سلام للعتبان من شاعر بحر [الأرشيف] - الهيـــــــــــــلا *** منتدى قبيلة عتيبة

عايض الدوسري

28-Jan-2006, 01:27 AM

ياعتيبه تعالوا دامكم حاضرينا00000نبدع القاف والموال والله يعينا0000لونعد اليالي لو نعد سنينا0000والمثل قال مال الحمله الاجملها

سلام للعتبان من شاعر بحر...مــــايسبحه يــــــاكود رجال خبير...
وان طب مايسبح ترا الله يرحمه...والي عقد روس الحبال يحلها

الشاعر الطيب ترا يامر امـر...والا الردي يبطي ويبطي هوصغيير...
وان لـــف مايبغى تراني بعدمه...والي عقد روس الحبال يحلها

فيصل الثبيتي

28-Jan-2006, 02:27 AM

صبحك الله بالخير يا عايض

لنا الشرف نلعب معك طال عمرك ...

واستلم لا هنت ...

عقب ما جيت للعتبان ربي يعينك=القوافي تدينك .. والثبيتي يدينك

لا تعد الليال ولا تحّسب سنينك=والمثل قال ما للحمله الا جملها

************************

يا مرحبا بالشاعر اللي قد حظر=ترحيبة ٍ تاقف على شط وغدير

واللي غرق نرفعه راسه وقدمه=واللي عقد روس الحبال يحلها

جاك الثبيتي والثبيتي من عصر=وده بقاف ٍ يحمل الشي الكثير

وانا ما اطيق الرجل لا جاك رخمه=واللي عقد روس الحبال يحلها

سليل سيوف

28-Jan-2006, 03:14 AM

صح لسانك ياعايض الدوسري

وصح لسانك يافيصل الثبيتي

طاورق ومعاني يحملان الكثير من المتعه والابداع

واصلو .....

وتراني في صفك يالثبيتي

يا مرحبا بالشاعر اللي قد حظر
ترحيبة ٍ تاقف على شط وغدير

واللي غرق نرفعه راسه وقدمه
واللي عقد روس الحبال يحلها
*****
جاك الثبيتي والثبيتي من عصـر
وده بقاف ٍ يحمل الشـي الكثيـر

وانا ما اطيق الرجل لا جاك رخمه
واللي عقد روس الحبـال يحلهـا

سليل سيوف

ابـن نـعـيـس

28-Jan-2006, 08:36 AM

صح السنتكم

واصلووووووو

<<< ازهل الصف يالثبيتي

تذكار هايم

28-Jan-2006, 12:09 PM

ابداع

صح لسانكم جميع

فيصل الثبيتي

28-Jan-2006, 04:27 PM

سليل سيوف

صح بدنك يا غالي .. وتواجدك في

صف الثبيتي يشعره بالكثير ...

الله لا يهينك وعساك ذخر ...

فيصل

فيصل الثبيتي

28-Jan-2006, 04:31 PM

ابن نعيس

صح بدنك يا ذيبان ...

والصف عامر دام ابن نعيس جابه ...

شاكر ومقدر تواجدك ...

فيصل

فيصل الثبيتي

28-Jan-2006, 04:34 PM

تذكـــار هايم

الابداع يقف امام قلمك ...

شكراً لمشاركتك .. وصح بدنك

فيصل

فيصل الثبيتي

29-Jan-2006, 01:15 AM

سؤال طرحه نفسه وطرحني

هو انا كل ما جيت ألعب قاف .. هج الشاعر ؟!!

هي حدا ثنتين

يما شايفيني عليمي ما منه فايدة ولا يمكن يتعلم ... !!

يما ان الشعر يبا الفرقا ... !!

