مناحي ولا الهذلي

[محيّل الثنيه]

يامناحي يالهذيلي ياشياطين البريه=لاتحوسون الديار ولاتحلون الاداره

خابرٍ مرزوق رجلٍ من رياجيل الحميه=لوهرجتوا لو سكتوا ماتغير عن قراره

[مرزوق حمدان العتيبي]

يامناحي يالهذيلي ياشياطين البريه=لاتحوسون الديار ولاتحلون الاداره

خابرٍ مرزوق رجلٍ من رياجيل الحميه=لوهرجتوا لو سكتوا ماتغير عن قراره
..
الله الله ياميحّل الثنيه ..
صح لسانك .... وننتظر احد الشاعرين ..
ولا وصيك فيهم :)
...
والقرار ماراح يتغيّر هههههه ...

[ماجد الهذلي]

يا محيل ببننتظر الكبتن

وأنا موجود وحاضر

ببنتظر الكبتن لن ماجاك

رديت عليك

تحياااتي

[ماجد الهذلي]

بعد إذن الكبتن

مناااحي أستلم يا محيل



يا محيل أنته علامك تجزي الحسنه بسيه = في يمين الدرب مدري وش حذف بك في يساره
المطوع يالمطوع ما يدق السمسميه = والقرار اللي تقوله غــّــيره وألغى الوزاره

[محيّل الثنيه]

مرزوق نورت المتصفح

ازهلهم

ماجد مرحبا
وانت مناحي كلكم
في قمة الابداع

استلم



الهذيلي عارفٍ طبعه وله تسعين نيه=مير يبطي دار اخو نوره وشيدنا جداره

انت راع السمسميه في مضاربك العذيه=لاتشب النار دام النار تقدح من شراره

[ماجد الهذلي]

الله يبارك فيك

أستلم


طبعنا طبع الرجال ولا عليك ولا عليه = وإن نويناكم بنيه رحت لو نشن غاره
يا محيل أنته محيل اليوم يا محيل الثنية= من يشب النار منته سالم ٍ فالوقت ناره

[فيصل المسعودي]

صحت السنتكم


وفي صفك يامحيل


وواااصلوااا


متابعين


تحياتي يالغالين

[محيّل الثنيه]

طيع شوري يابو نيه خل عنك الجاهليه=واكب الاحداث يمكن تفلح بوقت الحضاره

يامويجد لاتحوص قدمنا فالمهمهيه=ماوصلتوا للمهالك غير من زود الجساره

[محيّل الثنيه]

فيصل المسعودي

صح بدنك

والله يحيك نورت

[ماجد الهذلي]

فيصل شغلك عندي

برسل لك واحد من صفي يتدبر أمرك


طيع شوري وأنت عاقل طيعني كب الأذيه = ولا تشاور غير رجال ٍ يجيب الإستشاره
أعرف إن النارطول الوقت تبقى نار حية = لا تدور للماكسب وأنت عايش في خسارة

[محيّل الثنيه]

لاتحاول يالهذيلي وانت مالك مقدريه=ماعمرنا ماانت قادر يالهذيلي في دماره

التجاره بالشطاره ماتجي بالعنجهيه=كان تبغالك دراسه ابشر ابشر بالتجاره

[ماجد الهذلي]

منت عارف غير حرف ٍ واحد ٍ فالأبجدية = لو تعمر كان ما يمديك مستأجر عماره
التجاره لأهلها يا محيل ماهي دودحيه = لا تعلم صنعة النجار لأصحاب النجاره

[ابـن نـعـيـس]

صح السنتكم

واصلوووووووووو

[محيّل الثنيه]

النجاره خبرتك ياهيه ماقلت لك شيه=والتجاره خبرةٍ لي والتجاره بالشطاره

لاتكلع ياملكع وضربك ضربه قويه=وخلنا في علمنا والحر يفهم بالاشاره

[ذياب]

الله الله

متابعين

معكم

والله يعطيكم العافيه

[مرزوق حمدان العتيبي]

..
.
محاوره ممتعه فتل ونقض...
الله يعطيكم العافيه ..
..
.

