طاروق عالخفيـــــــــف

[معــ المرقاب دي]

تعال يا ماجد وعطني جيم بعد أعطيك سين = حتى نكون بعلم في حالك ولا يخفى خبر
أنته قبل من ضمن طاقم طايرة والحين فين = جاوب ولا يغريك يا خويه شعارات النسر

[ماجد الهذلي]

يا معدي المرقاب جاهز باللسان وباليدين = هات الذبيحه والذواقه جنب كامل بالصدر
الطائرات تطير وتوقع بعد مده وحين = وشعارنا سيفين والنخله وتوحيد وعبر

[وليد الزراقي]

مشكورين على الابداع
واصلوا
تحياتي

[معــ المرقاب دي]

حاسس أنا في غربتك يا اللي بها قلبك كنين = دايم ووضعك يا ولد بين المطبه والحفر
مدري قصدت اللين ولا العرد خلاكم تلين = صرت اتفاقي من عقب ما كنت غاوي للنصر

[فيصل المسعودي]

وووااااااااااااصلوووووووووااااا


في صفك يامعدي


ولايهون الغالي ماجد


تحياتي لكم

[ماجد الهذلي]

أحساسك اللي دوخك بين اليسار وفاليمين = وأحيان يعميلك عيونك ثم تنقز فالجمر
أخذ الثمن قد الكلام وجيب لي علم ٍ ثمين = وأياك تغوى وأنت ما تعلم بزيد ولا عمر

[ماجد الهذلي]

فيصل هلا فيك

في أي صف يالغالي

أنتبه لنفسك أرسلت لك واحد من صفي يتدبر أمرك

تحياااتي

[معــ المرقاب دي]

قطعت أنا فيكم حبال الشك بحبال اليقين = يا اللي وصلت لدنيتك بلف أربعميه مع عشر
لا تحسبنك يا الهذيلي مثل أمير المؤمنين = استغفر الله كان غرّت راسكم بعض الصور

[معــ المرقاب دي]

هلا بالغالي
وجودك بصفي يشرفني

وما عليك من ماجد وجواسيسه

[ماجد الهذلي]

عوّد محلك شيل دينك ما يسد الدين دين = الأوله فالجنب وألا الثانيه وسط النحر
حنا هذيل اللي لنا تاريخ في غزوة حنين = وأيضا لنا تاريخ ما يمحاه وقت ولا بشر

[محمد العتيبي]

الله الله الله

ياسلام علاكم معدي وماجد

طااروووق جدا رائع من شعراء اروع

متاابع للنهايه ...

[معــ المرقاب دي]

ماني وانا معدي عشير الطيبين الغانمين = أرجع ورا يا با الثرى والعلم يا هذا بحر
لو كان حرف العين تحت اسمك نحطه حرف غين = تصبح حقيقه يا البناخي منّها مافي مفر

[معــ المرقاب دي]

هلا ابو مشعاب
مليون
هلا
ويسعدني تواجدك والله يعينا على البناخي

[ماجد الهذلي]

لن كنت ذيب من الذياب الذيب ماهو بالحصين = وإن كنت مهما كنت معنا ما نحصلك أثر !!
الحاسد اللي لد وألا صد قام يصد عين = روّح لحاله ما يبا يلقى مفر ولا وزر

[ماجد الهذلي]

هلا وغلا

يا أبو مشعاب

متابعتك لنا شرف يالغالي

تحياااتي

[معــ المرقاب دي]

ترى كلام النت يا ماجد خفيف ولا متين = لا تستتر بالثوب ابورقعة ترا مامن ستر
محشومه ارجال المعرفه والوفا وامكرمين = افرح بها لما تغني للعرب أسمر عبر

[ماجد الهذلي]

الليله الليله مبينت الهزيل من السمين =تبعد وتقرب وانت ما بين السلامه والخطر
قلب فطين ومحد داري بك ترى قلبك فطين !!= والسيل شالك من على الوادي وحوّل بك حدر

[معــ المرقاب دي]

قال المثل الإذن وحدة طين والاخرى عجين = سوّقتها يا صاحب السلعه على رخص السعر
اهرج وسولف ما بدالك مثل نغمات الرنين = وليا مللت اليوم منك بشكرك ثم اعتذر