عايض الدوسري

29-Jan-2006, 01:32 AM

كانها من طرفكم يالثبيتي سهاله....والثبيتي ترا ماهمني هرج قاله ....والهواء وش يسوي فالذياب وجباله...والمثل قال مال الحمله الاجملها

الك البقا لكن يامحلا السهر....وتــاجر المـليان مـــايشبه فـــقير....والدرب قـــدامك تراي ملغمه...والي عقـد رؤس الحبال يـحلها

الضاهر انك ناوين نية قشر....لكن لاتمشي على الدرب الخطير....وانا ماطيق الرجل لاجاك جلمه....والي عقد رؤس الحبال يحلها

عايض الدوسري

29-Jan-2006, 01:34 AM

لاتستعجل يافيصل كل مطرود ملحوق

عايض الدوسري

29-Jan-2006, 01:37 AM

سليل سيوف
صح بدنك
وشكرا على المرور

عايض الدوسري

29-Jan-2006, 01:38 AM

صح بدنك يابن نعيس
وشكرا على المرور

عايض الدوسري

29-Jan-2006, 01:39 AM

تذكار هايم
صح بدنك
وشكرا على المرور

فواز الشيباني

29-Jan-2006, 01:43 AM

ابداع

صح لسانكم جميع

فيصل المسعودي

29-Jan-2006, 02:24 AM

صحت السنتكم جميعاً

وسجلني في صفك ياسميي وياولد عمي

تحياتي لكم

فيصل الثبيتي

29-Jan-2006, 02:50 AM

صفّقو للعميل اللي تسحّر وجاني=شب راس الفتيلة بين دانه وداني

يا عساني وعساه ويا عساه وعساني=والمثل قال ما للحمله الا جملها

********************

يا رجل من شفتك توخر بالشهر=كنك تجيب البيت من قطن وحرير

ذكرتني محروم عينه فـ ( لحمه)=واللي عقد روس الحبال يحلها

***********************

بعض العرب عينه كما لون الجمر=ينوي على العربان .. ما ينوي بخير

عقب الثبيتي بالقوافي يكتمه=اللي عقد روس الحبال يحلها

كل مطرود ملحوق ...

مير لو قعدنا كذا ما ينتهي القاف غير السنه الجايه !!

فيصل الثبيتي

29-Jan-2006, 02:54 AM

مرحبا يالمسعودي

ولد عم .. درع وحزام ...

الله لا يهينك ووقوفك في صفي شرف

تحياتي لك ...

فيصل الثبيتي

29-Jan-2006, 02:55 AM

فواز الشيباني

صح بدنك .. تواجد يسرّ

فيصل

عايض الدوسري

29-Jan-2006, 03:43 PM

انت فيصل ثبيتي منت مطلق ثبيتي.....بس ياليت بعض الناس يفهم ياليتي....انت الشاعر وشعرك مثل مارحت جيتي...والمثل قال مال الحمله الاجملها

يارجل من شفتك تفلسف فالشعر....كنك محرج بياع خبزوعصير....والي سواتك يــاولـــد منحشمه....والي عقد رؤس الحبال يحلها

بعض العرب عينه كما عين البقر....منفصن عينه وعينه تستدير....وان جات يم البشم والله لابشمه....والي عقدرؤس الحبال يحلها

عايض الدوسري

29-Jan-2006, 03:44 PM

فواز صح بدنك يالغالي

وشكرا على المرور

عايض الدوسري

29-Jan-2006, 03:45 PM

فيصل المسعودي صح بدنك

شكرا على المرور

أبو مرحبا

29-Jan-2006, 04:55 PM

الله يخارجنااااااااااااااااااااا

صح السنتكم ياشعار

فيصل الثبيتي

29-Jan-2006, 06:27 PM

هههههههههههههههههه

الله يعين

ابك حنّا من سلالة عريب ٍ نسبها=والثبيتي ليا من خش جولة كسبها

مير حذرا تشب النار وانته حطبها=والحمول الثقيلة مالها الا جملها

الشعر موهبةٍ تبا حمد وشكر=وانا اتفاخر بالصغيّر والكبير

يا راعي الموتر .. ما ودي اصدمه=واللي عقد روس الحبال يحلها

*****************************

الله من ناس ٍ تفتت فالصخر=تحسبه حب ٍ مثل حبّات الشعير

واليا مشت ترتج رجات شحمه=واللي عقد روس الحبال يحلها

فيصل الثبيتي

29-Jan-2006, 06:55 PM

هلا بك يا قحص

تابع الله لا يهينك ...

وصح بدنك ...