[((الدلبحي))]

صحت السنتكم

واصلوا متابعين لكم وفي صف ماجد

تحيااااااااااااااااااااااااااااااتي

[ماجد الهذلي]

حيا الله الجميع


أنت ما جبت الشطاره لو نبا نكويك كيه = صرت مثل المتر اللي ما عرفت إله أستماره
إن مسكنا واحد ٍ مثلك بمسكة مخلبية = صار ضايع ما يبا يعرف دياري من دياره

[محيّل الثنيه]

بارك الله فيكم يالربع

لاهنتوا على التواصل


ياعتيبه ياحزامي ويش اسوي بالبليه= لو ذبحته قالوا انه ذابحه في وسط داره

انت تلعبك ظنونك فالليال السرمديه=ياسفيرٍ ماتسر اعلومك اصحاب السفاره

[ماجد الهذلي]

يا عتابه لو تودونه على أقرب صيدلية = قبل لا يرمي بنفسه ثم نبلى بإنتحاره
جيت للمشوار لأبو زيد في روحه وجيه = حرت لين أحترت وأخذت لك لفه وأستداره

[محيّل الثنيه]

لوتغني بالهجيني لوتغني سامريه=ماتحل المبهمات وكل شاعر باقتدراه

يالهذيلي كم عطيتك بالصراحه قول ليه=كسرك اللي مايعالج لو تسوي له جباره

[ماجد الهذلي]

ما بقا لك حيل حيل ولا بقا لك مقدريه = طيعني كب الغنى والغطرفه يا أبو ذعاره
رحت وأنه ما تعرف تهوش وألا تجيب هيه = طير يا طير الكناري ما نبا شره وخاره

[محيّل الثنيه]

للمعلوميه

ياماجد مقدريه سرت


اضرب البحر بنحرك وفك ذيه شد ذيه= البحر يانوخذه رزقك يجي لك من محاره

عزتي للشعر تال الوقت واحواله رديه=من طيورٍ دون ريش ومن ظروفه والقشاره

[ماجد الهذلي]

:confused: لك مثلها يا محيل


ذوق سم الداب وأرجع لليال الأوليه = وأنت ما تآخذ معي يا صاحبي شرب السجاره
لا تلوم الشعروأنته ذمتك ماهي بريه = جعلك بقناص رميه ما يروح عن الوباره

[محيّل الثنيه]

لك مثلها يا محيل

i do not no
مافهمتك


الهذيلي موجعه راسه ويشك الباطنيه=كان وده بالتشاوي ياخذ اعلاج الحراره

الشعر لولا عتابه كان مايبقى بقيه=جعلك بقناص مايخطي ليا شاف الحباره

[ماجد الهذلي]

علتك علة خفى وأمرار علة خارجيه = بطنك اللي ما تبا تعرف خضاره من حماره
يالعتيبي بعد مطلق راحت ديارك سنيه = سم بالرحمان وألا أرم راسك بالحجاره

[اللطّــام]

صحــــــــــت السنتــــــــــــــكم يامــــــاجد
انت ومحيّــــــــــــــــــل الثنيـــــــــــــّه .

[محيّل الثنيه]

هلا ومرحبا ياللطام

شرفت




تالي الايام ماكثر كذبكم يالاجوديه= واول الايام مافيكم قدوم ولا نعاره

ودي اعلقك لين اتشوف بالعين المنيه= تاخذ العبره وغيرك يحسب حساب اعتباره

[ماجد الهذلي]

أنت ياللي بين سوق المدعى والجودريه = لو تستر كل يوم أيام ما تلقى ستاره
أنت وصي دام أنا حافظ وداري بالوصيه = وأعرف اللي ما نجح قدام لا حط أختباره

[محيّل الثنيه]

ماجد بيض الله

وجهك

وصح للسانك

[ماجد الهذلي]

صــح

لســانك

وبدنك

ووجهك أبيض يالغالي

تحياااتي