ديوان الشاعر الكبير بندر بن سرور العتيبي ( اسطورة عتيبه )

[العين الحمرا]

الشاعر بندر بن سرور
هو بندر بن سرور بن خضير القسامي العتيبي
ولد وترعرع في القراره بمدينه الدوادمي سنه 1360هجري
توفي والده وهو صغير السن وعاش مع عمه بعد زواج والدته من رجل اخر.
عاش الحرمان منذ صغره وربما السبب فيما وصل اليه بندر من موهبة شعريه فذه
درس حتي المرحله المتوسطه وتوظف في الجيش السعودي وارسل للكويت اثناء حرب الصامته وتهديدات عبد الكريم قاسم حتي وصل الى رتبه عريف في الجيش الكويتي
قال بيت له عندما اتاه احد الدائنين يطالبه بماله
الدين واجد و الوظايف تعيسة *** والعسكرية خلت الراس شايب


من اشهر قصائد بندر ابن سرور علي الاطلاق والتى يرددها الجميع
( ياسخيف الذرعان)
وحكايتهاعندنا قام بندر بن سرور بطرق باب الامير تركي بن ربيعان في وقت متأخر وكانت احدي الفتياة تخاطبه من خلف الباب وسألته من هو وما يريد قال انا بندر اريد والدك وعند ما سأل الامير تركي الفتاه عن الطارق قالت هذا المرجوج بندر وقد سمعها حين قالت المرجوج واخذت كلمتها تلك موقعٍ من الاسيءفي نفسه
وكان بندر معروف لدي الجميع وقد انشد قصيدته تلك
ياسخيف الذرعان مانيب مرجوج***رجتني الأيام غدر وحيله
يابنت لولا اللي على تاسع الفوج***تركت نجد وعزوة بالقبيلة
لاشك حاديني على نجد هادوج***مسقي الفيافي لين يدرج مسيله
تركي ليا من الليلي غدن عوج***حملة عتيبة كلها ماتشيله
يرسي كما ترسي البواخر على الموج***ومنين ماصك البحر يرتكيله
مادام تركي حي ماودي أدوج***وإن غاب غبت من الرجوم الطويلة

_____________
كانت هناك قصيده لبندر يهجو بها السديري وعندما سأل السديري عن عدم رده علي بندر قال هذا شاعر بيوته ابكار اي بكر لم يسبقه احد علي قولها.
وله بيت يؤكد ما قيل عنه

أنااليا مني نويت أفتل البيت ***فتلت والشعار ما ينقضونه
صدق متنبي عتيبه
____________
وله قصيده مشهور ايضا قالها عندما كان في الامارات وهي طويله لكم منها تلك الابيات

متى يجي في نجد بعض التدابير*** حتى يجي للصابرين انفراجي
يالله ثبتني على الارض لا اطير ***لين اشرب الشاهي واكل علاجي
علاج راسي حبتينن بقصدير ***اللي عليهن رسمهن بزدواجي
ويامنير اخذ الفرت واخذ الفواتير ***واحرص عليه ودخله بالكراجي
ان كان يبغى زيت عب المواصير ***وان كان يبغى نار غير بواجي
واليا استعد وضخر البعد تصخير ***تصخير شيهانن لفرخ الزراجي
عده على اللي مايعد المخاسير ***ركاز عمدان الخشب للنعاجي
تم قل لبو ماجد ترى وقتنا غير ***واتبدلت سحب المطر بالعجاجي

والباقي رقابه
_________
من قصايد بندر بن سرور (في الصبر)

أنا الذي ما ابدي على الناس سرّي .. . من خوف سودان الوجيه تحكي به
أصبر على ظيم الدهر و التعرّي .. . من شان من يرضى عليّ الغليبة
و ابعد مجالي عن عيال التزرّي . .. من لا هوى قلبي دواه المغيبة
واخاف لي من مجلسٍ ما يذرّي ... في جانبه بومٍ حساسه صليبه
و سوالفٍ مابين بحث و تحرّي .. . يجرح فؤادي عيّه و ابتلي به
يرضيني المقسوم خيري و شري . .. سبحان من لا تعلم الناس غيبه
أحدٍ على ربعه يحب التحري . .. للشر بلاس و خيره بجيبه
هذاك يالربع انا منه متبرّي .. . لو عضّني ناب الدهر ما انتخي به
من خوف يضحك لي و هو يستغرّي ... يفتل حبال السّوْ ما يندري به
يفرح عليّ بكل شيٍّ يمرّي .. . و ان شاف يمّي خير عنّي نهيبه


===================

من قصايد بندر بن سرور

الا وا وجودي وجد من صك دونه باب .. . بقفل اعجمي مغلقات مساميره
عَدَو به على اللي كنه النسر بالمرقاب ... على الجمس الأصفر كاملات شراشيره
معه فرت خمسة طن ياخذ مية ركاب .. . من المال عيّن ينقلنّه تغاييره
دخل هو و حِمله للحكومة بغير حساب .. . و راعيه عشر سنين و يعاد تقريره
على اللي كواني كيّة العظم بالمشهاب ... على أقصى عراوِ القلب محمي مناشيره
عشيري ورا الكوده وانا من ورا مشعاب ... بعيد قريب تعيب يا هون تيسيره
ولا يوصله كود " فرت " عليه اسطاب .. . ليا حاسب السوّاق تقدح مواخيره
صنايع بياطير الكفر لابسين الكاب .. . عصاة اليهود اللي مشاريبها البيرة
ألا يا نديبي فوق فرتٍ ورد من شرق ... على راس قيره للعليمي تعاشيقه
من الوارد اللي جمركه عند راعي عرق ... على المطرق مجبور ياخذ قماريقه

===================

من قصايد بندر بن سرور

من بلاد الشام جينا بالمكينة ... فوق فرتٍ ما تخثع بالطماني
يحتدي مثل الجمل تسمع رطينه .. . مع طمان القاع مثل الثعلباني
والشـُفير من المدارس مطلعينه .. . عن ظلام الليل شب الكهرباني
كل ما جاه تل يلعن والدينه.. . باليمين اللي على كل اليماني
ما تجيه يسار رجله شوف عينه .. . غير يسرى الطار شيٍّ بالاماني
يوم قال له الخوي عاشت يدينه . .. شد رجله للكمك واحد و ثاني
يالله انك تنصره من نصر دينه .. . إن عطى له مع غبا ولا بياني
قلت يالمطنوخ أنا عيني حزينه.. . من شراب اللف أبيه و عنك كاني
قد رمى بالكيس قدمي قال وينه ... دوك ما بالجيب عن شيٍ لهاني
قلت ثالث قال يالله لا تهينه . .. قلت خامس قال يطلب نقل ثاني
قال واحد و الكمك واسمع حنينه ... كيف ما ترضى عليّه بالهواني
قلت واحد و الكمك ضام المكينة ... قال لي من يرحم القاسي لياني
قلت والله يرحمونه صانعينه . .. قد زعلت من اللهيب اللي حداني
قال ما ناثق بمن هم متقنينه ... عن مشاور غير عرفي قد كفاني
قاطع عرقين مادري وين وينه ... قد وصلت الأرض و اسمع صوت ثاني
قلت دوك اللف خابوا شاربينه ... غطّني عن شوف شي ما خفاني

================
راكب اللي مخ رجليه خنزير و هوا . .. أشهب في مقدمه باقين و عكس تاج
متر في مترين مستبرم كله سوا .. . حايفه حطاب ما سمكره راعي الكراج
إن نعشته بالثلاثة مع اللفة عوا .. . عوي ذيب محتدينه مربية النعاج
ثابت ما يختلف كلما لف إنزوا .. . و ارتفع ثم ارتخى مثل طايرة المراج
كن ضرب المرو في الويل قدام و ورا . .. ضرب هملول البرد و ان تقفاه العجاج
منوة اللي مشفقن لهله و لهم نوا . .. من بعد طول المسافة يبي فلّة الحجاج


===================

من قصايد بندر بن سرور( القصيده هذي جبل من المعاني والمفردات والحكم والعبر)
صدق من سماة متنبي عتيبه

يالله يا جال الأمور المهمة . . تجلى وهق قلب برى حال راعيه
البر دجته و البحر رحت يمّه . .. أدرج سبب حظ على الله مساعيه
يوم إن ولد اللاش رزقه على أمه ... رزقي على اللي ميّت القشع يحييه
ماني وانا بندر ببياع دمه . .. يقطعك يا بيّاع دمّه و مهفيه
اللي يبيّع لابسات الأزمه .. . ثور يبي بيض العماهيج تغنيه
يزعل ليا جت ليلة الدول يمّه ... يرضى بسوق المال بأخيه و أبيه
خطو البخيل اللي يكبّر معمه ... يقرا الكتاب و واجب الله مخليه
أما هرج له في رفيقه بنمّه .. . والا عطا و أمه تضيّع هقاويه
يا مل قلب كل ما مات همّه . ... دارت دواليب الدهر لين تحييه
فرّاق شمل الناس عيّا يلمه .. . وقتن يشيب الراس من شاية فيه
أحدن ينام و حط راسه بكمه . .. و أحد تخم النوم عينه و تخطيه
و أحدن يحاول بالردى بنت عمه ... و أحدن يحاول ستر عذرا عوانيه
تخالف الأنظار شرقن و يمّه .. . كلٍ هدف رايه من الناس مرضيه
أنشدك ياللي كل شي تتمه .. تقرا الكتاب كل فرض تصليّه
ويش القليب اللي عميق مجمّه ... ما سرّ غرسه ماه عطشى سوانيه
سم السبب يا عارفن عنه سمه .. . سم السبب يا عارفه قبل اسميه
والله يا لا لا كلمة قيل ذلّيت .. . لاترك مقاصى اللاش نقص و مهونة
لا شك ضرّاب المثل به تقدّيت .... من حرّك المجنون ناطح جنونه


===================

من قصايد بندر بن سرور

يا رشيد يوم أتعبتني بالتناشيد .. . خذ لك من الدرويش زبدة قصيده
ليا عبدت الله ولا أشركت تعبيد .. . ترى محمد صفوة الخلق سيده
و ترى أبرك الحاجات يوم صدف عيد ... جمعة اسبوع و صادفت يوم عيده
و اذكر لك الاجواد صد و صواميد .. . و ؟؟؟؟؟ لا صدت ولا من صميده
و اذكر لك اقشر ما على السيد و البيد ... اللي طمع بنت القصير الحديده
فضح قصيره عنده انه كسب فيد .. . سولف بها للناس خطو البليدة
سولف بجرحٍ ما لجرحه تضاميد .. . زوّد لجرحه جرح ينزف صديده
ليا وطاك اللي وطاني تراديد .. . رد السؤال ولا تخبر بريده
اضرب ثلاث بعشر و اجمع تفاريد . .. و فرق على العشر القليد بقليده
واللي بقى لو تفرقه للمواديد . .. كم تفرقه بين الوديد و وديده
أنا الذي قد مرني سلك تجنيد . .. خدمت به سنين عديده
مرحول هم و كل شي له أجيد . . اجيد زين و شين و الهم اصيده
اسمع صرير القلب بين الجواريد . .. حدّنه الاضلاع و اسمع صريده
صرير فرخ حده اقطم صواريد .. . اول طرد قرناس ثاني حريده
هذا و انا شفت الوزا و التزاهيد .. . لا اقول حي ولا تحت قبر ريده
والله ما أهني قاضي العمر ترغيد ... ابن اللئيم اللي حياته رغيده
أهنّي القلب الخطا بالمراقيد .. و ضب الخلا لو ياكل رديده
ما يطلع القرناس من عش بطّه .. . و الجبو ما يحيي النوامي شفيطه
ليا صار من ربعك اقيشر و نِطّة .. هزّ المحالة لين يفرط شريطه
تراه ما ينفع عساها تلطّه . .. خيال دجل و مثل عنزٍ ربيطة


===================

وهاذي بعض المقاطع

---------
يا بنت ياللي عينها عين شيهان .. . حرّ قطامي فعوله عطيبه
والقرن ذيل اللي تشعشع للاكوان .. . بنت الاصيل اللي طويلٍ سبيبه
و الردف يطوي الثوب و العود ريّان ... و الخد بارق مزنةٍ مستجيبة
أسايلك بالله خلاق الانسان . .. الله عليتس انتي من أيّا عتيبة ؟؟؟
------
يا زين فنجال على نومة الناس .. . زرع اليمن و اللي مسوّيه عيده
يبري العماس اللي فضى خوتة الراس ... روابع يقفي و يقبل بريده
----
يا بنت ياللي عمرها صدر و ردوف . .. بيض محاجرها و حلو نباها
ودي بشوفك مير يوم اقصر الشوف .. . عيني بعد هاك الرمد قل ماها

ماني وانا بندر بهيسن ولد هيس ... هيسٍ يدنع عند حرمة قصيره
ليا بغيت اجلس ترى لي مجاليس ... وليا بغيت انهج دروبي عسيرة


ماني وانا بندر بهيتٍ ولد هيت ... هيت مقابل خمّةٍ يكرهونه
من كثر ما جرّبت وأقبلت و أقفيت ... قولة هلا من لا يودّك مهونة


ماني وانا بندر على درب الأنجاس ... اللي قريبٍ تفلها من لحاها
أنا بدرب الصيرمي عدم الأجناس ... زيزوم روق ليا تنصّت عداها


ماني وانا بندر بنصّاي جابان ... شوخ الجموس مناقرين الحليلة
ليا صار لي لازم نصيت ابو فيحان ... شيخ الشيوخ مكمّلين الجميلة


ماني وانا بندر براعٍ ولد راع ... انا الحصان اللي طوالٍ حباله
إبن سلايل خير من شالت القاع ... المصطفى الهادي وديع الرسالة



صوتي وانا بندر طويل ليا بان ... إن ما خشيت الرب ويش اختشي له
ما ينرمي قولن على غير نيشان ... و من لا يثبّت حجته ويش هي له



وهذا احدي ابياته التي قالها في الكويت عندما شاهد فتاه في الصف الثاني اعداداي
يا بجاد لو صادفت وِرعٍ صدفناه ,,, على طلوع صفوف ثاني إعدادي
ابو جديل يوم تدلج زواياه ... سبّاح غبّات مع الموج غادي
يمكن يصبّون الذهب من شفاياه .. والا بخده يزرعون الزبادي

إلى ان توفاه الله عندما كان متجها الى صديق له , خارج مدينة الدوادمي , حيث أحس ببعض الالام و توقف على الطريق ليرتاح , و كانت هي النومة الأخيرة
رحمه الله ..
وكان مواعد اخته من اسبوع يوديها الىالبر في اليوم الذي توفي فيه ولكن مشيئه الله كانت هي الاقرب

ارجو ان اكون قد وفقت في الطرح واعطاء هذا الشاعر جزء ممايستحق رحمه الله تعالى


تقبلوا تحيات اخوكم
العين الحمرا

[ابو وعيل]

ومن الذي قال بندر بن سرور غائب عناااا !!! فأذا غاب فهو في اذهاننا راسخ


وجزاك الله خير على موضوعك الرائع .. الذي اتحفنا من سريته وبعض من قصائده..

[ابن شامان]

اخوي العين الحمرا بندر شاعر معروف يعرفه
البعيد قبل القريب الله يرحمه
ومشكور على القصايد الجميله للشاعر الكبير
تحياتي وتقديري

[العين الحمرا]

هلا ابو وعيل هلا ابن شامان
اخواني واخواتي
اعرف شهرة هذا الشاعر ولاكن انا اقصد انه يجب الكتابه عن هذا الشاعر وذالك ربما لوجود اشعار له لم تنشر او لم تنتشر (نادره)
وايضا يجب ان نعطيه جزء من حقه في تعريف شخصيته وكتابة اشعاره

تقبلوا تحيات
اخوكم
العين الحمرا

[ابو وعيل]

اخوي العين الحمرا واخواني الكرام

ابشرو بالي تبون.. وانا ماوضعت في مكاني الا تحت خدمتكم

[ابو وعيل]

من هوو بندر بن سرور ؟


هو بندر بن سرور بن خضير الجسامي العتيبي

تصحيح لما قلت .....
من مواليد القراره احدى توابع الدوادمي





[COLOR=blue]
[COLOR=indigo]
[COLOR=indigo[COLOR=blue]]نترك بندر يصف نفسه في بعض الابيات

ماني وانا بندر براعٍ ولد راع ... انا الحصان اللي طوالٍ حباله
إبن سلايل خير من شالت القاع ... المصطفى الهادي وديع الرسالة






ماني وانا بندر ببيّاع دمه ... يقطعك يا بياع دمه و مهفيه
اللي يبيّع لابسات الأزمه .. ثورن يبي بيض العماهيج تغنيه


ماني وانا بندر بهيسن ولد هيس ... هيسٍ يدنع عند حرمة قصيره
ليا بغيت اجلس ترى لي مجاليس ... وليا بغيت انهج دروبي عسيرة


ماني وانا بندر بهيتٍ ولد هيت ... هيت مقابل خمّةٍ يكرهونه
من كثر ما جرّبت وأقبلت و أقفيت ... قولة هلا من لا يودّك مهونة


ماني وانا بندر على درب الأنجاس ... اللي قريبٍ تفلها من لحاها
أنا بدرب الصيرمي عدم الأجناس ... زيزوم روق ليا تنصّت عداها


ماني وانا بندر بنصّاي جابان ... شوخ الجموس مناقرين الحليلة
ليا صار لي لازم نصيت ابو فيحان ... شيخ الشيوخ مكمّلين الجميلة

وقوله

صوتي وانا بندر طويل ليا بان ... إن ما خشيت الرب ويش اختشي له
ما ينرمي قولن على غير نيشان ... و من لا يثبّت حجته ويش هي له

نترككم مع بعض المقاطع

مقطع " الله من عين " تكرر في بداية ثلاث قصايد :

الله من عينٍ ليا عسعس الليل ... عافت لذيذ النوم ما تهتني به
يا وين انا القى من يحب التعاليل ... يبدى بزين القول والا ابتدي به


الله من عينٍ تزايد صلفها ... بيّن كداها بالعروق الصخيفة
كم واحد له حاجة ما صرفها ... يصد عن صرّافها لا يظيفه