عايض الدوسري

29-Jan-2006, 11:28 PM

ونعم يالعتيبي فيك مافيك حاجه.....بس فالراس هزه مثل هز الدجاجه....كان منته مصدق شوفه فالزجاجه ....والمثل قال مال الحمله الاجملها

بعض السوالف مــانلد الـــها نظر....ياوحدن عنده علومن ماتصير....وطويق يافيصل ماتقدر تزحمه....والي عقد رؤس الحبال يحلها

حط الحجر ياصاحبي فوق الحجر....ثم شبها نارن كم نار السعير....والدوسري يفحمك صعبن تفحمه....والي عقد رؤس الحبال يحلها

عايض الدوسري

29-Jan-2006, 11:32 PM

يعطيك العافيه ياقحص
وصح بدنك

وشكرا على المرور

فيصل الثبيتي

30-Jan-2006, 12:40 AM

يا سلام يا عايض يا سلام

ما عليك انت زود الله يخليك ليّه=لو فيك الشكوك اليوم روحه وجيّه

جيت لاهل الشعر واصبحت شاعر ضحيّه=والحمول الثقيلة ما لها الا جملها

بعض السوالف ما تجيب الا الفقر=لكن كل طير ٍ على قدّه يطير

يا شاعر ٍ كل العرب ما تهضمه=واللي عقد روس الحبال يحلها

***********************

عاين وراك النار شبّت فالظهر=يضحك عليك العبد من قبل الامير

والدوسري جاه العتيبي يلطمه=واللي عقد روس الحبال يحلها

عايض الدوسري

30-Jan-2006, 04:35 AM

جيت لاهل الشعر والعب بمعنى وذوقي....من بلاني بليته نشبتن فالحلوقي....وانت تاخذ حقوقك وانا باخذ حقوقي....والمثل قال مال الحمله الاجملها

فيصل ولد ياناس شاعر معتبر....واقوله بالصوت عالي فاالاثير....الشاعر ويستاهل حرامن نظلمه....والي عقد رؤس الحبال يحلها

النار عند الله ترا يوم الحشر....والله ينجينا عذاب زمهرير....وفيصل صاحيبي بس مـــن هويفهمه....والي عقد رؤس الحبال يحلها

فيصل الثبيتي

30-Jan-2006, 02:33 PM

خلووووووها

حقك اليوم حقك تاخذه فوق راسك=ضربة ٍ من يميني طار منها عماسك

لين تعرف تشيل الثوب وهوه قياسك=والحمول الثقيلة ما لها الا جملها

فيصل يا عايض من طحاطيح الدهر=وان كان ما تعرف عسى ربك يجير

ما عاش منهو يالغشيّم يحرمه=واللي عقد روس الحبال يحلها

***************************

ليت الفهامة فالبريّة تنتشر=من يوم راسك يشبه لــ .. راس البعير

التمر ترمي به وتاكل فـ .. اعجمه=واللي عقد روس الحبال يحلها

عايض الدوسري

30-Jan-2006, 10:14 PM

كان تبغا الصراحه ماانت ليه منافس....مير طعني ترا منته بقد المعافس....ياعتيبه بلشنا بعربجي له خنافس.... والمثل ققال مال الحمله الاجملها

عايض يافيصل من رياجيل الفخر....وان كان ماتعرف عسى ربك ينير....وقت الملاقى دوم مرفوع اعلمه.... والي عقدرؤس الحبال يحلها

تبقا الفضيحه مير ماتبقا الستر.....من يوم راسك يشبه لـــ00راس الحمير....تلقمه والا ياعسى ماتلقمه ....والي عقد رؤس الحبال يحلها

فيصل الثبيتي

30-Jan-2006, 11:02 PM

استلم القفلة يا ذيبان

كان تبغى الصراحه انتهينا خلاصي=ضربة ٍ من رصاصك قابل إلها رصاصي

والبحر عارفين اللي به اليوم غاصي=والحمول الثقيل ما لها الا جملهااا

يا عايض اللي قد نشب وسط النحر=يندر مع الازهار وارياح العبير

فيك الثبيتي حرّم يسج قلمه=واللي عقد روس الحبال يحلها

والسموحه كان جا فالصدر شي ...