المساعد الشخصي الرقمي

مشاهدة النسخة كاملة : مرزوق يوم اشوف توقيعه تراي احزن علاه-**-امدنق براسه واظن الادمي ماهو صري

كبتن عتيبه
02-Jan-2006, 10:28 PM
مرزوق انت وانك


مرزوق يوم اشوف توقيعه تراي احزن علاه=امدنق براسه واظنّ الادمي ماهو صري

وان كان همّه من مرض رحنا ودورّنا دواه=وان كان همّه همّ ثاني قلت يانفس اصبري
أبو مرحبا
02-Jan-2006, 10:42 PM
يسلاااااام عليك ياسايق الاوتبيس

نحتري ابومحمد

والابداع يكمل بمحاوراتكم
مرزوق حمدان العتيبي
02-Jan-2006, 11:04 PM
اللي يعرف مناحي المجنون يتكفّا وذاه = وليا بلاه الله فيه يرد بالردالجري
مرزوق مابه غير خير الله من خيره عطاه = والصوره اللي شفتها للعرض كانك تشتري
الشمالي الغربي
02-Jan-2006, 11:23 PM
مساكم الله بالخير يالربع


ماقدرت العب وجيت اتفرج وشفت هالدواهي وزانت الجلسه


الكبتن ومرزوق ويازين الطاروق


لاهنتو ياعمالقه

تحياااااااااااااااتي
كبتن عتيبه
03-Jan-2006, 12:30 AM
طيب .. طيب يامرزوق


ياصاحبي مرزوق لاناديت فوقك قول هاه=وانهض ليا نادى لك مناحي ..بالامر العسكري

والله يزيدك خير يامرزوق يامال الغناه=والراس لا ترخيه.. قلّه يابعدي.. وش تحتري
فيصل المسعودي
03-Jan-2006, 01:45 AM
ياليل ياليل


ياعين ياعين


الكابتن


والمدير


اكتمل الابداع


تحياتي
((الدلبحي))
03-Jan-2006, 02:22 AM
الله الله محاوره قمه

متابعين
كبتن عتيبه
03-Jan-2006, 09:30 AM
قحص
الشمالي الغربي
الدلبحي
فيصل المسعودي

ياامرحبا فيكم


الزموووا الصفوف
ابـن نـعـيـس
03-Jan-2006, 10:42 AM
قمه قمه قمه قمه
قمه قمه قمه
قمه قمه
قمه


ابدااع من مخترعيه


تحياااااااااااااااااااااااااااااااااااااتي
مرزوق حمدان العتيبي
03-Jan-2006, 04:59 PM
مافوقي الا ربي اللي كلبونا في رجاه = والله مادري ليه يامناحي علانا تفتري ؟
اللي تحلم بالحلوم وقام ينفخ من خلاه = وده يبري حضرته لكن ماهوب بري
وليد الزراقي
03-Jan-2006, 05:10 PM
طاروووووق طيـــــــب يالربع واصلوا عساكم على القوة
مرزوق حمدان العتيبي
03-Jan-2006, 05:18 PM
..
.
الى عيال العم .. اللي مروا من هنا..
كل الود .. وكل الشكر ..
على تواصلكم... اللي هو مكسبنا الحقيقي..
..
.
كبتن عتيبه
03-Jan-2006, 08:01 PM
طاعة ولد عمّك تراها من قوانين الحياه=والبيت واحد والعرب في داحل البيت الذري

وترى الحرامي لازمينه والكلبشه في يداه=والله مايصبح حلال البدو في يدين حضري
مرزوق حمدان العتيبي
04-Jan-2006, 03:45 PM
يبشر ولد عمي وانا بتعب واحصله رضاه = ولو ضاق خلقه ماله الا يستريح الخاطري
اللي تعب بكتابة المكتوب غير اللي قراه = واللي تعمق بالحضاره ناعم وجلده طري
الايداء1
04-Jan-2006, 07:26 PM
,
الله

الله

يابو محمد

أفتك من هالصوره

وحط صورة مناحي ههههههههههههه

طاروق شــــــــيق من عمالقة الشعر ,,,
كبتن عتيبه
04-Jan-2006, 10:59 PM
انته قريّبك الحساء والزين في نخله وماه=وراك ماترسل علانا من تمور السكري!!

