المساعد الشخصي الرقمي

مشاهدة النسخة كاملة : وربعي عتيبه صيتها بكل الاقطاب..


ناصر بن محمد العتيبي
02-Jan-2006, 03:45 PM
يقول من غنى على طرقه وجاب=جزل البيوت المحكمات الرزينه
تبدي لنا الايام عدوان واصحاب=وتجري بنا مثل البحر والسفينه
ونا عليه فأول العمر الاتعاب=وكلن على ليلاه نفسه تعينه
ماطاب نومي واتحاشاه لاطاب=اخاف عسر الوقت من بعد لينه
من لايحل بزهرة العمر الاصعاب=بعدين ماتسعف شماله يمينه
حلفت باللي هازمٍ جمع الاحزاب=اللي حماء بحماه بيته ودينه
ان طال عمري بين غالب وغلاب=لتعب لكسب الطيبه والثمينه
والله لعز النفس عن كل كذاب=وراع الردى ياجعل ربي يهينه
هذا شموخي حرٍ براس مرقاب=ماطالع الهزله يصيد السمينه
ماهاب وليا هاب باقول ماهاب=حتى تموت اهل النفوس اللعينه
مادامني من روس قومٍ لها حساب=ماهمني قولٍ خطاء قايلينه
ربعي هل الطالات عكفان الاشناب=شجعان والدرب الخطر دايسينه
واهل الكرم والطيب عربين الانساب=للعز عز وفعلنا خابرينه
الاد منعر يومها حرب وارهاب=الموت دون اذوادنا عاشقينه
افعالنا تشبع بها انسور وذياب=ونرويبها حد السيوف السنينه
كم واحدٍ جانا ولاراح كساب=طامع وعود خايبٍ كاسرينه
وياما جلبنا بالمهند والاحراب=ذودٍ بفعل ايماننا كاسبينه
وياما دخل بوجيهنا اصحاب واجناب=دخيلنا بسيوفنا محتمينه
وربعي عتيبه صيتها بكل الاقطاب=صيتٍ على عز ووفاء ذايعينه
قومٍ تشيل الروس من فوق الارقاب=بمشهرٍ يوم الخطر شاهرينه
ذباحت الحايل وللدم سكاب=وللجار قدر وضيفنا مكرمينه
ولطامت العايل ومعطبته اعطاب=كم عايلٍ بالفعل معمين عينه
واللي نخانا حزة الضيق ماخاب=بالموت عز انفوسنا مشترينه
عتبان نقدح راي ونفك الانشاب=وفي نجد فعلٍ للبشر مثبتينه
يوم ان اخو نوره جمع ناس واركاب=الحق بيَن والعرب شايفينه
قمنا معه نهوي على كل حراب= والوعد عهد كلنا حافظينه
معزي اللي حاز تقدير واعجاب= اهل الجزيره يوم رد الرهينه
اسس ولم اقلوبنا اخوان واحباب=وعلى كتاب وسنه مبايعينه
وفي حكم من حكم على شرع وكتاب=تنعم بلاد الخير بامن وسكينه
ولاني لتاريخ القبايل بشذاب=كلن على ماقدمت له يدينه
كلن له افعال وتواريخ والقاب=والطيب بين الناس متوازعينه
والخاتمه صلوا عدد زهر الاعشاب=واعداد من زار الحرم والمدينه
على نبيٍ مرسله رب الارباب=صلو على المختار ياسامعينه

ناصر بن محمد

بعيـد المرامع
02-Jan-2006, 05:27 PM
تسلم على هالقصيده العصماء ياناصر بن محمد
ونعم فيك و بالدغالبه..وبعتيبه كلها
وصح لسانك

مرزوق حمدان العتيبي
02-Jan-2006, 05:45 PM
...
.
ناصر محمد ... مبدع دائماً
ولكن في هذي غير.............. انها الابداع كله..
مدحت ربعك وحق لك ..وكل اللي قلته فيهم يستحقونه بل قليل في حقهم
مدحت قبيلتك ... ومن غيرها يستحق المدح ... تقصر كل المدوح عن افاءها قدرها..
مدحت كل القبايل ... وهذي قمة الانصااف والعدل
رغم اننا في زمنٍ تضاءل فيه عدد المنصفوووووون..
..
صح لسانك الى ماله نهايه .
..

نايف الحميدي
02-Jan-2006, 05:47 PM
صح لسانك مليوووووووووون ولاتكفي
انا اشهد بالله انه قصيده وافيه

((الدلبحي))
02-Jan-2006, 08:17 PM
من طول الغيبات جاب الغنايم

صح السانك مليون

تحياااااااااااااااااااااااااااااااااتي

ابـن نـعـيـس
02-Jan-2006, 08:27 PM
صح لسانك مليوووووووووووووون


تحياااااااااااااااااااااااااااااااااااااااااااتي

فيصل المسعودي
03-Jan-2006, 12:54 AM
صح لسانك


يالذيب


على هالوافيه الكافيه الجزله


تحياتي ياغالي

وليد الزراقي
03-Jan-2006, 01:43 AM
تسلم اخوي على القصيده ومشــــــــــــــكووووور

