجوظ لا منه ذكر حسن الاوصاف=صابه من الفرقا بوادر جفالي
فرقا من افراقه قسم قلبي انصاف=نصف ٍ معه والنصف الآخر بقالي
امضيت في حبه عمر كله اكلاف=احسب سنين البعد عن شفْ بالي
خمسة عشر عام ٍ مضت سود وعجاف=فيهن تقطع ما بقى من حبالي
ما جتني رْساله ولا واحد ٍشاف=مقطوع من حبل الرجا والوصالي
يقطعك يا حب ٍ بلا عدل وانصاف=ما شفت من بابه حسين الدلالي
عن شوفته محكوم ضدي بالايقاف=حكم ٍ يشل اقوى عزوم الرجالي
والحب مر وباطنه سم ٍّ زْعاف=كاس ٍمن الحنظل على القلب كالي
شربت من مره تراديد واضعاف=وليا بغيت اشرب هنا ما صفالي
له قوة ٍما تحكم الا بالاجحاف=والبعد والحرمان من شوف غالي
حتى نفد صبري ورا زيف الاطياف=وانهار حلم ٍ كان مبناه عالي
واصبحت ضايع بين الاقفا والانكاف=تاهت خطا رجلي وقل ارتحالي
في جوف بحر ٍ يلتطم ماله اسياف=عندي كبر بحر المحيط الشمالي
غريق وهم ٍ ينتظر دور قصّاف=عايش على ذكر الليال الخوالي
والمهره اللي سرها عند عسّاف=جابوا لها سايس عسفها بدالي
خبل ٍ عطاه الله نقود ٍ با لالاف=دفع لهم مهر الحبل بالريالي
بعض العرب حظه للامهار خطاف=لو ما سعى حظه يهد الجبالي
والبعض الاخر ما كسب حظه الـْطاف=لا جاب فود ولا مشى بالعدالي
وانا قدم حظي على الموت مزلاف=داوم على العثرات من شين فالي
ما قط ساعدني مع الدرب باسعاف=خلاني افقد مهرتي ما سعالي
يسعى لابو وجهين ويذل الاشراف=ضاع الامل في وقفته عزتالي
ياليت باق ٍ لي من العزم مقطاف=واقدر على بعض الحمول الثقالي
ما عشت فالدنيا بلا فكر واهداف=لو الهدف عني بعيد المنالي
عطاني الله نعمة العقل مجداف=ادفع به المركب عديم المحالي
ما همني جرح ٍعلى القلب نزاف=ما قدر الله كان والرب والي
لكن وضع المشكله صار شفاف=قلت اطلب النجده واجود بحلالي
واخترت للمشوار معدوم الاصناف=صنفه جديد ولا ورد غير تالي
وارد مصانع جيب تركيب واشراف=من ماركة فكس آر شكله خيالي
مصنوع من اجل المدينه والارياف=حسب الطلب يعمل على زر آلي
ما يدركه لا فـز قاصد وحذاف=اسرع من الجكور على خط رالي
وليا مشى بالهون مشيه تغرياف=كنه عروس ذياب بنت الهلالي
عليه قرم ٍما تضجـر ولا خاف=يمشي على وضح النقا ما يبالي
ابغاه لا جالي على الشعـر محراف=واكملت في بيض الورق ما طرالي
ياخذ خطاب ٍ مرسله يم صراف=جزل البيوت اللي سواة اللآلي
عمود هاك البيت مرفوع الاطراف=كساب تيجان الشرف والمعالي
راس ٍ تعـلى فـوق الايدي والاكتاف=والمدح في شخصه يجيله مجالي
شاعر شبابه محتمي مجد الاسلاف=غازي ولد راع الفعول الجزالي
اللي بدونه منتدى الشعـر ينعاف=اقـولها والحق لازم يقالي
بالله يالمرسول دوك التلغـراف=واقصد علم داورد ذيب العيالي
وليا وصلت اقلط ولا تنظر خلاف=قدمك محل الشيخ ريف الهشالي
سلم عليه وخل عنك التعجراف=اسأل وجاوب بس قدر السؤالي
تراك تعرف قيمة الوقت لاطاف=لا تنتظر حتى يطول الجدالي
مد الخطاب لحظرة مطوع القاف=واشرح له اسباب البلا والنكالي
قله ترى مقبل على جال مهياف=ان مات والا مرجعه للهبالي
تومي به الدنيا على حبل الاتلاف=حي ٍ ركب موج الفنا والزوالي
ضمه عذاب ام العزاير بالاكناف=يا ما تجرع ويل غبر الليالي
شح الكلام ولا بقى حرف ينضاف=حال القصيده وضح اللي جرالي
سولفت عن حالي وابن عون عراف=حلال فتـل اهل الحيل ما يحالي
عساه يلقى لي وانا حي مدلاف=نحو النجاة من الخطر والضلالي
حيث ان رايه فالهوى نور كشاف=يبلغ به المحتار روس الطوالي
والراي نوع من التواصل والاحلاف=لا جاك من خطو الرفيق الموالي
ما تعدل الحكمه عوج وضعي اللاف=ياكود من غازي ليا قالها لي
منه النصايح كلها جل وخـْفاف= منزالها في محفظة راس مالي
هذا وانا ياخوك ما نيب افاف=صبري قوي بالله عظيم الجلالي
وان ما وصلت بهقوتي قمة الناف=والا ترى ما كن شي ٍ غدالي
والختم عد حروف غافـر والاحقاف=صلوا على محمد كريم الخصالي
...مردود الشاعر غازي...
