تعنيت من داري وابى خوة اذياب..... ((ذياب))

[تركي الحربي]

سلامي سلام مسيرٍ يطرق الباب = وينصى كريم الجاه ويطق بابه

تعنيت من داري وابى خوة اذياب = يخاوي رجال الطيب واهل المهابه

[ذياب]

هلا مرحبا ترحيب حاضر بغياب=ليا سمعه الغايب سلا عن غيابه

وانا من رجالن مايخونون الاصحاب=وبو زيد مندوبه عطانا كتابه

[^ بـ$ـاتـ$ـل ^]

تركي مبداء رائع

وحياك الله بين اخوانك

ذياب كم انت رائع
ومتمكن

محاوره لااشك في قوتها

متابع

[ذياب]

حياك ياباتل

نورت الصفحه

[سعود البرقاوي]

السلام عليكم ورحمة الله وبركاته


تركي الحربي


الحقيقة حنا هنا في منتدى عتيبه نفرح بالأجنبي إذا وإذا أيضا نزل طاروق وطلب أحد الأعضاء المحبوبين

عندنا مثل صديقنا وحبينا ذياب ، أنت ياتركي شاعر ولا أقول فيك قصور لكن حبيت أنبهك إلى أن الشطر الأول

من بيتك الاول ماهو لك وهو لحبيب العازمي العتيبي في محاورة كان هو اللي باديها مع عبدالله بن عتقان السلمي

وبداية المحاورة تقول :

حبيب العازمـي
سلامي سلام مسيـرٍ يطـرق البـاب
على سايـر العربـان ماهـو بغـادي
أنـا ياكبـار سليـم للحـق طــلاب
أنادي ولا ادري من يجيـب المنـادي


عبدالله بن عتقان
هلا مرحبا ياضيـف مليـون ترحـاب
على سنـة الأسـلام والجـو هـادي
تنادي يأبو فيصل بـدون أيـة أسبـاب
تراهـا مواقـف بالسيـوف الحـدادي


لا ادري هل هذا توارد أفكار .... لا .... لانه لو أنه توارد أفكار ماجاء هالشطر جملة وتفصيلا .. بالعكس راح

تجينا نفس الفكرة ولكن بصياغة أخرى ، أتمنى الإنتباه إلى هذا الامر ياتركي الحربي


ومرحبا هيل عد السيل

[كبتن عتيبه]

الاخ تركي الحربي

الظاهر انك تاثرت بالي يقولون لا سرقت اسلاق جمل

ونهبت بيبت العازمي
*

*

اعتقد ان سعود وضح بما فيه الكافيه!!


وهذا الشي لا يجوز وأنا اخوك


فانت من قبيله لها مكانتها في الشعر ولا يرضون بهذه الامور

[ذياب]

أخوي سعود البرقاوي الله يجزيك خير أنت وحبيبنا مناحي

ترا الشعر فيه توارد افكار غريبه وأذا تشابه بيت أو صدر بيت

أو عجز بيت ترا هذا ليس بمستغرب

يحصل كثيراً

شاعرنا الكبير حبيب العازمي جاء في حفله متاخر جاي من سفر

وكان في الحفله المرحوم مطلق الثبيتي والشاعر مستور العصيمي وغيرهم

والحفله لها نص ساعه مبتديه وجاب بيتين

تطابق بيتين قالها مطلق الثبيتي قبله بنص ساعه

لا اختلاف بينها

فهذامن توارد الافكار ويحصل كثيراً ونراه دائماً

أخوووووووووووكم

ذياب

,

[^ بـ$ـاتـ$ـل ^]

ياجماعه

مساكم الله بالخير

انا مع كلام ذياب واعتقد ان تركي
شاعر يجيد تركيب البيت وزناً ومعنا
وليس بحاجة اللى شطر وهذه ترد كثيره
وتصادفنا كثيراً
والشطرمافيه تكلف مجرد فكره
وممكن يفكر فيها اي شاعر
لاكن هذا يعود لقلة البعض متابعة البعض

[تركي الحربي]

السلام عليكم ورحمة الله وبركاته


تركي الحربي


الحقيقة حنا هنا في منتدى عتيبه نفرح بالأجنبي إذا وإذا أيضا نزل طاروق وطلب أحد الأعضاء المحبوبين

عندنا مثل صديقنا وحبينا ذياب ، أنت ياتركي شاعر ولا أقول فيك قصور لكن حبيت أنبهك إلى أن الشطر الأول

من بيتك الاول ماهو لك وهو لحبيب العازمي العتيبي في محاورة كان هو اللي باديها مع عبدالله بن عتقان السلمي

وبداية المحاورة تقول :

حبيب العازمـي
سلامي سلام مسيـرٍ يطـرق البـاب
على سايـر العربـان ماهـو بغـادي
أنـا ياكبـار سليـم للحـق طــلاب
أنادي ولا ادري من يجيـب المنـادي


عبدالله بن عتقان
هلا مرحبا ياضيـف مليـون ترحـاب
على سنـة الأسـلام والجـو هـادي
تنادي يأبو فيصل بـدون أيـة أسبـاب
تراهـا مواقـف بالسيـوف الحـدادي


لا ادري هل هذا توارد أفكار .... لا .... لانه لو أنه توارد أفكار ماجاء هالشطر جملة وتفصيلا .. بالعكس راح

