تسجيل الدخول

مشاهدة النسخة كاملة : ( الباروديات السبعه ) رقم (3)

بارود
02-Feb-2006, 12:02 PM
بسم الله الرحمن الرحيم

اخواني اكمل معكم مسيرة الباروديات السبعه

رقم ( 3 )

انا لامن تذكرت الديار وسالت الدمعه
حضنت النير ليش انه عليها العام واعدني
ويذوب القلب في صدر ٍ يحسه ما نما سمعه
تنكر للجسد مدري تمنى صدق يلحدني
نبت مجدي على جال ٍ هيال ٍ ماحيا طلعه
يساقي مفرقه دم ٍ على ( نجدي ) موردني
وبعد سبعة عشر عام ٍ ادور جدي وربعه
ولكن للاسف حتى ترابه صار يجحدني
ياقلبي والشقى طبعه . الا يالعنبو طبعه
اذا ماجابلي عله . عن احبابي يبعدني
يقولون العسل حلوه يهون من قسى جمعه
وانا ياما تحملت الزمان وقلتله زدني
ويطول الليل ياليلي اضمد كاحل الشمعه
اخاف اموت من همي ولا القى من يساعدني
كثير اللي يحسبون الخميس يطارد الجمعه
ولكن من ضحى الجمعه خميسي وين يطردني !
سقى الله ديرت ٍ قامت تحرى للرعد لمعه
شغفها ماطر ٍ طوْل غيابه مانوى يدني
وانا لاضاقت الدنيا علي وسالت الدمعه
كرهت النير ليش انه خذلني يوم واعدني
مرزوق حمدان العتيبي
02-Feb-2006, 01:18 PM
وانا لاضاقت الدنيا علي وسالت الدمعه
كرهت النير ليش انه خذلني يوم واعدني

..
قمة الابداع ..
اسلوب رائع وكلمات فائقة الاتقان ..
تحياتي
ابـن نـعـيـس
04-Feb-2006, 05:43 PM
صح لسانك يالمبدع


رائعه من رائع




تحياااااااااااااااااااااااااااااااااااااااااااتي
خلف بن مرزوق
05-Feb-2006, 09:12 PM
00

قمة الابدااااااااااع


لله درك شاعرنا العزيز / بارود


وصح لساااانك


واصل لنستمتع


احترااامي
فيصل المسعودي
06-Feb-2006, 07:13 AM
مبدع


بارود


صح لسانك


تحياتي