الله من عينٍ طرقها صواديف ... عميت و يبسن العروق الصخافي
شفت الوزا بالعين من عرض ما شيف ... شفته و غيري ما فطن له و شافي

أما مقطع " يا مل قلبن " تكرر في بداية قصيدتين الأولى في الحكمة و الثانية في الغزل

يا مل قلبن كل ما مات همه ... دارت دواليب الدهر لين تحييه
فرّاق شمل الناس عيّا يلمه ... وقتن يشيب الراس من شاية فيه


يا مل قلبن تلّه الود تلّي ... تل الرشا من فوق ملحا جلاله
في غربها تسعين فري و مشلّي ... تجفل ليا سمعت ظريس المحالة
من واحدن طرق عليّه يهلّي .. لحق بواقِ القلب مع ما جرى له


و اما " انا اللذي شفت الوزا " تكرر كثيرا , و أشهر المقاطع كانت في الحكمة :

أنا اللذي شفت الوزا ياسماعيل ... طاوعت نفسي لين شفت الغليبة
النفس طير و الخطايا محابيل .. و الناس روّاي الحديث تحكي به


وانا الذي شفت الوزا يا سليمان ... برد الشتا و القيظ اكلني لهيبه
مانيب اهين النفس لو كنت جيعان ... ما يدنع الا الكلب عقب انزي به

و لعل من اشهر الجمل , هي " يا سهيّف الذرعان " اللي مع " ماني و انا بندر " تكرروا بشكل أوضح من غيرها

يقول بندر في سهيف الذرعان متغزلا و واصفا فرته :
يا سهيف الذرعان انا منك مخطور ... مثلي و مثل اللي غدى له بديرة
فرتن مخيف و حدّه الحمل و الجور ... زاع أسود الما لين ولع انبيره

سهيف الذرعان متغزلا فيه و واصفا طيره:
يا سهيف الذرعان زين الدلالي ... قلبي تغير ما سمعتي صريره
صرير فرخٍ حده اقطم كحالي ... طقه مقافي ريش و اخلف مطيره

يا سهيف الذرعان ويلك من العار ... حتى أيش لو لعنت ماني بملعون
يستاهل اللعنات ثارٍ ولد ثار ... اللي ليا جا باخر الوقت ممهون

يا سهيّف الذرعان مافي وسواس ... لي حاجة بالعرش و أسعى وراها
اسجد لقادرها على غفلة الناس ... أساله الجنة و نكمل عطاها

و للابيات هذي قصة سنتطرق اليها ان كان المقص ما ناشها:
يا سهيّف الذرعان مانيب مرجوج ... رجتني الايام غدرٍ و حيلة
يا بنت لولا الذي على تاسع الفوج ... لاترك نجد و عزوة بالقبيلة

يا سهيّف الذرعان لو قلت لا باس ... مانيب من يجري الخبيث بوريده
كم فرجةٍ من خوفها الراي ينحاس ... على عيال البوم عسرٍ مديده


و الكلام عن سهيف الذرعان , يقودنا الى شعر بندر بن سرور الغزلي , اللي يتضمن بعض الاشارات الى الفرت و الوانيت. اللي أظنهم من متلازمات القصيدة لدى بندر بن سرور , كما كان الشعراء القدامى يبدأون قصائدهم بوصف مركوبهم , من جمال أو خيول , فإن بندر قد ابدع في هذا السياق.
ذكر بندر بن سرور رحمه الله في شعره الكثير من الأسماء , فـ من منيرة , و سارة , إلى ميثا و حصة . فهل شاعرنا حب كل هذولي ؟ و هو اللي تزوج مرة واحدة و فشل زواجه ؟؟ أم ان الأسامي هذي تمويه , لتغطي على الاسم الحقيقي كما هي عادة الشعراء؟؟؟

ان كان ابو نورة قال لعيون سارة تشرق الشمس و تغيب , فـ بندر قال فيها:

عز الله اني عن هوى البيض تايب ... لكن ردتني على القول سارة
لا وا هني من لا طرت له عجايب ... و عيونها اللي للمهاوين إشارة


أما منيرة , قال فيها :
يا راكبين أكوار شيبن محاقيب ... اللي عليهنّه من البعد غيره
ضد السلاح و ضد كل المناصيب ... ودّوا سلامي فوقهنّه منيرة


و ضيحة لها حقها بعد:

عز الله اني جزت عن كل ما اقول .. لا شك ردتني على القول ضيحة
يا شيخة الخفرات من زين و دلول .. من مات من سبّتك ربه يبيحه


واذا كان محمد عبده جا ببنت النور , فإن بندر بن سرور سبقه بأمها :
يا بنت ياللي صوتوا لك بام النور ... نادوك يا ام النور و اسمك منيرة
لولا الجديل اللي على المتن منثور ... والا لريم الصيد صرتي خشيرة


و برضه منيرة :

اخذ القلم و اكتب يمين و شمالي ... ثم أطول التاريخ و اكتب منيرة
و اكتب ترى بالشرق مابه رجالي ... الا الحسد و مغامزن بالقصيرة


حصة:
على شان " حصّة " جعل يسقيهم الوبّال ... ليا عوّدت مالي و مال الحبردية


ميثا و الغرابي :
ياليتني سيّرت يم الغرابي ... من شان " ميثا " شوفها رحمة لي
ابو جديلٍ ماشطه بالخضابي ... زوده على حد الردوف متدلّي
والعين عين اللي يويق الهضابي ... حرّ على كل الحرار متعلّي
و الخد بارق مستهل السحابي ... و كلامه أحلى من حليب المتلّي



يا زينه :
يا زين فنجال على نومة الناس ... زرع اليمن و اللي مسوّيه عيده
يبري العماس اللي فضى خوتة الراس ... روابع يقفي و يقبل بريده



أما في هالبيت الغزلي , يلاحظ تأثر الشاعر في بيئته , و يبدو انه قاله يوم كان بالكويت , " ثاني إعدادي " :
يا بجاد لو صادفت وِرعٍ صدفناه ,,, على طلوع صفوف ثاني إعدادي
ابو جديل يوم تدلج زواياه ... سبّاح غبّات مع الموج غادي
يمكن يصبّون الذهب من شفاياه .. والا بخده يزرعون الزبادي


هذي اللي اعجبته ولا يعرفها :
يا بنت ياللي عينها عين شيهان ... حرّ قطامي فعوله عطيبه
والقرن ذيل اللي تشعشع للاكوان ... بنت الاصيل اللي طويلٍ سبيبه
و الردف يطوي الثوب و العود ريّان ... و الخد بارق مزنةٍ مستجيبة
أسايلك بالله خلاق الانسان ... الله عليتس انتي من أيّا عتيبة ؟؟؟



يا بنت ياللي عمرها صدر و ردوف ... بيض محاجرها و حلو نباها
ودي بشوفك مير يوم اقصر الشوف ... عيني بعد هاك الرمد قل ماها



الفزعة:
يا علي صوت بالقلم و اشعل الليت ... افزع لقلبن كاثراتن شطونه





أما بالنسبة للسيارات في شعر بندر رحمه الله , فإنه قد وصف في الفرت ما لم يصفه غيره , في مناسبات عديدة و في أبيات متنوعة نتركه مع معشوقته الفرت


من فوق فرت يوم يرخي المتوني ... جول القطا اللي واردن عقب مرواس
من مارده يا عبيت شابت عيوني ... و من مصدره يا عبيد شاب أسود الراس

قصيدة يتوجد فيها على معشوقته بفرت :
الا وا وجودي وجد من صك دونه باب ... بقفل اعجمي مغلقات مساميره
عَدَو به على اللي كنه النسر بالمرقاب ... على الجمس الأصفر كاملات شراشيره
معه فرت خمسة طن ياخذ مية ركاب ... من المال عيّن ينقلنّه تغاييره
دخل هو و حِمله للحكومة بغير حساب ... و راعيه عشر سنين و يعاد تقريره
على اللي كواني كيّة العظم بالمشهاب ... على أقصى عراوِ القلب محمي مناشيره
عشيري ورا الكوده وانا من ورا مشعاب ... بعيد قريب تعيب يا هون تيسيره
ولا يوصله كود " فرت " عليه اسطاب ... ليا حاسب السوّاق تقدح مواخيره
صنايع بياطير الكفر لابسين الكاب ... عصاة اليهود اللي مشاريبها البيرة

ألا يا نديبي فوق فرتٍ ورد من شرق ... على راس قيره للعليمي تعاشيقه
من الوارد اللي جمركه عند راعي عرق ... على المطرق مجبور ياخذ قماريقه



اما في هذا البيت , فكما أسلفت , تأثر الشاعر في بيئته عندما سافر للكويت , و واضح أختلاطه بالغرب
و تأثره باللغة الانقليزية هناك .. فالمقصود في كلمة " ويله " هي " كفراته " , حيث أن ويل بالانقليزي تعني كفر
راكب اللي يوم طب مع النفودي ... كن صلفات الهبايب عج ويله
صوت سيره يوم غنّى بالعمودي ... صوت ذيبن وايق براس الطويلة


من فوق فرت ما يشيل الصقاقير ... من زود فنّه صافيات بلوفه
بعريبيا ما رهّموا له مسامير ... من دولة النجمة مبادي حروفة


يا هل الونيت اللي على مدقره ميم ... نقل الرياض الخط ما توصلونه
صنّاعته مخطين ملّة ابراهيم ... حمران رومٍ لونهم مثل لونه
والله لو أمسك طارته يا مغانيم ... ما عاد أقلّد دولةٍ يصنعونه


راكب اللي يعجب اللي يوم حافه ... زين صوته بالسيور المعدنية
زيّن الصناع شغله بالكيافة .... ناسجٍ حوضه على ذوق الحنيّة
يوصل اللي بان بالقلب أختلافه ... عيّت الأيام تسمح لي مجيّه


الله على اللي يوم يفتل عموده ... يطلع ثرى ارضٍ بعّد القيظ ماها
ليا أونس ثقيل الترس يرخي عضوده ... شيهانة ترخي المتون لعشاها

في مدح الشيخ سعيد بن مبارك السالمين المنصوري من العين
يا اهل الونيت اللي تزايد عويله ... مكينته ذيب النصارى شغلها
حدّه وقود النار و أبعد مقيله ... شرقٍ يريد العين و أدنى جبلها

راكب اللي من حفيزه للحدودي ... عَقّب العشرين طبلون اميتينه
فرت نوع كلاسيكي ماله طرودي ... أبيضٍ في البيت الأبيض فارقينه
يرفعنّه نايماتٍ بالعمودي ... و الهوى و النار يرخنّ المكينة
يوم مرّ خريص مع عرق النفودي .. قاومه صوت القيامة في المدينة

يا منير دوك الفرت و اخذ الفواتير ... افحص عليه و دخله بالكراجي
اللي يبى البنزين ركّب مواصير ... و اللي تبيه النار ركّب بواجي


قصة خط على فرت من الشام :
من بلاد الشام جينا بالمكينة ... فوق فرتٍ ما تخثع بالطماني
يحتدي مثل الجمل تسمع رطينه ... مع طمان القاع مثل الثعلباني
والشـُفير من المدارس مطلعينه ... عن ظلام الليل شب الكهرباني
كل ما جاه تل يلعن والدينه... باليمين اللي على كل اليماني
ما تجيه يسار رجله شوف عينه ... غير يسرى الطار شيٍّ بالاماني
يوم قال له الخوي عاشت يدينه ... شد رجله للكمك واحد و ثاني
يالله انك تنصره من نصر دينه ... إن عطى له مع غبا ولا بياني
قلت يالمطنوخ أنا عيني حزينه... من شراب اللف أبيه و عنك كاني
قد رمى بالكيس قدمي قال وينه ... دوك ما بالجيب عن شيٍ لهاني
قلت ثالث قال يالله لا تهينه ... قلت خامس قال يطلب نقل ثاني
قال واحد و الكمك واسمع حنينه ... كيف ما ترضى عليّه بالهواني
قلت واحد و الكمك ضام المكينة ... قال لي من يرحم القاسي لياني
قلت والله يرحمونه صانعينه ... قد زعلت من اللهيب اللي حداني
قال ما ناثق بمن هم متقنينه ... عن مشاور غير عرفي قد كفاني
قاطع عرقين مادري وين وينه ... قد وصلت الأرض و اسمع صوت ثاني
قلت دوك اللف خابوا شاربينه ... غطّني عن شوف شي ما خفاني

راكب اللي مخ رجليه خنزير و هوا ... أشهب في مقدمه باقين و عكس تاج
متر في مترين مستبرم كله سوا ... حايفه حطاب ما سمكره راعي الكراج
إن نعشته بالثلاثة مع اللفة عوا ... عوي ذيب محتدينه مربية النعاج
ثابت ما يختلف كلما لف إنزوا ... و ارتفع ثم ارتخى مثل طايرة المراج
كن ضرب المرو في الويل قدام و ورا ... ضرب هملول البرد و ان تقفاه العجاج
منوة اللي مشفقن لهله و لهم نوا ... من بعد طول المسافة يبي فلّة الحجاج
و في القصيدة السابقة يلاحظ أيضا تأثره , فنجد " ويل " مرة أخرى , و نجد الميراج , الطائرة الحربية المعروفة

واهني من ظفّ عفشه و لمّه للسفر ... فوق هافن من قطع وارده يقطع رجاه
يوم لزّه بالثلاثة مع العرق الحمر ... شال صدره من عوا الذيب ما تفرق عواه

يا اهل الونيت اللي يشق الدهو شق .. يصفر صفير مفجّرات السراعة
اما اركبوني يالنشاما بلا حق ... ولا اوصلوا مرزوق منّي وداعة

من الفرت للدوج


الا يا نديبي فوق دوج عليه شراع ... ما قال انفخ التشريق جا في مواصيره
ليا هبّت العليا و قام العجاج و راع ... يهيضك مع السكة تثاوع معاصيره
صنايع يهودٍ لا يبدّل ولا ينباع ... يقربك من دار و يقلعك عن ديرة
بعد طلّعوه مجَيّكٍ ما يبى المرجاع ... سمع من وراه الفوج غنّت مواطيره
ليا دق سلفه قام حسّه يرجّ القاع ... ما جاه المعاون يشتغل في مساميره
عطاه الثنين و زاد له بالأبنص و فاع ... رزيمه رعد مزنٍ تهلّع دناقيره
خرط له بثالث عقب نشّه بعزم و زاع ... و شتل له برابع ما يضيّع تغاييره
ليا شال عزمه ريّحه وامنٍ مارتاع ... مسك مع يمين الخط و يلدّ لانبيره

اشرب من ابو بس و أنسها نس ... نس المهرب مع خطوط الجزيرة
ليا من عطى له ثالث قام يضرس ... خفر السواحل في طريقه خطيرة
شدة قصير ولا يمر المهندس ... توّه جديد و عالمٍ به خبيره
يسري من الحدّين و يصابح الرس ... عليه بندر ما يخونه ضميره
جاب البضاعة من مغانيه بالدس ... ماهوب شاةٍ ميتة في حظيرة
يالله يا منشي السحاب المطمّس ... تفرج لمن مثلي عيونه سهيرة

الله على اللي شد ماهوب جابان ... أبو ثلاث حلاق إس و حنيّة
اللي انبيره يعلن الحرب فتّان .. بينك و بين اللي بعيدٍ نويّه
ملفاك زيزوم المشاكل كحيلان ... مهوب ذاك اللي طبوعه رديّة

ألا يا نديبي فوق من ينطح التهريب ... ليا عد مية قام يلعب دركسونه
أبي ابعد عن الشرطة و افارق جنود الذيب ... لدارٍ يبيدن الونيتات من دونه
و يا حن قلبي حنّ فرت بعد توضيب ... تحت خارجي ما طفت نار غليونه << تشبيه

الله على اللي كن سلفه ليا نيش ... خطو المحالة مغردٍ من رشاها
يلحق فروخ مصخرات ابرق الريش ... شقر الوحوش اللي عزيزٍ غذاها

يا عبيد غنّن سيور الهاف ... لا يا بعد كلّ من غنّا
عرق الابيتر رماه خلاف ... ما طب له واحدٍ منّا

ياهل الونيت اللي نوى مشتل البيب ... ما دق صدره بالخطوط الغزيره
يوم يتخضّع في محير الاداعيب ... يشدي تخنّع جادلٍ في حريره
لا تجربونه ما يبي الفرت تجريب ... قد جرّبه في البيت الأبيض خبيره

راكب اللي زوّد اليابان فنّه ... و اخترع فيه الدبل ضد الحتيفة

الله على اللي يهيض القلب منهاجه ... من مصنع البيت الأبيض ورّده زيني
ليا عوت قربته ارتفع تاجه ... ما عاد ابي اللي مع الطرقة يخاويني

يا راكبن من فوق صافي البلوفي ... مقعد انبير الزيت نيم الحرارة
فرّاق ما بين القلوب الولوفي ... فرتٍ كما وبل السحايب غباره

يا اهل الونيت اركبوني واصل تيمي ... ما توصلون الغريب اللي خِرِب فنّه

وجدي عليها وجد من هرّب الجمس ... في حملته يا عبيد سبع المثاني
يوم الطرد غدت ثلاثه كما الخمس ... قامت تقطّع قربته جدّ عاني
مدّوا له الدربيل مع طلعة الشمس ... و جاه العريف و حدّره لسفواني

يا وجدي على شاهي , لاهوب بنتليز ولا ربيعي :
يا عبيد يا وجدي على شاي قبل امس ... شاي مزج يا عبيد بالزعفراني
مصلّحه مركوز الانهاد بالخمس ... راعي ثمانن كنها القحوياني




و ننتقل من السيارات و شجون السيارات , إلى الحكمة و العظه , اللتي بجانب السيارات, اشتهرت في شعر بندر و أبدع في أخراج درر الحكمة و نظمها في الكثير من المناسبات



كان الرجال اللي مضوا يصدقوني ... وحدك ولا خوة مغاريف الانجاس
طوال الظهور مخيبين الظنوني ... جرّارة الطرقة سرابيل الأكياس
البوم بيت البوم ما يفلحوني ... ما طلّعت سود التنك فض و نحاس