يا مرحبا عداد ماهل هتاف = وما لاح برق ٍفي سديد الخيالي
وعدد من احرم واستعى عـقب ما طاف = وعـد النبات وعـد ذار الرمالي
بمصيونة ٍنالت رضا كل الاشفاف = جتني من العد القراح الزلالي
ماهوب رس ٍكود يغرف بمغراف = عد الروى اللي مع كثر ماه حالي
مقبل الـْيانع برحي الشعـر خراف = ومطعـّمه من در عرب ٍمتالي
اليا عزف له في سما الشعـر عـزاف = لـْرغبة هل الذوق الرفيع استمالي
ومقبل من الوافـين سامين الاهداف = من معـدن ٍينتج زحول الرجالي
اللي ليال العسر يقرون الاضياف = بالكوم وبحول ٍاسمان ٍجزالي
ويروون من دم العـداء حد الاسياف = ويثنون فالهيجاء خلاف التوالي
ومقبل ذكرني عقب ما شاف ماعاف = يوم اوجعه رمح الغرام اشتكالي
يشكي عليه من هوى ناب الارداف = دقاق العـلو والنصف الاخر جلالي
منتوقة ٍممشوقة ٍخصرها هاف = لاقـفت ردوم ويوم تقبل غزالي
دقاقة ْرموش السود مياسة ْاعطاف = حجاجينها هلال ٍوزانه هلالي
اركت على كبد ابن جودان مرضاف = ومقبل لاهوب اول ولاهوب تالي
سلم الهوى معـروف في كل الاعراف = وترى الهوى نوعـين واطي وعالي
نوع ٍيغلف له عن العار بغلاف = ولا لانتقاد الناس حوله مجالي
سام ٍعن الهسات في راس مشراف = مثـل بني عذره هواهم مثالي
والشمري مضرب مثل كل ميلاف = وايضا الدجيما لو عظامه بوالي
والنوع الاخر شوهه كل حواف = ماهمهم نقد وحرام وحلالي
بواقة المحار في جوف الاصداف = من شاف منهم فرصة ٍما يمالي
ومقبل ترفع عن مهين ٍوحلاف = وصعـد بعـشقه فوق روس الجبالي
وبعد غلا محبوبه اسرف به اسراف= كلف رسول ٍبالرساله عنالي
وانا معه لي بالملمات ميقاف = واشاطره حمل ٍيضيم الجمالي
احسن بشيلي للحمول التصراف = لو هي حمول ٍباهضه ما تشالي
واقوم وافزع فزعة ٍتبر الاحساف = واصخي من اجل ارضاه مالي وحالي
وعز الله اني ودي آفي مع الواف = لكن ينخاني بشي ٍمحالي
لو من بصيص ٍللامل فيه ينشاف = شديت لقـْضيْ اللزوم الرحالي
وما دام نوف حبالها بـِيـْد نواف = عنه انقفل باب الرجا والامالي
ولا فاتك المرباع قافيه مصياف = وتسلى وهو يصبح بعد وقت سالي
ويعوضك الله عقب منقوش الاكفاف = بصاحب ٍمثـله كمال وجمالي
ولو جاك في وقتك صواديف وخلاف = اصبر عليها يا كريم السبالي
واعنز على اللي بالمخاليق رواف = اللي عليه الرزق والاتكالي
كانك صحيح لقايد الريم لقاف = فانا سنيت ارشاي فوق المحالي
وكانك ملحفها عن الناس بلحاف = فانا رشايه عن مسانيه مالي
الفرق بين كتابة اللام والكاف = طفيف من يوم العلامه تشالي
ولا ودي ازهف لو زهف كل زهاف= اللي يصلي قبل يذن بلالي
يحذف حصاته قدم وتعوّد خلاف= ويتيه مابين الهدى والضلالي
وهذه قصيده غزليه للشاعر/ مقبل بن سعود بن جودان الرويس...
واعـيني اللي زجت الدمـع وانــزج =هلت هماليله على الخد وانــــزاح
كن الدمع من ناظر العين لا نج =شـقــان دلــو ٍ تــلـها كــف مــتــاح
من عـيلـم ٍفـيه الـمـنـابـع تـسـرهــج =مـاطــبـه الــغـراف يـاخــذ بالاقــداح
هـذا قـــدر عــيــن ٍ ولــعـهـا تأجـــج =مـن حــزنـها تـبـكي عـلى واحد ٍراح
غرو ٍ ذبحني يوم قام يتغنج =بعـيـونه الـلي فـي مـحاجـرهن سلاح
يغضي برمش ٍ يحمي الطرف الادعج = يخفي وراه الموت قصاف الارواح
فـي عـيـنـه الـيـمـنى فـصـيل ٍمدجـج= بسلاح ٍ ابيض مقدمه شلف وارماح
وفـي عــينـه الـيسـرى جـهـاز ٍمبرمج =يرسـل شـعـاع ٍ يـعـطـب القلب ذباح
والـوجـه كـنـه نـور بــدر ٍ تــوهــج= لاشـع نـوره في دجـى الليل فـضاح
لــونه مـثـل لــون الـقـمـر ما تـمـكـيج =وجـه ٍتـفاصـيلـه تبي شرح وايضاح
عـلـيـه خـشـم ٍكـامـل الوصف ماشـج= ماجملوا فـي مـنـظـره عـنـد جراح
والـيـا تـبـسـم حـطـم الـياس وافـرج= عن بعض مضمون السعاده والافراح
فـي مـبـسـمـه بـراق وسـم ٍ يـلـعـّـج =بـيـن الـثـمان الـلي كما الـدر وضاح
والعـنـق طـربـوش ٍ مــداره مـسـفـنـج= لـفـه عـن اسـبـاب الـصواديف بوشاح
وان جيت اوصف لبة الـصدر الابلج = صاهد نـفـود ٍ هـش بالـنبت شـحـاح
دمـث ٍظهـر فـي مـرتـعـه طـلع ٍاحدج= غـرس ٍمن الله واثـمر الغرس تفـاح
يخشى على طلعه من اللمس الاهـوج= لو كـان مـا نـاشـه مـن الـناس مـشفاح
مـيـل عـلى جذع ٍ قــوامـه معـمهــج = لاشـِد مـن عـالـيه جـالـه تـمـرجـاح
تـحـتـه بـرز شـط ٍعـفـر ما تـهــدّج= شــط الحـوار الـلـي تــولاه مـصـلاح
في وصفه لساني وانا صرت محرج= وشـلـون اوصّـف باقي الجسم وارتـاح
ردف ٍيـضـيـم اقـدام ابو ساق مدمـج = كــم مــرة ٍلاكـل مـن حـمـلـتـه صـاح
لــولاه يـقـصـر خـطـوتـه ويـتــدرج= انـقـلـبت افـراحـه مـثـل غيره اتـــراح
راعي جـديـل ٍ مـن وراه يــتـمــوّج= لـيـل ٍتغـشّى واعـتـلى نـور مـصـبـاح
لــه مـشـهـد ٍلاقـِـض مـن فـوق وادلـج= يـلحي قـلـوب اهـل الـهـوى لين تـلاح
عـليه قـلـبي هـزه الــشـوق واخـلـج= مغـير اجـاوب سـاجـع الـورق لا ناح
يافـج قـلـبـي مـن هـوى صاحـبي فــج = فجت شنق باب ٍ ولج فيه مفتاح
على وليف ٍ دونه الباب يزلج = مـصيـون ماشـافـه ابو شوف لـمـاح
ما قط وسط السوق شيف يتفرج = والا هرج مع بعض الاشخاص مزاح
انشهد انه محتشم ما تبرج = ما باح سده يوم حظي معه باح
ياوين ابلقالي معه درب وانهج = واخذ معه في تالي الليل مشواح
ابدا من بداية جبينه واعـرّج = على جميع اللي بقى قبـل الاصباح
لا كن خلي ما مشى درب ٍاعوج = ما غاص في دوامة العشق سباح
لا شافه الحواف مثلي تبرهج =ضيع مفاهيم الخساره والارباح
يا ناس وشلون ارفع الصوت واحتج = وانا مثل طير ٍ بلا ريش وجناح
من حب من في حبه القلب لجلج= حورية ٍ منها شذى المسك فواح
وجدي عليها وجد من طاح وارتج = مخه تحجر وانقفل بعد ما طاح
والا وجود اللي سقط ليلة العج=حول على راسه وسط قامة رماح
يا عاذلين القلب انا قلبي اصنج=ما عاد يسمع قول ناقد ونصاح
متى على الله بعض الاوضاع تفرج=كود الهموم اللي على القلب تنزاح
واعيش مع ربعي وسط نجد واسج=في ديرة ٍ غنى بها الطير صداح
هذه القصيدة وجهها الشاعر / فالح بن فوّيز الشيباني ..
