علموا مرزوق

[الشمالي الغربي]

ياسلام الله سلامٍ منبعه ذمه وامانه=السلام يعم والمقصود ربان السفينه
من يشوف الفارس اللي للطلب يسرج حصانه=علموا مرزوق فيه علوم مابيني وبينه

[حمد بن جوباح]

.
..

الشمالي الغربي
صح لسانك على هالطاروق
وننتظر ابو محمد

..
.

[محمد العتيبي]

ياسلام الله سلامٍ منبعه ذمه وامانه=السلام يعم والمقصود ربان السفينه
من يشوف الفارس اللي للطلب يسرج حصانه=علموا مرزوق فيه علوم مابيني وبينه








.

. .



الله اكبر يالشمالي الغربي ...


صح لسانك وبيتين بهذه القوه والجزاله تجعلك

متابع للنهايه ..

اووول المتابعين ...

[مرزوق حمدان العتيبي]

مرحبا ترحيب عند اهل الوفا مرفوع شانه = بالرفيق اللي مضا له وقت حنّا فاقدينه
صاحبك مرزوق عانه ماتغيّر من مكانه = هات علمك هات علمك كلبونا محترينه

[مرزوق حمدان العتيبي]

..
.
راس حربه وابو مشعاب
يالله حيهم..
..
شرفتم.. كثير كثير ..
..

[محمد العتيبي]

صح لسانك يابو محمد ،،


ومثل ما ذكرت يامرزوق


هات علمك هات علمك كلبونا محترينه ....

[مرزوق حمدان العتيبي]

...
.

صح بدنك يابو مشعاااااب ..
..
نورت المكان ... ياعالي الشان :)
...

[الشمالي الغربي]

البقامير الميانه مابقي فيها ميانه=الرفيق اللي تغيب مانشدتوا عنه وينه؟
شرهة الاخو الصغير معلقه فى أكبر خوانه=والوعديابو محمد زل حينه زل حينه

[الشمالي الغربي]

راس حربه


صح بدنك


لاهنت على مرورك يالغالي


كل الود

[الشمالي الغربي]

ابو مشعاب




حضورك شرف لنا يالغالي


لاهنت


كل الود

[مرزوق حمدان العتيبي]

الحقايق واضحه ماتطلب زيادة فطانه = خابرينك وين رحت وكل دربك عارفينه
والرجل يازن كلامه من قبل ينطق لسانه = والتشره ياقوي المعرفه خله بحينه

[الشمالي الغربي]

عارفين الوضع كله وش قساه و وش ليانه؟=من رجى رد الجواب الله على صبره يعينه
لاتوصيني ترى كثر التحرص فيه إهانه=الخواجه ماجهلنا يالعتيبي وش رطينه؟

[مرزوق حمدان العتيبي]

من تفكر في زمانه يدخل بقمة جنانه = مير ياربي تثبتنا على الحق المكينه
لاتغاربها اللعانه جت من اصحاب اللعانه = يالله انك تنتقم من هالشياطين اللعينه

[الشمالي الغربي]

انت يوم انك تجامل وانت معك الخيزرانه=من تمادى ليش يامرزوق ماتحفي يدينه
مير قلي وش نسوي بالحجاز وهيملانه؟=وش بلا اصحاب البعير الهرش ليش مهملينه

[مرزوق حمدان العتيبي]

..
الله الله يابو خالد
استلم لاهنت ...


العرب قامت تغني في هواها ليلدانه = ومن بغا العليا تخلوا عنه ماصاروا يمينه
هيملان الديره اللي قلتها فيها شطانه = والشطانه طبها معروف ياللي جاهلينه

[الشمالي الغربي]

انت رجالٍ تعرف ان العهد ضد الخيانه=والكلام اللي بلا معنى يا مكثر عاشقينه
علم اخفاف العقول تراجع ادروس الرزانه=مانبا اللي يالعتيبي ناقصٍ عقله ودينه