و هنا ينصح امرأة تريد الزواج , مبينا لها صفات الزوج الصالح :

حتى أيش لو يفرش لك القاع زلّي ... من لا يخاف الله حرامٍ حلاله
عليك باللي للجماعة يهلّي ... اللي كما النثلة منارة دلاله
بالرجل شايتين حداهن يدلّي ... و ان كبهن ماهوب ويّا الرجالة
ليا صار ما به دين مع زين دلّي ... جعله من الدنيا تقطّع حباله
--
يقول بندر من خيار الدلايل ... ما كثّر الخالق بخلق الأجاويد
كثّر بخلق اللي هداهم ظلايل ... ما غرّت اللي يبدي الخلق و يعيد

كم واحدٍ بين العماهيج هذّار ... مغترته نفسه بكبر الظلالي
يبلس على ربعه و يدنع بالاسوار ... و يعد نفسه من حساب الرجالي
كفه بخيل و قلبه انجس من الفار ... أسود طرف و أدغم من السرمدالي
هذاك بِعدِه خير ما كنت ابي اختار ... اجزاه بالصدات و ابعد مجالي
وليا وطتني غبر الايام بأزوار ... غيري جماعة ما وطتني لحالي
شفت الوزا و اشتلت لي منه قنطار ... وليا عدلته شرق للغرب مالي
حرام للفنجال سوقه ليا فار .. إلا على اللي يرخصون الريالي

خطو الولد يا مال قصف التماهيل ... يشرح عيوب الناس ما شاف عيبه
يفرح ليا شاف المجالس هراميل ... و يكره ليا شاف المجالس مريبه
ما شوّقنه طيّبات التماثيل ... مع شايبٍ قد بيّن الوقت شيبه
ماهوب شايب شيّبنّه غرابيل .. عيد يقفي به و عيدٍ يجيبه
أنصحك يالللي تايه بالدواليل ... إن تاه فكرك تاه مسرى النجيبه
احذر تصلّي بالهدوم المسابيل ... و احذر تخاوي اللاش تابع نسيبه

أنصحك ياللي غرّته ما عرفها ... شيبا تشيّب ما يحوّل رديفه
رديفها يركض و يركز هدفها ... وقت يقص العظم من حد سيفه
و ان جت بك الدنيا و جابك صدفها ... لا تغتزي باهل النفوس الضعيفة
وانصحك نفسك لا تسقّط شرفها ... ترى بعض بيض المجالس مجيفة

من القصائد المشهورة لبندر , و كلها حكمة, و كل بيت منها يحتاج لصفحات لشرحه :
يالله يا جال الأمور المهمة .. تجلى وهق قلب برى حال راعيه
البر دجته و البحر رحت يمّه ... أدرج سبب حظ على الله مساعيه
يوم إن ولد اللاش رزقه على أمه ... رزقي على اللي ميّت القشع يحييه
ماني وانا بندر ببياع دمه ... يقطعك يا بيّاع دمّه و مهفيه
اللي يبيّع لابسات الأزمه ... ثور يبي بيض العماهيج تغنيه
يزعل ليا جت ليلة الدول يمّه ... يرضى بسوق المال بأخيه و أبيه
خطو البخيل اللي يكبّر معمه ... يقرا الكتاب و واجب الله مخليه
أما هرج له في رفيقه بنمّه ... والا عطا و أمه تضيّع هقاويه
يا مل قلب كل ما مات همّه .... دارت دواليب الدهر لين تحييه
فرّاق شمل الناس عيّا يلمه ... وقتن يشيب الراس من شاية فيه
أحدن ينام و حط راسه بكمه ... و أحد تخم النوم عينه و تخطيه
و أحدن يحاول بالردى بنت عمه ... و أحدن يحاول ستر عذرا عوانيه
تخالف الأنظار شرقن و يمّه ... كلٍ هدف رايه من الناس مرضيه
أنشدك ياللي كل شي تتمه .. تقرا الكتاب كل فرض تصليّه
ويش القليب اللي عميق مجمّه ... ما سرّ غرسه ماه عطشى سوانيه
سم السبب يا عارفن عنه سمه ... سم السبب يا عارفه قبل اسميه

والله يا لا لا كلمة قيل ذلّيت ... لاترك مقاصى اللاش نقص و مهونة
لا شك ضرّاب المثل به تقدّيت .... من حرّك المجنون ناطح جنونه



قال يوصي رشيد :
يا رشيد يوم أتعبتني بالتناشيد ... خذ لك من الدرويش زبدة قصيده
ليا عبدت الله ولا أشركت تعبيد ... ترى محمد صفوة الخلق سيده
و ترى أبرك الحاجات يوم صدف عيد ... جمعة اسبوع و صادفت يوم عيده
و اذكر لك الاجواد صد و صواميد ... و انذال لا صدت ولا من صميده
و اذكر لك اقشر ما على السيد و البيد ... اللي طمع بنت القصير الحديده
فضح قصيره عنده انه كسب فيد ... سولف بها للناس خطو البليدة
سولف بجرحٍ ما لجرحه تضاميد ... زوّد لجرحه جرح ينزف صديده
ليا وطاك اللي وطاني تراديد ... رد السؤال ولا تخبر بريده
اضرب ثلاث بعشر و اجمع تفاريد ... و فرق على العشر القليد بقليده
واللي بقى لو تفرقه للمواديد ... كم تفرقه بين الوديد و وديده
أنا الذي قد مرني سلك تجنيد ... خدمت به سنين عديده
مرحول هم و كل شي له أجيد .. اجيد زين و شين و الهم اصيده
اسمع صرير القلب بين الجواريد ... حدّنه الاضلاع و اسمع صريده
صرير فرخ حده اقطم صواريد ... اول طرد قرناس ثاني حريده
هذا و انا شفت الوزا و التزاهيد ... لا اقول حي ولا تحت قبر ريده
والله ما أهني قاضي العمر ترغيد ... ابن اللئيم اللي حياته رغيده
أهنّي القلب الخطا بالمراقيد .. و ضب الخلا لو ياكل رديده


ما يطلع القرناس من عش بطّه ... و الجبو ما يحيي النوامي شفيطه
ليا صار من ربعك اقيشر و نِطّة .. هزّ المحالة لين يفرط شريطه
تراه ما ينفع عساها تلطّه ... خيال دجل و مثل عنزٍ ربيطة

مقتطفات من شعر بندر

يا راكبن حمرا من الهجن سرسوح ... سرسوح جيان الخلا دربوها
تلفي على اللي للمهمّات ناطوح ... اللي ليا جت قالةٍ صار أبوها

هذا البيت شطره الثاني سمعت مثله مع شاعر حديث ..
نمر النمارة كامل العرف زحزوح... حلحيل حايل حيلةٍ حايلوها




هات الربابة و اخكر الشاي يالثور ... انته حشرك بليس و انا هواوي
مقيالنا في سدرة طورها طور ... يسوى حياة اللاش كلب القهاوي



و هذه بعض الأبيات قالها بندر في الدخان
شي بقلبي واهجه مستمري ... لولا أزرق الدخان يطفي لهيبه
سلّط على الدخان لو هو مضرّي ... له حزّةٍ عند احتكام المصيبة


يا منير عمّر لي من التتن معمار ... يبري الغليل اللي على الكبد كالي
والا رفعت الصوت و أبديت ما صار ... من شان تدري ويش ولّى بحالي


ياما رميت الكيس بين الشراريب ... و اليوم أدوّر ما لقيت اتعميرة


ما يفيد اللف لو يالع و أكنه .. ماش مثل اللي قراطيسه نظيفة


ارم البكت و اجدع الكبريت يالريمي ... تطري و مما طرى لي زادني ونة
الله يغربلك تصحيني و انا نيمي ... مانته بلاعوب عطني والعب الشنة



و يروى عنه أنه ذهب لتركي بن ربيعان لزيارته , ففتحت الباب بنت ابن ربيعان لبندر , و عندما سألها
ابوها من عند الباب , قالت , هذا المرجوج بندر . فرد عليها بقصيدة مطلعها :
يا صخيّف الذرعان مانيب مرجوج ... رجتني الايام غدرن و حيلة
يا بنت لولا اللذي على سابع الفوج ,,, لاترك نجد و عزوة بالقبيلة







كــــــــــــــــــــــــــل نـــفـــس ذائـــقــــة الــمــــوت








استمر على هذه الحالة, ما بين " شي بقلبي واهجه مستمري " , و ما بين " قلبن برى حال راعيه "
إلى ان توفاه الله عندما كان متجها الى صديق له , خارج مدينة الدوادمي , حيث أحس ببعض الالام و توقف على الطريق ليرتاح , و كانت هي النومة الأخيرة
رحمه الله رحمة واسعة و تجاوز عنه ..
و نترككم ختاما مع بعض الأدعية البندرية التي وردت في قصائده :

يا رب تجعل لي من الذنب غفران ... يا بارجن لايوب عقب اتهليله
--
يا رب تجعل لي من الذنب غفران ... يا بارجن لأيوب ممّا بلي به
--


يالله يا جال الامور المهمة .. تجلى وهق قلبن برى حال راعيه
البر دجته و البحر رحت يمه ... أدرح سبب حظ على الله مساعيه
--
و اعوذ بك يا رب من سعي الافلاس ... و انته رقيب النفس تعلم خفاها

اسف على الاطاله ومن عنده أضافه أو تصحيح معلومه كتبتها خطأ يتفضل[/
تحياتي وتقديري
ابو وعيل الرويس

[العين الحمرا]

يعطيك العافيه يابو وعيل كفيت ووفيت

اخوك
العين الحمرا

[ابو وعيل]

الله يسلمك

وهذا واجبنا يالغالي خدمت ابناء الهيلا .

[ابن نجد]

الشاعر الكبير بندر بن سرور العتيبي لايوجد احد بارض الجزيرة العربيه لايعرفه ، تناقلت ابياته الرواة بطول الجزيرة وعرضها ، فهو الرقم الصعب او الشاعر الذي لايتكرر ، ابياته صعبة التكرار قوية المعني بقوة وشموخ هذا الرجل الذي جعل الكثيرون ينحنون احتراما له، رحم الله بندر بن سرور وجميع اخواننا المسلمين .

ومن قصائد الكثيرة نورد التالي :

قصيدة : الله من عين لبندر بن سرور

اللــه مــن عيــن تزايــد تلــفــها
بـيَــن كــدها بالعــروق السـخيـفــه

كــم واحــدٍ لــه حــاجـةٍ مـاصرفها
يـصــد عن صـرافــها لايضيــــفــه

يخــاف لايقــضب نــديـــم طــرفها
قـلبــه صـدأ وأطـــراف جسـمه نظـيفه

لــو كـان مـاهـا مايـلـيَـن ليــفــها
سـيَـل بـها القــتــات وادي حنيــفـه

واللـه خـلق بيــد الـذلول وعســـفـها
للـي يـبي المنــهاج مــثـل القــطيفــه

والفـضـل للـي مـدها مــا قصــفــها
وأنـهـج من الــدار المحيــلـه للمــريفه

وانصحــك ياللي غــرتــه مــاعرفــها
شيــبٍ تشـيــب مـا يحـــول رديفــه

رديفــها يركـض ويــركـــز هــدفها
وقــتٍ يـقــص العـظم من حــدَ سيفـه

وجـت بك الـدنـيا وجـــابك صــدفـها
لاتـعـتـز بأهـل النفــــوس الضعيــفـه

أنصـحــك نفســك لاتســقــط شرفها
تـرى بعـض بيـض المجــالس أمجيفـه


قصـيدة : أهل الونـيــت لبندر بن سرور

يأهــل الونـيـــت اللي تزايـد عويـلــه
مكينتـــه ذيــب النصـارى شغلـهـــا

حــده وقود النـار وأبعــد مقيـــــلـه
شاقـــه بعيــد العيـــن وادنـى جبلـها

إليـــا لفـيـــت العيـن اخـذ لك دليلـه
لاتبــدي الشكــوى على غيــر أهلـــها

وأحــذر يغــرك من بســط لك شليلـــه
كم واحــدٍ يبـي العــلا مـــاوصلــها

علـيــك باللـي بالقـسى ينعـني لــــه
اللي ليـا قــاد السفيــنـه عـــدلــها

السـالميـــن اللي خطــاهم طــويــلـه
وسعيــد زيـزوم البــلاوي فحـــلـهـا

قـــل حـاجتـي يـابو مبارك ثقيـــــله
ما كــل رجلٍ ينتــخي لـي حمــــلهـا

وابــغــاك تــدركهــا بحــالٍ وحيلـه
عســاك تـاجــد عند ربــك بـدلـــها

و لا تـرى الدنـيا قــريــبٍ رحــيــله
كــلٍ تـبي نفــســـه تلاقــي عمـلها


قصيــدة : بحـر تسـعيـن لبندر بن سرور

يـارب انـا لـي حــاجــةٍ صـكة القـوع
بـقـصى بحــر تسـعيـن صكــة نـحـرها

أصـعـب على المخـلـوق من عضـة الكـوع
ولا على الخـالق بســـيــطٍ بــحــرها

كـم واحـدٍ جــت لــه بسـاتيـن وأزروع
تــراه مـايـدري مــن اللـي بــذرهــا

أبن الـلـئـيم أمـشـارك الـكلـب بطبـوع
عــيـنـه على حــرمـة قصــيره دورهـا

مـادارهــا خــوف علـيـها مـن الجـوع
خــوف تفــوتـه غـــرةٍ مــاسـبـرها


قصيــدة : ثقـيـل التـرس لبندر بن سرور

اللـه عـلى اللي يــوم يفــتل عمــــوده
يطـلع ثـرى ارضٍ بعَــد القـيـض مــاهـا

ليــونـس ثقـيل التـرس يرخـي عضــوده
شـيـهـانـةٍ تــرخ المــتــون العشاهـا

عَـده عـلى اللي مــا يـدرهــم قعــوده
مــن صــار زيـزوم المـشاكـل حمــاهـا

ثـم قــل لابن دهــره يـحضـر شهــوده
للـرفـقــه اللـي بـاعـها مـا شـراهــا

وقــتٍ ركــض كلـبـه ونـامت فهــوده
مـمـا تشــوف العيـن طــوَل عـمـاهـا

المــال ســالم والـوجيــه أمـعـبــوده
بـرق التـيـــوس اللـي تـوامــا لحـاها

راعـي صـلاة الفـرض بـيَــن سجـــوده
وراعـي غــرابيــل النـمايــم لـقــاها


قصــيدة : خـطـو الـولد لبندر بن سرور

اللـه من عيــنٍ لـيا عـسـعـس اللـيــل
عـافــت لـذيــذ الـنـوم مـاتـهـتني به

يـاويـن أبـلقـى مـن يحــب الـتـعـاليل
يـبـدي بـزيـن القــول ولا ابـتـدي بـه

خـطـو الـولد يـامـال قصـف الـتمـاهيل
يـشــرح عيــوب النـاس مـاشاف عيـبـه

يفـرح لـيـا شـاف المــجالس هــراميـل
يــكـره لـيـا شـاف الـمـجالس أمـنيبـه

مـاشـوقــنـه طيـبـات الـتـمـاثــيل
مــع شـايـبٍ قــد بـيَـن الـوقت شيبـه

مـاهـوب شـايب ، شيـبـنَـه غــرابيــل
عـيـدٍ يـقـفـي بــه وعـيـدٍ يـجيــبه

أنـا الذي شـفـت الـــوزا يـاسـماعيـل
طـاوعــت نـفـسي لـيـن شـفت الغليبـه

النـفـس طـير والـخـطايـا محــابيـــل
والنــاس روَاي الحـــديــث أتـحـكيبـه


قصيدة : دواليـــب الــدهر لبندر بن سرور

يالله يـاجــال الامـور المهمــــــــه
تجلا وهـج قلب بـرا حـال راعيــــــه

البـر دجـتــه والبحـر رحـت يـمــــه
اسعـى ورى رزق عســى اللـه يهـيـــه

يــوم ان ولــد اللاش رزقـه على أمـــه
رزقــي على اللي ميـــت القشـع يحيـيـه

يــامل قـلــب كــل مـا مـات همـــه
دارت دواليــــب الدهــر ليـن تحـيـيـه

فـرَاق شــمـل النـاس عيَــا يلـمَـــه
وقــتٍ يشــيـب الرأس من شـايـةٍ فـيـه

أحــدٍ يــنام وحـط رأســــه بكمـــه
وأحـدٍ يخـــم النـوم عيــنـه وتخـطيـه

أحـدٍ يحـاول بالــردا بنـــــت عـمه
وأحـدٍ يحاول سـتـر عـذراء عـوانيــه

مـانـي وأنا بنـدر ببيــاع دمــــــه
يقطعـــك يا بيــاع دمـه ومهـفـيـه

الـلي يبـيــع لابـســـات الأزمــــه
ثـورٍ يــبا بيــض الرعـابيـب تغـنـيـه

يـزعـل ليا جــــت ليلــة الـدور يمـه
يرضـى بسـوق المـال فخـره وفـــا بيـه

خطــو البخــيـل اللـي يكبــــر معمـه
يقـرأ الكتــاب وواجـــب اللــه يخـليـه

امـــا هـــرج لـك في رفيقــه بنمــه
ولا عــطا وأمـــــه أتضيـع هقـاويـه

أنشـــدك ياللـي كــل فـرض تـتـمـه
تقـرأ الكــتاب وكل فـرض تصــليـــه

ويـش القليـب اللــي غميـــق مجمــه
مـا فـاد غـرسـه مـاه عـطـش سوانيـه

تخــالف الانظــار شـــرق ويمـــه
وكـل هـدف رآيـه مـن النـاس مرضيـه

ســمَ الســبب ياعـــارفٍ عنـه سـمـه
ســمَ الســبب ياعــارفـه قبــل أسمـه


قصيــدة : ذبـاحة الـتـيس لبندر بن سرور

يـاعنـك ماتشفيــك ذبـاحـة الـتيـــس
ربــع السـلق مـادام حـمـلـك خفيـفـي

وأخــيـر من هـاك الوجيــه المــفـاليس
البــعـد عــن معـروفهـم لــو تضيـفي

يلـحقــك منهـم بعـض الايـام تنـجـيس
ثــوب النـجـس لـو كان ثـوبك نـظيـفي

مـالي ومـال أمجـالســة كــل بـليــس
سـلقـان نـجــد اللي وحيــها صـليـفي


قصيــدة : مخرجيــن الطوابير لبندر بن سرور

يابـدر ابن سلطان مايــبـــرد الجـــاش
الاَ نــهارٍ فيــــه للجـــــر تشهيـر

يفـرح بــه الطـيــب ويكره بـه الــلاش
ويقـــوم عجـــه من قــرى عنـز للنـير

يغـلـق مجــال مربطــة خضـر الاجـحاش
ويفــتح مجــال مخــرجيـــن الطوابيـر

يـزيــغ بـه قلــب المنـافــق وينـحاش
ويصــبر به المـؤمـن ويـرضى المـقـادير

ماقـصــدنا يابــدر في نــجد نعـتــاش
الـرزق عنــد مـدبــر الخـلق تـدبـيـر

أبـغي الذي بيــن المضـيـع وعــكـاش
روقيـــةٍ تـزهى يــديـــها الخـواصير

تتــبع لهــا نمــرأ له المـوت رشـراش
حـتى تــعـاف أمـقطـعيــن المسامـيـر


قصــيدة : مـشــتل البـيب لبندر بن سرور

ياهـل الــونــيت اللي يـبا مـشتل البـيب
مــادق صــدره بالخــطوط الغــزيــره

يـــوم ايــتـخـثع في محــير الاداعـيب
يـشـتي تخـثـع جــادل فـي حــريــره

لاتــجـربـونـه مـايـبا الفـرت تـجريب
قــد جــربه فالبيــت الابيـــض خبـيره

عــدَوه لابـن حـزام سيـــد اللــواعيب
لـعاب زيــنات البـيـــوت العـســيره

ثـم قــل قـاعــد مـانـبي مـنـه تدريب
الوقـت درَبـنـا على كــــل ســيــره

لـو كــل مـــن قـاد السبب يعلم الغيـب
يـامـا كــرهـت النـفـس مـن باب خيره

ان قـفـت الايـام مـاهـا مــغـاريـــب
والـيـا اقـبلـت يـازيــن صـافي غــديره




نرجو ان تحوز قصائد بندر بن سرور على الاعجاب وعذرا فقصائدة كثيرة وتحتاج لجهد لجمعها .
-------------------------------------------------------------------------------
زماننا غير زمانهم وحتى نتذكر الاولين
اخوكم / ابن نجد

