اطلب طلب من اللي يجي بعدك ...

[مرزوق حمدان العتيبي]

...
.

اخواني الفضلاء
من باب تفعيل هذا القسم...
هذي لعبه او جمع معلومات
او سموها ماشئتم .. من الاسماء المناسبه
الطريقه هي ان كل واحد يطلب من اللي يجي
بعده طلب لازم ينفذه ..... يعني مافيها منّا منّا :)
بشرط ان لايكون هذا الطلب محرج او مستحيل ..
مثال : ان تطلب بيت شعر يبدأ بحرف معيّن او
في هدف معيّن ,, او تطلب منه نكته ..
او تسأله مسئله علميه ... وغير ذلك .. الخ...
واذا نفذ طلبك ... يقوم هو بكتابة طلبه للذي من بعده
وهلمّا جراّ ......
...
اتمنّى التفاعل وعساها تعجبكم ..
..
تحياتي...

اطلب من اللي بعدي
بيت شعر في القهوه ..

[فيصل المسعودي]

قم سو فنجال على خمسة اجناس =
احذر تجي حرقه وبالـك نياهـا
خلك لها عن كل عذروب حساس =
قيس لها الطبخه على قـد ماهـا
حتى يجي فنجالها يجلي الاعماس =
عقب الصلف والسهر مكبر غلاها

للامير مشاري بن ربيعان


اللي بعدي نبي نكته


تحياتي

[ابن مشيب]

ابشر يابومحمد , بس ابعطيك شعر من نوع ثاني |165|


الى يقهيوة محلاك=مشين نفيست راعيك
معه ثلاث احبيبات=ويقالبهن هيك وهيك


اتمنى من الي بعدي يعطينا حكمة عن الصراحة والصدق

[مرزوق حمدان العتيبي]

...
.
واحد دخل ران سيد

|46|

معليش ..

استلم يافيصل ...
يقولون فيه واحد ذكي قاعد في حفررره
ليـــــــــــــش؟










قاعد يفكـــــــــــــر بعمق ..... هههع .

..

وتفضل يابن مشيب

الحكمه تقول ....
لاتؤخر عمل اليوم الى غدا ..

...


طيب
اللي بعدي

ماهو اصعب موقف مر عليك ؟

اخلص.... |33|

[وليد الزراقي]

خربت السياره ونا في مقناص

الي بعدي
موقف طريف مر عليك

[مرزوق حمدان العتيبي]

الي بعدي
موقف طريف مر عليك
....
فيه احد الشباب من الغربيه ...
وكنا ندرس في مدرسه واحده من مدارس ارامكو ..
المهم مادري وش لون لقطت اسمه وبرمجته على انه حمزه :)
...
وقعدت كل ماشوفه في الممر صباح الخير ياحمزه
وبعد الظهر مساء الخير ياحمزه...
الشاهد يمكن شهرين وانا على هالحال ...
وفي ذاك اليوم الرجال شاف الدعوى طالت :)
صباح الخير ياحمزه ......... قاااااااال ايش حمزه ذا اللي قاعد لي
فيه صباح الخير ياحمزه ومساء الخير ياحمزه..
يابووووي انا ماني حمزه ........... ايشششششششششششش!!!!
ايوا انا اسمي يعقوب....
ههههه فعلا ... كان موقف طريف ومحرج في نفس الوقت..
وش جاب حمزه عند يعقوب ...
...


طيب اللي بعدي



اخر رحلة قمت بها ؟

[تاج السلاطين]

اخر رحله لي كانت مقناص ارانب(بس ماني معلمكم بالديره عشان ماتقنصونها )هههههههههههه


الي بعدي
منطقه بالسعوديه ودك تزورها؟؟

[ابـن نـعـيـس]

المنطقه اللي ودي ازورها المنطقه الشماليه وخصوصا الجوف لانها المنطقه الوحيده الي مازرتها في السعوديه


الي بعدي


احسن واقوى مقلب مر عليك ؟؟؟

[فواز الشيباني]

احسن واقوى مقلب مر عليك ؟؟؟

اكبر مقلب مر على اني كنت راكب السياره ومافيها بنزين ومريت على المحطه وقلت للهندي فل ياصديق