وانا ادري انك فوق بيرن جمها جمً رواه=وان جاك ظامي قلت دلوي صار مكسور العري!!
مرزوق حمدان العتيبي
05-Jan-2006, 12:04 AM
وانته ذبحك اكل العنب والعافيه للي كلاه = ارفق على نفسك وطعني ياعشير الغندري
صاحبك لاشتد الوغا محد ٍ يوقف في نحاه = واللي درى واجب عليه اييعلّم اللي مادري
محمد العتيبي
05-Jan-2006, 12:37 AM
ياسلام عليكم ياسلام
شعراء واساتذه اقصد جبال
وش بعد ؟؟؟ !!!

صح لسانكم ولا هنتوا .
مرزوق حمدان العتيبي
05-Jan-2006, 12:47 AM
...
.
بالجميع اقول ياشوفة السعد ..
الشكر كله لكم على تواصلكم ..
..
وانت يابو مشعاب الحمدلله على السلامه..
اخر الغيبات يالغالي ..
..
محمد العتيبي
05-Jan-2006, 01:04 AM
الله يسلمك يامرزوق
ومعليش احصلتلي ضروف سببت
انقطاعي عن المنتدى
ولا مانقدر على فراقكم ياغاليين .
كبتن عتيبه
05-Jan-2006, 09:51 AM
عزالله انك ياولد عمّي ماتبغالك وصاه=شاعر سواة الاصمعي مدري سواة البحتري

لكن حول فالبحر يالين تاصل منتهاه=ماعاد باقي غير تنزل للبحور وتبحري
مرزوق حمدان العتيبي
05-Jan-2006, 12:21 PM
..
انته تعرْف ان الرجل وده يحقق مايباه = ولولا الحظوظ ان كان ماشفت الفقير اصبح ثري
معروف لو خضت البحر ياصاحبي بقطع وراه = واللي يبا طعم العسل يصبر على طعم الشري
كبتن عتيبه
05-Jan-2006, 12:37 PM
طيب..طيب
اما تلبس بشت.. يامرزوق الاّ اشتر عباه=ولا ّ تعيّن يالعتيبي من ثمينات الفري

مافيكم الاّ مطّوع ً واحد يقدّم فالصلاه=وانتم مساجدكم تنعشر ياعيال الانعري
مرزوق حمدان العتيبي
05-Jan-2006, 12:54 PM
لاقام واحد سد ربعه وان وقف ماقف حماه = وصدور الاعداء سيفه الصارم يفرّيها فري
ماهيب بالكثره ولكن كل شخص ومستواه = واحد عن الف .. وراح فيها كل واحد يجتري
كبتن عتيبه
05-Jan-2006, 01:29 PM
صحيح يامرزوق من لا يعرف الصقر اشتواه=وش رائك نسفرّك للمرّيخ والاّ المشتري!!

ولاّ.. تعال الطائف ونعطيك في حثلك حصاه=بين الجبال اللي ليا اظلم ليلها ماتنسري!!
مرزوق حمدان العتيبي
05-Jan-2006, 01:55 PM
انته من انته لجل تهرج هرج غيرك ماقواه= الدرب الاخضر لايوديك الطريق الاحمري
ان جيتكم ياصاحبي هالكون ضاق بكم فضاه = تغتص باللقمه .. وتحدث مشكله وسط المري
الايداء1
05-Jan-2006, 02:07 PM
الله

علاكــــــــم

عزالله أن هذي المحاوره
اللي يطرب لـــــــــها الخاطر ,,
مرزوق حمدان العتيبي
05-Jan-2006, 02:16 PM
..
.
مرحبا يابو تركي..
..
اسعدنا حضورك الباهي ..
..
كل الود ...
كبتن عتيبه
05-Jan-2006, 02:30 PM
نعم...نعم

انا مناحي مثل الذيب الضلع لاجاذب عواه=ايروّع البدوان واليا اراد حاجه مازري

لكن مايذبح لكم ياربعنا العتبان شاه=وان ناش نابه حيد جلدك مارقعه البنشري!!
الــوآفــي
05-Jan-2006, 02:34 PM
|55|

كبااااااااااااااااار


صحت السنتكم
كبتن عتيبه
05-Jan-2006, 02:44 PM
ذيبان

الايداء

ابو مشعاب

ابن نعيس

وليد الزراقي

الشماي الغربي

الدلبحي



شكراً على متابعتكم


لولاكم لما كان الابداع
مرزوق حمدان العتيبي
05-Jan-2006, 02:47 PM
انا تراني ماجرح الرجال من كثرة غلاه = ولحد ٍ بلايمني مع العتبان يومي عنصري
يالله ياهاد البشر تهدي مناحي عن شقاه = وجهه سبايب هالقشر تقول ضاربه اجدري
مرزوق حمدان العتيبي
05-Jan-2006, 02:57 PM
..
.
مرحبا ياذيبان ..
تو المتصفح زان ..
..
شرفتنا ياسنايدي.
....
اخوك ..
كبتن عتيبه
05-Jan-2006, 03:15 PM
نعم.. نعم

صحيح حدّ السيف يامرزوق مايضرب خباه=وراع الغلاوه لاضحكنا له على الضحكه ظري

وياصاحبي مرزوق اجل من زينت وجاهك هذاه=ياعنك مايسويّه يامرزوق حتى السمكري!!