داهية عتيبة
03-Jan-2006, 03:04 AM
صح لسانك مليوووووووووون

خلف بن مرزوق
04-Jan-2006, 12:47 PM
00

كفيت ووفيت في القصيدة

ولكن انت اخترت ماهو صعب ان يوصف بقصيدة

لك حق الفحر بقبيلتك

لاهنت ولاهانت عزوتك


احترامي


اخوك / خلف

وليد الزراقي
04-Jan-2006, 01:09 PM
صح السانـــــــــــــــــــك على القصيده الرائـــــــــــــــعه
وهذا إن شاء الله فاتحة خيـــــــــر لتصطيــــــــــر تاريخ هذه القبـــــــــــــــيله منك ومنا كأعضاء
احمد الله كل مااصبحت ومسيت
إنه خلقني واحد من عتيبه
تحيـــــــــــــــــــــاتي

فهيد مقعد الرويس
04-Jan-2006, 11:20 PM
اللهم صلي عليه وسلم

الطيب بين الناس متوازعينه

صح السانك على هالجزله

ولك فائق التقدير والاحترام

روقي الجمش
04-Jan-2006, 11:46 PM
السلام عليكم ورحمة الله وبركاته .
أخي/ ناصربن محمد .
صح لسانك وتسلم وماسطرته صحيح ومتميز . لك مني كل الحب والتقدير .

والســــــــــلام ،،،

تقبـــــلوا تحيــــات / روقي الجمش .

ساري العتيبي
05-Jan-2006, 07:09 AM
صح لسانك مليووووووووووووووووون ولا يسدون

تحياتي

الــوآفــي
05-Jan-2006, 03:28 PM
صح لسااااااانك يا ناصر


وسبعين نعم فيك وفي ربعك


لا تقاطعنا

اخوووك

محيّل الثنيه
09-Jan-2006, 12:19 AM
صح للسانك يابومحمد


على القصيد الجزله ونعم بالاد النعاري

وعتيبه الهيلا

ابيض وجه

ناصر بن محمد العتيبي
16-Jan-2006, 03:51 PM
تسلم على هالقصيده العصماء ياناصر بن محمد
ونعم فيك و بالدغالبه..وبعتيبه كلها
وصح لسانك

من قال سالم
وماعليك زود
وصح بدنك
والف شكر لااطرائك وتشريفك
المتصفح

اخوك

ناصر بن محمد العتيبي
16-Jan-2006, 03:53 PM
...
.
ناصر محمد ... مبدع دائماً
ولكن في هذي غير.............. انها الابداع كله..
مدحت ربعك وحق لك ..وكل اللي قلته فيهم يستحقونه بل قليل في حقهم
مدحت قبيلتك ... ومن غيرها يستحق المدح ... تقصر كل المدوح عن افاءها قدرها..
مدحت كل القبايل ... وهذي قمة الانصااف والعدل
رغم اننا في زمنٍ تضاءل فيه عدد المنصفوووووون..
..
صح لسانك الى ماله نهايه .
..

مرزوق
وجود اسمك هنا
هو المكسب بحد ذاته
لاهنت ولاهان وجودك
احترامي لك
تلميذك

ناصر بن محمد العتيبي
16-Jan-2006, 03:55 PM
صح لسانك مليوووووووووون ولاتكفي
انا اشهد بالله انه قصيده وافيه

نايف لاهنت
وصح بدنك
وجودك هو الاهم
وشهادتك فخر
لاعدمت هالوجود
ودمت شامخ
ياشامخ

احترامي لك
اخوك

ناصر بن محمد العتيبي
05-Feb-2006, 08:30 PM
وليد الزراقي

صح بدنك

والف شكر لحضورك

لاهنت يالقرم

كل الاحترام

ناصر بن محمد العتيبي
05-Feb-2006, 08:32 PM
الغنيمه وجودك في متصفحي

لاهنت يالدلبحي

وصح بدنك ملايين

تقديري واحترامي

ناصر بن محمد العتيبي
05-Feb-2006, 08:33 PM
ابن نعيس

صح بدنك ملايين

نورت المتصفح

كل الاحترام

ناصر بن محمد العتيبي
05-Feb-2006, 08:34 PM
سلمت ودمت ياوليد

احترامي لك

ناصر بن محمد العتيبي
07-Feb-2006, 06:52 PM
صح بدنك

يافيصل

ولاهنت يالوافي

كل الاحترام لك

ناصر بن محمد العتيبي
07-Feb-2006, 06:53 PM
الداهيه

صح بدنك ملااااااااااايين

دمت ودام تواصلك

كل الود

ناصر بن محمد العتيبي
07-Feb-2006, 06:55 PM
خلف بن مرزوق

ماعليك زود

ندري انه صعب لاكن هذا شيء

خارج عن الاراده

دام تواصلك

كل الاحترام

ناصر بن محمد العتيبي
07-Feb-2006, 06:56 PM
صح بدنك

يالمبتدي

ولاهنت على الحضور

الف شكر لك

تقديري

ناصر بن محمد العتيبي
07-Feb-2006, 06:57 PM
روقي الجمش

وعليكم السلام ورحمة الله وبركاتة

صح بدنك


ولاهنت على الحضور

فائق احترامي

ناصر بن محمد العتيبي
07-Feb-2006, 06:58 PM
صح بدنك ملايين

لاهنت يالقرم

حضور كله نور

احترامي

ناصر بن محمد العتيبي
07-Feb-2006, 06:59 PM
ذيبان

صح بدنك

وماعليك زود

لاهنت على حضورك المشرف

موجود من الان

احترامي

ناصر بن محمد العتيبي
07-Feb-2006, 07:00 PM
محيل الثنيه

صح وبدنك ولا عليك زود

تشرفت في حضورك

لاهنت

احترامي