عبي التانكي بمبلغ 56ريال اخوك يحسب البوك معه واثره في الثوب وانا طالع بالقميص المهم دور يمين ايسار مافيه شي قلة للبو هنود ياصديق نسيت الفلوس في البيت طلع نذل قال مافيه مشكله وقف سيارة في محطه روح لمزين جيب فلوس من بيت عاد اخوك جته حقت الشيابين ونزل بالمشعاب يبي يكفخ الهندي ويوم نزل الي والدوريه
جاي ياخذ حاجه من السوبر ماركة الهندي النذل حط رجله لهم يبلغ والمشعاب في يد اخوك الحمد لله طلع معرفه
صاحب الدوريه ودفع الحساب بس بعد ما اعطاني كلام احمر وجهي منه اسف على الاطاله



اللي بعدي

احسن بيت شعر سمعته

[ابن مشيب]

تشربكت الدعوى يابومحمد بيني وبين فيصل توني انتبهلها :p

استلم يافواز

ليس الفتى من قال كان ابي=ولكن الفتى من قال ها انا ذا


الي بعدي

ماهي اجمل مرحله دراسية مريت كليك؟

[مرزوق حمدان العتيبي]

...
.

لاحد يرد تراني بكتب
ههههههههههههههههههه

يخاف يصير تصادم مثل ابن مشيب وفيصل
:)

[مرزوق حمدان العتيبي]

ماهي اجمل مرحله دراسية مريت كليك؟
...

المرحله الابتدائيه ... كان فيه تنافس على الاول بيني وبين
واحد من الجماعه ...
وكان اذا اخذ اكثر مني درجه 1 ماتعشيت ذاك الليل ..

ياجمااااعه وين هالاحساس من عيال اليوم
اللي لكل ماده مدرس خصوصي والنتيجه مقبول :(

اللي بعدي .. متى اخر مره اخذت مخالفه مروريه ؟ وماهي الاسباب؟

[فواز الشيباني]

اللي بعدي .. متى اخر مره اخذت مخالفه مروريه ؟ وماهي الاسباب؟


اخر مخالفه قبل اسبوع من امن الطرق بين مكه وجدة

والسبب كلعادة السرعه

اللي بعدي متي اخر مره اكلة كبسة ضب

[ابن مشيب]

فالكنه الي راحت |194|

الي بعدي

ماهي شهادتك الدراسية ؟

[مرزوق حمدان العتيبي]

ماهي شهادتك الدراسية ؟
...

شهادة البدوووووووووووو
3








ثانوي :)



....
لو حصلت على مليون دولار فجاه
ماهو اول شي بتسويه
.. من غير ماتفكر :)؟

[ابن مشيب]

السفر للمملكة المتحدة البريطانية لتكميل الماجستير والدكتوراه

الي بعدي

وش سيارتك ؟

[أبو صقر]

ابن انعيس حياك بالجوف باي وقت
ابن مشيب جيب ربع نيسان 2004
اللي بعدي
ابيات بالنذاله بيني وبينك اريد اقولهن لواحد نذل ههههههههههههه

[ابن مشيب]

استلم ياسطام روق


ومن بعد ذا لاتصحب النذل يعديك =وعن صحبة الانذال حاشاك حاشاك

الي بعدي

وصيه وصاك بها والدك ولم تنساها ؟

[فواز الشيباني]

وصيه وصاك بها والدك ولم تنساها ؟


اوصاني بالصلاة
اكرام الضيف
والدعاء له


الي بعدي

كم مره ختمة القرآن

[@المورقي@]

ختمت القرآن مرة واحدة
.
.
.
.
.
.