[ابن نجد]

ومن القصائد الغزلية هذه القصيدة الرائعة :

القصيدة : الله عليكي انتي من أيا عتيبه


يابنت ياللـي حـول فلـة خبيـان
الله عليك أنتـي مـن أيـا عتيبـه

لا ياعيون اللي على الطرد ولهان
حـرٍ قطامـي فعولـه عطيـبـه

والقرن ذيل اللي تشعشع للأكـوان
بنت الأصيل اللي طويـلٍ سبيبـه

والردف يطوي الثوب والعود ريان
والخـد بـارق مزنـةٍ مستجيبـه


اخوكم ابن نجد

[ابن نجد]

وهذة موجهه البنات

القصيدة: يابنت عيفي واحدٍ مايصلي

واقلبى اللي تله الــود تـلـي
تل الرشا من فـوق ملحـا جلالـه

في غربها تسعين فـري ومشلـي
وتجفل اليا سمعت ضريس المحاله

من واحـدٍ طـرق عليـه يهلـي
جدد جروح القلب مع ما جرى لـه

برمش العيون اللي هدبهن مظلـي
ضافٍ على بيض المحاجر ضلاله

يابنت عيفي واحــــدٍ ما يصلي
تارك عمود الديـن مالـك ومالـه

عيفيه لو يفرش لك البيـت زلـي
من لا يخـاف الله حـرامٍ حلالـه

خلـي ملعـن والديـنـه يـولـي
تلقين فـي نجـد المسمـى بدالـه

وعليـك باللـي للجماعـه يهلـي
اللي كمـا النبـوة منـارة دلالـه

بالرجـل ثنتيـنٍ حداهـن يدلـي
من كبهن ماهـوب ويـا الرجالـه

وان كان مابه دين مع زيـن دلـي
جعله مـن الدنيـا تقطـع حبالـه

وشكرا لكم
اخوكم ابن نجد

[ابن نجد]

القصيدة: يلعب هوى (ياترى ماهو؟)


راكب اللي مخ ساقـه خنازيـر وهـوى
أشهبٍ في مقدمه بارقيـن وعكـس تـاج

متر فـي متريـن مستبـرمٍ كلـه ســوى
حايفـه حطـاب ماسمكـره راع الكـراج

منوة الـي لأهلـه مشفـقٍ وألهـم نـوى
يوم يفتح خط بيـن أربعـه ثـور عجـاج

يوم يفتل للحرق والورق وسـط إنـزوى
ضد حرب وغرب والجمع ورجوم الحجاج

يـوم أحـده بالثلاثـة مـع اللفـة عـوى
عـوي ذيـبٍ محتدينـه مربيـة النعـاج

ثابت ما يحتـرك مرسـيٍ يلعـب هـوى
ارتفع جب ارتخى مثـل طايـرة المـراج

يرتفـع حطـاب بعصيـر لبنيـه رمــى
شرق غرب شمال بيمين الأبتل يـوم راج

عنبره والمسك سلطان من نـور السمـاء
والذهب خوذه وماء العود الأصلي يوم فاج

والمزيد قادم بأذن الله تعالى
اخوكم ابن نجد

[ابن نجد]

القصيدة: ذوق الحنيـة

نرجو ان تلاقي استحسانكم


آه يافيحـان مـن بعـد المسافـة
بين نجد وبيـن ريعـان الحوّيـة

راكب اللي يعجب اللي يوم حافه
زين صوته بالسيـور المعدنيـة

زيـن الصنـاع شغلـه بالكيافـه
ناسجٍ حوضه على ذوق الحنيـة

يوصل الي بان بالقلب اختلافـه
عيت الأيام تسمـح لـي بمجيـه

شبه وضحى قيضت فوق اللصافه
ربعت بطبيـق وفيـاض الثنيـة

ماتلت راع الغنم مجيـف لحافـه
ثانية طق العصـى بـارد حتيـة

مع بلاوي زينهـا زود النظافـه
ماتمشـت بالرفـايـع ……..

[ابن نجد]

وهذه غزلية

القصيدة: رستم قليبه

عز الله أني جزت على كل ما قول
لاشك ردتني على القول ضيحـه

لا ياعيون اللي لياصـك بالجـول
منه أبرق الجنحان عجلٍ مطيحـه

ياعود ريحانٍ رفع غصنه الطـول
رستـم قليبـه مايهـون ضبيحـه

يوم استوى عوده على داير الحول
هجوا به التجار من زين ريحـه

ياشيخة الخفرات بالزين ودلـول
من مات من سبتك ربـه يبيحـه

وشكرا لتواصلكم
ابن نجد

[ابن نجد]

القصيدة: شاي قبل أمس - غزل

ياعبيد يا وجدي على شاي قبل أمس
شاي مزج ياعبيد بالزعــفــراني

امصلحه مركوز الأنهـاد بالخمـس
راعــي ثمانٍ كأنها القحــوياني

وجدي عليها وجد من حمل الجمس
في حملته ياعبيد سبـــع المعاني

يوم الطرد عدت ثلاثٍ بعد خمـس
قامت تقطع قربته جــدعــاني

مدوله الدربيل مع مطلع الشمـس
وجاه العريف وحدره لسفــواني


وبندر رحمه الله محبي شعره كثر والمزيد قادم انشالله

[ابن نجد]

قصيدة : عشيري ورى الكودة

الشاعر الكبير بندر بن سرور العتيبــي ، نار على علم وشعره قوي ، وبندر يستطيع تغيير القوافي وادراج مايريد بكل سهولة وكيف وهو بندر ، حفظت قصائده الاجيال ، وهذه ايضا قصيده غزليه دقيقة الوصف أقرأ واستمتع مع شاعر كبير.


الا وهنى اللى تمرجل بصك تــراب
لو لا لجنة الترسيم ماعاش مع غيرة

انا كل ديرة جيتها وادرك الاسباب
ادور نصيب بــذ رجلى بتدويرة

الا يا وجودى وجد من صك دونة باب
بقفل اعجمى(ن) مغلقـات مساميـرة

معة فرت خمسة طن ينقل مية ركاب
من المال عيا ينقلـنـة تغايـيـرة

على اللى كوانى كية العظم بالمشـهاب
على اقصى عراوى القلب محم مناشيرة

عشيري ورى الكودة وانا من ورى مشعاب
بعيـد قريـب تعـيـب ياهـون تيـسيرة

ولا ياصلة ياكود فرت علية اصطاب
ليا حاسـب السـواق تشر مواخيرة

صنايع بياطير الكفـر لابسين الكاب
عصاة اليهود اللى مشاريبها البيرة

ولاوهنى اللى من الـود ماقد تاب
وانا تبت عنة وعدتلة ياللة الخيرة

نرجو ان تحوز على اعجابكم والمزيد قادم لقصائد بندر بن سرور.

---------------------------------------------------------------
زماننا غير زمانهم وحتى نتذكر الاولين
اخوكم ابن نجد

[ابن نجد]

وهذه المشاركة الاخيره لهذا اليوم وعذرا اذا اثقلت عليكم

القصيدة: علق حبالي

ياسخيف الذرعان مافي وسـواس
لي حاجة بالعرض وأسعى وراها

وأسجد لقادرها على غفلة الناس
وأسألـه الجنـة يكمـل عطاهـا

أسعى ورى حد مهاويـه دراس
زيـزوم نمـراً قادهـا ماتلاهـا

علق حبالي فرخ واليوم قرنـاس
واللي بحالـي للولـي مشتكاهـا

أعوذ بك يارب من سعي الإفلاس
وأنته رقيب النفس تعلـم خفاهـا

يابنت أنا هـذي شفايـاي يبـاس
أطابق الوجبات ما أشفق علاهـا

ماني وانا بندر بتبـاع الأنجـاس
اللي قريبٍ تفلهـا مـن لحاهـا

أنا بدرب الصيرمي عدم الاجناس
زعيم روق اليا تنصـت عداهـا

وشكرا لكم ولتواصلكم
-------------------------------------------------------------------------------
زماننا غير زمانهم وحتى نتذكر الاولين
اخوكم ابن نجد

[ابن نجد]

اخواني الاعزاء المشرف العام والمشرفين والاعضاء الكرام بعد ماذكرت القصائد السابقة لدي ملاحظات وارجو ان ملاحظتها وهو انه لايخفى على الكثيرون ولع وشدة الاعجاب بقصائد الشاعر الكبير بندر بن سرور العتيبي ، ولبندر الكثير من القصائد التي متناثره هنا وهنالك في هذا الفضاء الفسيح ، ولقد وضعت هذه الصفحة حتى نجمع الكثير من قصائدة التي لو قام شخص بالبحث عن واحده منهن فقد يستغرق الكثير من الوقت بالبحث وقد لايجدها بسرعة .

لكن كما يقال اليد الواحده ما تصفق ، لذا من اراد ان يشارك ان يراعي التالي :

1- قبل كل شي نرجو بعد اذن مشرفنا العام تثبيت الموضوع في اعلى الصفحة ليشاهده الجميع ويشاركون به
2- ان تكتب قصائد بندر بن سرور في هذه الصفحة فقط ليتم جمع الكثير منها قدر استطاعتنا
3- ان لاتكتب القصائد بشكل مكرر فلا بد ان تقرأ القصائد الموجوده اولا قبل المشاركة باي قصيدة جديدة
4- انني وحدى لااستطيع ان اجمع الكثير لكن بكم وبتعاونكم سوف نجعل فعلا هذه الصفحة خاص لشاعرنا
5- نرجو التدقيق بالقصائد التي سيشارك بها هل هي فعلا للشاعر بندر بن سرور

واخيرا انا على ثقة بمن قرأ هذه المشاركات ان يرد بقصيدة من قصائد شاعرنا الكبير.



قصيدة : الــدوج

الا يا نديبي فوق دوج عليه شراع
ما قال انفخ التشريق جا في مواصيره

ليا هبّت العليا و قام العجاج و راع
يهيضك مع السكة تثاوع معاصيره

صنايع يهودٍ لا يبدّل ولا ينباع
يقربك من دار و يقلعك عن ديرة

بعد طلّعوه مجَيّكٍ ما يبى المرجاع
سمع من وراه الفوج غنّت مواطيره

ليا دق سلفه قام حسّه يرجّ القاع
ما جاه المعاون يشتغل في مساميره

عطاه الثنين و زاد له بالأبنص و فاع
رزيمه رعد مزنٍ تهلّع دناقيره

خرط له بثالث عقب نشّه بعزم و زاع
و شتل له برابع ما يضيّع تغاييره

ليا شال عزمه ريّحه وامنٍ مارتاع
مسك مع يمين الخط و يلدّ لانبيره


وهذه اخرى
قصيدة : سر ياقلم

ســر ياقــلم مالي على الصبر طاقه
صـــبري تـعـدا الـحـد مـاعــاد ينطاق

أكـــتب لمــــثلي قصــته واشـتياقه
في خطك الواضح على بيض الاوراق

قصة حـــزينن صـــافي الـحر ذاقه
انــا بــذكــره مــاصــله خاطري ضاق

بــــاقوبه الاصــــحاب والوقت باقه
وصــــار الضــحيه بـين بـايـر وبواق

يمشي وهو ماحس في كسـر ساقه
أمسى على ساقين وأصبح على ساق

وهذي سواة الوقت شين أصطفاقه
الـــوقــت لــو يصــفى لك أيــام درّاق

لاشـــك يامن معــك عـــقـل ولـباقه
بنصـــحك كـــان أنــك للأمــثال تشتاق

صــادق رجـــالن يعرفون الصداقه
يقــفون صـــفك يــوم يبســات الأرياق

ومن يرغــــب فراقك فعجّـل فراقه
جـــاز الـــذي يجـزيــك أفـراق بـافـراق

يقولــــه اللي جــــاير الوقت عـاقه
ولازال فـــي غيـــبوبة الـهــم مــافــاق

حـظه على أقشر شي للنفس ساقه
بـــقبور الأحـــياء ينـتظر يــوم الأطلاق


وهذه بعض قصائد شاعرنا بصوته هو ، رغم ان التسجيل لبعض هذه القصائد صغير لكننا نشكر شبكة اقلاع على الاهتمام بالتراث الشعبي ونقل القصائد باسماء اصحابها ، وانا بدوري انقلها لكم واعتذر مقدما اذا الروابط لاتعمل لكن بالاستمرار بالمحاولة ستعمل انشالله ، كما يمكنكم القراءة والاستماع صوتيا لنفس القصيدة من هذا الديوان حيث انني كتبتها لكم بمشاركاتي السابقة .

القصائد صوتيا بصوت الاسطورة بندر بن سرور :

واهجة مستمري
http://www.eqla3.com/sh3r/voice/bn01.ram

لا والله الا طولوا بالوقوفي
http://www.eqla3.com/sh3r/voice/bn03.ram

ياسهيف الذرعان ماني بمرجوج
http://www.eqla3.com/sh3r/voice/bn04.ram

ألا يانديبي فوق دوج
http://www.eqla3.com/sh3r/voice/bn05.ram

الله على اللي
http://www.eqla3.com/sh3r/voice/bn06.ram

دن القلم
http://www.eqla3.com/sh3r/voice/bn07.ram

أنحاس بالي
http://www.eqla3.com/sh3r/voice/bn08.ram

كل ما صار
http://www.eqla3.com/sh3r/voice/bn09.ram

كل ما قيل
http://www.eqla3.com/sh3r/voice/bn10.ram

يازين فنجال
http://www.eqla3.com/sh3r/voice/bn12.ram

يا بدر بن سلطان
http://www.eqla3.com/sh3r/voice/bn13.ram

الله من عين
http://www.eqla3.com/sh3r/voice/bn14.ram

ياعنك ماتشفيك ذباحة التيس
http://www.eqla3.com/sh3r/voice/bn15.ram

يا منير عمر لي
http://www.eqla3.com/sh3r/voice/bn16.ram

ألا وا هني اللي تمرجل
http://www.eqla3.com/sh3r/voice/bn17.ram

صدقان الرخا
http://www.eqla3.com/sh3r/voice/bn18.ram

دور الكبريت
http://www.eqla3.com/sh3r/voice/bn19.ram

عز الله اني جزت
http://www.eqla3.com/sh3r/voice/bn20.ram

عن هوى البيض تايب
http://www.eqla3.com/sh3r/voice/bn21.ram

عسعس الليل
http://www.eqla3.com/sh3r/voice/bn22.ram

ياراكب حمرا
http://www.eqla3.com/sh3r/voice/bn23.ram

جينا حليت
http://www.eqla3.com/sh3r/voice/bn24.ram

نرجو ان تحوز على اعجابكم وان تستمتعوا بالقصائد.. والمزيد قادم
-------------------------------------------------------------------------------------------------------
اخوكم ابن نجد

[هب الريح]

مشاء الله عليك ياخوي ابن نجد


جهد رائع

ونتمنى من باقي الاعضاء المشاركة بما لديهم عن هذا الشاعر الفحل

الذي يعتبر هو متنب عصرنا

وانا والله كل الي اعرفه مشاء الله عليك جبته

ماخليت لنا شيء

بس ولا يهمك

[ذيب ذريع]

تسلم يمينك وبيض الله وجهك والله يعطيك العافيه وماقصرت وابشر باللي نعرفه وماانطرح في موضوعك.................. وكان ودّي بموضوع ديوان الشاعر الكبير الملقب( بـــمتـنـبّـي نجد ) ان يطرح من قبل وهاانت يابن نجد طرحت الموضوع وانشاء الله كل عضو من اعضاء الهيــلا ممن لديه اي قصائد لشاعرنا مهوب مقصر...... وانشاء الله نشوف موضوعك مثبت لانه يستحق التثبيت..... تقبل مني فائق الاحترام والتقدير والشكر

[مختصر المسافات]

فعلا ... حتى الان مانلقى صفحه خاصـــــــــة لأمــــــيرالشـــــعر النــــــبطي ..... ومتـنـبي عـتـيـبــــــــــه .... وشــــــــاعــــرهـــــا الأول فـــــــعــــلاً ... ومؤسس المدرسة الشعرية السروريه ... أرقـــــــى مـــدارس الشــــــعر النبطي عــــامــةً ... الله يرحم الشاعر بندر بن سرور ويسكنه الجنـــــــــــه .

