مرزوق العتيبي .. مطلوووب

[ماجد الهذلي]

سلام في عيد الضحيه والضحايا والرمي = تسليم وافي يا رجال ٍ تستحقون الوفا
إن كان يا مرزوق مسلم فيه غيرك مسلمي = واللي ينوشه من براد الجو يقرب للدفا

[الشمالي الغربي]

الله الله الله


كل عام وانت بخير ياماجد وصح لسانك


وبأنتظار ابو محمد للأستمتاع


ودي وتقديري

[ماجد الهذلي]

الشمالي الغربي

حياااك

صح بدنك يالغالي

وكل عام وأنت بصحه وسلامه

تحياااتي

[مرزوق حمدان العتيبي]

سلام في عيد الضحيه والضحايا والرمي = تسليم وافي يا رجال ٍ تستحقون الوفا
إن كان يا مرزوق مسلم فيه غيرك مسلمي = واللي ينوشه من براد الجو يقرب للدفا


يامرحبا ياللي تسلم عد ماسالت دمي = لو قمت ارحب فيك لين الصبح اعدّه ماكفا
عطني علومك واقرب احدود السلامه تسلمي = هرج الرجل فالوجه مانبني على هرج القفا

[مرزوق حمدان العتيبي]

..
.
مرحبا يابو خالد...

يسعدناا ويشرفنا وجودك..
كل عام اونت طيب..

[ماجد الهذلي]

الله الله

اسلم اسلم يا مرزوق


دام البقا وإليا أحتميتوا للمواقف نحتمي = والقول قول ولا يجي فقلوبنا غير الصفا
قلتلك هيا نسعف الحجاج وتقول غنمي = أبنادم يعش وحياته جمع مال ولا أكتفى

[مرزوق حمدان العتيبي]

غير السعاده والهدايه وش يريد الادمي = ياصاحبي ماجد ترى مرمى كلامك ماخفا
انته علامك يوم حان الجد شفتك معتمي = نورك بعد قمت ازهمك للفعل قدامي طفا

[ماجد الهذلي]

درب السعاد فالهدايه ولحياتك هادمي = كم واحد ٍ مد القدم زلة به أقدامه هفا
أساعد المحتاج وأتبع للنبي الهاشمي = منته منادي وأنت يا مرزوق لك جفن ٍ غفى

[وليد الزراقي]

الله الله على الابداع
مو مستغرب منكما
واصلوا وحنا معاكم
تحيــــــــــــــــــــــــــــاتي

[{عابرسبيل}]

صح اللسانك يا ماجد الهذلى وسلملى على عبيدالله العرابى

وصح اللسان مرزوق العتببى ابو محمد

[مرزوق حمدان العتيبي]

درب السعاد فالهدايه ولحياتك هادمي = كم واحد ٍ مد القدم زلة به أقدامه هفا
أساعد المحتاج وأتبع للنبي الهاشمي = منته منادي وأنت يا مرزوق لك جفن ٍ غفى


اسيّر اقدامي على كيفي ورزيت اعلمي = فالقمه اللي ماوصلها شخص برجوله حفا
ياماجد اركد قبل لاخليك لقمه في فمي = ياللي تبا درب الهدى روّحت مع درب الشفا

[ماجد الهذلي]

وليد الزراقي

وعابر سبيل

حيااكم الله شرفتوا ونورتوا

تحياااتي

[مرزوق حمدان العتيبي]

...
.
وليد الزراقي...
عابر سبيل..
مرحبا فيكم تراحيب المطر..
تو مانورت الصفحه بحروفكم ..
...

[أبو الوليد]

كل عام وانتم بخير
وعيد مبارك عليكم
وتحياتي للشاعرين المبدعين
مرزوق العتييي المبدع دائما
وماجد الهذلي الرائع.

[ماجد الهذلي]

ابشر يا عابر سبيل !!


أنته مشيت ولا نجيت اللي بعزمه يعزمي = مشلحك ضافي يا مدور للمشالح والضفا
بكره يدور ديتك روقي ينادي عازمي = الدم من راسك وراسك راح دمه يزفا

[ماجد الهذلي]

أبو وليد

يا مرحبا فيك يالغاااااالي

متابعتك شرف

تحياااتي

[مرزوق حمدان العتيبي]

انته ياماجد ماتحمل طلقة ٍ من محزمي = لكن ابعفي عنك والمعبود يكرم من عفا
وضحت لك كل الحقايق ثم غطيت اقلمي = انا من اللي مايهاب الموت الى منّه لفا

[مرزوق حمدان العتيبي]

..
.
الغالي ابو الوليــد
نورت الصفحه وتعطرت بحروفك..
هلابك ياغالي..
..
.

[حمد بن جوباح]

..
.

ماجد الهذلي
مرزوق العتيبي
صحت ألسنتكم يا مبدعين
واصلوووووووا وحنا متابعين
وازهلووووا الصفوف تراها عندي

.
..

[محمد العتيبي]

السلام عليكم
كل عام وانتم بخير
وعيدكم مبارك
وصح لسانكم وواصلواا على الابداع .

[ماجد الهذلي]

انته ياماجد ماتحمل طلقة ٍ من محزمي = لكن ابعفي عنك والمعبود يكرم من عفا
وضحت لك كل الحقايق ثم غطيت اقلمي = انا من اللي مايهاب الموت الى منّه لفا




عفوك لنفسك .. وألا أنا .. سالم بدمي ولحمي = وإليا رميت أرميك حتى عند حدك توقفا
أنا أتسمع للعرب ما أسمع رطين الأعجمي = وأنته لا ترطن وإن رطنت الناس قالوا لك أفااا !!

[ماجد الهذلي]

راس الحربه

أبو مشعاب

الله الله

النوروالإبداع

يكتمل بوجودكم يالغالين

تحياااتي

[ماجد الهذلي]

مرزوووق العتيبي

معاد بااقي غير نتلازم بالحلوووق

النهااايه عندك الله يبارك فيك

وصح لسانك كبير يا أبو محمد

وتسلم

[خلف بن مرزوق]

00

اقطع الرمي:)


سلام عليكم

صحت السنتكم يامبدعين

تشرفنا بوجودنا هنا



احترامي

[أبو حاتم]

@ صحت ألسنتكم يا مبدعين واصلوا وحنا متابعين .

[((الدلبحي))]

ماجد الهذلي
مرزوق العتيبي
صحت ألسنتكم يا مبدعين