الى مقبل بن جودان
تجلى الصبح وانزاح السوادي=شعاع الشمس من مبداه بادي
ظلام الليل زاح وراح واقفا=ونور الصبح فوق الكون سادي
وانا سويت من زين المثايل=ثلاثين ٍقوارعها جدادي
اقاديها على راي وبصيره=وامشيها على معنى قصادي
ولا يدخل بها بيت ٍلغيري=احب اعزل حلالي بانفرادي
واذا سويت لي بيت ٍوسمته=يجي وسمي على خده ينادي
ولا انخا من يعاوني عليها =على الله كل جهدي واعتمادي
واخوض بحورها واجيب منها=جواهر غاليه عند المزادي
وانا ماطق في حق زْملايه=من الشعار كل ٍ له مرادي
لكن اللي يزود الغيض عندي=كلام ٍ نسمعه مهوب عادي
يقولون القصيده في زمنا=تباع وتشترى في كل نادي
وانا ما كنت اصدق يوم قالوا= لكني شفت ما يدمي فوادي
لقيته واحد ٍ جاهل وغاوي=ايجمع له خرابيط ودوادي
يقول اني مع الشعار شاعر=وهو غاوي وفي مسراه غادي
يقلد ناس عالي مستواها=يبا العليا وهو نازل بوادي
امركـّب نقص قالوه الاطبا=يجي في ناس ما تسوى جرادي
ضعيف النفس والمعتوه واللي=عليه ظلال من رب العبادي
وهاذي عادة النفس الضعيفه=عن الدرب الصحيح الها حوادي
تدخـّل في طريق ٍما تعرفه=وتصبح عاد في وضع انتقادي
ثلاث ارباع شعار الصحافه=بهذا النوع لا صح اعتقادي
سقاك الله زمان ٍيوم كنا=نحب الباديه في كل رادي
اليا منا سمعناها طربنا=قصيد ٍنسمعه صح امتقادي
الا يا مقبل بن سعود رايك=كما اني عارف ٍ رايك سدادي
اعرفك شاعر ٍبيطار فاهم=والك في مركز العليا شدادي
ابي فزعتك يا ريف الهشالا=نبي نعلن على ذولا جهادي
ابي رايك وعجل به عليه=ترى صبري مثل صبر المهادي
للا مثلك تسليني لحونه=تركت الشعر مالي به مبادي
قصيدك حايز اعجابي وذوقي=غذا روحي مثل شربي وزادي
يسليني ليا ضاقت شجوني=يصح لسان من قاله واجادي
هذا وسْـلم عساك تدوم سالم=ما غرد من على الاغصان شادي
وهذا رد الشاعر / مقبل بن جودان الرويس
عدد ماهب نسناس البرادي=على ذيدان بدو ٍفي حمادي
هلا يامرحبا مليون مره =تراحيب ٍعليها ريح كادي
اهلي بالقصيده يوم جتني=من الشاعـر ابو مقرن سنادي
علشان البيوت اللي كتبها=مكاسب حرّ ٍامعن فالهدادي
يجيب من البحر والبر صيده=تماثيل ٍ توارد بازديادي
جمعهن بعد ما جمّع خياله=بنات افكاره البيض العوادي
تخير عوبهن والشرد منهن=وسمهن بالعمودين الوكادي
يجي عشرين مع عشر ٍعددهن=حسبهن ما نقص او زاد حادي
يبي فيهن حسب ما قال فزعة=صباح ٍما يجي عقبه هجادي
على شعار صفحات الجرايد=ومن معهم يمدون الايادي
دعاة المعرفه واهل الحداثه=رموز المهزله وكر الفسادي
وانا مثله واشوف اللي يشوفه=واشوف انه يزود وفي تمادي
ولا اقدر اصد يسار واسكت=اباخذ بندقي واسرج جوادي
ولي محزم ٍمليته بالذخيره=لزوم المعركه ضمن العتادي
لكن الوضع ما يحمل معارك=يباله واحد ٍمثلي قيادي
بدون اجهاد وعلوم ٍكبيره=يحل المسأله والجو هادي
لان اللي ذكرته فالقصيده=خشاش ٍيظهره كثر الكسادي
ومن يسلب حقوق الناس خلسه=جبان بلا ضمير ولا يلادي
وانا عندي سلاح ٍمحتفظ به=اجاهر به وادافع في بلادي
تعلمت ارفعه من غير صجه=قدم كل المكـرّه والاعادي
وقف له وقفة ٍتغار منها=نهار الموقعه قوة ازنادي
يهون اقواه ما يصعب عليه=شربته من رضاعي في مهادي
معه علم ودرايه واستقامه=نتاج اسنين من درس وحصادي
ترى شعـر النبط يا فالح اخطر=سلاح ٍ تشهره ضد الربادي
وانا وياك ياذيب السرايا=نصيد الماكر اللي ما يصادي
نخيف ولا نخاف الا من الله=صقور ٍما تقارن بالحنادي
مخالبها لها فعل مجـرّب=يزج الدم ويفج الثنادي
لذا عزمت ااسس لي تحالف=تكون انت اوله وانت الريادي
عسى غيرك يحط اسمه ورقمه= على ما قيل ماهوب اتحادي
يشاطر فالقسم قبل الغنيمه=وعينه ما هنت حلو الرقادي
وعهد الله يموت ولا يخونه=يصونه فالمواقف والطرادي
يساعدنا على كشف الحقايق=وغير الحق جعله بالنفادي
اكيد اليا وضعنا خط ٍاحمر=ما عاد الهم على السكه معادي
نصك الباب في وجه الهزيمه=لك الله ما نقصنا فالعدادي
ولا منا على الطيب اجتمعنا=فرحنا بالظفر كنه عيادي
هذا هو الهدف ما جيت دونه=امد ومن مدد ربي مدادي
رسمته بين يومين ٍوليله=عقب طال العنا والاجتهادي
اظني قلت ما فيه الكفايه=تقبل راي من منك استفادي
وصلى الله على محمد وسلم=دليل الخلق لدروب الرشادي
هذه القصيده من الشاعر/محمد بن الحميدي الروقي العتيبي
الى الشاعر/ مقبل بن جودان
لعيونك اخترت العنا يااشقرالراس=يالعنبومن لامني في محبتك
ولعيونك اخترت المتاعب والاتعاس=عز الله اني مولع ٍفي مودتك
ولعيونك اشرب علقم المر بالكاس=واصبر على فرقاك وجروح صدتك
وافرح ليا دست بقدم رجلي الياس=وجا للرجا بسمه على وجه فرحتك
وشعشع سعد عيني عقب بعد الارماس=وطلعت من نارك ونزلت جنتك
واخذت لي مع حلو الامثال مرواس= وفهقت مجدولك وحبيت غرتك
وغنى فرح ليلي بعد هجعة الناس=واخذت من بدرك عسل حب شفتك
ورحت لـْربيعي عقب الامحال عساس=واقول وينك يالزهر عقب غيبتك
فرقاه يا مقبل غرابيل وافلاس=واطلب من الله يضفي ثياب صحتك
عزالله انك نادر الوصف بالناس=الله يبدل بالعوافي مضرتك
من كثر ما وحي فيك يا طيب الساس=اونس وجع شكوى جوارح معزتك
اعرفك ما شفتك حياوي وحساس=لكن عرفتك زين من زين سمعتك
وانا اعرف ان الناس يا طيب اجناس=والعنهم اللي لا مشى منك يشمتك
بعض العرب سكباتهم وسط الالباس=هياكل اجسام ٍ ليا جتك هالتك
وقت الرخا شجعان في وصف جساس=وتظيع فيهم ساعة الضيق هقوتك
لا جا نهار ٍفيه بومه وقرناس=ودون الجهامه قمت تنخا بعزوتك
ولحقت مراويح الرمك مثل الاقواس=وجا للبرا مردود والخيل وصلتك
