السلام عليكم ومن العايدين بعد الزحمه

[علي القحطاني]

خلـــــــــــــــــــــــــوها


في محل أهل الوفا من بعد ما طال الغيابي = يا سلام الله على الساحه وفرسان الحروفي

يالمعزّب فك بيبان القصايد لا تهابي = وامسك الدله و رحب بالمسايير الضيوفي

[مرزوق حمدان العتيبي]

...
.

مرحباااااا تراحيب المطر ياعلي
والله ان لك وحشه...
الحمد لله على السلامه ....

[مرزوق حمدان العتيبي]

في محل اهل الوفاء والطيب ياراع الركابي = مرحبا ترحيبةٍ بك ماتوصفها الوصوفي
اقلط اقلط يا قحطاني دوب طاب الكيف طابي = من بعد ما غبت عنا والسبب بعض الضروفي

[علي القحطاني]

البقا والمرجله طبع الرياجيل العذابي = وكلمة أرحب منك تسوا عندنا فطحة خروفي

كيف حسني ما استحا من وفد مهدي والترابي = يالله افضح لحيته فرعن على الناس الضعوفي

[((الدلبحي))]

الله الله

حياك يالقحطاني وابرك الساعات

مرزوق لاهنت

واصلوا

تحيااااااااااااااااااااااااااتي

[محيّل الثنيه]

ارحب ياعلي

حياك الله

وجود مرزوق معك

يعطي المحاوره طابع خاص

واصلوا

[فواز الشيباني]

اخي علي القحطاني

الله يعطيك العافيه

ولا هنت يا غالي

[مرزوق حمدان العتيبي]

مافعلته يعتبر ماجوب ياواف الجنابي = وان وقفت بماقف الماجوب شرفني وقوفي

الترابي ومهديّه يستحقون العقابي = الحقيقه ياعلي تنقال والعالم تشوفي

[مرزوق حمدان العتيبي]

...
.

هلا بالجميع ..
شرفنا وجودكم .
..
كل التقدير يالدلبحي ويامحيّل الثنيه ..
...
.

[حمد بن جوباح]

..
.
علي القحطاني
مرزوق العتيبي
صحت ألسنتكم يالشعار
متابعين ومعجبين بابداعكم
واصلوا وتراني في صفك يا مرزوق
ثالث واحد من يمين جنب الغليّم الطويل
:)

اخوكمـ /
راس حربه

[مرزوق حمدان العتيبي]

...
.
مرحبا يالشاعر الرائع
راس حربــه تستحق لقب شاعر
وبكل جداره ..
شرفتنا ..
.
.

[حمد بن جوباح]

..
.
تسلم يا بو محمد
هذي شهاده اعتز بها
وعاني عصبت الراس ابا انزل الميدان
|16|

تحياتي ..

[علي القحطاني]

مرحبا و مسهلا بالجميع ومروركم شرف

[علي القحطاني]

الله الله:


يكرم الشيهان ما ينزل منازيل الغرابي = وانت من قوم لها تاريخ بيّن ومعروفي

الجبل واقف و شال العج كومات الترابي = لو تذرّت به سقاها الغيث ومزون القنوفي

[مرزوق حمدان العتيبي]

الله الله


ياعلي لازم تفرق.. و الخطا غير الصوابي = ماعلى بعض السوالف يا ابيض الشارب حسوفي
الغراب غراب عمره ماتعلّى فالهضابي = وانت مثل الحر قدرك فوق ياشوق الهنوفي

[علي القحطاني]

اسمع اسمع



بينت شمس الحقيقه وانجلا عنها الضبابي = وذابت الوان السراب وخالفت بعض الشفوفي

انبسط يا شيخ واقرا في عناوين الكتابي = الكتاب اللي مضا وقته علي ذيك الرفوفي

[مرزوق حمدان العتيبي]

ياعلي حيرت بالي بين جيّه وانقلابي = والجماهير استثارت والزعل وسط الصفوفي
دامك انته منبسط عقلي على العليا رقابي = وانت تعرف كل لعبه منك عندي ماتطوفي

[علي القحطاني]

طيب طيب


كيف وانته لابس ثوب من خيار الثيابي = وتنزل اسواق الحجاز وتنزل اسواق الهفوفي

السوال اللي يدور ولا لقينا له جوابي = طوف بيت الله و تلقا حلها وانته تطوفي

[مرزوق حمدان العتيبي]

خلوووووووووووها ....
..


الجبال اليا نواها الله نسفها بالشهابي = الشهاب اليا ضربها شرط ينسفها نسوفي
والله اني ماهقيتك دون هذي يالحبابي = لكن الله قدر الاشياء ..ماجت لك بالصدوفي

[علي القحطاني]

طيب طيب


يا جماعه حللوا ما قال مرزوق العتابي = يا حسايف كيف صار الكد ما هو بمخلوفي

بين لمعات السيوف وبين زرقات الحرابي = ما تغرك زرقة الحربات عن ضرب السيوفي

[مرزوق حمدان العتيبي]

ياجماعه هالحبابي صاير ٍ فيه ارتيابي = داخل ٍ فيه ارتياب وصايب الرجال خوفي
قلت يارجال خلك فالامان ولاتهابي = والحقيقه ياعلي تغنيك عن كثر الحلوفي

[محمد العتيبي]

الله اكبر علاكم

!!!!!!!!! لا تعليق !!!!!!!!

