يا هاجس الشعر وينك صـار لـك مـده

[فواز الشيباني]

يا هاجس الشعر وينك صـار لـك مـده
=وأنـا أتحـراك يـا نظـمـي وقيفـانـي
أبيـك فـي لازم(ن) وأنـا أذكـرك قـده
=تحبـك وتسبـك وتظـرب كـل ميدانـي
أبيـك مثـل البحـر فـي جـزره ومـده
=أوصيك حرصـه ولانـي فيـك بلشانـي
لي رفقة(ن) معك وقـت الليـن والشـده
=ولك رفقة(ن) معي لامن هاضت أشجانـي
أنا طـرى لـي خليـل(ن) صابنـي وده
=لي مدة(ن) عنه مـا شـرف ولا جانـي
مـدري بـلاه الزمـن وظروفـه تـلـده
=والا طـرا لـه بدالـي واحـد(ن) ثانـي
وأنا أتحـرى وأحسـب الوقـت وأعـده
=واليوم هـذي ثـلاث شهـور مـا بانـي
غرو(ن) كما البدر في خمسة عشر خـده
=مـن نـوره البـدر عزيتـه وعـزانـي
والعين عين أشقر(ن) يعجبك فـي هـده
=مهـدى لسلمـان ثـم أهـداه سلطـانـي
والخشم سيف(ن) سليل(ن) ساطي(ن) حده
=والخصر غصنن ليا هـب الهـوى لانـي
أبـو جديـل(ن) علـى متنينـه يـكـده
=يفوح مـن كدتـه مسـك(ن) وريحانـي
أليـا تكلـم يـشـادي مـزحـه لـجـده
=ولا ينطـق ألا درر لـولـو ومرجـانـي
يـا هيـه يـا الـي تـود العلـم وتـرده
=ود الخبـر للغضـي مدعـوج الأعيانـي
قلـه حياتـي عقـب فـرقـاه مـسـوده
=وشلـون عقـب الـذي سـواه ينسانـي
كبـدي مـن الصـد والهجـران منقـده
=ومـن قدهـا قدهـا فـي خلهـا هـانـي
للشاعر ابن دهام

[((الدلبحي))]

صح السانك والسان ابن دهام

اختيار موفق ورائع

تحيااااااااااااااااااااتي

[ابـن نـعـيـس]

صح لسانك ولسان ابن دهام


يعطيك العافيه



تحياااااااااااااااااااااااااااااااااااتي

[فواز الشيباني]

اخي الدلبحي
الف شكر لك ياغالي
على المرور الرائع

ولا هنت

[فواز الشيباني]

اخي ابن نعيس

مشكور على المرور الجميل

الله يعطيك العافيه
ولا هنت يا غالي

[فيصل المسعودي]

عودتنا على الاختيار الجيد ياغالي


صح لسان ابن دهام


لك تحياتي ياغالي

[فواز الشيباني]

اخي فيصل المسعودي

مشكور على
المرور الرائع
الله يعطيك العافيه

ولا هنت يا غالي
على المرور المميز

[تاج السلاطين]

اخوي فواز
انتقاء مميز لقصيده رائعه ..لك مني جزيل الشكر والتقدير


تحياتي لك

[فواز الشيباني]

اخي تاج السلاطين

تواجدك شرفني

الله لايحرمنا من مرورك الرائع

[طير هوا]

السلام عليكم ورحمة الله وبركاته
لك انت فقط الاختيار الافضل
وارجو المعذرة من الاخرين
ولا فيهم قصور
تحياتى

[فواز الشيباني]

اخي طير هوا

الله يعطيك العافيه

على الكلام الجميل
والمرور المميز
ولا هنت يا غالي