الي بعدي

تدرس ولا موظف ؟؟

[ابن مشيب]

موظف

الى بعدي

وين رحت عصر اليوم الاحد ؟

[الايداء1]

,
,
بالمكتب
ومتابع الأسهم
ومتروع من النزول .
,
أين تقع دولة سيراليون ,
,
اللي مايجاوب صح نشوف غيره
ولايجيب سؤال ,,,

[أبو مرحبا]

فديتك ياابوتركي

جمهوريا تطل على المحيط الاطلنطي في افريقيا بجوار ليبريا وغينيا


اللي بعدي أباهـ يعطيني بيتين من القصيدة اللي تقول

خمسة عشر فنجال لحنيف صبيت

[فواز الشيباني]

خمسة عشر فنجال لحنيف صبيت
=لو ان بطنـه قربـة قـد ملاهـا

لاتحسب اني من دلالك تقهويت
=ماينقه الشراب من كثر ماهـا

ياحنيف انا في حمستي ما تدنيت
=الدله الصفـرى نكثـر مناهـا



للي بعدي

ابي اي بيتين للخلف ابن هذال

[مرزوق حمدان العتيبي]

للي بعدي

ابي اي بيتين للخلف ابن هذال
...

يالله بامانك من النكبات تامنّا = والدار بحماك تمنها وتامنها
ياشيخ جابر ترى زعلك مزعلنا = الفهد يكد لك العود ويضمنها


اللي بعدي ...
اطلب منه مثل بالانجليزي مع الترجمه :)
ماهوب شغلي الهمااااااااااااااااام
..

[أبو فيصل]

هلا هلا

حيى الله الرجال :)

يقولك يابو محمد هذا المثل ( The women is first ) و معناه بالعربي ( النساء أولا )

هذا سالفته سالفة

فيه اثنين كانوا يحبوا بعض ماادري هم أمريكيين و الا اوروبيين و بينهم حب كبيــر جدا

اتفقوا أنهم يتزوجون طبعا كلموا أهلم و رفضوا الفكرة جملة و تفصيلا فـ حاول العشيقان أيجاد طريقة للزواج ولكن ماكل ميتمناه المرء يدركه

في الأخير أتفقوا على الأنتحار

وقفوا على قمة جبل عالي قالت البنت لحبيبها أنا بـ رمي نفسي و أنت بعدي قال هو لا انا ابدأو بعدين انتي وراي قالت طيب !!

رمى نفسه ويوم شافته طاح و تبهذل قالت ليش انا أرمي نفسي و أموت علشان حب ؟؟؟؟

رجعت لبيتها و حبت واحد ثاني و تزوجوا

بعد كذا طلعوا هذه الحكمة ( النساء أولا )

الي بعدي .........

من هو مثلك الأعلى ؟؟؟؟

تحياتي

[فيصل المسعودي]

واااااالدي


اللي بعدي


كم عمرك بكل صراااااااااااااااااحه


تحياتي

[فواز الشيباني]

32 سنه



اللي بعدي


كم مره زرت المدينه المنوره

[مرزوق حمدان العتيبي]

كم مره زرت المدينه المنوره

خمس مرات ..

....
من اي العتبان انت ؟

يارب يجي واحد معرفه مستعار :)

[فيصل المسعودي]

العمر كله فواز


مرتتتتتتتين


اللي بعدي


عضو تحبه وتعزه حيل فالمنتدى منهو حدد بكل صراحه


تحياتي

[فواز الشيباني]

اخي مرزوق

ابي اخرب عليك انت عاد تعرف وكل شي مكشوف قدامك ههههههههههههههههههه

اللي بعدي

ابي صوره للمبني الفيصليه بالرياض

[ابـن نـعـيـس]

فواز

الفيصليه مصور من المملكه هنا (http://www.arriyadh.com/Photos/modernRiya/arriyadh-night1.jpg)


برج الفيصليه من الداخل (http://www.arriyadh.com/Photos/modernRiya/commerce-center1.jpg)

اللي بعدي

بيت شعر لشاعر حبيب العازمي

[مرزوق حمدان العتيبي]

بيت شعر لشاعر حبيب العازمي

يقول ابو فيصل .


ان جيت ون ماجيت عادي كما كنت = لاناقص ٍ قدرك ولا زايد ٍ شي .


اللي بعدي اطلب حديث صحيح عن المصطفى
صلى الله عليه وسلم يحث على التقوى ..