صح لسانكم .

[مرزوق حمدان العتيبي]

...
.
هلا يابو متعب..
علق وعبر ياسنايدي
وش اللي يمنعك ؟ .... :)
نورت ..
..

[((الدلبحي))]

الله الله

واصلوا

[محمد العتيبي]

والله يابو محمد يخون بي التعبير؟؟
ماااار واااااصلواا
وانا معاكم ليا مبدا الصباح .

[الشمالي الغربي]

علي القحطاني

مرزوق العتيبي




طاروق رائع


جئت لاستمتع بمذاق شعري خاص


ودي وتقديري

[ابن مشيب]

شعراء عملاقه , نقض وفتل , وحنكه في نظم البيوت


الشاعرين

مرزوق وعلي


صحت السنتكم

[الايداء1]

,
أبو محمد & علي القحطاني

طاروق يستحق المتابعه والمتعه في معانيه >>>> مسوي نفسه فاهم المعنى |37|

سجلووووووو أعجابــــــي ومتابعتي ’’’’

[علي القحطاني]

الاخوان الاعزاء مرحبا والله وياهلا والله لا يهينكم على المتابعه.

[علي القحطاني]

اسمع يا مرزوق اسمع:


ما لقا الجايع مع الضامي طعام و لاشرابي = والطمع بيني وبينك فالسنام وفالردوفي

رح وشجع يا هلالي مع جماهير الشبابي = و كل هجمه تعجبك صيّح ولوّح بالكفوفي

[مرزوق حمدان العتيبي]

..
طيب استلم :)


السنام إله الرجال اللي يضدون الصعابي = وانت ياراع الردوف اتشوف عينك ماتعوفي
الغريبه خندفي وش لون يتحداّ شبابي = والشبابي لاتحدوه الخنادف مايروفي

[علي القحطاني]

طيب طيب


همّلت غر السحايب والجبل بين الهضابي = وطرت فالعجه و قمت تهز راسك والكتوفي

لا تلفت لبن سينا واختراعه يالفرابي = والرسايل خلها يا صاحبي وسط الظروفي

[مرزوق حمدان العتيبي]

..
طيب طيب ..



انت يالمهزوز مالك صار بلسانك عيابي = وانتهجت لمنهج ٍ ما احد ٍ نهج به غير صوفي
ماجنيت من اختراعك غير ضربك فالعلابي = والرسايل لو كشفناها تدينك يالزهوفي

[محمد العتيبي]

الليل الليل وااصل وااصل
وااصل وااصل .

|191| |189|

|192| |165| |165| |165| |165| |165|


|201|

[الايداء1]

..
طيب استلم :)


السنام إله الرجال اللي يضدون الصعابي = وانت ياراع الردوف اتشوف عينك ماتعوفي
الغريبه خندفي وش لون يتحداّ شبابي = والشبابي لاتحدوه الخنادف مايروفي


الغريبه خندفي وش لـون يتحـداّ شبابـي=والشبابـي لاتحـدوه الخنـادف مايروفـي
,

,

والله

أنه بيت عن أمية بيت يابو محمد

أنا بصفك ولا يهون جارنا علي ,,,

[علي القحطاني]

استلم يابو محمد:


لا تلحقني العتاب و لا نلحقك العتابي = يالامام اللي تقدم غير ما ساوا الصفوفي

لد عينك فالعمار و لاتعاين فالخرابي = والحقوق تراضي الزعلان واللعب محفوفي

[مرزوق حمدان العتيبي]

الله الله
..

العتب مرفوع لكن يظهر ان القاف شابي = وأ برك العربان يالاصحاب رجال ٍ عروفي
وانت اشوفك يابو ضاوي شايف ٍ نفسك صحابي = تدعي كل الكمال وقمت تطمر للجروفي

[مرزوق حمدان العتيبي]

..
.

ابو خالد الشمالي الغربي ..
ابن مشيب ...
هلا وغلا شرفتوناااا ... وتو زانت الصفحه
بحضوركم ..
...

[مرزوق حمدان العتيبي]

...
ابو تركي
وابو متعب ....
مرحبا امرار
وهلا تكرار ........
و الف شكر لكم على تواصلكم..
وشهاده منك يابو تركي اعتبرها وسام ..
..
.

[علي القحطاني]

صح لسانك يابو محمد والله لا يهينك واعذرني على البطا.

[مرزوق حمدان العتيبي]

...
.
صح بدنك ياعلي
ولاانت بمعذور :)
والسبب انا نفرح ونسعد بتواجدك المستمر ..
والف شكر لك ياغالي ..
اخوك ....