اقرب النار والبارود يامرزوق العتيبي..

[كبتن عتيبه]

يامدير المنتدى هبّت ذعاذيع الرياحي=وانت واصلك الخطر ذالحين من كل النواحي
طالبينك سته وسابعهم الكبتن مناحي=وان بغيت الصدق ماشال البيوت الاّ عمدها
*
*
بيني وبينك نار تشتب يامدير=والنار ماتسلم من الدخانيه

علاك وصّوني من البارح كثير=عشرين واغلبهم من العتبانيه

[فيصل الثبيتي]

نطمر معك مره ثانية

وصح الله لسانك يا مناحي ...

وعوداً حميداً ...

في إنتظار مرزوق ...

فيصل

[كبتن عتيبه]

حياك الله يابو الطمرااات


وصح بدنك ياثبيتي



وتشرفت بحضورك


وتعين لمرزوق لا يبعد ...

[فيصل الثبيتي]

طمرنا يومك طمرت

ومرزوق ياخذ جوله ويجي

[فيصل المسعودي]

صح لسانك مبدا رائع


وفي انتظار المديرررررر


لكي تكتمل الروعه


تحياتي

[مرزوق حمدان العتيبي]

..
.

:) اصبحنا واصبح الملك لله
..




يامناحي جعل ربي يصلحك وش بك تهدد
كان عندك علم هاته في ظهوره لاتردد
والحلوم اللي حلمها قدمنا حلمه تبدد
وان بغيت الصدق ماشال الحمول الاجملها
**

الله يجعل كل ماتنويه خير = نبدا معك بسم الله الرحمانيه
االلي يوصونك على العلم الخطير = خلوك تاقع داخل النيرانيه

[فيصل المسعودي]

ياسلام سلم


في صفك يامديرررر


ولا يهون الكابتن مناحي


تحياااتي

[مرزوق حمدان العتيبي]

...
..

فيصل وفيصل

حياكم الله تو مانورت الصفحه
...
..

[ابـن نـعـيـس]

صح السنتكم

شاعر النخبه و المدير

طارووووووق ماينتفوت

واصلوووووووو

[مرزوق حمدان العتيبي]

..
..

صح بدنك يابن نعيس

..
تشرفنا بتواجدك
..
..
.

[كبتن عتيبه]

يالله صباح خير,,,

طيب..طيب




أنت يامرزوق عايش في سياحه داخليه=ولازم نمشيك بكره فالبلاد الاجنبيه
وكان مايسمح عملك أجيب إجازه خارجيه=وأن بغيت الصدق ماشال البيوت الاّ عمدها
*
*
*
ماعاد نبغاك تمشّى في عسير=اخذ لك اسبوعين في لبنانيه

فيها الطبيعه رائعه والجو غير=احسن مية مره من الضلعانيه

[مرزوق حمدان العتيبي]

الله الله



..

في بلادي مسفهل ولانبي ذيك البلادي
مع بني عمي ومن بين الرجال اهل الرشادي
وانت من كثر الطمع عينك على كل النوادي
وان بغيت الصدق ماشال البيوت الا عمدها
**

*
ياكبتن مناحي كلامك مايصير = والاوله راحت بعدها الثانيه
مادام رشحناك بالاردن سفير = ترجم معزتنا لهل عمانيه

[ذياب]

ياسلام على الابداع

والمبدعين

الكبتن و المدير

وياليل هيا

همسه في أذن ابومحمد
لا تروح مع مناحي
والله أنه مراح المسعودي مع صياف وربعه

ههههههههههههههه

[كبتن عتيبه]

طيب..طيب

ادري انّك في بلاد أهل الشرف وأهل العوائد=والأمن والخير زائد والحكي ماهو بزائد
مير سافر يالعتيبي فالسفر سبعة فوائد=وأن بغيت الصدق ماشال البيوت الاّ عمدها
*
*
*
ترى الشحم موجود ففقار البعير=ماتاجده في عيشة الفقرانيه

ياطير مد جناحك ورفرف وطير=يالحر الاشقر ياشقر الجنحانيه

[كبتن عتيبه]

الاخوان لكرام

مروركم نور المحاوره

عساني ما افقدكم

[محمد العتيبي]

الله اكبر علاكم

ابداع * ابداع * ابداع

صح لسانكم وانا متابع للنهايه ..