راع الرخا شفته مجنب ومحتاس=واقفا الجبان بموقف ٍ كفو حضرتك
سمو على العفار هو واسم عفاس=يالاش يلعن ام ٍبشيخ سمتك
وتحية مني بلا حد واقياس=من شاعر ٍله نخوة ٍ مثل نخوتك
اعداد ماغنت قبل حل الادماس=ٍ ورقا فريده لعلعت يوم شافتك
على هشيم ٍ في خلا مابه اوناس=قامت تنكس تشتكي لين بكتك
يا مقبل مْـنادمك ما زاره نـْعاس=يقول من قلبه لشخصك سلامتك
رد الشاعر / مقبل بن جودان الرويس
معذور يا شاكي هوى عذب الانفاس=قولك وجيه وقلت لي فيه حجتك
والله ما لومك في هوى ظبي الاطعاس=لو العواذل كـثروا في ملامتك
حب العذارى ميبس ٍ قلبك ايباس=انشهد انه هو سبب كل علتك
رجل ٍ تشوف الويل لا هب نسناس=من يم دار ٍ فيه تسكن حبيبتك
خابرك في بحر الهوى دوم غطاس=اتعبت حالك لين الاقدار جابتك
كان التعب مخلوف انا اقول لاباس=لو شلتلك حمل ٍ يجي فوق طاقتك
بس البلا كان الحمل هم وعماس=يجثم على قلبك وينهي سعادتك
تصبح حبيس ٍ في كنف كل هوجاس=مالك حصيل من الهوى غير حسرتك
باب الهوى خلفه على الخط حراس=وليا دخلته قفلوا دون عودتك
بعض العرب قبلك طلع فيه وسواس=والبعض الاخر مات واخبارهم جتك
حطوا لهم في بعض الاحيان قداس= عند العسيب اللي لقوا فيه جرتك
تشكي يابو منصور من حب ريماس=حتى بكيت وهلت العين عبرتك
دمعك غدى حبر ٍ على وجه قرطاس=من حر دمعك صرت تكتب قصيدتك
خوفي عليك من الروابع والاحداس=يضيع جهد ٍ فيه قضيت غربتك
يالشاعر اللي منهجك صار نبراس=تمشي على نهجك شبيبة جماعتك
عز الله انك في دجى الليل مقباس=رجل ٍ شجاع ونور قلبك دليلتك
من يحمي التالي على قب الافراس=غير انت تثني دونها من شجاعتك
ولا الردي هين بالاقدام ينداس=تقصر يمينه ما تجي حول حروتك
بوم الدنس مجناه من وكر الادناس=ماهوب حر ٍ طلعته مثل طلعتك
هلاس عندك وان مشى منك بلاس=وان مالقاله كلمة ٍفيك يبهتك
فيه الردى موروث والعرق دساس=رجل ٍ خبيث وملته غير ملتك
حتيش لو اسمه على اسم محماس=ولا ّعلى اسم الظيط فارس قبيلتك
من لا كسب بين المشاكيل نوماس=عساه يا ذيب الرجاجيل فدوتك
قبل امس بعـد العـز ذقـت الاذيه=حسيت باللي حس ابه فاقـد الذات
بغـت تروح النفس مني ضحيه=اثر التساهل يقـتل البعـض حزات
لولا رجال الطيب واهل الحميه=يوم اسمعـوني الحق الصوت ونات
شالوني الاثنين وقت اضحويه=في موتر ٍ مصدوم ما فيه لوحات
عليه قرم ٍطيّره في شويّه=ماردته كثر النقط والاشارات
كله نشاط وسرعته فوق ميه =لين اوقفه بين الركون المخيفات
في مركز ٍمغـمور ما شفت زيه=خمسة عشر عام ومديره عـنايات
نشدني المسئول واسمه عـطيه=عاوز ملفك قلت ما منك فكات
قال الملف اللي تبي في يديه=لكن هات الكرت قبل الحجوزات
قلت ان كرتي ضاع فالفيصليه=وانا اتفرّج في بنات الخواجات
بس اطلب الدكتور خل الزريه=مالك ومال الهرج في فايت ٍفات
قال انت عينك عقب هاذي قويه=وانا احسب انك تفهم العلم بسكات
والله لسجـّل ضد شخصك قـضيه=حتى تروح ولاتجي للعـيادات
قالوا له اللي ما رضوا بالخطيه=وين الطبيب ان كان للطب نفعات
جا بوا لي الدكتور يكشف عليه=واخذ على جسمي ثلاثة فحوصات
الفحص الاول قال ما فيه شيه=والفحص الآخر صار فيه اختلافات
والثالث اللي صوّر البا طنيه=واحتار في امره طبيب الاشاعات
ابطا يفكر ثم نادى خويه=دار الحديث ومجمل القول همسات
تشاوروا في حالتي بالسويه=والعالم الله والبلاوي كثيرات
قلت ارحموني واذكروا ويش فيه=تراي مؤمن لو الاقدار صلفات
قال الطبيب اللي قليل ٍحليه=ما عاد تنفع فيك كل العلاجات
انته مريض وعـلتك داخليه=قبل امس جانا واحد ٍمثـلك ومات
حزّة سمعـته قلت حالي رديه=بالله ردوني والاقدام عجلات
ودي اشوف العـود قبل المنيه=واعطيه مالي من صكوك وْ وكالات
واكتب لخوي ان ما لقيته وصيه=يحط قبري في فياض ٍعذيات
هذا وكاد وقصة ٍواقعـيه=ماهوب شيّ ٍمن خيال وروايات
وانا احمد الوالي جزيل العـطيه=رجعـت بدري واختصرت المسافات
وامسيت وسط البيت بعـد العشيه=واصبحت طيّب والنتيجه سلامات
يالله يامن رد يوسف ليعقوب=يا منزل القرآن آيه وسوره
انك تساعدني على رد مكتوب=شخص ٍيدور من ورايه مشوره
خلاني افتح للشعر باب ودروب=واسهر معه حتى الصبح شع نوره
واختار اله ما لاق غالي ومصحوب=بالمسك والعنبر ونفحة عطوره
شعر على كيفي عن الشين محجوب=ما تهظم الشعار من حجم دوره
ما قاله اللي لا قصد فيه عذروب=لا قال له بيتين زادت غروره
شبه الكديش اللي من العز مسلوب=واخطاه عن درب الرشاد معثوره
ياللي تعاتبني ترى الزين مرغوب=والشين كنه شق من فوق عوره
جنب عن اللي شعرهم فرك عرقوب=اللي يشوتون الشعر شوت كوره
دايم يروثونه هجيني ومسحوب=لين احدثوا في ساحة الشعر ثوره
شعر النبط من فعلهم صار معطوب=داسو حماه وقللوا من حضوره
يا صاحبي كان انت شاعر وموهوب=الشعر لازم تازنه ياخو نوره
وزن الشعر في كل الاحوال مطلوب=والقافيه تعني جواز لعبوره
والثالث المعنى للاثنين منسوب=يكمل به المنشور حزة صدوره
هذا حسب عرفي والي طرح واسلوب=وانت انتبه تسلك طريق الوعوره
لا تحسب انك صرت قاضي ومنصوب=في محكمة عدل النفوس الغيوره
مالك ومال القوم غالب ومغلوب=بعض المواقف تتسم بالخطوره
ما يلحقك منها سوى حفنة ذنوب=فوق الذنوب اللي عليك مْحصوره
خلك مع اصحاب المبادي على صوب=اللي مواقفهم معاك مخبوره
ما تحتمل في موقفك هم وكروب=الله يجيرك من عواقب دهوره
هذه الابيات من الشاعر/مقبل بن جودان الى الشاعر/غازي بن عون
اشكر جنابك يابو عبدالله الخيّر=وارجي من الله تكون بخير ومقوّا
جيت امس يمي على صالونك مسيّر=وانا فتحت الك باب الود من جوّا