تسلم والله ولااااااااااااااااهنت يا ابن نجـــــــــــــــــد ... وبيض الله وجـهـــــــك .

مجهود جــبـــار واكــــيــــد احتاج كـــثيــر من الوقت منك ... تسلم وتبقى للهيـــــــــــلا دومـــــاً .

.

.

[الباز]

مجهود جبار
وانا معك بالراي

[ابن نجد]

وهذه قصائد اخرى لمتنبي عتيبه نرجو ان تحوز على اعجابكم


قصيدة: ياعبيد يوم انك

يا عبيد يوم إنك تبي الـدرب عجـلان
رد النقـي يا عبيـد حـالٍ وحيـلـه

ما ينرمي قـولٍ علـى غيـر نيشـان
ومن لا يثبت حجته ويش هـي لـه

صوتي وأنـا بنـدر طويـلٍ ليابـان
وان ما خشيت الرب ويش اختشي لـه

وان عودت للنـاس قـومٍ وصدقـان
ما احد بما نعنـي لأعـدي الطويلـه

وأن جيت أغني البيت وافي ومليـان
ولولا معانـي بالغنـا مـا اشتقيلـه

ما أحب ترديـد الغناميـر مشحـان
ما أدمح خطا اللي شاهده رأس ذيلـه

والا خطا الطيـب زبـادٍ وريحـان
لـو يدعـي لـي بالفنـا وادعيـلـه

إن ضاق صدري شفي أمزح بالالحان
والا عـن الـزلات رجلـي ثقيلـه

دنيا نبي تقزيرهـا ضحـك حجـان
وألا تـرى صيـورهـا مستقيـلـه

والرجل غاية ملحتـه قلـب ولسـان
وألا أن باقـي جثـتـه حنضليـلـه

يارب تجعل لي من الذنـب غفـران
يافـارج لأيـوب عـقـب تهليـلـه



قصيدة : تمر الفؤادي

والله لو أني بعض الأحيان أكنـي
نارٍ من الجمـرة تمـر الفـؤادي

لأغدى كما فرتٍ بقيـره يحنـي
حمله ثقيل ولا حصل له بـرادي

عليـك ياللـي بالمـودة شطنـي
ما شفت شكله مع جميع البـوادي

راعي جديـلٍ يمشطـه ومتثنـي
والعين عين اللي طلق في الهدادي



قصيدة : سرى البارق

سرى البارق اللي رؤوس مزنه تنصت غال
على هجرة بن سنـون وأدنـى الشبيكيـة

على شان خلـي جعـل يسقيهـم الوبـال
وإليـا عـودت مالـي ومـال الحبرديـة

ألا ياعيـون اللـي مواكيرهـا بالـخـال
توالـي رقايـب نجـد ماهيـب بحـريـة

إليا نقضـت شقـرٍ علـى ردفهـا ميـال
تخابـط سبلهـنـه مـطـارق شريطـيـة

كما ذيل شقراً شعشعت فـي يـد الزمـال
تغانـم ملـز الشـوخ تبغـى الكرامـيـة

جوابه لبن عربٍ بعد ما أطرحـن أهجـال
تدلـن علـى حليـت مـع درب وسميـة

يتل الضمايـر تـل غـربٍ علـى محـال
تصافـق بـه الجيـلان ملحـاً جمالـيـة

يرفع لها صوتـه صبـيٍ خبيـث أعمـال
تسقـي وديٍ فـيـه تسعـيـن برحـيـة

وترى تبعة المقفين عيـبٍ علـى الرجـال
لكـن أوســع خـاطـرٍ بــد خافـيـه



قصيدة : ازرق الدخان

شـي بقلبـي واهجـه مستمـري
لولا أرزق الدخان يطفـي لهيبـه

سلط على الدخان لو هو مضـري
له حـزةٍ عنـد إحتكـام المصبـه

وأنا الذي ما أبدي على الناس سري
من خوف سودان الوجيه تحكيبـه

أصبر على ضيم الدهر والتعـزي
من شان من يرضى على الغليبه

وأبعد مجالى عن عيـال التـزري
من لاهـوى قلبـي دواه المغيبـه

أخاف لي مـن مجلـس مايـذري
في جانبه بـوم حساسـه صليبـه

و سوالفن ما بين بحث و تحــرّي
يجـرح فـؤادي عيـةٍ وأبتلي بـه

والله خلق بالكون لي ثلـث بـري
يكفـن ثلثيـن البحر ويـش ليـبـه

وإليا بغيت الدرب مانيـب اطـري
أمـس للفرجـة حبـال النجيـبـه

وأقطـع تهاتيـه الخـلا بالتجـري
والله يجيبه والـى أمـري يجيبـه

يرضيني المقسوم خيـر وشـري
سبحان من لا تعلـم النـاس غيبـه

أحدٍ على ربعـه يحـب التحـري
للشـر بـلاسٍ وخيـره بجيـبـه

هذاك أنـا يالربـع منـه متبـري
لو عظني ناب الدهر مـا انتخيبـه

من خوف يضحك لي وهو يستغري
يفتل حبـال السـوء مـا يندريبـه

يفـرح علـي بكـل شـرٍ يمـري
وأنا شاف يمي خير عنـي انهيبـه



قصيدة : يامل قلبٍ

يامل قلـبٍ مـن معاليقـه أوجـف
أوجاف فوق الهجن كـور النجيـره

واصلـك ياعمـي جـواب مـزرف
مع واحـدن نبـدي عليـه السريـره

ينسى عضـوده كـل ثـورٍ معلـف
مرغبـه زال الـمـوارد قصـيـرة

قلبه مع الضحكات يسعـد ويخـرف
أخـراف أهـل وادٍ تعاقـب ثميـره

الماكـر اللـي فيـه تبـعٍ تخـلـف
ليافاض مـن عشـه تفـرق مطيـره

وخطوا البخيل اللي على السد يقصف
وان مـد لـه مـده لياهـي حقيـره

هو مادري ان الرزق للحي يصـرف
يعطيه من يعطـي العطايـا الكبيـره

المال مثـل الفـي يرجـح وينكـف
واللـي يجيبـه لأبـن آدم دبـيـره

أمـا أنتبـه قلبـه وتـاب وتحسـف
وإلا لعلـه فـي عمـاة البصـيـره



قصيدة : يا راكب اللي

ياراكب اللي جديـد ويشتغـل تـوه
ماقط علي الثوينـي فـك ماطـوره

عصير مر القليـب والتانكـي روه
ملفاك ماجد ربيع لاضيف أبو نـوره

شيخ تبات الظرايـا ماطفـي ضـوه
يوم أقشر الناس حذفه دون حنجوره

قل له تراني نويت الكتيـب بالخـوه
مليت ياشيخ من خوة هـل الكـوره

والله لاجى له من ورى نجد بعنـوه
لاجي بنفسي وأجيب الختم والصورة



قصيدة : طويت حبل

طويت حبل اليأس يابـدر دونـه
وجاني عليه من الأزاء ما كفاني

في الليل جسمي مقلقاته همومـه
والعين تسهر ما تذوق المنامـي

عليه روحـي يابسـات شنونـه
وحره على الضلع القصير كواني

أمشي وقلبي يابسـاتٍ غصونـه
ومني صناديق الضماير حطامي

ابلا مرض حالي تقول مهيومـه
والكبد صامت عن لذي الطعامي

اللي عليه القبر ركزت وسومـه
وجدي على لاماه وجد الضوامي

حره سطا ما عاد تبرا وسومـه
ولا عاد يمحى وسم حزنه دوامي

يابدر متى الوسم تدخـل حتونـه
من نو مـزنٍ مانشـا بالغمامـي

أباه يزي القبر من مـاء مزونـه
يزيه ربان السحـاب الهشامـي



قصيدة : دنقله ميم

يا أهل الونيت اللي على دنقله ميم
نقل الرياض الخـط ما توصلونـه

ما رهمو له في الكراجات ترهيـم
ولا قـط فـك أديتـره ينفخونـه

والله لو أمسك طارتـه يالمغانيـم
ما عـاد أقلـد دولـة يصنعونـه

صناعته مخطيـن ملـة أبراهيـم
حمران روم لونهـم مثـل لونـه



قصيدة : خطاة التماتيك

الله على مركـب خطـاة التماتيـك
اللي يروج اليا أونس الضغط صالي

هذاك يامجول عن الغيض يبريـك
عليـه يالغالـي يوديـك غـالـي

انحر عليه الجـادل اللـي تسليـك
اللـي جوابـه حلـو در المتـالـي

وأن بينت لك شيـن عنهـا يعديـك
تكفي الاشارة عن كثيـر المجالـي

ونوم الخلاء وحدك ولازول يوذيك
أخير من خـوة عفـون الرجالـي



قصيدة : جينا حليت

جينا حليت ولا لقينا أشعـل اللـون
ألا بحـمـرٍ يبهـتـن الحـديـدي

روس الطوال اللي ورى حد طحنون
ياما بهـن عـن عنز ريـم فـريـدي

قم سو فنجالٍ ترى الشـاي لبتـون
والماء الريعة والهـواء مستعيـدي

مقيالنـا فـي طلحـةٍ فيـهـا دون
نوجٍ سموم ونـوج بـرد وجليـدي

يسوى حياة اللـي سـواة التلفـون
من شبتـه بيـن العجايـز بريـدي

راع البلد يا ميـت القلـب مسجـون
أضـرب تهاتيـه الخـلا تستفيـدي

أبطش ديار القوم والرزق مضمـون
تصيـدك الأقـدار وألا تصـيـدي

وأحذر تخاف ألا الذي كون الكـون
رب السماء محيي العظام الهميـدي



قصيدة : نو تحدر

بديت ذكر الله علـى كـل جابـه
يستاهل الذكر العزيـز الجليلـي

وقفت عند اللي زبن مـن لجابـه
وهي وقفت المضيوم عند الاصيلي

ياشيخ أنا وقتـي ضربنـي بنابـه
من واهجٍ بالقلب حالـي نحيلـي

واللهم صلي علـى خيـر مابـه
والا ترى الدنيا جداها الرحيلـي

نـوٍ تحـدرٍ قيـل ويـن تهقابـه
وأظن له من عنـد ربـه دليلـي

جعله على ظفـره ينثـر سحابـه
ينهل من ظفره إلى أطراف هيلـي

يسقى وطن شيـخٍ عزيـزٍ جنابـه
شيخ عدل مجرى الشريعة سبيلـي

أبن الخليج اللي طلـع وأرتكابـه
ورسى كما يرسي حفيت الطويلي

يوحش سلاطين الرجـال أقتلابـه
لاهوب لا يجلس ولا من مقيلـي

يقفي ويقبـل مثـل سبـعٍ بغابـه
حلحيل حيالٍ علـى كـل حيلـي

ياما كسبنا الطايلـه فـي جنابـه
والله يخون اللي يخـون العميلـي



قصيدة: حجى الروح

ياونةٍ ونيتهـا فـي حجـي الـروح
ونـة جـزع ماهيـب ونـة مـودة

يا جهاد ضاق بي الوطن وين أبا أروح
ولا عاد لي يا جهـاد فالبقـع لـده

لولا طويـل الرجـم يابـدر لأروح
مير أبدي المرقاب والشـوف أمـده

يبدي طويل الرجم من كان مجـروح
لـولاه يبـدي الرجـم ينبـاح سـده

يويق في المرقاب لوماش مصلـوح
ورجله لمبدأ فـي الجبـل مستعـده

ماغير اكابد عبـرة العيـن وتفـوح
والجسم مـن قـو القلـق راح قـده



قصيدة: موميةٍ عراويه

محمد القلب عايني إمجازيـه
حتى يريـح عيونـي لا يشقيهـا

لو كل رجم يهيض القلب أعديـه
يمكن تكسر ظلوعي من مثانيهـا

وألا ترى القلب مومية عراويـه
لا تحسب أنه طروق الود ناسيها

أوماي غـربٍ مثقلـةٍ عراقيـه
على قليـب نواعيـره سوانيهـا

تسناه ملحا هميد الـزرع تحييـه
من كثر ما تزعب الماء قل واليها

تدرج محـالاً يروعهـا غنانيـه
ميرادها ريض لأن الصدر قافيها



قصيدة : طولن بالوقوفي

لا والله ألا طولـن بالوقوفـي
عيا يحملهـن خبيـث التجـاره

بفلوسنا يا عبيد ماش معروفـي
متى نجي ياعبيد مع خشم صاره

ياراكبٍ من فوق صاف البلوفي
مقعد أنبير الزيت نيم الحـراره

فراق ما بين القلوب الولوفـي
فرتٍ كما وبل السحايب غبـاره



قصيدة : هال ما طال

عـز الله انه هال ما طال يا سعيد
زل الشـهر والوقت طوال بديده

اللي من اول للخلايق مـواســيد
اسقي غــرير الهم لـو يستفيده

قم يا رشيد الحق واقول يا رشـيد
الله عليك انت من ايا بـديـــده

اما البديده منك عــند المواعيد
ولا همومك من حياتك زهــيده

ابستفيدك كان جــربت افــيد
تنام واسمك حول الاسمر رشـيده

لي قصة يشهد بها راضــع الديد
يعدهـا غـيب السراب الطريــده

طويلة عريضــة بالتماجــيد
يفرح بها الطيب فعول مجــيده

طــويلة عـريضة بالمناقــيد
يفرح بها النمام شين العقـيـده

جار الزمان وعاونوه الحواقــيد
اللي لهم من قبل ذلك حـقيــده

يا رشــيد يوم اتعبتني بالتناشيد
خذلك من الدرويش زبـدة قصيده

واليا ذكرت الله وكثـرت تمجيـد
تـرى محمد صفوة الخلق سيده

ترى ابرك الحزات يوم صدف عيد
جمعة اسبوع وصادفت يوم عيده

أذكر لك الأجواد صد وصـواميد
وانذال لاصدوا ولا من صـميده

واذكر لك اقشر ما على السيد والبيد
اللي طمع بنت القصير الحـديــده

فضحة قصيره عنده انه اكسب فيد
سوالف بهـا للناس خطو البـليده

سوالف بجرح سال جرحه تضاميد
زود لجرح الجـرح ينزف صديده

من لاستر خـلات غـرات اجاويد
هذاك نــقال الخبيثات بــيـده

وليا وطاك اللي وطاني تراديــد
رد السؤال ولا تحـير بريــده

وانا الذي قـد مرني سلك تجنيد
خدمـت بـه عدة سنين مديـده

مر حول هم وكل شـي لـه احيد
احيد زين وشين والهم احــيده

اسمع صريرالقلب بين الحواديـد
حدنه الضلاع واسمع رديـــده

والله ما همني قاضي العمر ترغيد
ابـن اللئيم اللي حياتـه رغيده

اهـني الكلب الحجل بالمراقـيد
وضب الخلا لو كان يأكل رديـده

وشكرا لتواصلكم والمزيد قادم لقصائد بندر بن سرور العتيبي
---------------------------------------------------------------------------------------
زماننا غير زمانهم وحتى نتذكر الاولين
اخوكم ابــــــــ نجد ــــن

[أبن شهيل]

السلام عليكم فيه قصيده لبندر يمدح فيها الشيخ زايد يقول فيها اللي رفع سبع بلاعمد ويقول والعجوز اللي ورا شط بغداد سمت بسم الشيخ ..... ارجو من يعرفها ان يضيفها

[ابن نجد]

وهذه قصائد اخرى لشاعرنا الكبير وشكرا لتواصلكم

قصيدة : فرت كلاسيكي

راكب اللي من حفيزه للحدودي
عقّب العشرين طبلون اميتينه

فرت نوع كلاسيكي ماله طرودي
أبيضٍ في البيت الأبيض فارقينه

يرفعنّه نايماتٍ بالعمودي
والهوى والنار يرخنّ المكينه

يوم مرّ خريص مع عرق النفودي
قاومه صوت القيامه في المدينة



قصيدة : يلعب دركسونه

الا يا نديبي فوق من ينطح التهريب
ليا عدّ ميّه قام يلعب دركسونه

أببعد عن الشرطة وأفارق جنود الذيب
لدارٍ يبيدن الونيتات من دونه

وياحن قلبي حن فرت بعد توضيب
تحت خارجيٍ ماطفت نار غليونه



قصيدة : مفجرات السراعه

يا اهل الونيت اللي يشق الدهو شقّ
يصفر صفير مفجرات السراعه

أمّا اركبوني يالنشاما بلا حق
والا أوصلوا مرزوق منّي وداعه


اخوكم ابن نجد

[^^العصيمي^^]

مشاء اللة عليكم مجهودكم في محله
مشكورين وما قصرتو

[فيصـل العضياني]

يعطيك العافيه اخوي ابن نجد

وماقصرت

[فيصـل العضياني]

هذى قصيده لمتنبي عتيبه حبيت اضيفها مع القصائد الماجوده ..

واتمنى ان تعجبكم وتحوز على رضاكم ..


