المساعد الشخصي الرقمي

مشاهدة النسخة كاملة : يحذفه مرزوق والا يحذفه مقرود غيره

شاعر روق
25-Jan-2006, 08:57 PM
ياسلام الله سلامِ ينحذف في ربع ساعه=يحذفه مرزوق والا يحذفه مقرودغيره
في حديث المصطفى من شذ شذ عن الجماعه=والجماعة ماتشرّف باللذي مافيه غيره
ذياب
25-Jan-2006, 09:38 PM
ياهلا يامرحبا تشتالها مثل الوداعه=مار لا تغلط على الغياب ماعندك ذخيره

في حديث المصطفى والخف يبغاله سناعه=كيف تمسح من على خف القدم ولا تديره
مشتــــاق
25-Jan-2006, 09:43 PM
الله الله



متابعين وبشغف
غازي الزغيبي
25-Jan-2006, 09:50 PM
بسم الله الرحمن الرحيم
مندى قبيلة الهبلا

السلام عليكم ورحمة الله وبركاته

شاعر/ روق

مسيت بلخير

اخي العزيز انا اعليمي بشعر وبذات شعر المحاوره بزود

والكتابه كذالك ماهي حميدك

اذا تحملني بكل ماذكرتلك من عذاريب
فنا ابا الرد عليك
وعلى شرط يكون سدرك وسيع0


انتضر منك ارد وبا الله التوفيق
اخوك غازي الزغيبي
مرزوق حمدان العتيبي
25-Jan-2006, 09:58 PM
...
.

يالله حيهم ....... شاعر روق صح لسانك ..
ويشرفني اللعب معك ... والله يعيني على مواجهتك :)
والمناقشه خلها من خلال الطاروق...
مشكور ياذيااااب ... وبيض الله وجهك ... وابيك تسمح لي باللعب
مع ابن عمنا خاصه انه طالبني ... ..
شاعر روق
25-Jan-2006, 10:01 PM
ذياب بيض الله وجهك


واتفق انت ومرزوق دامه حضر
مرزوق حمدان العتيبي
25-Jan-2006, 10:06 PM
...
.

الله الله


مرحبا ترحيبة ٍ تطبع على الشاشه طباعه = بالرفيق اللي تعجل واتهم فيها مديره
احسن النيّه وشيل اصبعك عن زند السراعه = والله انا ماذخرنا الطيب عن كل العشيره
غازي الزغيبي
25-Jan-2006, 10:08 PM
الخوه شاعر/روق


وشاعر ذياب بيض الله وجيهكم ونا متابع ومشجع للجميع
مرزوق حمدان العتيبي
25-Jan-2006, 10:10 PM
..
.
حياك الله ياغازي
وتشرفنا متابعتك ......
..
ذياب
25-Jan-2006, 10:11 PM
تفضل يامرزوق أنا وانت واحد

بس ترى الرجال ماطلبك

الطاروق مفتوح

يقول في معنا بيته انه يمكن يحذف الطاروق لانه حامي

وانك انت اللي بتحذفه ولا غيرك



(لكن الله يجزاك خير فكيتني من شاعر روق ومجاهده):)
مشتــــاق
25-Jan-2006, 10:13 PM
يا الله


رووووووووووووووووعه


ومتابعين النقاش




يا ولد روووق


ازهل الصف وانا ولد عمك


============


اليوم ضد مرزوق لين الله ييسرها :)
مشتــــاق
25-Jan-2006, 10:14 PM
صح لسانك يا ذياب وانت كفو


لكن شكل الموضوع بينهم وحامي
مرزوق حمدان العتيبي
25-Jan-2006, 10:16 PM
...
:) والله ان معك حق ياذيااااب..
وانا اسف على دخلتي ...
والدعوى تسليه ... لذلك اجل الاولويه لك
مادمت ان الساالفه هيك ...
واصلوووا وانا متابع....
..
وردي يبي ينحذف ... :)
>>> ماهوب متهم بالحذف مره :)
شاعر روق
25-Jan-2006, 10:19 PM
خلووووها