لكن الي صاحبٍ مذموم وصغيّر=نسيت اعرّفك ابه واخبرك من هوّا
شيطان شعري ملعون الجد والصيّر=ليتك تشوفه بعد ما رحت وش سوّا
قام يتخطف شوارد فكري النيّر=الظاهر انه على اللي عندكم خوّا
كنت احسب انه ضعيف وباعه قصيّر=حيث ان اله عام لا سرح ولا ضوّا
واليوم وده يبدل في ويغيّر=يفتل وانا انقض وحبله عسر وملوّا
ماللغني حق في ما يكسب فقيّر=افزع معي نردعه عن فعل ما نوّا
والا ترى وضعي اصبح صعب ومحيّر=في وجه من جده اخرج ادم وحوّا
رد الشاعر/غازي بن عون
يالشاعر اللي تقود الركب وتعير=وكسبك غفال ٍ تقلد جوخ وتفوا
كم خايع ٍفيه صيد الفكر ما ذير=تعانقتبه زهور الشيح والحوا
نحلة هجوسك توقع فيه وتطير=وتجني رحيق ٍطري ٍما بعد ذوا
وتشيد بيت الشعر في مقدم الدير=ما هوب خدر ٍيغز ايام ويطوا
ومن وَرْد عد القصيد بحبل ٍقصير= صدّر وهو ماشرب ذوده ولا روا
ومع غير راعيه ما يركب ولو ظير=ولا يسلم من المرض لو راسه يكوا
وانته جمل يابن عمي مانته بحوير=ولكل فعل يعزالرجل تتبوا
من العام تكتب من الشيكات وتجير=وصدى توجدك باقصى المملكه دوا
وفكري ليا اطريت علم منير ومنيّر=نوبٍ يدل الطريق ونوبٍ يغوا
هذه القصيده موجهه من الشاعر ..
مقبل بن جودان الرويس..
الى الشاعر الكبير...غازي بن دخيل الله بن عون الرويس...
عـزّاه يا قـلب ٍمعاليقه صْخاف=يبست عروقه من كثر ما يصالي
لاحسه الهاجوس يرجف وينلاف=لوف الهوى لغصون سدر ٍمدالي
يقرع كما طبل ٍعلى مشية الزّاف=بيدين خبل ٍ جر صوته يلالي
تقول ينتابه من الحب خفخاف=عقب الفراق اللي برا عود حالي
يجوظ لا منه ذكر حسن الاوصاف=صابه من الفرقا بوادر جفالي
فرقا من افراقه قسم قلبي انصاف=نصف ٍ معه والنصف الآخر بقالي
امضيت في حبه عمر كله اكلاف=احسب سنين البعد عن شفْ بالي
خمسة عشر عام ٍ مضت سود وعجاف=فيهن تقطع ما بقى من حبالي
ما جتني رْساله ولا واحد ٍشاف=مقطوع من حبل الرجا والوصالي
يقطعك يا حب ٍ بلا عدل وانصاف=ما شفت من بابه حسين الدلالي
عن شوفته محكوم ضدي بالايقاف=حكم ٍ يشل اقوى عزوم الرجالي
والحب مر وباطنه سم ٍّ زْعاف=كاس ٍمن الحنظل على القلب كالي
شربت من مره تراديد واضعاف=وليا بغيت اشرب هنا ما صفالي
له قوة ٍما تحكم الا بالاجحاف=والبعد والحرمان من شوف غالي
حتى نفد صبري ورا زيف الاطياف=وانهار حلم ٍ كان مبناه عالي
واصبحت ضايع بين الاقفا والانكاف=تاهت خطا رجلي وقل ارتحالي
في جوف بحر ٍ يلتطم ماله اسياف=عندي كبر بحر المحيط الشمالي
غريق وهم ٍ ينتظر دور قصّاف=عايش على ذكر الليال الخوالي
والمهره اللي سرها عند عسّاف=جابوا لها سايس عسفها بدالي
خبل ٍ عطاه الله نقود ٍ با لالاف=دفع لهم مهر الحبل بالريالي
بعض العرب حظه للامهار خطاف=لو ما سعى حظه يهد الجبالي
والبعض الاخر ما كسب حظه الـْطاف=لا جاب فود ولا مشى بالعدالي
وانا قدم حظي على الموت مزلاف=داوم على العثرات من شين فالي
ما قط ساعدني مع الدرب باسعاف=خلاني افقد مهرتي ما سعالي
يسعى لابو وجهين ويذل الاشراف=ضاع الامل في وقفته عزتالي
ياليت باق ٍ لي من العزم مقطاف=واقدر على بعض الحمول الثقالي
ما عشت فالدنيا بلا فكر واهداف=لو الهدف عني بعيد المنالي
عطاني الله نعمة العقل مجداف=ادفع به المركب عديم المحالي
ما همني جرح ٍعلى القلب نزاف=ما قدر الله كان والرب والي
لكن وضع المشكله صار شفاف=قلت اطلب النجده واجود بحلالي
واخترت للمشوار معدوم الاصناف=صنفه جديد ولا ورد غير تالي
وارد مصانع جيب تركيب واشراف=من ماركة فكس آر شكله خيالي
مصنوع من اجل المدينه والارياف=حسب الطلب يعمل على زر آلي
ما يدركه لا فـز قاصد وحذاف=اسرع من الجكور على خط رالي
وليا مشى بالهون مشيه تغرياف=كنه عروس ذياب بنت الهلالي
عليه قرم ٍما تضجـر ولا خاف=يمشي على وضح النقا ما يبالي
ابغاه لا جالي على الشعـر محراف=واكملت في بيض الورق ما طرالي
ياخذ خطاب ٍ مرسله يم صراف=جزل البيوت اللي سواة اللآلي
عمود هاك البيت مرفوع الاطراف=كساب تيجان الشرف والمعالي
راس ٍ تعـلى فـوق الايدي والاكتاف=والمدح في شخصه يجيله مجالي
شاعر شبابه محتمي مجد الاسلاف=غازي ولد راع الفعول الجزالي
اللي بدونه منتدى الشعـر ينعاف=اقـولها والحق لازم يقالي
بالله يالمرسول دوك التلغـراف=واقصد علم داورد ذيب العيالي
وليا وصلت اقلط ولا تنظر خلاف=قدمك محل الشيخ ريف الهشالي
سلم عليه وخل عنك التعجراف=اسأل وجاوب بس قدر السؤالي
تراك تعرف قيمة الوقت لاطاف=لا تنتظر حتى يطول الجدالي
مد الخطاب لحظرة مطوع القاف=واشرح له اسباب البلا والنكالي
قله ترى مقبل على جال مهياف=ان مات والا مرجعه للهبالي
تومي به الدنيا على حبل الاتلاف=حي ٍ ركب موج الفنا والزوالي
ضمه عذاب ام العزاير بالاكناف=يا ما تجرع ويل غبر الليالي
شح الكلام ولا بقى حرف ينضاف=حال القصيده وضح اللي جرالي
سولفت عن حالي وابن عون عراف=حلال فتـل اهل الحيل ما يحالي
عساه يلقى لي وانا حي مدلاف=نحو النجاة من الخطر والضلالي
حيث ان رايه فالهوى نور كشاف=يبلغ به المحتار روس الطوالي
والراي نوع من التواصل والاحلاف=لا جاك من خطو الرفيق الموالي
ما تعدل الحكمه عوج وضعي اللاف=ياكود من غازي ليا قالها لي
منه النصايح كلها جل وخـْفاف= منزالها في محفظة راس مالي
هذا وانا ياخوك ما نيب افاف=صبري قوي بالله عظيم الجلالي
وان ما وصلت بهقوتي قمة الناف=والا ترى ما كن شي ٍ غدالي
والختم عد حروف غافـر والاحقاف=صلوا على محمد كريم الخصالي
...مردود الشاعر غازي...