لولاى اعد الرجم في مرقب الصاح @@ والعب بعسر القاف مانيب صاحي

قم ياعليثه للشهر عد وش راح @@ باول جماده عد لى ويش راحي

وهات القلم وكتب الى الخط ياشاح @@ زرف علاه وسجله بالنصاحي

وعيني اللى ماتهنت بالامراح @@ من يوم جاني بالبخايص مناحي

البارحه مامرحت لين القمر طاح @@ من شرق لينه يمه الشرق طاحي

ياجعل يسقيهم من الوسم جراح @@ قدام ينزاعون لى بالنواحي

واقلبي اللى داخل فيه فحفاح @@ فحفاح قوم" محتسين الصباحي

تليتني تلت معاويد فـــــــــــلاح @@ سواقهنه مايذوق المراحي

فالليل سراي وفالصبح سراح @@ ودايم عليهنه بشونه يلاحي

غاسق" لهن غرس على العين مرتاح @@ يعدل عليه لجم في مستراحي

ويامن سميه في سوى الحزم شباح @@ ياكم فجر من عين حسو" قراحي

واسمه يباري الصيد وان جاك سراح @@ جافل وقافيته هبوب الرياحي

وياشبه عفرا" للمداوير مضياح @@ تجذب هشاهيش الخلا بالضياحي

مرباعها بين النويع والاسياح @@ ومقياضها عد الرويس الملاحي


تحياتي

الروقي

[ابو فراس]

مشكور يابن نجد

والله يرحم ابن سرور

[otaibi]

انحاس بالي يامحمد وصديت
............ من كثر الصدات قلت شطونه
ماني وانا بندر بهيت ولد هيت
.......... هيت يجامل خمة يكرهونه
من كثر ماجربت واقبلت واقفيت
...........قولة هلا لمن لايودك مهونه
سلط على النصراني اللي لقا الزيت
......... لعل نبع الزيت يعمي عيونه
لاشك تحتاج المراجل شفاليت
.......... تحتاج شي يقصر النذل دونه
عزم على الفرجه وقطع الخلا الميت
........... حتى عيال البوم مايقطعونه
ثلاث*من كل المعاني تنقيت
...........واللي بقى كل الملا يقدرونه
مابغى جزاهن غير من خالق البيت
..........ز عمالهن للناس ماينفعونه

[دمعة الحاشي]

(( الــشــاور غــشــاني))
من بلاد الشام جينا بالمكينه
فوق فرت ماتخثع بالطماني
يحتدي مثل الجمل تسمع رطينه
مع طمان القاع مثل الثعلباني
والشفير من المدارس مطلعينه
عيدهي يجدعه جدع الحصاني
قذلة الطربوش ناطلها يمينه
عن ظلام الليل شب الكهرباني
ماتجيه يسار رجله شوف عينه
غير يسر الطاركي باليماني
يوم قال له الخوي عاشت يمينه
شد رجله للكمك واحد وثاني
يالله انك تنصره من نصر دينه
ان عطى له مع غبا والا بياني
قلت يالمطنوخ انا عيني حزينه
عن شراب اللف ابيه وعنك كاني
قد رمى بالكيس قدمي قال وينه
دوك مابالجيب عن شي لهاني
يقصد الكبريت معي منه عينه
قد منا تلت غراميل متاني

قلت ثالث قال يالله لاتهينه
قلت خامس قال قير يطلب نقل ثاني
قالت واحد والكمك ظام المكينه
قال لي من يرحم القاسي لياني
قلت والله يرحمونه صانعينه
قد زعلت من اللهيب اللي غشاني
قال ماتاثق بذمه مقننينه
عن مشاور غير عرفي قد كفاني
قاطع عرقين مدري وين وينه
قد وصلت الأرض واسمع صوت ثاني
يوم يرفع موخره قو المكينه
يرتخي صدره وانا الشاور غشاني
قلت دوك اللف خابو شاربينه
غطني عن شوف شي قد غشاني
قال عن وقلت بأيا لحينه
قال قل ناسي خوي مانساني
قلت عاش الشيخ واللي ناجبينه
عادة الطيب اليا جا الجد عاني

[ABUYAZEED]

لاهنتotaibi بيض الله وجهك

[القثامي2]

ويذكر ان قصيدته هذه التي قالها في الشيخ زايد , غناها المطرب الاماراتي عيضة المنهالي كأغنية وطنية


يقول بندر بن سرور:-

بديت بذكر اللي بسط سبع بأوتـــاد***واللي رفع سبع بليـــا عمدها

وانكار للي صار غيث للاجــواد***لا قبلها صــــارت ولا من بعدهــــا

زايد على كل العرب بالوفــــــا زاد***زاد المراجل لين وقف عددهـــا

هالحين حلـوٍ مر زراع حصــاد***كبـد يداويهــا وكبد لهدهـــــــــــــا

حتى العجــوز اللي ورا شط بغــداد***سمت على الشبل فلاح ولدهــا

تبغــاه يطلع مثل زايــد ولا فاد***لاكل من هاز الطــويلة صعدهــــــا

ياشيخ انا جيتك على غير ميعاد***من خوف روحي لا يجيها وعدها

[الوليد الاسعدي]

جهد مشكور وبيض الله وجيهكم ! الحقيقه ان الواحد يفخر ان يحضى المنتدى بالنوادر والمفقود بين الكتب .

صاحب الموضوع ابن نجد الله يحفظه :
ياليت لو تضيف كلمة ( رحمه الله ) امام اسم بندر بن سرور في رأس الموضوع .. حتى كل من شاف الموضوع ترحم عليه ليصله الخير وهو في قبره ولك الاجر .

[الاستشاري]

يا رب انا لي حاجة صكة القوع=باقصى بحر تسعين صكة نحرها
اصعب على المخلوق من حبة الكوع=والا على الخالق بسيط دورها
كم واحد جت له بساتين وزروع=تراه ما يدري من اللي بذرها
ابن اللئيم مشارك الكلب بطبوع=عينه على حرمة قصيره نظرها
ما دارها خوف عليها من الجوع=خوفه تفوته غرة ما سبرها

[النداوي]

بارك الله فيك يا فتى الشرائع

[العطــــاوي]

مشكور يا ابن نجد وماقصرت

[متعب العضياني]

بيض الله وجهك وجهد رائع وكبير منك
وجهد من الاخوان الي شاركوا
وبندر لو نخصصله منتدى ماكفاه

وتقبل تحياتي

[سلطان الفهد]

ما شاء الله عليكم ويعطيكم الله العافية والصحة يالغالين
وبندر معروف ( رحمة الله )

[أبو لــيّــور]

بيض الله وجيهكم كلبوكم 000

[شيباني نت]

سلااااااااام مربع
على الجميع
الله يعطيكم الف عافيه على هالمجهود الطيب
في نشر تراث عتيبه واشعارها
ويا ليت تشقرون على الشعار الباقين
وخاصه (بديوي الوقداني)

[حسان]

أبــــــــــ نجد ـــــــــن

مشكور على هذا الجهد المميز في جمع هذا الديوان الرائع

للشاعر الكبير بندر بن سرور(الشنفرة ) وهو في الأسلوب يشابه أسلوب

الشنفرة لانهما تعرضا لنفس الظروف
ولكم تحياتي

[ابوتـ(رسام)ـركي]

السلام عليكم
حبيت اضيف هالمعلومات وكم بيت لـ متنبي عتيبه الشاعر بندر بن سرور رحمه الله
والعذر والسموحه ان صار في تكرار للمعلومات لطول الردود وصعوبة قرائتها

-من هو بندر بن سرور؟
هو بندر بن سرور بن خضير القسامي العتيبي.
من مواليد القرارة أحدى توابع منطقة الدوادمي
ولد في عام الف و ثلاثمية و ستين هجري، في سنة عرفت بربيع ربلان
نترك بندر يصف نفسه بنفسه . يقول :

ماني وانا بندر براعٍ ولد راع ... انا الحصان اللي طوالٍ حباله
إبن سلايل خير من شالت القاع ... المصطفى الهادي وديع الرسالة


ماني وانا بندر ببيّاع دمه ... يقطعك يا بياع دمه و مهفيه
اللي يبيّع لابسات الأزمه .. ثورن يبي بيض العماهيج تغنيه


ماني وانا بندر بهيسن ولد هيس ... هيسٍ يدنع عند حرمة قصيره
ليا بغيت اجلس ترى لي مجاليس ... وليا بغيت انهج دروبي عسيرة


ماني وانا بندر بهيتٍ ولد هيت ... هيت مقابل خمّةٍ يكرهونه
من كثر ما جرّبت وأقبلت و أقفيت ... قولة هلا من لا يودّك مهونة


ماني وانا بندر على درب الأنجاس ... اللي قريبٍ تفلها من لحاها
أنا بدرب الصيرمي عدم الأجناس ... زيزوم روق ليا تنصّت عداها


ماني وانا بندر بنصّاي جابان ... شوخ الجموس مناقرين الحليلة
ليا صار لي لازم نصيت ابو فيحان ... شيخ الشيوخ مكمّلين الجميلة


عاش بندر رحمه الله طفولة فيها من القسوة الشيء الكثير . فبعد وفاة والده تزوجت والدته رجلا اخر و انتقلت للعيش معه.
انتقل بندر للعيش مع أمه و زوجها في رواية، و جلس عند عمه اخو ابوه في رواية اخرى, ولكنها-على كل حال- حياة افتقدت لحنان الاب و احتوت على ما تحتوي عليه حياة البادية عادة من قسوة و ترحال خلف الماء و الكلأ. لكن هذا لم يمنع بندر من قول الشعر , و لم يمنع الموهبة الشعرية من التفجر ابداعا على شفاه هذا الاسطورة:

صوتي وانا بندر طويل ليا بان ... إن ما خشيت الرب ويش اختشي له
ما ينرمي قولن على غير نيشان ... و من لا يثبّت حجته ويش هي له
-
وهذا ما احببت اني اشاركبه

اخوكم
ابو تركي

[بو هباش]

السلام عليكم اما بعد:

بندر بن سرور احد اكبر شعراء عتيبة وهو من الشعراء الذين لا يتكررون وقد كان اعتزازة بقبيلتة عتيبة لايوصف
والربع فيهم البركة ما خلو قصيدة الا وحطوها لكن هنالك قصة في حياتة لماذا لم تذكر وهي انة كان يتمنى ان تكون قبيلتة لها الحكم والسيادة في جميع المناطق وكان شاعر سياسي وقد قال قصيدتة التي مطلعها

يا منير دوك الفرت واخذ الفواتير,,,,,,,,,,,,,,,,افحص علية وردة للقراجي

وكانت هذة القصيدة سياسية وقد اصابها في الصميم ,وكان الناس يتناقلون هذة القصيدة الى ان وصلت الى الملك فيصل رحمة اللة فامر بقطع لسانة قبل راسة واهدار دمة ولكن بندر بعدما قالها لم يرضى بلذل وان يمسك بة فذهب الى الامارات ودخل على الشيخ زايد وقال قصيدتة المشهورة والتي تغنى بها قبل اشهر الفنان عيضة المنهالي والتي مطلعها
بديت ذكري بلي بسط سبع بوتاد ,,,,,,,,,,, وبلي رفع سبع بليا عمدها

والتى مدح بها الشيخ زايد بصوره لم يفعلها احد قبلة ,حتى عندما يسمعها الواحد يقف شعرة من قوة الكلمات حتى قال في اخرها

يا شيخ انا جيتك على غير ميعاد ,,,,,,,,,,,,,,,من خوف روحي لا يجيها وعدها

فما كان من زايد الا ان ادخلة في حمايتة لمدة سنتان عزيز مكرم ولكن مهما كان
كيف يستفزع بشيخ قبيلة اخرى وخلفة قبيلة عظيمة ,ولهذا لم يستطع احد من الناس بالتوسط او مساعدة بندر من ازمتة , وكان امير الفوج التاسع الامير تركي بن ربيعان احد اقوى امراء عتيبة قد سمع بقضيتة وبعد طول صمت ذهب الى الملك فيصل للتوسط ومع كثرة الكلام من اخذ وعطا يقال ان الملك سامحة ويقال ان بن ربيعان قال:ولدنا بيرجع وانا جاة شي فهي بينا وبينكم .....وعندها سامحه ,

وبعدها عاد بندر الى السعودية وبلتحديد عند منزل الشيخ تركي وقال القصيدة الغنية عن التعريف

يا سخيف الذرعان ماني بمرجوج ,,,,,,,,,رجتني الدنيا وجتني بحيلة
يا بنت لولا الي على تاسع الفوج ,,,,,,,,,,, تركت نجد وعزوتي والقبيلة

............هذا ملخص القصة ولمن اراد التاكد فليقراء الثلاث قصائد المذكورة وسيصدق رحم اللة ابو بندر واسكنة فسيح جناتة

صوتي وانا بندر طويل لا بان ,,,,,,,,,,,,,,وان ما خشيت الرب وش اختشي لة

[شيباني نت]

ابو هباش
ماشالله عليك
كل هذا يطلع منك من اول مشاركه
عيني عليك بارده
ماشالله عليك

واتنمي المزيد منك والتعمق


اخوك شيباني نت

[ابن مورق]

السلام عليكم ورحمه الله اخوانى مرتادى هذا الصرح الشامخ

حبيت ان اضع الشى الذي هو مطلوب من كل واحد ينتمى الى قبيله عتيبه

وهو تدوين مصغر او بمعنى اخر ديوان بندر بن سرور في هذا الصرح العظيم

وهذا مطلوب منا جميعا ولاكن عندما سمعت باخى ابن نجد حاولت جاهدا وبشتى

الوسائل حتى استطعت ان اجد مايرضيكم ويرضينا جميعا نحن ياابناء عتيبه

علما بان الديوان الذي معي الان لايوجد الا بالكويت وهو ممنوع لما تحتويه

بعض قصائد بندر من ابيات شديده القسوه على قبائل وعلى ايضا قبيله

من قبائل عتيبه ولاكن لااعلم الان ماذا افعل هل اضعها بين يديكم كلها جميعا

ام اختصرها على قصائد المدح والغزل 0

وسوف اكون على موعد بالموافقه من ادراه منتدانا العظيم بأعطائي الضوء

الاخضر وان يسمحون لي بنشرها لكم 0

اما انا سوف غاكتب قصيده لبندر واعتقد ان بعض الاخوان لم يسمع بها من قبل

والله اعلم 0


دمتم لنا نبراسا يستدل به



اخــــــوكم // ابــــــ (مـورق ) ـــــــــن

[ابن مورق]

الزلفي الميزان ونخيل وأدباش "="والانبياء الرعيان ساعه كميدي

وأبنك معك من نفخ روحك أتوشواش "=" معه القلم وأدريس يانوح قيدي

وهذاك يشفع يابراهيم حشاش "=" على السراط يمين يسجد وكيدي

وهذا سلاط القار لعيون حشاش "=" مجمع ثلاثه كلهنه ابسيدي

قدس ومدينه والحرم عند حشاش "=" ثلاثه الجدران رجم الشهيدي

والمستعى مابينهن ركض منحاش "=" كبر وهلل يالمسير تعيدي

وهاذيك زمزم بين خضرات الاهياش "="والكوثر البركه بماها تزيدي

والمجمر الصند الذي بين الاحواش "="ومنهن شبوك للدبش بالحديدي

والزلزله تخطيط وغبار واوناش "=" تدمير بنيان وبنين جديدي

ياقاعدتهن ليله القدر لو لاش "=" يم الرجيم اللى للاجواد ريدي

شلي ولاغربه ارشيد بن حناش "=" علاك مفتول البصاير حديدي



وسلامتكـــــــــــم

اخوكم // ابـــ(مـورق ) ــــــن

[شيباني نت]

تسلم يابن مورق
ولايسلم ردي العزايم

قصيده جزله
من شار\عر جزل

اخوك شيباني نت

[كاسر الحايم]

هل تريدون المزيد وللا اكتفيتوا؟.؟؟؟

[ذيـب طـويـق]

الحقيقة لا يوجد مهتماً وباحثاً في الموروث الشعبي لا يعرف الشاعر بندر بن سرور
لقد سطر التاريخ اسمه بحروف من الذهب ... قدم سمعتن طيبه للقبيلة
استطاع كتابة ما لا يستطيع الشعراء كتابته .. فهو بالفعل اسطورة
تناقلوا اهل الجزيرة العربية قصصه وقصائد وهذا يدل على ان هذا الرجل
يمتلك المقدرة الشعرية الحقيقة .. رغم ان الريح والصعاب كانت ضده الا انه
استطاع التغلب عليها .. أهني نفسي واهني قبيلة عتيبة بهذا الشاعر الذي
ذاع صيته بين الشرق والغرب .. فلن ننسى بندر بن سرور وسنحفظ تاريخك في الصدور .. :):)

رحمك الله يا بندر واسكنك فسيح جناته ..


