ياهذيل.. قربوا

[السميــــــري]

يامرحبا ترحيبةٍ تضفي على كل الجميع = ترحيبةٍ ياطيبها من طيب من حصنه منيع
والليل ابى العب مع هذيل اللي لها صدرٍ وسيع = فوق البسيطه ضاع قبر آدم على ذريته


قربو قربو هالليل ليل = مع رجال لها مقدارها
الجمل كل حملٍ له يشيل = والفتايل قدحنا نارها

[ماجد الهذلي]

دام البقا ياللي ترحب مرحبا بك يا هلا
يا ذرب يا ذرب اليمين أملى علوم بالغلا
ألعب وذوق المر حتى ينفعك طعم الحلا
فوق البسيطه ضاع قبـر آدم علـى ذريتـه

يا عتابه ترى ربعي هذيل = شرها ما يسابق خارها
سير والدرب والممشى طويل = وأعرف طوالها وقصارها

[ذياب]

نعم نعم

متابعين ياشعار

وسجلني في صفك

ياماجد

[ماجد الهذلي]

ذياب يشرفني

وقوف شاعر بحجمك في صفي

ألف شكر

لمرورك

[وثاب]

كفوا والله

والنعم بالجميع

وتراي بصفك يالذرب

اخوكم

وثاب العتيبي

[ماجد الهذلي]

ما عليك زود يا وثاب

وهلا وغلا فيك

يشرفنا مرورك

[فيصل المسعودي]

الليل الليل


هلابك ياذرب


وفي صفك ياغالي


ولا يهون ماجد


وواااصلوووواااا


يالغالين


متابعين


تحياتي

[السميــــــري]

ياالشاعر اللي وسموك بوسم وسم المنتخب = أعرف ترى درب المعالي ينتصب فيه التعب
لكن هذا الليل باخذ منك وسمك فاللعب = فوق البسيطه ضاع قبر آدم على ذريته


نعم يلي كسبتوها جميل = قدمك اللي طويل جدارها
انت قدامك الجرف المهيل = كيف رجلك على معبارها

[السميــــــري]

وثاب بيض الله وجهك على الحضور
فيصل المسعودي مشكور يالغالي
ذياب شكر ياخوي....

ماجد عذرا على التأخير جاني ضيوف وتو جيت ..

[ماجد الهذلي]

حنا نبا نتعب معك دام التعب فيه الرجى
في صبح وألا في ضحى وألا على أطراف الدجى
بين البحر والنهر مارج من تعدى يمرجى
فوق البسيطه ضاع قبر آدم علـى ذريتـه


من كثير السوالف والقليل = كل قوم ٍ نجيب أخبارها
منت صانع لنفسك مستحيل= والجنايز لها قبارها

[مرزوق حمدان العتيبي]

..
..
الله عليكم يامبدعين

واصلوووووا ...

[وليد الزراقي]

الله عليكم يامبدعين

واصلوووووا ...

تحياتي

[ماجد الهذلي]

مرزوق

وليد الزراقي

نورتوا

وشرفتوا

تحياااتي

[السميــــــري]

بعض التعب ياصاحبي ماله خلف ماله خلف = لكن دور فالطريق اللي عليه اقرب ملف
اللولوه والدر جوف البحر تخرج من صدف = فوق البسيطه ضاع قبر آدم على ذريته


السحابه مسايلها تسيل = شالت أحجارها واشجارها
يشهد الجدي صدق له سهيل = عن فعايل طوال اشبارها

[ماجد الهذلي]

الله وأكبر في قلوب الناس صارت جاحده
وإليا نظر في حاجة ٍ ينظر بعين ٍ واحده
واللي يجيب المرجله محد ٍ أخذها من يده
فوق البسيطه ضاع قبر آدم علـى ذريتـه



لو عيونك تخيل اللي تخيل = طايره شالها طيارها
كيل ياللي تكيل وتستكيل = مرجع صغارها لكبارها

[السميــــــري]

المرجلة قسم الرجال اللي تضد ولاتضَد = وليا نظرت النظره اللي من قريب ومن بعد
وان كان تبغى الصدق يالهذلي ترى ماحدٍ جحد = فوق البسيطه ضاع قبر آدم على ذريته


اقعد وقيّل بظل المقيل = والسفينه لها بحارها
خيل خيلٍ وخيلٍ ماهي خيل = لين يعلو عجاج اغبارها

[ماجد الهذلي]

يا ذرب من دون الطلب تطلب وتآقف وتعدي
لك جهد وأنا يا طويل العمر سا بق بجهدي
عن النزول اللي نزلته صاعدين بمصعدي
فوق البسيطه ضاع قبـر آدم علـى ذريتـه



يا جمل منت داري وش تسيل = حملة ٍ غصب ما تختارها
ويلك إليا رفعت الصوت ويل= السوالف عليك آثارها

[ابـن نـعـيـس]

صح السنتكم


واصلووووووووووووووو


ابداع من اصحابه

[السميــــــري]

أنا ليامني طلبت آصل وحقق مطلبي = بعض المطالب ياوسيع العرف مامنها نبي
منته بخير الخلق منته لارسول ولانبي = فوق البسيطه ضاع قبر آدم على ذريته


الجمل لابرك شال الثقيل = والعرب تاخذه بسفارها
ويش ويلي من اللي ماش حيل = كل عبره لها معبارها

[ماجد الهذلي]

ذرب اليمين صح لسانك

وإلي اللقاء في قاف

آخر

تحياااتي