مرزوق تعال هنا .. رحله سياحية

[ماجد الهذلي]

مرزوق مرزوق نبغى نأخذه ويشوف لبنان = يمكن ليا راح نطلع له بوجه وشكل ثاني
لن كان عيا يروح نقول يا مرزوق خسران = خلك لحالك وحدك فالمويه وفالمحاني

[فيصل المسعودي]

خل المدير يغير


جو ياماجد


مرزوق تمشيه مجانيه لا تعيي


ههههههههههههههههههههههههههههههه


في انتظار المدير المتألق والمبدع دائماً


مرزوق


وتراني في صفه ياماجد ولا تهوووون يالغالي


تحياتي

[ماجد الهذلي]

هلا وغلا فيك

يا فـــيــــصل

لا لا مو معقوله في كل محاورة وأنت مبلشني

لازم نشووف لك واحد يدبر أمرك

تحياااتي لوجودك

[ذياب]

صح السانك ياماجد

بس وراكم على مديرنا

أنت بتوديه لبنان |14|

والكبتن مدري وين بيوديه|50|

ياجماعه لا تخربون مديرنا|197|

هههههههههه

[ماجد الهذلي]

أنا ودي له بالسياحه العربية يا ذياب

أما الكبتن مناحي مو موطيها قريب

يبا البلاد الأجنبيه|194|

ومديرنا لازم نوسع صدره لا يضيق علينا |182|

أنا والكبتن

نعمل سويا ً لصالح المدير

ألف شكر لمرورك

[فيصل الثبيتي]

هههههههههههههههههه

سوياً لصالح المدير ؟؟ !! :rolleyes:

ما تبون احد معكم تمشونه على حسابكم ؟ :(

وده لو تودونه البحرين ... !!:D

انا وذياب .. ونونسكم بالموالات واللحون الجديدة :D

على العموم .. صح لسانك يا ماجد

وانا في صفك المره هذي .. وعلى المدير

فيصل

[ابـن نـعـيـس]

صح السانك

في انتظار المدير

[أبو مرحبا]

مرزوق مرزوق نبغى نأخذه ويشوف لبنان = يمكن ليا راح نطلع له بوجه وشكل ثاني
لن كان عيا يروح نقول يا مرزوق خسران = خلك لحالك وحدك فالمويه وفالمحاني



اي بله خسران ان ماطاعك وراح لبنان يم قوم الحريري


يسلاااااام عليك ياماجد

ننتظر أبومحمد عساه يطيعك ويروح للبنان

[ماجد الهذلي]

فيصل الثبيتي

على الرحب والسعة

أنت وذياب تستاهلون

بس شوفوا راي الكبتن مناحي عسى يوافق لكم

هو كبتن الرحله وأنا مستشار فقط

تحياااتي لوجودك في صفي شرف كبير لي يالغالي

[ماجد الهذلي]

ابن نعيس

صح بدنك

وشاكر لك مرورك

[ماجد الهذلي]

ابن نعيس هلا فيك يالغالي

يشرفني مرورك

وإن شاء الله يوافق

تحياااتي

[شاعر عتيبة]

نصيحتي نصيحتي
يامرزوق
انحش
لاتسمع كلامهم
المويه والمحاني
ديرة ربعك
أخير من دير
الصفر ..
هههههههه


انا في صفك يابو محمد لو كلهم ضدك...
ازهل الصفوف...

[مرزوق حمدان العتيبي]

آآثرك ياماجد وكبتن مناحي مثل الاخوان = الطبع واحد ولاتصفون لاشان الزماني
لبنان مالي وماله يعرف الموضوع ذيبان = الله يقويك ياللي من شقا وقتك تعاني

[مرزوق حمدان العتيبي]

..
ههههههه
كل الشكر والتقدير للي مروا من هنا
وحذروني من هالاثنين ..
الله يكافينا شرّهم ... والله الظاهر اخر الدعوى
بقول لهم قدام .. :)

[ماجد الهذلي]

الباص جاهز وعان الباص فيه فلان وفلان = لكن هيا ولا تقعد وكب الأمتحاني
ما للعنا درب يا مرزوق وشبك صرت حيران = ما ني بناسيك وأنت تقول لـ..مناحي نساني

[((الدلبحي))]

الله اكبر الله اكبر

صح السانك يماجد والسان مرزوق

ماجد اخذوني معكم دام بتروحون خلوه جماعيه الرحله

تحياااااااااااااااااااااااااااااتي

[ماجد الهذلي]

شاعر عتيبه

أهلا ً بمرورك وبنصيحتك

التي أستمع لها مرزوق

تحياااتي

[ماجد الهذلي]