[فواز الشيباني]

قال عليه الصلاة والسلام( ما جلس قوم مجلسا فلم يذكروا الله فيه إلا كان عليهم ترة ( اي نقص وحسرة ) وما من رجل مشى طريقا فلم يذكر الله فيه إلا كان عليه ترة وما من رجل أوى إلى فراشة فلم يذكر الله إلا كان عليه ترة ) رواه احمد






ابي من اللي بعدي

صور عن الربيع في اي سنه

[ابـن نـعـيـس]

http://www.otaibah.net/m/uploaded/mk2692_img_0038.jpg


روضه خريم يوم الخميس 6/11/1426 هـ


اللي بعدي

صور لبرج العرب

[فواز الشيباني]

هذي صوره عامه من الخارج ابرج العرب


http://www.alaincard.com/upload/uploading/lamita5.jpg
هذي صوره من الداخل
http://www.alaincard.com/upload/uploading/lamita7.jpg



اللي بعدي
اطلب بيت شعرللشاعر لسلطان الهاجري

[ابـن نـعـيـس]

ياشيب عيني لاكفخ بالجناحين
.......................اسبق من اطيار الاباتشي طياره

الي بعدي

بيت شعر للشاعر د/مطلق الثبيتي رحمه الله

[مرزوق حمدان العتيبي]

...
بيت شعر للشاعر د/مطلق الثبيتي رحمه الله

تفضل يابن نعيس
..
غنيت من زين الطواريق طـاروق
قـاف ليـا قلتـه تنشـط طروقـه

لعيون غرو يشطح الشوق من فـوق
يا جعل ضـدات الدهـر ماتعوقـه

اللي ليا منه تمخطـر مـع السـوق
يعمى بعينـه كـل عيـن سروقـه

اللي بعد اطلب منه
يذكر لنا احدث جهاز جوال نزل السوق . :)

[فواز الشيباني]

للشاعر د/مطلق الثبيتي رحمه الله

اختـار سمحـات الـدروب النظيفـة**اللي غسلها رايـح المـزن برشـاش
يمشونهـا قـوم النفـوس الشريـفـة=اللي ضمايرهـم نقيـة كمـا الشـاش
ابيوتهـم مثـل الحصـون المنيـفـة=ما هي لطير البوم غيران واعشـاش
واحلالهـم للضيـف دايـم مريـفـه=لو رجلهم يسرح ويضوي على مـاش
والرجـل منهـم مـا يخلـي رديفـه=إن ما ت مثله مات وان عاش له عاش

اللي بعدي

ابي قصيده عن اكرام الضيف لي شاعر

[مرزوق حمدان العتيبي]

ابي قصيده عن اكرام الضيف لي شاعر


الضـيـف قــدم لــه مــن حـيـن يلفـيـك=
ممـا تطـولـه يــا فـتـى الـجـود يمـنـاك
أكــرم اقبـالـه فـإنـهـا مـــن شـواديــك=
وابــذل لــه المجـهـود مــادام يـعـنـاك
احـذر تلقـى الضيـف مـرقـن علابـيـك=
خـلـه مـحـب لــك صـديـق إذا جـــاك



اطلب من اللي بعدي ..قصيده فالخوي .

[فواز الشيباني]

احشم خويك عن دروب الرزاله = ترا الخوي عند الاجاويد له حال
والمرجله بالك ترخي حباله = وبالك تعيل ولا ترحم لمن غال
ان كان ماتدعا على كل قاله = تراك من حسبت هدوم به ازوال
ان كان دلوك ماتميحه شماله = ترا الرجال يطوحونه على الجال
رفيقك الداني ليا شفت حاله = احمل عليك من المعاليق ما شال



اطلب من اللي بعدي

صورة ضبي +ارنب

[النـــاصح]

غالي والطلب رخيص

تفضل .. .

http://www.majalisna.com/gallery/24/24_60_1084566740.jpg

http://www.mooode.com/album/data/thumbnails/62/PC270015.jpg



اطلب من اللي بعدي

صوره للكعبه المشرفه+ المدينه المنوره

[السيف والقلم]

صورة للكعبة المشرفة :

http://www.khayma.com/wafi/Gm/MosqImag/makkah/mak8.gif






المسجد النبوي الشريف :

http://www.khayma.com/wafi/Gm/MosqImag/madenah/mad7.jpg



الطلب : أسماء لبعض المنتجات الدنماركية المستوردة .


