الشاعر طلق العتيبي(الحسام ) يمدح بني عمرو وتم الرد عليه من قبلنا [الأرشيف] - الهيـــــــــــــلا *** منتدى قبيلة عتيبة

مشاهدة النسخة كاملة : الشاعر طلق العتيبي(الحسام ) يمدح بني عمرو وتم الرد عليه من قبلنا

العمـري

19-Jan-2006, 01:50 AM

شفت البلاد اللى عليها المطر هل"="بلاد الوفا وأهل الوفا يا بن سلمان
ما يكفي الانتر واقول السفر حل"="من نجد بااسوق الركائب بالارسان
ابي اتوجه يمها واتمهل"="نعمه من الله التردد بالاوطان
بلاد بني عمرو اللى لها في الكرم ظل"="واهل الشجاعه يوم زوغات الاذهان
أقول نعم بدون تخصيص للكل"="اهل الفعول الطيبه عبر الازمان
وقفاتهم للترك تشفي من الغل"="ابناء تميم وكعب ذربين الايمان
شعارهم للضيف دائم تفضل"="حطولهم في صفحة الطيب عنوان
أن جيت فالمطلا وحرفه تمقل"="بروعة طبيعتها على كل ما بان
اجلس على الروض الخضر واترك الزل"="وانعم بغيم كل ما مر هتان
ماني مخاوي كل ضائع ومنحل"="اللى يدوج بوسط لندن ولبنان

هذه القصيده مهداه من الشاعر طلق العتيبي المعروف (بالحسام) وقد جادت قريحته بهذه الابيات الجميله التي يمتدح بها ديار بني عمرو وقبائلها0

حرفه جبل مشهور ببنى عمرو
المطلى جبل مشهور وقعت عليه حرب بين بنى عمرو والاتراك وكان النصر حليف بنى عمرو وتم طردهم شر طرده

العمـري

19-Jan-2006, 01:52 AM

وهذه الردود عليه من قبل اعضاء منتدديات بنى عمرو

اهلاً هلا بك عد ما ينبت الظل=وجبال حرفه كلها يمك أذهان
يامرحبا ترحيبه(ن)كلها فل=نروح شذاها فاح في كل الاوطان
اهلاً ترحب بك بني عمر بالحل=زين الرجال اللي سكنها وهيمان
ياسيدي نفخر بمدحك على الكل=ونعيش بأفراح(ن) لها الكل ولهان
ماهوب هرج(ن) بس للعز تنهل=اصلك شريف وتنتمي لصل عتبان
ياسيدي لا ما وسعك الجبل طل=تلقى الجميع احباب لك وانت فرحان

تحياتي واسف على التقصير

المسكت

العمـري

19-Jan-2006, 01:54 AM

ياسيدي لك بالحشاء لوعه الطفل=لا غابت امه دوووم بيكون ولهان
كرر زياراتك عسى يسعد اللكل=وينبت شذى الديره على ريح ريحان
في طلتك زان السعد وابعد العل=وفي جيتك تشوفنا كلنا اخوان
المدح في حظرتك يفرش له الزل=حشئ ولا نوفيك خل(ن) لخلان
انت الوفاء منك بداء المدح ينهل=بعيوننا نوفيك كلمه وشجعان
اسعد ليالي ديرتي وانت تقبِل=حتى طيور الجو غنت بأللاحان
ياسيدي بالقلب لك منزل حل= حنا الفخر بك وانت في بيت سلطان
345usx) 345usx) ;tr5s4)

------------------------------------------------------------

وهذا ردي عليه

تحياتى لك الشاعر الحسام وهذا ردى عليك ياشاعر عتيبه

حل الفرح فى خاطري والسعد هل= من بعد شفت بيوت ذربين الايمان
يامرحبا بالضــيف من يوم يقبـل=ترحيبة من قلب صافي وولهـان
اهلاهلاعـداد نجـم وماطل= وعدادورقنا غردت فوق الاغصان
انـتم عتـيبه طيبـكم يغلـب الكل=اهل الكرم واهل المراجل وفرسان
رجالـكم يــوم اللـقا مابــعد ذل=صفوة نشاما من بنى عم واخـوان
تفضلو في بيت مفـروش بالـزل=فيه الكرم والطيـب ودلال رسلان
وختامها مخـتوم بالمسك والفل=قالــو لمـن وقلـت تضـفى لعتبـان

خلف بن مرزوق

20-Jan-2006, 08:22 AM

00

انتـم عتيـبـه طيبـكـم يغـلـب الـكـل
اهل الكرم واهل المراجل وفرسـان
رجـالـكـم يــــوم الـلـقــا مـابـعــد ذل
صفوة نشاما مـن بنـى عـم واخـوان

صح لساانك يالعمري

وماعليك زود

وعتييبة ترحب بك اخ عزيز وغالي

تحياااااااتي

مشعل بن حويد

20-Jan-2006, 09:36 AM

ابـن نـعـيـس

20-Jan-2006, 03:06 PM

صح لسانك ولسانه

تحيااااااااااااااااااااااااااااااااااااااااااااااا ااااااااااااااتي

مرزوق حمدان العتيبي

20-Jan-2006, 03:34 PM

..
.
حياك الله يالعمري في محلك..
صح لسان العتيبي ولسان شعراء حرب .
..
اخوك ..
.

غازي الزغيبي

20-Jan-2006, 03:48 PM

العمري ..

صح لسانك

بيض الله وجهك

يابن العم تحياتي ومتناني لك

العمـري

22-Jan-2006, 03:27 AM

ابو ماجدالمرشدي

22-Jan-2006, 03:54 AM

ياهلاا وسهلا بك يالعمري

وصح لسان الشاعر طلق وصح لسانك ولسان شعار بني عمرو

وماعليك زود

والنعم فيكم والله

اقولها عقب خاويتكم وعرفت طيبكم

.

تركي الحربي

22-Jan-2006, 09:25 AM

الاخ / العمري

صح لسانك وعلا شانك يالقرم

وصح لسان العتيبي والنعم فيه وبعتيبه بجميع بدون قاصر

والنعم في حرب والنعم فيك ياولد العم

تقبل تحيااااااااااااتي

ابن عمك / تركي الحربي

الــوآفــي

23-Jan-2006, 12:18 AM

لزيادة المعلومه فقط

الحسام هو الشاعر طلق بن دغيليب الذيابي العتيبي

صح لسانه ولسانك يالعمري انت وشعراء بني عمرو

كل التحيه

غازي الزغيبي

23-Jan-2006, 03:17 PM

صحت السنتكم كلكم

وبيض الله وجيهكم

العمـري

29-Jan-2006, 08:46 AM

انتـم عتيـبـه طيبـكـم يغـلـب الـكـل
اهل الكرم واهل المراجل وفرسـان
رجـالـكـم يــــوم الـلـقــا مـابـعــد ذل
صفوة نشاما مـن بنـى عـم واخـوان

العمري ..

صح لسانك ..

وينعم بحالك :)

وحياك الله بعتيبه اخ وعزيز

كل الود

تحياااااااتي

صح بدنك اخوى مشعل

والله يبقيك ويسلمك

لك فائق احترامي وتقديرى

اخوك ..... العمري ....... من مدينه الضباب ... النماص