يا مرحبا عداد ماهل هتاف = وما لاح برق ٍفي سديد الخيالي
وعدد من احرم واستعى عـقب ما طاف = وعـد النبات وعـد ذار الرمالي
بمصيونة ٍنالت رضا كل الاشفاف = جتني من العد القراح الزلالي
ماهوب رس ٍكود يغرف بمغراف = عد الروى اللي مع كثر ماه حالي
مقبل الـْيانع برحي الشعـر خراف = ومطعـّمه من در عرب ٍمتالي
اليا عزف له في سما الشعـر عـزاف = لـْرغبة هل الذوق الرفيع استمالي
ومقبل من الوافـين سامين الاهداف = من معـدن ٍينتج زحول الرجالي
اللي ليال العسر يقرون الاضياف = بالكوم وبحول ٍاسمان ٍجزالي
ويروون من دم العـداء حد الاسياف = ويثنون فالهيجاء خلاف التوالي
ومقبل ذكرني عقب ما شاف ماعاف = يوم اوجعه رمح الغرام اشتكالي
يشكي عليه من هوى ناب الارداف = دقاق العـلو والنصف الاخر جلالي
منتوقة ٍممشوقة ٍخصرها هاف = لاقـفت ردوم ويوم تقبل غزالي
دقاقة ْرموش السود مياسة ْاعطاف = حجاجينها هلال ٍوزانه هلالي
اركت على كبد ابن جودان مرضاف = ومقبل لاهوب اول ولاهوب تالي
سلم الهوى معـروف في كل الاعراف = وترى الهوى نوعـين واطي وعالي
نوع ٍيغلف له عن العار بغلاف = ولا لانتقاد الناس حوله مجالي
سام ٍعن الهسات في راس مشراف = مثـل بني عذره هواهم مثالي
والشمري مضرب مثل كل ميلاف = وايضا الدجيما لو عظامه بوالي
والنوع الاخر شوهه كل حواف = ماهمهم نقد وحرام وحلالي
بواقة المحار في جوف الاصداف = من شاف منهم فرصة ٍما يمالي
ومقبل ترفع عن مهين ٍوحلاف = وصعـد بعـشقه فوق روس الجبالي
وبعد غلا محبوبه اسرف به اسراف= كلف رسول ٍبالرساله عنالي
وانا معه لي بالملمات ميقاف = واشاطره حمل ٍيضيم الجمالي
احسن بشيلي للحمول التصراف = لو هي حمول ٍباهضه ما تشالي
واقوم وافزع فزعة ٍتبر الاحساف = واصخي من اجل ارضاه مالي وحالي
وعز الله اني ودي آفي مع الواف = لكن ينخاني بشي ٍمحالي
لو من بصيص ٍللامل فيه ينشاف = شديت لقـْضيْ اللزوم الرحالي
وما دام نوف حبالها بـِيـْد نواف = عنه انقفل باب الرجا والامالي
ولا فاتك المرباع قافيه مصياف = وتسلى وهو يصبح بعد وقت سالي
ويعوضك الله عقب منقوش الاكفاف = بصاحب ٍمثـله كمال وجمالي
ولو جاك في وقتك صواديف وخلاف = اصبر عليها يا كريم السبالي
واعنز على اللي بالمخاليق رواف = اللي عليه الرزق والاتكالي
كانك صحيح لقايد الريم لقاف = فانا سنيت ارشاي فوق المحالي
وكانك ملحفها عن الناس بلحاف = فانا رشايه عن مسانيه مالي
الفرق بين كتابة اللام والكاف = طفيف من يوم العلامه تشالي
ولا ودي ازهف لو زهف كل زهاف= اللي يصلي قبل يذن بلالي
يحذف حصاته قدم وتعوّد خلاف= ويتيه مابين الهدى والضلالي
وهذه قصيده غزليه للشاعر/ مقبل بن سعود بن جودان الرويس...
