دردشه ياذياب!!

[كبتن عتيبه]

ياذياب .. مسيت بالخير


ياذياب كان انّك قريّب قوم دردش ساعتين=نبى ندردش لك عن الاوضاع وانته دردشي!!

ترى الحيايا والعقارب من يسار ومن يمين=ماكثر خشاش الارض..من بعد العشاء ما تمّشي!!

[ابـن نـعـيـس]

صح لسانك


طاروووووق يستحق المتابعه


في انتظار رااع الشلفا


تحياااااااااااااااااااااااااتي

[((الدلبحي))]

الكبتن مناحي صح السانك وفي انتظار ذياب

[ذياب]

أذياب حبله يابيض الشارب على الدنيا متين=يغرف من الجمه بعد حط المحاله والرشي

ادري وتدري والعرب تدري ولي قلبن فطين=وأنا سوات الذيب مسرى الذيب دايم فالعشي

[ذياب]

ابن نعيس مرحبا تراحيب المطر

الدلبحي ازدانت الصفحه ونورت

بقدومك

[ماجد الهذلي]

يا سلام يا سلام

أنا في صف ذياب يا مناحي

تحياااااااتي

[ذياب]

حياك ياماجد يشرف

ذياب وجودك في صفه

[مرزوق حمدان العتيبي]

..
.

مناحي وذياب ... شعر غير...
الله عليكم ... يامبدعين ..
>>>> يقول ابا اعتزل ....

[ذياب]

.. ..

حياك يامرزوق

وأن أعتزلت وين عاد نلقانا شاعر

مثل ابو محمد

......

[كبتن عتيبه]

نبى العلوم تزين والاوضاع عيّت لاتزين=العالم بليا سبب قامت تضيق وتحتشي

وتبا الصراحه مايقف دون الحلوق الا اليدين=والعيد بيّن عصر والراشي يعرف المرتشي

[ذياب]

وضح كلامك زين يامناحي عشير الغانمين=أكثر عباد الله من الضيقه على أصحابه غشي

أحيان جاهل يامناحي وأغلب أيامك رزين=وأحيان أقول الشاعر مناحي بفكر محششي

[كبتن عتيبه]

اقصد حبايبنا الذي كانوا من اول طيبين=واليوم عاقلهم وجاهلم يجيك محنفشي

ياكبره ياذياب لا قلت اخوياك محششين=وتصير مثل الرادي اللي فالتبيس يوشوشي

[ذياب]

أذياب مايرضا الكلام الشين من ماض السنين=حتى ولوجابه (كبير القوم) لجل يفرفشي

يالي حذفت أعمامتك تبشر لك بتيسن سمين=لو كان مابين الرفاقه حق ذبح وحق شِي

[كبتن عتيبه]

واوجد حالي يالرمك واهل القنا والمارتين=يوم البدو تسري ظلام الليل والا تغبشي

وفي مذهب عتيبه ماتلقى التيس ولد ام القرين=هاذي دخيلك لا تسمّعها مطيري وقرشي!!

[ذياب]

ياوجد حالي يالرجال اللي لهم مذهب ودين=حتى (الصلب) قامت تلزق بالعرب ماتختشي

حنا ترانا نعطي الرجال قدره زين زين = يامناحي المذكور قدرك لا تضيق وتنتشي

[كبتن عتيبه]

اسف على التاخير ياذياب واستلم


خل (الصلب) والله ما احنا من لحاهم مستحين=وحنا ماغنانا على دقة فريد الاطرشي

ياربعي العتبان مافيكم بخيل الا ثنين=اذياب.. والثاني لياجوه الضيوف يخشّشي

[كبتن عتيبه]

الاخوان الكريم

كل واحد يستحق ترحيب وحفاوه به وحده

ولكنني احببت ان ارحب بكم جميعاً


لأنكم غالين على قلبي جميعاً


يسلموووووا

[ذياب]

ههههههههههه

سلمت يامناحي وكرمت

والخاتمه عندك

أأخوووووووووووووك

ذياب

[كبتن عتيبه]

حياك الله ياذياب



ونلتقي في محاورةً أخرى




استودعك الله