الشمالي مطلوب للملعبه؟؟؟

[ذياب]

الشمالي شاعر(ن) فالمحكمه يومي شليله=مزعج(ن) قاضي قضاة المحكمه من شان عمه

يالعضياني تمشكا والبلا من تشتكيله=الحرامي ولد عم الشيخ والمسروق رمه

[ماجد الهذلي]

الله الله

يا ذياب

قاف رائع صح لسانك

متااابع

[فيصل الثبيتي]

الله اكبر يا ذياب ...

صح الله لسانك .. وحروف من ذهب

ننتظر الشاعر الكبير الشمالي ...

ونتطلع إلى قمة من القمم ...

فيصل

[ذياب]

الله الله

يا ذياب

قاف رائع صح لسانك

متااابع


الرائع مرورك ياماجد

وتشريفك

أخوكــ/ ذياب

[ذياب]

الله اكبر يا ذياب ...

صح الله لسانك .. وحروف من ذهب

ننتظر الشاعر الكبير الشمالي ...

ونتطلع إلى قمة من القمم ...

فيصل


صح بدنك يافيصل

نورت الصفحه

أخوكـ / ذياب

[فيصل المسعودي]

الله الله ياذياب


في انتظار


الأخ العزيز الشمالي


تحياتي

[ذياب]

حياك يافيصل حياك

نورت الصفحه

ياغالي

[كبتن عتيبه]

الليل الليل


ياذياب



متابعين

[ابـن نـعـيـس]

الله الله

ياذياب


في انتظار الشمالي

[أبو مرحبا]

يسلااااااااااااااااااام عليك

ياذيـــــــــــاب

ننتظر الشمالي

[ذياب]

الكبتن مناحي & ابن نعيس & قحص

يامرحبا ترحيبة البدو بالسيل

نورتوا الصفحه

[((الدلبحي))]

صح السانك وفي انتظار الشمالي


تحيااااااااااااااااااااااااااااتي

[الشمالي الغربي]

ياحليل ذياب والله ياحليله ياحليله=شاعرٍ ماهر لكنه يخطي العلم ويخمه
ماشكينا لك هموم ولاندور منك حيله=لاتجيب الكارثه ياذياب واجيب المطمه

[علي الثبيتي]

صح لسانك ياذياب وصح لسان الشمالي
واصلوا ابداع ابداع من الشاعرين

[ذياب]

الحقيقه تالي الايام تشبه للفشيله=والشمالي لا تلومونه بعد مافار دمه

الشمالي ماشكالي هم فالدنيا الطويله=مار يشكي عند أخوي التوم نكباته وهمه

[ذياب]

الدلبحي & النشمي

حياكم نورتوا الصفحه

[الشمالي الغربي]

الحقيقه فيك شتله ياذياب وفيك ميله=ما اقشراللي يعترض له هرجةٍ ماهيب يمه
لو برق للشام بارق وش لزومك تستخيله؟=كان الك قلبٍ فطين اسمع وضم العلم ضمه

[الشمالي الغربي]

الشكر والتقدير لكل الاخوان المتابعين

[ذياب]

المراسل فالقناه اللي على المسلم غليله=ينكر الموضوع والموضوع بالسانه وفمه

وش لزوم البارق اللي لمعته وصط المخيله=يالشمالي لمعته تال الدهر من نوع نمه

[الشمالي الغربي]

استلم ياذياب والتأخير الليله من الشبكه..



والله انك من رجال و والله انك من قبيله=من يحول في دروب المعمعه يلقى المذمه
انت تقرأ قصة الدجال ليله والف ليله=لين فرغت احزام وكل رميك فيه زمه

[ذياب]

أنت هرجك يالعضياني بمكيالك تكيله=وأنت مكيالك يميل الروق مافالكيل ذمه

رمينا نوب(ن) يصيب الروس واليمنا طويله=مانجامل يالشمالي من يكبر في معمه

[الشمالي الغربي]

استلم ياذياب وصح لسانك ولنا لقاء آخر ودمت بخير.


انت هرجك يالعصيمي وش كثيره وش قليله؟=صرت مثل الزيدي اللي مختلط قاته بشمه
ماقفي حاميه يوم ان الردي ينضح صميله=وانت ياذياب المسمى ما انت ريس مجلس امه

[مرزوق حمدان العتيبي]

..
.

ذياب
.., و,....
الشمالي الغربي

صحت السنتكم وبيض الله وجيهكم على الابداع.
...