*
*


الله يلعن ابيلسك!!
الــوآفــي
05-Jan-2006, 03:35 PM
ههههههههههههههههههههههههههههههههههههه


حسبي الله علاكم يا ثنين
مرزوق حمدان العتيبي
05-Jan-2006, 03:38 PM
...
هههههههه اهب...


بالله قلي وش يفيد اللي جرح ضرسه شفاه = وليا بغيته ينتبه قام بكلامك يزدري
امناحي الكبتن ترى ماهوب قل الله حلاه = لكن الى شفته ماقول الا هذا عبد اقطري

|25|
كبتن عتيبه
05-Jan-2006, 03:51 PM
افاااا..يامرزوق..

بعض الاوادم تزعله ..معناتها تكسب رضاه=وبعض الاوادم لازعل عشّق وجاك مدحّدري!!

وأنا تراني من سلايل من يكيدون الطغاه=ولا نقّص بلاد الوفاء كذبة حسين المسعري!!
مرزوق حمدان العتيبي
05-Jan-2006, 03:53 PM
...
.
ذيباااااااااااااان ..
نورت بس ترى بندخلك فالموووووضوع..
انتبــه ... :)
كبتن عتيبه
05-Jan-2006, 03:57 PM
مرزوق ترى ذيبان سبايب كل شي!!

لكن في سد و جهي مايجيه شي

الطاروق شاااب والعصر أذن


وانتم ياهل الشرقيه يعلم الله........


استودعكم الله
مرزوق حمدان العتيبي
05-Jan-2006, 04:05 PM
ماذمكم ياصاحبي والطيب فيك وماحواه = واللي يبا يكثر مدايحكم يصير مقصري...
صح لسانك ياراعي الباص والقاف شاب ..
وبصرااااحه انت مدرسه ...

كل الود....
&حــاا&اكـــمـ&
05-Jan-2006, 09:26 PM
ياسلاااااام ياسلاااااااام

طاروووق كــــــــــــــــــــــــايف

وشعرا ء من الطراز الاول

صح السانك يالكبتن مناحي

صح السانك يامرزوق

فعلااا الشعر مااازااال بخيرر
بن دريميح
05-Jan-2006, 10:41 PM
كلكم مدارس
يامرزوق والكبتن
مشكوووووين
كبتن عتيبه
06-Jan-2006, 12:11 AM
مرزوق بيض الله وجهك

وانا مازلت طالب سنه ثانيه!!

حاكم
بن دريميح


مرحبا فيكم ياعيال العم
ذياب
06-Jan-2006, 01:31 AM
انا تراني ماجرح الرجال من كثرة غـلاه
ولحد ٍ بلايمني مع العتبان يومي عنصري

الله يلوم اللي يلومك

يالذيب

وسلمت وسلم مناحي على هالوسيمه
مرزوق حمدان العتيبي
06-Jan-2006, 10:48 PM
...
.

ابن درميح..
حاكم ..
ذياااب ..
نورتوا المتصفح بحروفكم..
سعداء للغايه بتواجدكم .
..
كل الشكر...
الــوآفــي
07-Jan-2006, 01:24 AM
مرزوق ترى ذيبان سبايب كل شي!!


|56|

__________
محيّل الثنيه
10-Jan-2006, 04:48 PM
محاوره تستاهل القراءه والاشاده
لاهنتم يالاثنين
علي القحطاني
18-Jan-2006, 10:58 AM
صح الله السنتكم والله لا يهينكم امتعتونا والله
مرزوق حمدان العتيبي
21-Jan-2006, 08:00 PM
..
ذيبان مسيك بالخير :)
...
.
مرزوق حمدان العتيبي
21-Jan-2006, 08:01 PM
..
.
حياك ربي يامحيل الثنيه
نوّرت الحتّه ..
..
.
مرزوق حمدان العتيبي
21-Jan-2006, 08:02 PM
..
.
صح بدنك ياعلي..
تشرفنا بحروفك .
...
.
.