وين مرزوق العتيبي ياجماعه

[عايض الدوسري]

ودي العب مع مرزوق بدون قصور فالحاضرين

وين مرزوق العتيبي ياجماعه....ودنا نلعب معه في ربع ساعه....شاعر ويلعب ويسرع اندفاعه.....والحقيقه منقول الحقيقه

تعــــال يامرزوق والــوقت دوار.....كلن على ماقيل ياخذ نصيبه

اثرك فارس فالملاعب ومغوار.....لكن ماعندك من الحكي جيبه

[مرزوق حمدان العتيبي]

.
حياك الله ياعايض ... ويسعدنا ..




واجب انك ياولد زايد تسلّم
تبتدي به من قبل معنا تكلّم
من بعدها قدمك الكايد تولّم
والحقيقه مانقول الا الحقيقه

امر ياعايض ويش عندك من اخبار؟= نبغى علوم اهل القلوب اللبيبه
علم ٍ ليا قلته جلب كل الانظار = ويصير لك بين الرياجيل هيبه

[وليد الزراقي]

الله على الابداع
مشكوريــــــــــــــــن
انا متابعكم
تحياتي

[مرزوق حمدان العتيبي]

..
.
تشرفنا متبعتك ..
ياوليد مرحبا الف ..
..

[عايض الدوسري]

الله يحيك
خلوووها

ابك انا ياصاحبي رابط حزامي.....وانت جاي تقوللي وين سلامي.....ماتلامي يالعتيبي ماتلامي ....والحقيقه منقول الا الحقيقه

اخبارنا ياصــاحبي شبة نــار.....مافيه شخصن يرتضي بالغليبه

للعلم يامرزوق وارد وصدار.....يـاكــبر علمن لوسمعته مصيبه

[عايض الدوسري]

ارحب ياوليد وتشرفنا متابعتك

وشكرا على المرور

[مرزوق حمدان العتيبي]

دامت انّك ماتبا قول السناعه
خلك بعمياك ياراع الضياعه
كيف نقنع واحد ٍ مابه قناعه؟
والحقيقه مانقول الا الحقيقه

لاتوقد النيران تبلش بالاخطار = كب المعاند ياولد وش تبي به
ماشفت فعل ٍ يجعل الخصم يحتار = ارشاش ماجا سيل يمشي شعيبه

[عايض الدوسري]

خلووووها

كان صادق شبه شب الحرايق......انت شاعر بس منته بابن شايق...قلتها ياصاحبي والجو رايق.... والحقيقه منقول الاالحقيقه

لاصرت تبقى المر بتذوق الامرار.....يشهد علي الله وحضرة عتيبـه

مـــرزوق فــعله يـالربع بس ثرثار....يبقى البسيطه مايبي فالصعيبه

[((الدلبحي))]

في صف ابومحمد ومتابع

واصلوا

تحياااااااااااااااااااااااااااااتي

[الايداء1]

دامت انّك ماتبا قول السناعه
خلك بعمياك ياراع الضياعه
كيف نقنع واحد ٍ مابه قناعه؟
والحقيقه مانقول الا الحقيقه

لاتوقد النيران تبلش بالاخطار = كب المعاند ياولد وش تبي به
ماشفت فعل ٍ يجعل الخصم يحتار = ارشاش ماجا سيل يمشي شعيبه
,
,
الله

الله
صح السانك على
الجزاله يابو محمد
... و ليست مستغربه
على مثلك ,,
,
الأخ عايض الدوسري
صح السانك . متابعين ,,

[مرزوق حمدان العتيبي]

ايه صادق وانت عندي ماتساوي
من يولعها ويسمعك العزاوي
راجع التاريخ وش قال الخلاوي
والحقيقه مانريد الا الحقيقه

النار قدامك ومن فوقك الغار = يالشاعر اللي فيك شكّه وريبه
هذا كلام الصدق وأعتبره انذار = والثرثره لهل العقول الغريبه

[عايض الدوسري]

خلوووووها

الخلاوي لو يقول الي يقوله....مايغير فالدواسر بسهوله....وانته عتيبي منوختن ذلوله.....والحقيقه منقول الا الحقيقه

ترى الدواسر من طويلين الاشبار ....يوم ان بعض الناس وسط الزريبه

انــته صغيرعــندك علوم وا لكــبار....والــــوقت الاول مادفعن الضريبه

[مرزوق حمدان العتيبي]

الخلاوي مايعد الا الحقيقه
في كلامه عنده اشهود وثيقه
وانت منها ولّع بقلبك حريقه
والحقيقه هالدواسر ماتبيها
*
ماذمكم لكن في بعض الامرار = اطبيعكم كل العرب تزدريبه
ياطيبكم في هزت الوسط والطار = ترى العتيبي منت واصل لطيبه

[وثاب]

بيض الله وجيهكم يا شعار


انا بصف ابن عمي


وثاب العتيبي

[مرزوق حمدان العتيبي]

...
.
مرحبا ياوثاب ..
يشرفني وجودك في صفي وارق سنود ..
...
.

