حياكم الله ,والطارف سداد

[الحمـيدي]

السلام عليكم ورحمة الله وبركاته

سلام لاهل المنتدى عقب ماجيت=بركب القيفان واغني البيت
من عقبها صوًت في عالي الصيت=الحرب خدعه والمواقف لاهلها



الليله الملعبه تبغى القوي الجسور=والملعبه حضها من حض شعارها
ياوين ابلقا الشديد المقتدر والصبور=يبني على طوبها ويعزز اجدارها

[ابـن نـعـيـس]

صح لسانك يالحميدي

والله يحيييييييك


وفي انتظار الشاعر المقابل



تحياااااااااااااااااااااااااااااااااتي

[معــ المرقاب دي]

يا مرحبا يا اللي تسلم علينا
في حلة اللي كاسبين الثمينا
واترك يسار الدرب خلك يمينا
الحرب خدعه والمواقف لهلها





الليلة الملعبه يجيلها كم دور = والناس ما تنعرف ياكود بأدوارها
تلقى وخلك سنود ولا تحاول حدور = ركز عيونك ليا لاحت لك أنوارها

[الحمـيدي]

انا تراني عندكم حسبت الضيف=مار اللقافه من طبوع الملاقيف
لكن ما عندي سوا سلًة السيف =الحرب خدعه والموقف لاهلها
.

:
:




ما شفت غطًاس يغطس في مغب البحور =لا تقرب الحصن وتكهربك باسوارها

لكن بعطيك يارجال كرت العبور =والطايره ياولد في حكم طيارها

[الحمـيدي]

ابن نعيس
حياك الله وشرفت الطاروق

[فواز الشيباني]

صح لسانك يالحميدي

والله يعطيك العافيه

ولا هنت يا غالي

[معــ المرقاب دي]

يا ضيف ما ياتيك غار القناعه
واجبك يوصلك بعد ربع ساعه
مار الطماعه لا تحاول طماعه
والحرب خدعه والمواقف لهلها





يا صاحب العملة احذر عملتك لا تبور = حتى تطوف العرب واتعدّي ابغارها
بعض الحكي يا عرب يطير مثل الطيور = لكن قلي ربوعك وشهي اديارها

[معــ المرقاب دي]

حياك الله يبن نعيس

[الايداء1]

,
معدي المرقاب

الحميـــــــــــــــدي

صحت السنتكم والأبدان ,,,

[الحمـيدي]

عزالله انك ما تعرف المواجيب=لكن انا ضيفٍ بحكم المعازيب
في حلًة العتبان طيبٍ على طيب =الحرب خدعه والمواقف لهلها



بالهون بالهون ياراعي الحصان الطمور= عاين مسارك يمين الدرب ويسارها
حنا هل الكلمه الي ما تمس الشعور =ولاً دياري بعيدٍعنك مشوارها

[الحمـيدي]

الايدا
فواز الشيباني
حياكم الله وشرفتونا

[وليد الزراقي]

صحت ابدانكم على الابداع
تحياتي

[معــ المرقاب دي]

يا ضيف ما مثلك يحكّم عليه
اليا نويتك صرت عندي ضحيه
دفعة بلا يا رب عن والديّه
والحرب خدعه والمواقف لهلها




أنت توجّه وتنسى ياخي بعض الأمور = الظاهر انك تحاول تلفت أنظارها
ياربعنا يا عتيبه سوقوا اله البخور = ما فيه ديرة وحنا دوم زوارها

[معــ المرقاب دي]

يا مرحبا يا الايدا ويا الزراقي

[محمد العتيبي]

ياسلام ياسلام


معدي المرقاب + الحميدي


صح لسانكم ولاهنتوا ....

[الحمـيدي]

يامعدي المرقاب وين انت غادي=اصل الشراره قادحه من زنادي
ولا انت يا دوبك تخظ الزبادي=الحرب خدعه والمواقف لهلها



امسك طريقٍ سلكته لا تلف وتدور=ما همني غير ناسٍ زاد مقدارها
الحال ميسور ما عمري شكيت العسور=ناظر قناة الجزيره واسمع اخبارها

[الحمـيدي]

ابو مشعاب
حياك الله وجودك شرفنا

[معــ المرقاب دي]

ماني بغادي يا وليد الدوادي
معروف فأيا حر ولا برادي
المشكلة فاللي جحد فالبلادي
والحرب ..........................




أنته تعشق المظاهر غاوي ٍ للظهور = أبلشت ناس ٍ تصلي في وسط دارها
جمعت حاخامها ما عندك الا الفجور = يا ديرة ٍ خيرها ما ينفع أخيارها

[معــ المرقاب دي]

أبو مشعاب
مليون مرحبا
يا الغالي

وصحت أبدانك

[الحمـيدي]

انته يابن عمي تدوًر عليًه=المشكله ترمي ولا لك رميًه
حنا هل الوقفات واهل الحميًه =الحرب خدعه والمواقف لهلها



يالمتهم ما توحًا الناس شهًاد زور= واهل الكذب كذبها ماطوًل اعمارها
يومٍ كشفنا الحقيقه صار دمك يفور=دور على غيرها يارجل واختارها

[معــ المرقاب دي]

لولا الحيا والدم ويّا القرابه
لقول إلك زود ٍ عليك الربابه
لكن أنا حاشم ربوعي عتابه
والحرب .....................



ترى العرب خابرة يا عسكريّ المرور = وتعرف حالي ثمرها وأيضا أمرارها
لكن على قولة المصري لزوم ٍ تغور = مدام ما ظللتكم عالي أشجارها

[الحمـيدي]

معدي المرقاب اشكرك على تحملك لي واللعب معي وارجو ان ما يكون فالقلوب الا كل خير والعذر والسموحه اذا
بدر مني زلة لسان وحنا عيال عم وما بينا الا العوافي
انشاء الله التقي بك بطاروق جديد
تحياتي
الحميدي

[معــ المرقاب دي]

يا مرحبا
مليون
والقلوب
اصحاح

والنوايا طيبه

ويا هلا ومسهلا