واعـيني اللي زجت الدمـع وانــزج =هلت هماليله على الخد وانــــزاح
كن الدمع من ناظر العين لا نج =شـقــان دلــو ٍ تــلـها كــف مــتــاح
من عـيلـم ٍفـيه الـمـنـابـع تـسـرهــج =مـاطــبـه الــغـراف يـاخــذ بالاقــداح
هـذا قـــدر عــيــن ٍ ولــعـهـا تأجـــج =مـن حــزنـها تـبـكي عـلى واحد ٍراح
غرو ٍ ذبحني يوم قام يتغنج =بعـيـونه الـلي فـي مـحاجـرهن سلاح
يغضي برمش ٍ يحمي الطرف الادعج = يخفي وراه الموت قصاف الارواح
فـي عـيـنـه الـيـمـنى فـصـيل ٍمدجـج= بسلاح ٍ ابيض مقدمه شلف وارماح
وفـي عــينـه الـيسـرى جـهـاز ٍمبرمج =يرسـل شـعـاع ٍ يـعـطـب القلب ذباح
والـوجـه كـنـه نـور بــدر ٍ تــوهــج= لاشـع نـوره في دجـى الليل فـضاح
لــونه مـثـل لــون الـقـمـر ما تـمـكـيج =وجـه ٍتـفاصـيلـه تبي شرح وايضاح
عـلـيـه خـشـم ٍكـامـل الوصف ماشـج= ماجملوا فـي مـنـظـره عـنـد جراح
والـيـا تـبـسـم حـطـم الـياس وافـرج= عن بعض مضمون السعاده والافراح
فـي مـبـسـمـه بـراق وسـم ٍ يـلـعـّـج =بـيـن الـثـمان الـلي كما الـدر وضاح
والعـنـق طـربـوش ٍ مــداره مـسـفـنـج= لـفـه عـن اسـبـاب الـصواديف بوشاح
وان جيت اوصف لبة الـصدر الابلج = صاهد نـفـود ٍ هـش بالـنبت شـحـاح
دمـث ٍظهـر فـي مـرتـعـه طـلع ٍاحدج= غـرس ٍمن الله واثـمر الغرس تفـاح
يخشى على طلعه من اللمس الاهـوج= لو كـان مـا نـاشـه مـن الـناس مـشفاح
مـيـل عـلى جذع ٍ قــوامـه معـمهــج = لاشـِد مـن عـالـيه جـالـه تـمـرجـاح
تـحـتـه بـرز شـط ٍعـفـر ما تـهــدّج= شــط الحـوار الـلـي تــولاه مـصـلاح
في وصفه لساني وانا صرت محرج= وشـلـون اوصّـف باقي الجسم وارتـاح
ردف ٍيـضـيـم اقـدام ابو ساق مدمـج = كــم مــرة ٍلاكـل مـن حـمـلـتـه صـاح
لــولاه يـقـصـر خـطـوتـه ويـتــدرج= انـقـلـبت افـراحـه مـثـل غيره اتـــراح
راعي جـديـل ٍ مـن وراه يــتـمــوّج= لـيـل ٍتغـشّى واعـتـلى نـور مـصـبـاح
لــه مـشـهـد ٍلاقـِـض مـن فـوق وادلـج= يـلحي قـلـوب اهـل الـهـوى لين تـلاح
عـليه قـلـبي هـزه الــشـوق واخـلـج= مغـير اجـاوب سـاجـع الـورق لا ناح
يافـج قـلـبـي مـن هـوى صاحـبي فــج = فجت شنق باب ٍ ولج فيه مفتاح
على وليف ٍ دونه الباب يزلج = مـصيـون ماشـافـه ابو شوف لـمـاح
ما قط وسط السوق شيف يتفرج = والا هرج مع بعض الاشخاص مزاح
انشهد انه محتشم ما تبرج = ما باح سده يوم حظي معه باح
ياوين ابلقالي معه درب وانهج = واخذ معه في تالي الليل مشواح
ابدا من بداية جبينه واعـرّج = على جميع اللي بقى قبـل الاصباح
لا كن خلي ما مشى درب ٍاعوج = ما غاص في دوامة العشق سباح
لا شافه الحواف مثلي تبرهج =ضيع مفاهيم الخساره والارباح
يا ناس وشلون ارفع الصوت واحتج = وانا مثل طير ٍ بلا ريش وجناح
من حب من في حبه القلب لجلج= حورية ٍ منها شذى المسك فواح
وجدي عليها وجد من طاح وارتج = مخه تحجر وانقفل بعد ما طاح
والا وجود اللي سقط ليلة العج=حول على راسه وسط قامة رماح
يا عاذلين القلب انا قلبي اصنج=ما عاد يسمع قول ناقد ونصاح
متى على الله بعض الاوضاع تفرج=كود الهموم اللي على القلب تنزاح
واعيش مع ربعي وسط نجد واسج=في ديرة ٍ غنى بها الطير صداح
هذه القصيدة وجهها الشاعر / فالح بن فوّيز الشيباني ..
الى مقبل بن جودان
تجلى الصبح وانزاح السوادي=شعاع الشمس من مبداه بادي
ظلام الليل زاح وراح واقفا=ونور الصبح فوق الكون سادي
وانا سويت من زين المثايل=ثلاثين ٍقوارعها جدادي
اقاديها على راي وبصيره=وامشيها على معنى قصادي
ولا يدخل بها بيت ٍلغيري=احب اعزل حلالي بانفرادي
واذا سويت لي بيت ٍوسمته=يجي وسمي على خده ينادي
ولا انخا من يعاوني عليها =على الله كل جهدي واعتمادي
واخوض بحورها واجيب منها=جواهر غاليه عند المزادي
وانا ماطق في حق زْملايه=من الشعار كل ٍ له مرادي
لكن اللي يزود الغيض عندي=كلام ٍ نسمعه مهوب عادي
يقولون القصيده في زمنا=تباع وتشترى في كل نادي
وانا ما كنت اصدق يوم قالوا= لكني شفت ما يدمي فوادي
لقيته واحد ٍ جاهل وغاوي=ايجمع له خرابيط ودوادي
يقول اني مع الشعار شاعر=وهو غاوي وفي مسراه غادي
يقلد ناس عالي مستواها=يبا العليا وهو نازل بوادي
امركـّب نقص قالوه الاطبا=يجي في ناس ما تسوى جرادي
ضعيف النفس والمعتوه واللي=عليه ظلال من رب العبادي
وهاذي عادة النفس الضعيفه=عن الدرب الصحيح الها حوادي
تدخـّل في طريق ٍما تعرفه=وتصبح عاد في وضع انتقادي
ثلاث ارباع شعار الصحافه=بهذا النوع لا صح اعتقادي
سقاك الله زمان ٍيوم كنا=نحب الباديه في كل رادي
اليا منا سمعناها طربنا=قصيد ٍنسمعه صح امتقادي
الا يا مقبل بن سعود رايك=كما اني عارف ٍ رايك سدادي
اعرفك شاعر ٍبيطار فاهم=والك في مركز العليا شدادي
ابي فزعتك يا ريف الهشالا=نبي نعلن على ذولا جهادي
ابي رايك وعجل به عليه=ترى صبري مثل صبر المهادي
للا مثلك تسليني لحونه=تركت الشعر مالي به مبادي
قصيدك حايز اعجابي وذوقي=غذا روحي مثل شربي وزادي
يسليني ليا ضاقت شجوني=يصح لسان من قاله واجادي
هذا وسْـلم عساك تدوم سالم=ما غرد من على الاغصان شادي
وهذا رد الشاعر / مقبل بن جودان الرويس
عدد ماهب نسناس البرادي=على ذيدان بدو ٍفي حمادي
هلا يامرحبا مليون مره =تراحيب ٍعليها ريح كادي
اهلي بالقصيده يوم جتني=من الشاعـر ابو مقرن سنادي
علشان البيوت اللي كتبها=مكاسب حرّ ٍامعن فالهدادي
يجيب من البحر والبر صيده=تماثيل ٍ توارد بازديادي