الدلبحي

أهلا ً بك وسهلا ً

على الرحب والسعه

بتوسط لك عند الكبتن مناحي

وبنشوووف وش يقول

أبشر إن شاء الله ما يصير إلا كل خير الكبتن ما يزعل أحد

[معــ المرقاب دي]

ســــــــــــــــــــلام

ماجد الباص خابرن فيه مقعد فالأخير

احجزه لي الله يرضى علاك

وان بغيت رشوة حاضرين مالك الا من يترس جيبك

الله يقويكم

[ماجد الهذلي]

هلا وغلا يا معدي المرقاب

ما يحتاج رشاوي ولا نآخذها

أعتبرها فزعه

والصاص عند الكبتن مناحي

للحين ما وصل بكلمه في أمرك ولا يهمك

تحياااتي

[مرزوق حمدان العتيبي]

..
.
استلم استلم ياماجد
والسموحه على التاخير فالدخول هاليومين صار شبه محدود
على شان كذا وسع البال علينا شوي :)


اركب على الباص ياماجد ووجهبه من الان = وان كان ضيعت دربك طالع اسهيل اليماني
المسأله واضحه والحق مايحتاج برهان = وانا غني والله المعبود من فضله عطاني

[مرزوق حمدان العتيبي]

..
.
كلكم يالشباب اللي مريتوا من هنا
نقول لكم مشكورين ومجملين
..وترى محجوز لكم اوكي ... بقيادة الكبتن مناحي ..

:)

[وليد الزراقي]

الله على الابداع
لكم الشكر
يا مدير رحله تغيير جو لا تعيي هههههه
تحياتي

[ماجد الهذلي]

الله الله

استلم يالمدير

وعادي خذ راحتك حضورك يكفينا


للنار شعلة وأعرف الدرب يا مرزوق سلطان = والعشر بالعشر لا تنقص ولا ترجع ثماني
ما ني برامي بها يا صاحبي من دون نيشان = حان الوعد واللقاء حسب الوعد والوقت حاني

[مرزوق حمدان العتيبي]

..
.
تسلم تسلم ..


ان كان عندك مهاره فايقه وتقول فنان = ماشفت لك فعل يذكر فالبلد يامودماني
جانا الخبر قبل ماياصلك ياهدهد سليمان = والحرب حنا لها بالرمح وبحد السناني

[ماجد الهذلي]

الله الله

أستلم يا مرزوق



روح أنشد الوقت والتاريخ والأيام وش كان = وأنته تعرف الجواب اللي يبا يقوله لساني
ماني بطاير : وكيف توصف الهدد بالإنسان ؟ = ما أخبرك تغلط .. وش اللي صار بك يالمودماني

[مرزوق حمدان العتيبي]

..
الله الله ..


ما احتاج انشّد وبرهن في حقايق قدم الاعيان = لكن عزومك وراها صابها بعض الهواني
اضرب لك امثال والامثال للمقصود عنوان = ماكنت اخبرك غشيم ويصعبك فهم المعاني

[ماجد الهذلي]

اسلم اسلم


ما غيــّر الحق واحد يجحده في مر الأزمان = وإن قلت فالعزم شي العزم ما جاه اللياني
نيتك نيه وطيرك الهواء من غير جنحان = إليا سلمت أعرف إني ما تزحزح عن مكاني

[مرزوق حمدان العتيبي]

النيّه اعلم بها.. رب البريه عالي الشان = وانته ياماجد تقلب كالزمان القلباني
منت إمتخلّص ليا جالك من القومان ديان = ياخذ سلاحك و يقفي بك على ظهر الحصاني

[ماجد الهذلي]

مرزوق

القاف ما شاب

والنهاية لا بد منها

ولو ندري إن كل الجمهور هذا بيجي على شان قلنا بنسفرك لبنان

كل يوم بنقولها سعدنا بهذا التواجد

صح لسانك

وتقبل مني أجمل تحية وتقدير

[مرزوق حمدان العتيبي]

...
.


صح بدنك ياماجد ..
..
ويكفي بس ذكر لبنان على شان يكثرون الجمهور
هههههههه

..
تحياتي

[كبتن عتيبه]

اركب على الباص ياماجد ووجهبه من الان
وان كان ضيعت دربك طالع اسهيل اليماني


الله يرجك يامرزوق



الباص جاهز ياجماعة الخير

[مرزوق حمدان العتيبي]

..
.
ارررررررررحب ياراع الباص ..
مر على ماجد ترى العفش جاهز :)

نورت ياكبتن .
..