والبقابك ياعميلِ راضعِ ديد اللكاعة=والشواهد بينه والرجل مايخدع ضميره
مانقول اقصور فيك ونجدت الطيب ذراعه=بس ترخي سمعك لناسِ مذاهبها حقيره
ذياب
25-Jan-2006, 10:20 PM
لا تكفا فكني من شاعر روق الله يوفقك


<<<<<<<<<<<<<ماصدق انه يتخارج من شاعر روق
شاعر روق
25-Jan-2006, 10:23 PM
مرزوق استمر


انا رديت على ذياب وعدلته بعد ماجيت لان عيني عليك

وذياب ماقصر رد ورده في محله
مرزوق حمدان العتيبي
25-Jan-2006, 10:34 PM
...



اللي تشووووفونه تم ...

استلم لاهنت :)
.

مامشينا باللكاعه يامضيّع للسناعه = والنوايا عند من يعلم بمكنون السريره
والرزانه للرجال اهل المعرفه والشجاعه = وانت ماينقصك طيب وتنقصك بعض البصيره
مشتــــاق
25-Jan-2006, 10:34 PM
استمر يا مرزوق

نبغى نتابعكم


ونشوف النهايه

:)
ذياب
25-Jan-2006, 10:35 PM
الله يقويكم يابني عمي واسف يامرزوق

وهذي حبت خشم

على سوء الفهم

واصل وأنا فالصف

شاعر روق

شاعر بحجمك اي واحد يطرب

باللعب معك

الليل الليل

الداب الداب


|165||165||165||165||165||165|

|191|
مرزوق حمدان العتيبي
25-Jan-2006, 10:39 PM
...
.

هلا وغلا باللي تابعوووونا..
والنهايه فتكاههههههه يامشتااااق... وش رايك ؟
..

..


اقول عاد....

تطمن النهايه المحبه اللي بتزود بين عيال العم ..
..

تحيااااااااتي
مرزوق حمدان العتيبي
25-Jan-2006, 10:41 PM
...
.

ذياب ابد ابد حلفت ماتقوم
...
الشك زايل يابعدي :)
..
مشتــــاق
25-Jan-2006, 10:45 PM
|165||165||165||165||165||165|

|191|

الليل الليل
شاعر روق
25-Jan-2006, 10:46 PM
اسمع اسمع




النوايا طيبه ياللي تسمع فالاذاعه=والسنع ماهوب مع حضرة سمير ولا سميره
والله انا ماندور للرديه والقطاعه=وانت تسمع في رجالِ عندها النظره قصيره
مشتــــاق
25-Jan-2006, 10:50 PM
النوايـا طيبـه ياللـي تسمـع فالاذاعـه=والسنع ماهوب مع حضرة سمير ولا سميره
والله انـا مانـدور للـرديـه والقطـاعـه=وانت تسمع في رجالِ عندها النظره قصيره





|165||165||165||165||165||165|

|191|
شاعر روق
25-Jan-2006, 10:52 PM
ذياب

والله اني طربان للعب معك بس مرزوق ودي اسولف معه شوي


مشتاق


هلا بك يابن العم


ووجودك في الصف ينومس



غازي الزغيبي


هلا الف ومرحبا مليون


وشكرا لجميل حضورك وتشجيعك


وتقديري لكل من مر من هنا فرداَ فردا



اخوكم ومغليكم
مرزوق حمدان العتيبي
25-Jan-2006, 10:56 PM
....

الله الله عليك ..
..

انت ليه اتظن ظنٍّ غير ياراع الاشاعه = اتق الله في ظنونك ياعسى فالامر خيره
الهدف معروف ونحاول بقدر الاستطاعه = وكل كسر ٍ ياولد عمي نسوي له جبيره
شاعر روق
25-Jan-2006, 11:10 PM
كان ماهوب انت يامرزوق اخوك من الرضاعه=وان جحدت العلم هات اثبات وابشر بالستيره
ماجبرت الكسر زدته كسر من قل المناعه=اولااستطعت وشرهتي دايم على مثلك كبيره
مرزوق حمدان العتيبي
25-Jan-2006, 11:18 PM
استلم الله لايهينك ..
...