جمعهن بعد ما جمّع خياله=بنات افكاره البيض العوادي
تخير عوبهن والشرد منهن=وسمهن بالعمودين الوكادي
يجي عشرين مع عشر ٍعددهن=حسبهن ما نقص او زاد حادي
يبي فيهن حسب ما قال فزعة=صباح ٍما يجي عقبه هجادي
على شعار صفحات الجرايد=ومن معهم يمدون الايادي
دعاة المعرفه واهل الحداثه=رموز المهزله وكر الفسادي
وانا مثله واشوف اللي يشوفه=واشوف انه يزود وفي تمادي
ولا اقدر اصد يسار واسكت=اباخذ بندقي واسرج جوادي
ولي محزم ٍمليته بالذخيره=لزوم المعركه ضمن العتادي
لكن الوضع ما يحمل معارك=يباله واحد ٍمثلي قيادي
بدون اجهاد وعلوم ٍكبيره=يحل المسأله والجو هادي
لان اللي ذكرته فالقصيده=خشاش ٍيظهره كثر الكسادي
ومن يسلب حقوق الناس خلسه=جبان بلا ضمير ولا يلادي
وانا عندي سلاح ٍمحتفظ به=اجاهر به وادافع في بلادي
تعلمت ارفعه من غير صجه=قدم كل المكـرّه والاعادي
وقف له وقفة ٍتغار منها=نهار الموقعه قوة ازنادي
يهون اقواه ما يصعب عليه=شربته من رضاعي في مهادي
معه علم ودرايه واستقامه=نتاج اسنين من درس وحصادي
ترى شعـر النبط يا فالح اخطر=سلاح ٍ تشهره ضد الربادي
وانا وياك ياذيب السرايا=نصيد الماكر اللي ما يصادي
نخيف ولا نخاف الا من الله=صقور ٍما تقارن بالحنادي
مخالبها لها فعل مجـرّب=يزج الدم ويفج الثنادي
لذا عزمت ااسس لي تحالف=تكون انت اوله وانت الريادي
عسى غيرك يحط اسمه ورقمه= على ما قيل ماهوب اتحادي
يشاطر فالقسم قبل الغنيمه=وعينه ما هنت حلو الرقادي
وعهد الله يموت ولا يخونه=يصونه فالمواقف والطرادي
يساعدنا على كشف الحقايق=وغير الحق جعله بالنفادي
اكيد اليا وضعنا خط ٍاحمر=ما عاد الهم على السكه معادي
نصك الباب في وجه الهزيمه=لك الله ما نقصنا فالعدادي
ولا منا على الطيب اجتمعنا=فرحنا بالظفر كنه عيادي
هذا هو الهدف ما جيت دونه=امد ومن مدد ربي مدادي
رسمته بين يومين ٍوليله=عقب طال العنا والاجتهادي
اظني قلت ما فيه الكفايه=تقبل راي من منك استفادي
وصلى الله على محمد وسلم=دليل الخلق لدروب الرشادي
هذه القصيده من الشاعر/محمد بن الحميدي الروقي العتيبي
الى الشاعر/ مقبل بن جودان
لعيونك اخترت العنا يااشقرالراس=يالعنبومن لامني في محبتك
ولعيونك اخترت المتاعب والاتعاس=عز الله اني مولع ٍفي مودتك
ولعيونك اشرب علقم المر بالكاس=واصبر على فرقاك وجروح صدتك
وافرح ليا دست بقدم رجلي الياس=وجا للرجا بسمه على وجه فرحتك
وشعشع سعد عيني عقب بعد الارماس=وطلعت من نارك ونزلت جنتك
واخذت لي مع حلو الامثال مرواس= وفهقت مجدولك وحبيت غرتك
وغنى فرح ليلي بعد هجعة الناس=واخذت من بدرك عسل حب شفتك
ورحت لـْربيعي عقب الامحال عساس=واقول وينك يالزهر عقب غيبتك
فرقاه يا مقبل غرابيل وافلاس=واطلب من الله يضفي ثياب صحتك
عزالله انك نادر الوصف بالناس=الله يبدل بالعوافي مضرتك
من كثر ما وحي فيك يا طيب الساس=اونس وجع شكوى جوارح معزتك
اعرفك ما شفتك حياوي وحساس=لكن عرفتك زين من زين سمعتك
وانا اعرف ان الناس يا طيب اجناس=والعنهم اللي لا مشى منك يشمتك
بعض العرب سكباتهم وسط الالباس=هياكل اجسام ٍ ليا جتك هالتك
وقت الرخا شجعان في وصف جساس=وتظيع فيهم ساعة الضيق هقوتك
لا جا نهار ٍفيه بومه وقرناس=ودون الجهامه قمت تنخا بعزوتك
ولحقت مراويح الرمك مثل الاقواس=وجا للبرا مردود والخيل وصلتك
راع الرخا شفته مجنب ومحتاس=واقفا الجبان بموقف ٍ كفو حضرتك
سمو على العفار هو واسم عفاس=يالاش يلعن ام ٍبشيخ سمتك
وتحية مني بلا حد واقياس=من شاعر ٍله نخوة ٍ مثل نخوتك
اعداد ماغنت قبل حل الادماس=ٍ ورقا فريده لعلعت يوم شافتك
على هشيم ٍ في خلا مابه اوناس=قامت تنكس تشتكي لين بكتك
يا مقبل مْـنادمك ما زاره نـْعاس=يقول من قلبه لشخصك سلامتك
رد الشاعر / مقبل بن جودان الرويس
معذور يا شاكي هوى عذب الانفاس=قولك وجيه وقلت لي فيه حجتك
والله ما لومك في هوى ظبي الاطعاس=لو العواذل كـثروا في ملامتك
حب العذارى ميبس ٍ قلبك ايباس=انشهد انه هو سبب كل علتك
رجل ٍ تشوف الويل لا هب نسناس=من يم دار ٍ فيه تسكن حبيبتك
خابرك في بحر الهوى دوم غطاس=اتعبت حالك لين الاقدار جابتك
كان التعب مخلوف انا اقول لاباس=لو شلتلك حمل ٍ يجي فوق طاقتك
بس البلا كان الحمل هم وعماس=يجثم على قلبك وينهي سعادتك
تصبح حبيس ٍ في كنف كل هوجاس=مالك حصيل من الهوى غير حسرتك
باب الهوى خلفه على الخط حراس=وليا دخلته قفلوا دون عودتك
بعض العرب قبلك طلع فيه وسواس=والبعض الاخر مات واخبارهم جتك
حطوا لهم في بعض الاحيان قداس= عند العسيب اللي لقوا فيه جرتك
تشكي يابو منصور من حب ريماس=حتى بكيت وهلت العين عبرتك
دمعك غدى حبر ٍ على وجه قرطاس=من حر دمعك صرت تكتب قصيدتك
خوفي عليك من الروابع والاحداس=يضيع جهد ٍ فيه قضيت غربتك
يالشاعر اللي منهجك صار نبراس=تمشي على نهجك شبيبة جماعتك
عز الله انك في دجى الليل مقباس=رجل ٍ شجاع ونور قلبك دليلتك
من يحمي التالي على قب الافراس=غير انت تثني دونها من شجاعتك
ولا الردي هين بالاقدام ينداس=تقصر يمينه ما تجي حول حروتك
بوم الدنس مجناه من وكر الادناس=ماهوب حر ٍ طلعته مثل طلعتك
هلاس عندك وان مشى منك بلاس=وان مالقاله كلمة ٍفيك يبهتك
فيه الردى موروث والعرق دساس=رجل ٍ خبيث وملته غير ملتك
حتيش لو اسمه على اسم محماس=ولا ّعلى اسم الظيط فارس قبيلتك
من لا كسب بين المشاكيل نوماس=عساه يا ذيب الرجاجيل فدوتك