وأسمحولي بمشاركة بسيطه في هذا الموضوع :)
فلقد قرأت الكثير والكثير عن هذا الشاعر وأردت ان اضع بين ايدكم
هذا القصيدة الجزله وهي :



يا مل قلبا تله الود تلي = تلى الرشا من فوق ملحا جلاله
في غربها تسعين فري ومشلي = تجفل ليا سمعت ضريس المحاله
من واحد(ن) طرق عليه يهلي = لحف بواق القلب مع ما جرى له
يطرق برمشه للمحاجز مظلي = ظاف على بيض المحاجز ظلاله
هجه لبن بكر ردوم متلي = مابينت فيها رسوم الشماله
يا بنت كبي واحد(ن) ما يصلي = تارك عمود الدين مالك وماله
خلي ملعن والدينك يولي = تلقين في نجد المسمى بداله
حتيش لو يفرش لك القاع زلي = من لايخاف اله حرام حلاله
علاك باللي للجماعه يهلي = اللي كما النزله منارة دلاله
بالرجل ثنتين حداهن يدلي = وان كبهن مهوب ويا الرجاله
ليا صارمابه دين مع زين دلي = جعله من الدنيا تنقطع حباله



وتقبلوا خالص تحياتي واحترامي ... ذيـب طـويـق :rolleyes:

[شيباني نت]

تكفى والله يا
كاسر الحايم
عجل علينا بقصايد
بندر الله يرحمه

من غير ما تستشيرنا


والف شكر ياذيب طويق على التعليق الجميل


اخوكم شيباني نت

[الثبيتي2]

ما قصرتو ياعتيبه:cool:

[الثبيتي2]

صح اسنك يا الصوفي شعر يستحق الشكر

[ابوفادي]

مشكورياخوي ابن نجد على مجهودك الرائع
وبيض الله وجهك على جهودك
وعندي ثلاث من قصائدبندرالمطلوبه من الجمهور
اتمناان تنال اعجابكم



بديت ذكرالي بسط سبع بوتاد=والي رفع سبعن بلياعمدها
والكارللي صارغيثن للجواد=لقبلها صارة ولامن بعدها
زايدعلى كل العرب بالوفاءزاد=ساق المراجل لين وقف عددها
حلحيل حلون مرزراع حصاد=كبدن يداويهاوكبدن لهدها
ولاياعجوزٍمن وراءشط بغداد=سمة على الحرالفلاحي ولدها
تبغاه يطلع مثل زايدولافاد=وماكل من هزالطويله صعدها
ياشيخ أناجيتك على غيرميعاد=من خوف روحي لايجيهاوعدها




بديت ذكرالله على كل ماقيل=رب الفلك منه الفلك ينتهي له
والكارللي حول الشرق تحويل=من باب ذل لباب عزٍبليله
وقف لهم زايد محيل الحلاحيل=برٍبحرحلحيل محدٍ يحيله
مودع رياجيل الصحافه براميل=لطام قطاع الرقاب الطويله
عماردمارالجبال المهاليل=سباح غابات البحورالمهيله
حلال عقدمحكمات الصناقيل=لواي شي بالقوع ماينلوي له
بدرالخليج اللي طلع بالقناديل=ضيع نجوم الليل باهي شعيله
شط الفرات اللي يطم الغراميل=يضيع مادق به من مسيله
اللي بحكمه صارولدالثعل فيل=يزمرعلى عقبان نجد الأصيله







بديت ذكرالله على كل ماصار=يستاهل الذكرى عزيزالجلالي
والكارللي صاربالشرق مسمار=بنحورالأعدأمايحيله محالي
زايدعلى كل العرب بالوفاءزاد الأشبار=شرقٍ وغربٍ وبالجنوب وشمالي
والله يالولا الخوف من بعض الاشرار=لقول مابه غيرزايد رجالي
بالشرق الأوسط والجزيره والأقطار=لاشفت احد مثله ولحدن حكالي
الين من الماهود وأقسى من النار=يفتل وينقض مبهمات الحبالي
ياشيخ انا حملي ثمانين قنطار=عجزت والله ماقويته الحالي
والاأنت حرٍ صيرماني وجبار=شيل صعبات الحمول الثقالي
شل عني الحمل الذي فيه محتار=تلقى جزاهاعندمنشي الخيالي

وتقبلو تحيات اخوكم ابوفـــــ الـروقــي ــــادي

[سبع الجزيرة]

مشكوووووووووررررررررررر

على هذا الجهد الرائع

ولاهنت على نقل الموضوع

[فيصـل العضياني]

نكمل معكم ماتبقى من قصائد لمتنبي عتيبه

مالوم عيـــــــــنً
مالوم عين(ن)تصطفق بعض الاحيان = شافت غرابيـل الزمـان الغريبـه
ياكثـر ماشـف وياقـل الايـمـان = بقلـوب مـن بقلوبهـم شـك ريبـه
من ينصح اللي يعتقـد لـه بكهـان = يـشـرك مــع الله واحدًًًًُمايثيـبـه
لو يصدق الكاهن طلع منه برهـان = وافتك نفسه من حـدوث المصيبـه
لاشك كـذاب خـذو منـه كذبـان = والله صدق عـلام غيبـك وغيبـه
مـن سبتـه ياميـت القلـب ندمـان = لعـل فلبـك للعمـى ويـش تبيبـه
انصحك ياللي رشك الشيب عميـان = وادي جهنم حـادر(ن) مـع شعيبـه
يطغيك زود المال والزود نقصـان = غـادي بسـوق السؤليـه تغديـبـه
لاتدعي بالمـال رابـح وخسـران = يفلجك مـن زيـن العمـل يدعيبـه



اشرب من ابو بس

اشرب من ابو بس و أنسها نـس = نس المهرب مع خطوط الجزيرة

ليا من عطى له ثالث قام يضرس = خفر السواحل في طريقه خطيرة

شدة قصير ولا يمـر المهنـدس = توّه جديـد و عالـمٍ بـه خبيـرة

يسري من الحدّين و يصابح الرس = عليه بندر مـا يخونـه ضميـرة

جاب البضاعة من مغانيه بالـدس = ماهوب شاةٍ ميتـة فـي حظيـرة

يالله يا منشي السحاب المطمّـس = تفرج لمن مثلي عيونـه سهيـرة

[فيصـل العضياني]

دوك السويك
دوك السويـك وشغـل الـفـرت يامنـيـر " " افـحـص عــلاه ودخـلـه بالكـراجـي

اللـى يبـا بنـزيـن ركــب بواصـيـر " " واللـى تـبـاه الـنـار ركــب بـواجـي

واليـا استعـد وصخـر البعـد تصخـيـر " " تصخيـر شيهـانـن لـفـرج الـزراجـي

عـده عـلا الـلـى مايـعـد المخاسـيـر " " ركــاز عـمـدان الخـشـب للنعـاجـي

ثـم قـل لبـو بنـدر تـرا وقتـنـا غـيـر" " تبـدلـت سـحـب المـطـر بالعجـاجـي

وشيـوخ نجـد الـلـى تـهـد الطوابـيـر" " ينثـر لهـمالحكي ســوات الدجـاجـي

امـا مـن المـشـرق تـثـور المعاصـيـر" " ولا مـن المـغـرب يـهـب العجـاجـي

يبكـي أسيـوفٍ سمـرة نـجـد تسمـيـر " " تسميـر عـود العـاج فـي عـود ساجـي

حدنـا بـن هنـدي محمـد مـن ورا النيـر" " والـفـرم محـسـن عقبـنـه اسـواجـي

ربـع رسـو بـيـن الحذيفـيـن يامنـيـر " " مسلـمـوا لـــدور الـبــاج بـاجــي

واليـوم ناطـا نـجـد مـثـل الـدواويـر" " نقضـى الـزوم ومسرعـيـن الهجـاجـي

رحـنـا نــدوج وأنتسـمـى المناصـيـر" " نمشـي علـى البـيـداء بلـيـا مـزاجـي

ويـوم أن نجـد إلنـا بوسـطـه مسايـيـر" "والـيــوم نـجــد لـشـيـوخ روق ...

ومتـى يجـي فـي نجـد حسـن التدابيـر " "مـتـى يـجـي للصابـريـن أنـفـراجـي

يامنير عمرلي
يا منير عمرلي من التتن معمار.......يبري الغليل الي على القلب تالي
ولا صرخت باعلى الصوت وابديت ماصار.....من شان تدري وش ولا بحالي
أركض مع الدنيا كم راس دوار.......ياما كسب زين بعلوم الغزالي
الله على الي عايروها بلأمتار......الطراز بنز شغلت بالعدالي
زادو هواها وأطعموها من النار....حتى الانمبير المنضجع عبد صالي
يجدي على الي في طرف نجد سنجار......يجدي الجبل سنجار بين الجبالي
يوم قل لبو بندر ترى الوقت غدار......يبطن تراني ما أنفع أحد شكالي
ان زان وقت صار بالسلك يدار.....وان شان قصو مروعات الحبالي
يوم ان عتيبه شيوخهم مابهم خير......انصور حوم يتبعن النوالي
والله يالولا الخوف من باب الاشرار.....لعد شي شفته اول وتالي
كم واحد بين العما عيش هزار......مغترته نفسه بكبر الظلالي
يدنس على ربعه ويدرع بالاسوار ...ويعد نفسه من حسوب الرجالي
كفه بخيل وقلب انجس من الفار.....اسود طرف وادغم من السيم دلالي
هذاك بعته خير ماكنت مختار...الجزا بالصدات وابعد مجالي
ابعد مجال الرجل عن كل عثار...واصبر على الصكات والعمر فاني
واليوم وطني غبر الايام مجبور ..غير الجماعه ماوطني لحالي
حرام للفنجال شربه اذا فار.....اللا على الي يرخصون الرجالي
وانا الذي ماقول في نجد شعار......ويذل بالشعار محد حكالي




مانيب مرجوج
ياسهيف الذرعان مانيب مرجوج
رجتنى الدنيا بغدر iiوحيله
يابنت لولا اللى على تاسع الفوج
تركت نجد وعزوة iiبالقبيله
لا شك حادينى على نجد iiهيدوج
مسقى الفيافى لين يدرج iiمسيله
تركى ليا من البلاوى غدن عوج
حملة عتيبه كلها ما تشيله
يرسى كما مينا البواخر على الموج
ومنين ما صك البحر ترتكى iiله
مادام تركى حى ماودى ادوج
وان غاب غبت من الرجوم iiالطويله

[فيصـل العضياني]

وهذي قصائد لوالدة المرحوم بندر بن سرور يرحمة الله ويسكنة فسيح جناتة


عديت عصر ودرج الحجر من ماه *** والقلب عيا يستمع في مـــشيره

ياونتـــي يابدر قــــــــلــــــت اه ثم اه *** على ثمر قلبً غدى به دبـــيره

وجدي على من راح يابدر وجداه *** وجد الطريح الي عظامه كسيره

خلوه ربعه في نهار المـــــــــثاراه *** رموه عنهم في نحور المغــيره

جاين لدمع العين يابدر مســــــقاه *** يسقي القطيع الي صفت عنه بيره

لو ينشرا بالمال برهج ظمايـــاه *** صدر بعد معطان قاضً صديره

عيني تهل الدمع من بعــد فرقـــاه *** مثلي جداه الدمع يالله خيررره

واجر قلبي جر غربً بـــعرقــاه *** من عيلمً عوهن هماج ً مريره

علق سريحه فوق زرقا معــــفاه *** هزع الوروك امتونها مستديره

وهذي ايظاَ من قصائد والدة بندر بن سرور يرحمه الله


لولاي اعدي الظهر راس المنيفات *** خطرً شديد الحزن يقظي عليه

ياونةً ونيتها عشــــــــــــــــر ونات *** يون مثلي من غدى له شفيه

يابدر ليته حي يرزق ولا مــــات *** لو هو ورا شط البحر ماعليه

في الليل كني في البحور الغزيرات *** ياخذ بي الهاجوس يم الهويه

ياخذ بقلبي لاهف الحر دورررات *** ويومي بحالي لين يبست اعصيه

يابدر في قلبي طعونً مجيحاااات *** وجرحً على الغالي طعونه خفيه

[سلطان النفيعي]

السلام عليكم ورحمة الله وبركاته أبسالك سؤال عن الشاعر الذي قال

ألأمر أرماحهم وسيفهم روس الأقلام
نسبت الى واحد ساكن في مدينه ما ثم انكر انها له ونسبها إلى بندر بن سرور

[فيصـل العضياني]

وعليكم السلام اخوي ( نفيعي نت )

يانجد فيك القيض والبرد كلـنا && متلطمينً بالعمايم وصـــــــيام
في كل جمعه ياكل السيف منا && بدمنا سبب يحكم علينا بلاعدام
الحضر فازو بالملاييــــــن عنا && قفو لجا العام والي ورا العام
وارماحنا وسيوفنا نكـــــــسنا && ورماحهم وسيوفهم روس الاقلام
اما اخذنا حقنا في وطـــــــنا && ولا ترا حنا يم حافظ وصـــدام

القصيده هذى نسبت لبندر بن سرور وهي ليست له بل لشاعر
من الشعراء المعروفين ولاني بذاكر اسمه |4|

[فيصـل العضياني]

وعليكم السلام اخوي (سلطان)

يانجد فيك القيض والبرد كلـنا && متلطمينً بالعمايم وصـــــــيام
في كل جمعه ياكل السيف منا && بدمنا سبب يحكم علينا بلاعدام
الحضر فازو بالملاييــــــن عنا && قفو لجا العام والي ورا العام
وارماحنا وسيوفنا نكـــــــسنا && ورماحهم وسيوفهم روس الاقلام
اما اخذنا حقنا في وطـــــــنا && ولا ترا حنا يم حافظ وصـــدام

القصيده هذى نسبت لبندر بن سرور وهي ليست له بل لشاعر
من الشعراء المعروفين ولاني بذاكر اسمه |4|

[ابوسايف العتيبي]

ارم البكت واجدع الكبريت يالريمي
تطري ومما طرالي زاد لي ونه
الله يغربلك تصحيني وانا نيمي
ماانت بلاعوب عطني ولعه باشنه
قيلت لي في محل بنشر الجيمي
لعل غر السحايب ما يمرنه
ياهل الونيت اركبوني خالص تيمي
ما توصلون الغريب اللي خرب فنه
ودوا الوديد لوديده يالمغانيمي
ياقربها من مزار مدور الجنه
وجدي عليها وجود مناكل السيمي
جازوه باسيام لاجل اللي قطعهنه

[ابوسايف العتيبي]

الله على اللي كن سلفه اليا نيش
خطو المحاله مفرد من قساها
يلحق فروخ مسخرات ابرق الريش
شقر الوحوش اللي عزيز غراها
عده لابن هذال ذيب الهتاتيش
ليا زاره الزاير همومه نساها
قله يحل حزف بيت مباليش
اللي عسرني حلها من غثاها
أصبحت بالدنيا كثير التناقيش
وأزريت اثبت وجهها من قفاها
نودٍ تورد للعدود النقاريش
ونودٍ تورد له خزاين ظماها



وتقبلوا تحياتي

[ابوسايف العتيبي]

مالوم عين تصطفق بعض الاحيان
شافت غرابيل الزمان الغريبه
ياكثر ماشافت وياقل الايمان
بقلوب من بقلوبهم شك ريبه
من ينصح اللي يعتقد له بكهان
يشرك مع الله واحد مايثيبه
لو يصدق الكاهن طلع منه برهان
وافتك نفسه من حدوث المصيبه
لاشك كذاب خذوا منه كذبان
والله صدق علام غيبك وغيبه
من سبته ياميت القلب ندمان
لعل قلبك للعمى وش تبي به
انصحك ياللي رشك الشيب عميان
وادي جهنم حادرٍ مع شعيبه
ينطيك زود المال والزود نقصان
غادٍبسوق السو ليه تغدي به
لا تدعي بالمل رابح وخسران
يفلجك من زين العمل يدعي به
وافطن لكلمة (ويل) للانسان
في ماقف ماينفع المرو جيبه
للشر ميزان وللخير ميزان
تكتب ملايكة السما وتعدي به
خذلك نصيحة واحدٍ شاف الاكوان
جرب غرابيل الدهر من نصيبه
من جاهد الدنيا بلا روس جنحان
يصبر بصكات الزمان الرهيبه
انا الذي شفت الوزا ياسليمان
برد الشتا والقيض أكلني لهيبه
ماني بهين النفس لو كنت جوعان
مايقنع الا الكلب عقب تهجيبه
والله يالوولا كلمةٍ قال ديان
حقي غدى به ما نوى انه يجيبه
ل اشهر كما يشهر مع الجوشيهان
قطع البحور ولا حياة الغليبه
لجّوا علي الناس قومٍ وصدقان
واخترت عنهم بعد ممشى النجيبه
مااهبلك ياللي تلتوي لك بجابان
رجلٍ من الجابان لا تلتوي به
لاساترٍ عرضك ولا قاضيٍ شان
تكسب نزولك عقب مبدا الرقيبه
ابعد عن الجابان لو كنت عريان
ثوبٍ من الجابان لا تكتسي به
يارب تجعل لي من الذنب غفران
يابارقٍ لايوب مما بلي به

[ابوسايف العتيبي]

انتظـــــــــــــــــــــــروا
قريـــــــــــــــــــــــبـــا








الله على اللي من جديد الطرازي







لشاعرنا
بندر بن سرور

[ابوسايف العتيبي]

جينا حفيت ولا لقانا أشعل اللون
الا بحمرٍ يبهتن الحديدي
روس الطوال اللي ورا حد طحنون
ياما بهن من عنز ريمٍ فريدي
قم سو فنجالٍ ترا الشاي لبتون
والماء الشريعة والهوا مستهيدي
مقيالنا في طلحةٍ فيّها دون
نودٍ سموم ونود بردٍ جليدي
تسوى حياة اللي سواة التلفون
من شبته بين العجايز بريدي
راع البلد ياميت القلب مسجون
اضرب تهاتيه الخلا تستفيدي
ابطش ديار القوم والرزق مضمون
تصيدك الاقدار والا تصيدي
واحذر تخاف الا الذي كون الكون
رب الفلك محيي العظام الهميدي

[ابوسايف العتيبي]

الله على اللي من جديد الطرازي
عدولها لاقلاع بامتار وقدوم

تعلن نزول اليا تعدت خزازي
تلفي على الشعار حرب أم كلثوم

ياحربي الضبان وين انت غازي
مضحين لك وابوك ماهوب مرحوم

سقناك من ركبه حدود الحجازي
حتى قطع واد الرمه تالي البوم

تبغى تلقى مار ماانته بلازي
مسهرك والله مايجي عينك النوم

يوم انها مابين اخيذ ومغازي
وقودة سرايا صب قومٍ على قوم

وانته خشيرٍ للصلب ياالخنازي
وازٍ بسرب هتيم لومٍ على لوم

واليوم شبيت الفتيله بقازي
يوم امتلا بطنك من الجِح والثوم

لحاكم دوا المغلوث دم البرازي
تخرجك اللي جاب صبره ودرهوم

ودَقمت شواربكم عيوب ومخازي
وطولت شواربكم على حيد ورخوم

[بدر بن قرفان]

وخذ هذي من عندي ياسنايدي
ويقول بندر بن سرور
اشرب من ابو بس وانها نس==نس المهرب من اخطوط الجزيرة
اليا من عطالة ثالث قام يضرس==خفر السواحل في دروبة خطيرة
شدة قصير ولا يمر المهندس==علية بندر مايخونة ضميرة
هرب البضاعة لمعاونية بالدس==ماهوب شاهتن ميتة في حضيرة
ياللة يامسوي السحاب المطمس==تفرج لمن مثلي دربة عسيرة

[مناحي العطاوي]

يعطيك العافية يابن نجد وأنت الحقيقة --** أبن نجد عن جد لنة تواجد عندك هذة الكم الهليل من الأصال ومن علوم الأولين ومن أكثر و اشهر قصائد أسطورة عتيبة الشاعر الراح بندر بن سرور العطاوي (الله يرحمة) واقدم لك الشكر الجزيل على هذا الابداع واوعدك بأني سأتعاون معك على أكمال الكثير من قصاد الاسطورة الراحل التى لم أجد منشورة وان الكثير منها ممنوع أخوكم ( مناحي العطاوي )

[أبو مرحبا]

الله يرحمه بندر بن سرور
ماقصرت يابن نجد على القصيد الطيب

[سلطان الروقي]

الله يعطيكم العافيه ويستر عليكم واقولكم
كفو كفو كفو كفو يا عيال عمي ارفعو روسنا ياعزوتي

[ابونورة]

رحم الله الشاعر الاسطورة بندر بن سرور القسامي الروقي العتيبي
ومشكوريابن نجد جهد موفق



ابونورة

[دريد بن الصمة]

الأخ الفاضل ابن نجد ..
لك مني جزيل الشكر على هذه الهدية الرائعه ..
ما أجمل بندر بن سرور رحمه الله تعالى وما ألذ قصيده ..
ولكن لي رغبة أن يوضع هذا الشعر الجميل في قالب جميل على الوورد مثلما فعل الرائع هنيدس في موضوعه الجميل قبائل عتيبه ..
وايضا اتمنى ان توضع ترجمه كامله للشاعر الاسطورة بندر بن سرور رحمه الله تعالى ..
نقطه أود الاشاره لها وهو أن أحد الإخوه قال ان الشيخ تركي بن ربيعان توسط في عودة بندر بن سرور للملكة من الامارات لدى الملك فيصل ..
فأنا سمعت خلاف ذلك وجميعكم يعلم ماللامير عمر بن ربيعان من مكانة لدى الملك عبدالعزيز رحمه الله تعالى وابنائه ومنهم الملك فيصل رحمه الله تعالى فما سمعته هو أن الامير عمر طلب الملك فيصل مطلوب والح عليه ان يقول تم فقال الملك فيصل رحمه الله تعالى وبسرعة بديهته جاك لو هو بن سرور ((فقال الامير عمر بن ربيعان ماجيتك الا والله علشان بن سرور )) والله أعلم .
أكرر شكري لك وللجميع .