[محمد العتيبي]

الله اكبر


صح لسانك يابو محمد وتراي في صفك

لآآن النهايه ...


لاهنت ياعايض وصح لسانك ومتابع ...

[مرزوق حمدان العتيبي]

..
,

صح بدنك يابو متعب..
..

يشرفني وجودك في صفي..
وعايض ضيفنا وله منّا كل التقدير...
..


كل الود .
.

[بعيـد الهقاوي]

ماذمكم لكن في بعض الامرار = اطبيعكم كل العرب تزدريبه
ياطيبكم في هزت الوسط والطار = ترى العتيبي منت واصل لطيبه


صح لسانك والله يارزوق
ولا يهون الدوسري

واااااااااااااااااااااااااااصلو

[عايض الدوسري]

خلووووها

الدواسر فعلها بين القبايل....واضح ومعروف مايبغى دلايل....وانت منهم مقهروالحقد شايل....والحقيقه منقول الا الحقيقه

بعض العرب ياناس ايديته قصار......يتـــعب ويـــتعب مايجيب الذهيبه

انتـــــه حــصيني دايـــم دوم مكار.....طيبك ترى معروف وقت النهيبه

[عايض الدوسري]

وجهك يا وثاب وشكرا على المرور

[عايض الدوسري]

ابو مشعاب صح بدنك يالغالي

وشكرا على المرور

[ابـن نـعـيـس]

صح السنتكم


ازهل الصف يابومحمد

والنار ما تحرق الا رجل واطيها

تحياااااااااااااااااااااااااااااااتي

[عايض الدوسري]

ولاانت يا بعيد الهقاوي

وشكرا على المرور

[عايض الدوسري]

صح بدنك

يابن نعيس

وشكرا على المرور

[عايض الدوسري]

خلووووها

الدواسر فعلها بين القبايل....واضح ومعروف مايبغى دلايل....وانت منهم منقهروالحقد شايل....والحقيقه منقول الا الحقيقه

بعض العرب ياناس ايديته قصار......يتـــعب ويـــتعب مايجيب الذهيبه

انتـــــه حــصيني دايـــم دوم مكار.....طيبك ترى معروف وقت النهيبه

[مرزوق حمدان العتيبي]

ليه بالله ننقهر والوضع عادي
ساعة الشدّه نضدك يالمعادي
ماتهنا باكل زاد ولا رقادي
والحقيقه مانقول الا الحقيقه

بعض العرب يومي بذيله كما الفار = ون طب بالميدان نال الغليبه
ننهب حلالك يوم وليت الادبار = مافادك اللي باللقاء تنتخي به

[ابـن نـعـيـس]

ليه بالله ننقهر والوضع عادي
ساعة الشدّه نضدك يالمعادي
ماتهنا باكل زاد ولا رقادي
والحقيقه مانقول الا الحقيقه

بعض العرب يومي بذيله كما الفار = ون طب بالميدان نال الغليبه
ننهب حلالك يوم وليت الادبار = مافادك اللي باللقاء تنتخي به


صح لسانك مليووووون ولا يكفووون

ولا يهوون الدوسري

[فيصل الثبيتي]

ننهب حلالك يوم وليـت الادبـار=مافادك اللي باللقاء تنتخـي بـه

يا سلااام يا ابو محمد ...

ابدااااع .. واصل وانا في صفك

>> وانت هنااااااااك منت بصفي :mad:

ههههههههههههههه

على القوة ...

[ذياب]

صح السانك يابو محمد

وأنا فالصف مايعتاز

ولا يهون الدوسري

[عايض الدوسري]

يعطيك العافيه يامرزوق ولاهنت يالغالي

وماقصروا الجميع وسامحني على التاخير

[مرزوق حمدان العتيبي]

...
.

الله يعافيك ياعايض وصح لسانك ..
...
وللجميع اقول الف شكر على
تواجدكم وتفاعلكم ... ياعيال العم ..
مغليكم ..
...

[بوشامه]

مشكورين الاخوين- الدوسري - والعتيبي-- على المناقله الشعريه 0

ياعائض اسلم وسلم على الدواسر -بني زائد انت لهم مندبآمناصر

اللي يعرف مسا ريه مهوب خاسر - والحقيقه مانقول الا الحقيقه

أخذيساروخل بعض السوالف يمين - لاجت بعض علوم السلاطين

نحرها جنوبآمن الوادي ونصهاالعين- والحقيقه مانقول الا الحقيقه

[سلطان الحافي]

صحت السنتكم على المحاورة الرائعه
وبيض الله وجهك يااااااااااااااااااااااااااااااامرزوق
وشهد بالله ان مقامك شرف لعتيبه
وقدها وقدود يالذيب ولاهيب غريبه على مثلك
لك خالص احترامي وتقديري """"""""
سلطان الحافي

[مرزوق حمدان العتيبي]

...
.

صح بدنك ياشلوت الكفار.
كلامك مصدر فخري واعتزازي ياعصابة راسي
كل الود ...