العباد اشكال والاطماع في عكس القناعه = ولابه احد ٍ يرضي العربان لو يزيد خيره
انت في راسك معشعش شي ياصعب اقتلاعه = ولو شرحت لك القضيه ماقطعنا معك ديره
شاعر روق
25-Jan-2006, 11:33 PM
الله الله




العباد اليوم مني ضغطهم زاد ارتفاعه=والغشيم اللي يرز الخشم حسنا له مريره
الصوك والعرف واللي ضدنا نكوي خناعه=والقضيه يالعتيبي نردع القوم المغيره
وليد الزراقي
25-Jan-2006, 11:40 PM
ما شاء الله على الابداع
واصلوا وحنا وراكم
ولد روق تراني في صفك ههههههههه
تحياتي
شاعر روق
25-Jan-2006, 11:43 PM
وليد الزراقي هههههههههههههه


وجودك في صفي مكسب لاعدمتك


تقديري
شاعر روق
25-Jan-2006, 11:45 PM
الريس بكبره


اجل انحلت القضيه


تقديري
شاعر روق
25-Jan-2006, 11:51 PM
العلم ويش


رد الريس وين راح
مرزوق حمدان العتيبي
26-Jan-2006, 12:11 AM
كفووووو....


المغير اللي يبا يفسد مزاج اهل البراعه = ابشر انه مايحقق لو كما حبة شعيره
وانت خلك عن هزيل القول في عز ومناعه = العيون المبصره ماتنتساوى بالضريره
...
صح لسانك ياعصابة راسي
وتصبح انت وجميع الاخوان على خير .
..
مرزوق حمدان العتيبي
26-Jan-2006, 12:12 AM
العلم ويش


رد الريس وين راح

:) اي ريس ...
انت متأكد والا ............ :)
شاعر روق
26-Jan-2006, 12:18 AM
بيض الله وجهك يامرزوق

والله انك ونعم الشارب


وتعجبني فيك الدبلوماسيه



والريس تراه معذور



ههههههههههههههههه
مرزوق حمدان العتيبي
27-Jan-2006, 03:02 PM
...
.

ماعليك زود يابعدي
....
الحمـيدي
27-Jan-2006, 03:17 PM
مرزوق العتيبي
شاعر روق
لله دركم على هالطاروق الكااااااااااايف
ونبيكم تكررون هالابداعات يامبدعين
الايداء1
27-Jan-2006, 03:58 PM
,
,
الله

الله

على هالطاروق

وش العلم يابو محمد

شاعر روق ... علومك غانمه ..
شاعر روق
13-Apr-2006, 07:50 PM
الحميدي

هلا وغلا ولا اعتقد ان هذه الابداعات ستتكرر


دمت بخير


للعلم المحاوره قديمه
ابوفهد البرقاوي
14-Apr-2006, 01:44 PM
صح لسانك ياشاعر روق والابداع لايستغرب عليك
وصح لسان المديرمرزوق المبدع كذلك
ولو ان فيها مشاريه ولا انحلت مار طاروق يستحق المتابعه
لكم تقديري
مقعد الدغيلبي
14-Apr-2006, 02:44 PM
شاعر روق
حضرة وحضّرة الفتل والنقض
صح لسااااااااانك مليوووووووووووون
مقعد الدغيلبي
14-Apr-2006, 02:48 PM
مرزوق العتيبي
صح اللسانك يامبدع
طارووووووووق ستحق المتابعه
فيه مافيه ولاكنه بين نجمين من نجوم الشعر
تحياااااااااااااتي للجميع
الايداء1
14-Apr-2006, 03:07 PM
,
,,

المحاوره قديمه

ومتوقف الشاعرين عن المحاوره

من تاريخ 27/ 1/ 2006 ...

أغلق الموضوع لأنتهاء مضمونه ,,,