ياشاعر الروقه..

[شاعر عتيبة]

استلم ياشاعر الروقه لاهنت........



يامرحبا أحلى من حليب المغاتير = تقدير من قلبي بقدر الرجالي
طيرٍ بلا جنحان مايمكن يطير = وطيرٍ بجنحانه مع الجو عالي

[شاعر روق]

دام البقا والله يمسيك بالخير=قبل الغروب وبعد وقت الزوالي
الا النعامه عن طيور السما غير=اجنوبها اعرض من جنوب الجمالي

[شاعر عتيبة]

يالله تدبرها بحسن التدابير = جاب الجواب ولا طرحت السؤالي
غير اللي قلته في مثل شكلها كثير = ليتك دريت ابها ياولد الحلالي

[الايداء1]

,
الله
الله
شاعر عتيبه . وشاعر الروقه
والفخر كل افخر لنا بكل الأثنين
لما تحمله هذه الأسماء من مكانه خاصه
في قلوبنا ,,,
واصلو وأنا في الصف الموالي ,,

[شاعر عتيبة]

شكري وتقدير
كله
للغالي
..
الايدا

[شاعر روق]

وش هو جوابي ياحسين التفاكير=وان ضاع علمك لاتجيني تلالي
اسمك كبير وله معزه وتقدير=وان مااحتميته غيّره ياحلالي

[شاعر روق]

الايدا

شكرا لشخصك الكريم

[مرزوق حمدان العتيبي]

..
.
شاعر عتيبه
وشاعر روق ... والابداع المعهود ..... واصلوا ...

[شاعر عتيبة]

إن كان ماشفته نجيب المناضير = وتشوف ماقلته سوات الجبالي
اسمي تراه اسمي ولاهو بتزوير = ورثٍ ورثته طيب عمي وخالي

[شاعر روق]

دربل بدربيلك وسوق التباشير=وافرح وفرحنا واخذ لك ريالي
ابلشتني بلشت جحا والمسامير=اللي غرزهافالجدارالموالي

[شاعر روق]

مرزوق

هلا ومرحبا شرفتنا بحضورك

[متعب العتيبي]

الله الله

واصلوا متابعين ترى

[شاعر عتيبة]

ما كل شيٍ(ن) لابغيته لك يصير = واعرف ترى الايام حالٍ وحالي
حقه وله حقه ولو شي(ن) صغير = شرطٍ عليك ولاتزيد الجدالي

[شاعر عتيبة]

مرزوووووووووووووق
الرجل المتابع دائماً
متابعتك تهمني جدا جدا..

الثعلي الاول
استبشرت الصفحه بوجودك

[شاعر روق]

مانته بلا شاعر ولا سالم الزير=لكن اعدك واحدِ من عيالي
ارفع نظرك اشوي قدم ادهن السير=لاترتخي خلك يابو زيد عالي

[شاعر عتيبة]

انا من اهل الجزل معنى وتصوير = ولّي في فمه المر ما ذاق حالي
اليا عرضتك طالبٍ فيك تسعير = قالوا تراه بخيص والسوق غالي

[شاعر روق]

يااللي بنيت البيت جا فيه تكسير= والبيت فيه من المهندس ميالي
الحر غالي ياشبيه العصافير=ماني بدافع فيك من حر مالي

[شاعر عتيبة]

انا المهندس لانكسر جاه تجبير = وانت العميل اللي تجيب المقالي
حرٍ(ن) سكن ياهيه في طيّة البير = ماهو على حيدٍ بنيف الجبالي

[شاعر روق]

يامهندس الدجه لوتك المعاصير=وامست على وجهك تحوث الرمالي
اخير من خربِ قصير المناقير=والحر باسمه حر ياهملالي

[شاعر عتيبة]

جت فوق معصيرك سحابٍ شخاتير = سيلٍ يشيلك عرم لا سال سالي
اللي يشيل المسك ماينفخ الكير = كيف(ن) تمثل حال شكلك بحالي

[شاعر روق]

الصيف ومزونه مقافي مدابير=ترعد وتبرق وابرق الحزم خالي
المسك طيبِ للرجال المناعير= والا انت طيبك غيرفاول وتالي

[شاعر عتيبة]

السيل فوق الحزم شال المباذير = خلّى محل الزرع جرفٍ هيالي
تعجز بي القوات وايضا الطوابير = ولاّ انت ياضني مصيبك هبالي

[شاعر روق]

السيل حدروالاوادم مصادير =مايشربون الا القراح الزلالي
يااذكا ذكي لو لقموك الخوابير=تضحك متدري فوق حمر الزوالي

[شاعر عتيبة]

الله واعلم من شرب ماه تعكير = حدوه قوم(ن) فاللقا ماتبالي
الله لوشفت الاوادم مقابير = قلت ارحم بحالي يارب الجلالي

سلامتك يالغالي
تصبح على خير..
البيت الاخير موعظه لي وللاخوان المتابعين..

[شاعر روق]

اثرك جهازِ ما يبا ارقام تشفير=واتقول انا شاعر وشعري مثالي
الموت حاصل وانت تحتاج تطهير=ذنبك كبير ومن جهنم يوالي
وسلامتك انت بعد

وانت من هل الخير
والموعظه زانه وطيبه بالحيل

[بن دريميح]

محاوره جميله جدا جدا من
الشاعرين
المبدعين
وكلهم
شعراءنا

الله يعطيكم العافيه