:)

[النـــاصح]

http://www.f3f3.com/dnemark/f3f3_14.gif



الطلب:
ذكر اسماء العشره المبشرين بالجنه

[فيصل المسعودي]

الخلفاء الراشدين


طلحه بن عبيد الله و عبد الرحمن بن عوف وابوعبيده الجراح وسعد بن ابي وقاص والزبير بن العوام وسعيد بن زيد رضي الله عنه أجمعين


اللي بعدي


أحسن عضو عندك بكل صراحه وبالتحديد

[مرزوق حمدان العتيبي]

أحسن عضو عندك بكل صراحه وبالتحديد

الكبتن مناحي


اللي بعدي
مقطع صوتي للشيخ خالد الراشد

[السيف والقلم]

محاضرة : ( عمر بن عبدالعزيز ) (http://www.islamcvoice.com/mas/open.php?cat=9&book=1002)

الطلب : صورة قديمة جدا


:)

[فواز الشيباني]

http://www.stars-voice.com/up/up/Stars_538675166.JPG


ابي بيت شعر لحبيب العازمي

[مرزوق حمدان العتيبي]

ابي بيت شعر لحبيب العازمي


ذبحتك عندي تراها عاديه = المصيبه كلها دفع الديه
من يصدق هالرجل يسوى ميه= وعذاب اللي يدوّر وعناه


اللي بعدي
اطلب منه بيت شعر .. او حكمه
من انشاءه يكتب هذا الشي في نفس اللحظه ...
..

[فواز الشيباني]

ينشرح صدري ليا شفت مرزوق

ويضيق بالي اذابلنت غير موجود


شاعر مصرقع ههههههههههههههههه


اللي بعدي ابي قصيده لو بيتن في وصف الدخول والجفره يعني تعجيز

[مرزوق حمدان العتيبي]

...
مسيك بالخير يافواز
.
اللي بعدي ابي قصيده لو بيتن في وصف الدخول والجفره يعني تعجيز

امممممممم مافهمت طلبك .. وضح شوي ياغالي ..

[فواز الشيباني]

اخي مرزوق اغير الطلب

اللي بعدي

ابي صوره لبندر بن سرور

[فيصل المسعودي]

http://hrof.net/im/index.pl/36341525710542361-30699.jpg



اللي بعدي


ابي تجيب لي ابيات للشاعر عبد المعين بن ثعلي[/color][/glow]

[فواز الشيباني]

سلام ياعد صباحه وردناك اليوم ماعينت لي ورد جاكا
ياعد وين اللي طراته لياجاك اللي ليا جيتك يجيني علاكا
اللي ليا جيتك يجيني على ماك واليوم لاجاني ولاجا يباكا
في ما مضى تدهل وروده ضماياك واليوم من ورده خلي جال ماكا
اليوم خلاني وقفا وخلاك خلاك واخلا ورد ماك وجفاكا


اطلب من اللي بعدي

صوره للفيصل المسعودي

[مرزوق حمدان العتيبي]

...
.
اممممممم الفيصل المسعودي
..
وين نحصله هذا :)
لايكون تقصد يافواز عبد الله المسعودي

[فواز الشيباني]

نعم اخي مرزوق العتيبي

الضاهر فيصل المسعودي دايم على البال

[مرزوق حمدان العتيبي]

http://www.otaibah.net/m/uploaded/image.gif

...
اطلب من اللي بعدي ..
يذكر لنا اطرف موقف حصلّه .

[فواز الشيباني]

اذكر مره ان فيه واحد من الزملا ء
كنت متعامل معه اني اخذ الذبيحه وعطيه كل اخر شهر
المهم هو كان اللي يجيب الذبيحه ويوم جاني ضيف
اتصلة على الزميل وطلبت منه ذبيحه وجابها ولقيته مكسرها تكسير ثلاجه
على حسب العاده السابقه وضطريت اروح اشتري ذبيحه ثانيه والضيف طفش من كثر الانتظار

طفشتكم من طول الموقف هههههههههههههههههههه


ابي من اللي بعدي

صورة ددسن م78