[محمد العتيبي]

الله يرحمه بندر بن سرور
لاهنت طال عمرك على القصايد

[أبو فيصل]

ممتاز و رائع جدا ياأبن نجد

ألف شكر لك على هذا المجهود المميز

ولاهنت يالغالي

تحياتي

[][ الشيباني ][]

الاخ العزيز

ابن نجد

مجهود كبير وواضح اخوي وجمع قصائد للشاعر المرحوم

بندر بن سرور

تسلم ايدينك والله على جمع قصائد مثل هذا الشاعر الراحل

لاتاحة الفرصه للجميع للاحتفاظ بها لانها من القصائد الرائعه

ولا اطيل عليك ولاكن مهما قلت من كلمات شكر وتقدير لك فلن اوفيك

حقك ولا كن لا اقول الا جزاك الله الف خير

ولك مني ارق تحيه

اخوك

][ الشيباني ][

[ب الصفياني]

يعطيك العافيه والى الأمـــــــــام
ونتمنى لك التوفيق
انت وجميع أعضاء الهيـــــــــــــــــــلا*** منتدى قبيلة عتيبة

[النادر_]

عندي الله يعافيك تعديل بسيط على عنوان القصيدة
التي مطلعها كما أسميتها
(جينا حليت )
التعديل هو
( جينا حفيت )
الرجاء الإستماع لبداية القصيدة جيداً
ولك مني جزيل الشكر والإمتنان

النادر_

[سلطان الروقي]

بيض الله وجيهكم ولاهنتوا يالربع

[alsaa7r]

بندر في قلوبنا قبل لايكون على الانترنت كنا نسمع قصايده وحنا اطفال وكبرنا وهي في خيالنا
وشكرا

[أبو فيصل]

الله يعطيك ألف عافية ياخوي العين الحمرا

و لاهنت يابو وعيل على الأضافة الرائعة

ينقل الموضوع لمنتدى شعراء قبيلة عتيبه و يدمج مع موضوع ديوان الشاعر الكبير بندر بن سرور

تحياتي

[((الدلبحي))]

تسلمون يالربع واشكر الجميع على التجاوب

تحياااااااااااااااااااااتي

[غشام نجد]

[align=justify]ويامنير اخذ الفرت وهات الفواتير *** واحرص عليه ودخله بالكراجي
ان كان يبغى بنريم ركب مواصير وان كان يبغى نار غير بواجي
نبي ان صخرالبعد تصخير تصخير شيهانن لفرخ الزراجي
عده على اللي مايعد المخاسير ركاز عمدان الخشب للنعاجي
تم قل لبو ماجد ترى وقتنا غيرو اتبدلت سحب المطر بالعجاجي
نبكي سيوفن سمرت نجد تسمير تسمير عود العاج في عود ساجي
ومحمد بن هادي حدنة وري النير والفرم محسن عقبنه سواجي
ربعن ربوابين الحفيفين يامنير مسلموا لمدور الباج باجي
للتكملة بقية

[الدعجاني الديري]

رحم الله شاعر عتيبه بندر بن سرور

[الدعجاني الديري]

[[]الله يرحمك ياشاعر عتيبه والله ان محتاجين لك في هذا الزمان][


مشكورررررررررررين ياخوان على المواضيع الطيبه


اخوكم
الديري الدعجا ني

[الدعجاني الديري]

بسم الله الرحمن الرحيم


يامن تعاني من المرض فهذا شفاء مضمون

ضمان هذا الشفاء من أطهر الخلق ممن لا ينطق عن الهوى إن هو الا وحي يوحى

قال رسول الله صلى الله عليه وسلم " داوو مرضاكم بالصدقة "

فيا من دفعت المبالغ الطائلة للمستشفيات وغيره من أجل الشفاء ,,, إدفع ما تيسر للصدقة فسترى صحة كلام نبيك المصطفى صلى الله عليه وسلم

يقول ابن شقيق سمعت عبد الله ابن المبارك وسأله رجل عن قرحة خرجت في ركبته منذ سبع سنين,

وقد عالجها بأنواع العلاج وسأل الأطباء فلم ينتفع به فقال (يعني عبد الله بن المبارك ) :

أذهب فاحفر بئراً في مكان الناس بحاجة إلى الماء فإني أرجوا أن ينبع هناك عينً ويمسك عنك الدم, ففعل الرجل فبرأ) والقصة في صحيح الترغيب.

وسمعت الشيخ محمد بن صالح السحيباني قاضي محكمة البدائع بالقصيم يقول باختصار :

أن رجلاً من أهل القصيم أصيب بالسرطان فتصدق على أم أيتام فبدأت تدعو له فشفاه الله من هذا المرض, والله جل وعلا لا يعجزه شيء في الأرض ولا في السماء " إنما أمره إذا أراد شيئاً أن يقول له كن فيكون "

رجل من مصر كان يعرف ربه عزوجل..

هذا الرجل ذهب إلى إحدى البلاد الأوروبية وهي بريطانيا ففحصوا جسمه فقالوا إن مرضك شديد والقلب ضعيف .. .. ولابد من عملية جراحية خطرة.. ربما تعيش أو لا تعيش فقال :

أذهب إلى أولادي ثم أرجع الأمانات إلى أصحابها ثم آتيكم... قال الأطباء : لا تتأخر لآن حالتك شديدة فرجع إلى بلده مصر ..وسلم على اهله و يصبرهم ربما لا يرجع إليهم مرة أخرى ... وسلم على من يشاء وأستعد للقاء الله عز وجل ..

يقول : ومن ضمن من ذهبت إليه لأودعه أحد أصحابي في إحدى المكاتب .. وكان أمام المكتب جزار فنظرت وأنا جالس في المكتب إلى جهة الجزار فوجدت امرأة عجوز في يدها كيس تجمع العظام والشحم واللحم الساقط .. على الأرض ومن القمامة .. فقلت : لصاحبي انتظر .. فذهبت إلى العجوز

قلت لها : ماذا تصنعين ؟؟!!!.. قالت : يا أخي أنا لي خمس بنيات صغيرات لا أحد يعيلهم ...ومنذ سنة كاملة لم تذق بنياتي قطعة من اللحم .. فأحببت إن لم يأكلوا لحما أن يشموا رائحته .. فيقول/ لقد بكيت من حالها وأدخلتها إلى الجزار .. فقلت للجزار: يا فلان كل أسبوع تأتيك هذه المرأة فتعطيها من اللحم على حسابي .. فقالت المرأة : لا لا لا نريد شيئا .. فقلت : والله لتأتين كل أسبوع وتأخذي ما شئت من اللحم ...قالت المرأه : لا أحتاج سوى لكيلو واحد اسبوعيا ..

قال : بل أجعلها كيلوين .. ثم دفعت مقدما لسنة كاملة .. ولما أعطيت ثمن ذلك اللحم للمرأة أخذت تدعو لي وهي تبكي .. ثم رجعت إلى البيت وقد أحسست بسعادة .. عملت عملا ففرحت بعملي الصالح ..

فلما دخلت إلى البيت جاءت ابنتي الكبرى فقالت يا أبي وجهك متغير كأنك فرح .. يقول وقد كانت ابنتي عاقلة : فلما أخبرتها بالقصة أخذت تبكي ...

فقالت ابنتي يا أبي : أسأل الله أن يشفيك من مرضك كما أعنت تلك المرأة ...

ثم لما رجعت إلى الأطباء في بريطانيا لأجري العملية وبعد الكشف الدقيق ومقارنتها بالكشف السابق قال الطبيب : وهو مغضبا أين تعالجت؟؟..

قلت ماذا تقصد؟؟

قال : أين ذهبت إلى أي مستشفى ؟؟..

قلت : والله ما ذهبت إلى أي مستشفى...!

سلمت على أولادي ورجعت.. !!.. قال : غير صحيح قلبك ليس فيه مرض أصلا

!!!... قلت : ماذا تقول يا طبيب؟؟؟

قال : أنا أخبرك أن القلب سليم أبدا ..

فإما يكون الرجل لست أنت أو إنك ذهبت إلى مستشفى آخر !!... فأرجوك أن تعطيني دوائك فما الذي أخذت؟؟؟... قلت :والله لم آخذ شيئا وذلك إنما بدعاء امرأة عجوز وابنتي الصالحة... انتهت

ففضل الصدقة ليس في الشفاء فقط بل له فضائل عديدة نذكر بعض منها

و قال رسول الله صلى الله عليه وسلم "صدقة السر تطفيء غضب الرب " وقال "صنائع المعروف تقي مصارع السوء"

وقال " يا معشر النساء تصدقن؛ فإني رأيتكن أكثر أهل النار، فقلن: وبِمَ يا رسول الله؟ قال: تكثرن اللعن، وتكفرن العشير "

وقال "الراحمون يرحمهم الله , إرحموا من في الأرض يرحمكم من في السماء " وقال تعالى " خذ من أموالهم صدقة تطهرهم وتزكيهم "

فلنتصدق ونحث غيرنا على الصدقة فالد
اخوكم | الديري الدعجاني

[فيصل الوافي]

بندربن سرورشاعرغني عن التعريف وصدق من سماه متنبي عتيبه وشكرالكل من كتب لناعن هذا الشاعرالكبير

[فيصل الوافي]

بندربن سرورشاعرغني عن التعريف وصدق من سماه متنبي عتيبه وشكرالكل من كتب لناعن هذا الشاعرالكبير

[مقبول الشيباني]

الله يرحمك يابندر وشاكرين اللي نقل القصايد والديوان

[خلف المهيلان]

شكرا ًجزيل ٍلمن ساهم بكمال ديوان هذا الرائع والهرم االشاعرالذي وصل
رغم انف الاجحاف يقولون الشعراء ماانصفنا ياخي هات شعرمثل هذا ولا ترتجي الاالله ويوصل
غصب على من ياقف عايق ورغم كل الحواجزلاهنتم يالهيلاء على ماجمعتوشكرا ًلمن ساهم وبذل جهد وجمع درربندرالجزاله والعزه والرجوله ورحمة الله عليك رحمة واسعه واسكنك فسيح جناته انه ولي ذالك والقديرعليه
اخووكم خلف الحربي

[مندوب عتيبه]

بيض الله وجهك وكثر الله من امثالك.

[عنادالرويس]

لاااااااااهـــــــــنــــــــتــــــــويالربع فيماطرحتو من سيره
الاسطوره الشاعر/بندربن سرور0

اشكركم جزيل الشكر 0
الله يعافيكم على جهودكم الشيقه لهذا الشخص 0

لكم خالص التحيه والاحترام

اخوكم
ومحبكم
عنادالرويس

[بن غلاب]

بيض الله وجهك

[عبدالله هادي ناشي الفليت.]

بيض الله وجهك جهدددددد تعبيت علاااااه


وموضوع مميز للمتنبي عتيبه

[sarrai]

ألسلام عليكم هناك أبيات سمعتها من رجال يعرفون الشاعر وأنقلها كما سمعتهامنهم وأتمني أن أجد من يعرفها في منتدانا الغالي الأولي
’’’’خطو الولد لاصار طرقي ودواج====يمشي فلت ويعد نفسه غريبي====مايدري أن الغربه القفل أبوتاج====أللي نصيته من رداة النصيبي====مانيب من يطلب نسيبه الاأحتاج====قرش حرام ولا ريال النسيبي.....

[sarrai]

أنامن يميز سيرتي قال ذاحشاش===وأنا كن في صدري لواهيب هيفيه تحش الضماير حش هاف تحت منحاش==تحت واحدساطي ولحقوه دوريه==بعدطلقة البلجيك واستخدم الرشاش==قزاموتره ماعادله فيه ماويه==بعدشاح له بالقيرقال المعاون عاش===قطع به طريق قطوع شوق السنافيه

[sarrai]

ألله علي اللي كن دقة بلوفه====دقة عروق القلب في داخل الجوف

[الحمادي 511]

الله يعطيكم العافية اخوني وبندر بن سرور مايحتاج تعريف......

[صنديد العصمه]

الله لايهينكم ..
من ابيات المرحوم بندر..
يارب تجعلي من الذنب غفران*******يا بارج لأيوب مما ابتليبه

[ضاامي وفااا]

مشكورين وتقبلوا مروري

[ال4صيمي511]

الله يجزاك خير
ابن عاصم

[صنديد العصمه]

هذي قصيدة للمرحوم بندر بن سرور يقول فيها:
الله ولا رزقٍ يديره سليمان **** هل الشهر والعبد رزقي يديره
لاهوب قنَعني وصدَرت قنعان**** ولاهوب ورَدني على فضل غيره
ماجيت ادوَر سفرة الشيخ جيعان***قصدي مرافقة الوجيه السفيره
جينا ولا جانا من الشيخ برهان ****عفنا جناب الشيخ يامنير خيره
قل له تعلمنا على الصبر عتبان *** بدنا وبيَدنا دروب الجزيره
يقطعك يارجلٍ غدا ضبي رمان*****داره محل الريف في كل ديره
ماني وانا بندر بتباع مالان ***** اتبع شدايد ما قسا من مسيره


الله يرحمه رحمة واسعه قولوا آمين

[صنديد العصمه]

وهذي القصيدة قالها المرحوم بندر في مدح الشيخ تركي بن ربيعان

ليا صار مالشيخ بالسيف برهان**** اترك رجال باللوازم تجيله
ماني وانا بندر بنصَاي جابان *****شيوخ الجموش مناقرين الحليله
ليا بان لي لازم نصيت ابو فيحان**** شيخ الشيوخ مكملين الجميله
دوَاس خطرات المشاكل كحيلان**** شيخٍ ليا مس الحقب ينعنيله
والحق حق وصرت للحق ميزان**** ومن له ورايه مطلبٍ يدعيله
مااعبد وجيه الناس راضي وزعلان*** ونزل السما سبع الاراضي تشيله


فارسل له مقحم بن عصاي هذه الابيات يقول مقحم:

يابندر ابن سرور غادي وغلطان **** اللي سواتك ضيع الله دليله
تذم شيوخ الجمش طلحه وثبتان **** يوم ان تمرك عند قاسم تشيله

فرد عليه بندر يقول :
ياعبيد يومنَك تبا الجمش عجلان****رد النقى ياعبيد حال وحيله
جمش جمع ياعبيد بوم وعقبان**** والبوم راح يشب راس الفتيله
ليته سكت من عرض صالح وفاحان***يضفون ثوبه طيبين القبيله
والا ترى مقحم يقولون جلدان ****ركَاب عقب دغيبجه من مقيله
لا ياضعيف الراي غادي وخسران****خذ من مشاوير النشامى دليله
لو تفهم ان القول يقفى بوكدان****تموت ماعارضت عابر سبيله
يومن فيدك يالردي جلد وعطان****عافت ضناك ام الرموش الظليله
شامت تبا اللي فيدهم عوج قطعان****خلت قليل الفود يدبغ صميله
ما يرَمي قولٍ على غير نيشان**** ومن لايثبت حجته ويش هيله
قل للردي ياعبيد مانيب فرحان****والا الردي ياعبيد ماينبكيله
لو إن ذكر الطيب يوجد بالاثمان****طبيت سوق الطيبين اشتريله
مار الردي ياعبيد لو كان ما كان****ما يلبس الغتره بعد لبس شيله
مرديه حظه يوم عرجا وجمران****واليوم هاك القرن باقٍ قليله
صوتي وانا بندر طويلٍ ليا بان****وان ماخشيت الرب ويش اختشيله
وان عودت للناس قومٍ وصدقان****محدٍ بمانعني لعد الطويله
وان جيت اغني البيت وافي ومليان****ولولا معانٍ باغنى ماشتقيله
ولااحب ترديد الغنى مار مشحان****ممدح خطا اللي شاهده راس ذيله
والا خطا الطيب زبادٍ وريحان**** لو يدَعي لي بالفنا وادعيله
ان ضاق صدري شفي امزح بالالحان****والا عن الزلات رجلي ثقيله
دنيا نبا تقزيرها ضحك حجان**** والا ترى صيورها مستقيله
والرجل غاية ملحته قلب ولسان **** والا ان باقي جثته حنظليله
يارب تجعل لي من الذنب عفران****يا بارج لأيوب عقب تهليله