[خلف بن مرزوق]

الله الله



..

في بلادي مسفهل ولانبي ذيك البلادي
مع بني عمي ومن بين الرجال اهل الرشادي
وانت من كثر الطمع عينك على كل النوادي
وان بغيت الصدق ماشال البيوت الا عمدها
**

*
ياكبتن مناحي كلامك مايصير = والاوله راحت بعدها الثانيه
مادام رشحناك بالاردن سفير = ترجم معزتنا لهل عمانيه

بعدي والله يبو محمد

مايصير وانا خاااااااااااااااابرك:)

[مرزوق حمدان العتيبي]

لو نفكر فالسفر يمدي وصلنا كل ديره
في حدود المملكه ولا على اطراف الجزيره
يامناحي لعبة الشطرنج ماهيب بعسيره
ون بغيت الصدق ماشال الحمول الاجملها
**
*
ماقادني للي تبا سلك الحرير = والبنك من خير الولي مليانيه
عان الرحا قامت علاهم تستدير = كلن براسه يلعب الشيطانيه

[مرزوق حمدان العتيبي]

..
.
ابو مشعاب..
..
وخلف مرزوق لاهنتم على تواصلكم..
وحضوركم الغالي..
..
.

[كبتن عتيبه]

انت ياراع الابل سقت الابل مابه مفلاّ=الربيع الزين قفى وانتهى والقيض حلاّ
لاش به حالً يسّر ولاش صملانً تملاّ=وأن بغيت الصدق ماشال البيوت الاّ عمدها
*
*
*
ماعندكم ياصحابنا سمن ومضير=مانسمع الاّ قرقعة قدحانيه

والشوط الاول بعده الشوط الأخير=ويحول الجمهور للميدانيه

[كبتن عتيبه]

فيصل الثبيتي

ابن نعيس

فيصل المسعودي

ذيااااب

ماجد الهذلي

ابو مشعاب

خلف بن مرزوق


متابعتكم ومداخلاتكم هي روح المحاوره

[ماجد الهذلي]

محاورة رائعه

ومشوقه

تسلموووون

مرزوق والكبتن

رااائعين

[أبو مرحبا]

بعدي والله الشعار

سايق الاتبيس ومرزوق العتيبي

واااااااااااااااااااااصلووووووووو

[الفراهيدي]

صح لسانك يالمناحي

وابو محمد والله قدها

وصح لسانك يامرزوق

تحياااااااااااااااااتي

[كبتن عتيبه]

ماجد /قحص/الفراهيدي


شكراً على المتابعه

[مرزوق حمدان العتيبي]

راعي البل دونها والغيث عانه دوب هلّي
يامناحي يامناحي وش تجيب وش تخلّي
ورّد اشعيل القراح ولاشرب خلّه يفلي
وان بغيت الصدق ماشال البيوت الاعمدها
***
**
*
بالجد والمجهود مايوجد عسير = بعد التوكل واكمل الايمانيه
صحت لسانك يامناحي يالامير = شاعر بشعرك يرجح الميزانيه

[مرزوق حمدان العتيبي]

..
.
الف شكر للنشاما الذين سجلوا حضورهم
ونورت الصفحه وشرفتنا حروفهم ..
...
كل الود اللي ماله حد :)

[كبتن عتيبه]

يالله اّنك يالهي ترزق الوبّال وأبله=من خيالً لاح برقه فالمزون وهل وبله
بارقه شرق وجنوبي والرعد شامن وقبله=وأن بغيت الصدق ماشال البيوت الاّ عمدها
*
*
*
يبى يفيض السيل مع واد الجرير=اللي عليه تخيّم البدوانيه

وختامه بالمسك ولا بالعبير=ولا بعد بالورد والريحانيه

[اللطّــام]

اثنــــين محــــاوراتكــــم لاتمــــــــل
صحـــت السنتــــــــــكم.

[مرزوق حمدان العتيبي]

..
.

الاستاذ كبتن ..
صح لسانك والف شكر لك على الامتاع والابداع ..
..
اللطام حياك ربي .. وشهاده نعتز فيها ..
كل الود .....

[داهية عتيبة]

حاضر ومتابع

تحياتي

[مرزوق حمدان العتيبي]

..
.
:)
تشرفنا متابعتك يا بعدي ..
...
اخوك ...