تجينا نفس الفكرة ولكن بصياغة أخرى ، أتمنى الإنتباه إلى هذا الامر ياتركي الحربي


ومرحبا هيل عد السيل


وعليكم السلام ورحمة الله وبركاته

الاخ / سعود البرقاوي

انتم تفرحون بالاجنبي وكلمة الاجنبي حط تحتها خط ، وانا اقول الحمد لله كلنا عيال قبايل وسعوديين واخوان بالدين ، وانت تقول اجنبي ،

الاخ سعود انا ماني حرامي قصيد الحمد لله رصيدي من الشعر يكفيني وزياده

وبالنسبه للبيت : سلامي سلام مسير يطرق الباب

والله ثم والله اني ماسمعته ولاادري ان حبيب قاله ، والله انه من راسي،

وبعدين اللي جاب ثلاث شطور مختلفه عن قاف العازمي ماهو قادر يجيب شطر ،

وبعدين وضح لك الاخ ذياب نفس الكلام اللي كنت بقوله ،،

وازيد واعيد واكرر انا ماني بحرامي قصيد رصيدي يكفيني وزياده

[تركي الحربي]

الى الاخوان/ ذياب وباتل

مشكورين ياخوان والله انها جات صدفه واكتشفت الرياجيل النشامى شرواكم

وعذر بالله العظيم اني ماسمعت بيت العازمي اللي يقوله سعود ولادريت الا منه تحديداً ..

والعذر مايقال الا للرجال الحشام شرواكم

[تركي الحربي]

هلا مرحبا ترحيب حاضر بغياب=ليا سمعه الغايب سلا عن غيابه

وانا من رجالن مايخونون الاصحاب=وبو زيد مندوبه عطانا كتابه

استلم يالقرم


يدوم البقا مادام قلتوا لنا اجناب = نسيتوا سنينٍ كل ابونا قرابه

تحزم وموعدنا على راس مرقاب = وخلك ذياب ولا تاكلك الذيابه

[وليد الزراقي]

الى الاخوان/ ذياب وباتل

مشكورين ياخوان والله انها جات صدفه واكتشفت الرياجيل النشامى شرواكم

وعذر بالله العظيم اني ماسمعت بيت العازمي اللي يقوله سعود ولادريت الا منه تحديداً ..

والعذر مايقال الا للرجال الحشام شرواكم

شرواك الطيب وما حصل إلا خير وبيض الله وجهك للإعتذار
فضلا
ذياب اخوي كمل المحاورة مع الضيف ترانا في صفك وبيض الله وجه اللي يسد اللزوم

[ذياب]

سلمت ياتركي ولا حصل ألا
كل خير

أستلم لا هنت



ياتركي لا تظلمني قبل ذكر الاسباب=يجوز الذنوب أذنوب ربعي عتابه

أنا ماتزعزع فالمواقف ولا أرتاب=وركنن مجرب فالقشر والحرابه

[الاصمعي]

السلام عليكم ورحمه الله وبركاته
اول شي يامرحبا ياتركي الحربي وانت بين اخوانك زي ماقلت وادري ان اسعود خانه التعبير يوم قال اجنبي انت عزيز وحشيم ولك قدر مثل كل طيب . مسلم ومومن وهذا اهم شي وحنا لازم علينا مقت ونبذ العاده السيئه الا وهي التفاخر والتفاضل والحديث الدال على هذا صحيح ومعروف وان دل دل على من يتمسك بها جاهلى وفكره من العصور الاولى . ثانيا ...........تراود الافكار وارد في كل زمان وربما تجده مع كل شاعر لكن يبقى الاختلاف في تركيب الكلمات والبحرررررررررررررررر . لكن وين المشكله ؟؟؟؟؟؟ المشكله هي الى تكلم فيها سعود وهي التشابه يعني لافرق بينها وبين الى سمعها سعود لكن الى باكده ان التشابه وارد ياسعوووووووووود انا يامحاسيك (محاكيك) والله قلتلى بيت من قصيده يشبه بيت لبندر بن سرور ووالله ماسمعته حتى لقيت واحد وعرضتها له وقال هذي قصيده بندر فسالته وش الى جعلك تقول الكلام هذاه قال البيت هذا فبحثت فوجدت انها فعلا مثلها الا كم كلمه ......................اشوا اني قلتها لصديقي قبل لاقولها لك ياسعوووووووود ولا سان (كان) طمرت في حلزي ( حلقي ) اقول مره ثانيه يامرحبا ياتركي والرجال الطيبيين وانت في محلك

[تركي الحربي]

عرفنا دواها والسبب وطية الداب = يهزهز ذنيبه ويش حظرة جنابه

نسوق الدلال ان كان للكيف شراب = ونسقيه فنجالٍ ويطعم شرابه

[ذياب]

الى هاهنا وقف رجاءاً ياحراب=ترى ذياب مايرضا على فلان جابه

ومن لا ثنا من دون ربعه بمشعاب=حرامن عليه السيف ينقل جرابه

[تركي الحربي]

ماخطيت ابن عمك بمشروه وعتاب = قريتوا كلامه واضحٍ في كتابه

وانا اقول ياخصمي على الضرس والناب = ومثلك تعرف الذيب ضرسه ونابه