والشعر يا اصحابنا العتبان بالمعنى

[تركي الحربي]

سلام ردة وفاء من هاجسٍ غنى = والشعر يا اصحابنا العتبان بالمعنى

قلنا وقلنا وتعرفنا ليا قلنا = سبحان من يعلم الاسرار سبحانه


ياسلامي سلامٍ عد برقٍ يلوح = في المخاييل والدنيا على حالها

ياعميلي تقدم لاتجي لاتروح = حسب ماقيل والدنيا على حالها

[مرزوق حمدان العتيبي]

..
.

ارررررحب ياتركي ...
..
طاروق يشد الانتبااااااه ... واسمح لنا بنسولف معك شوي ...
...
.

[تركي الحربي]

هلا والله بمرزوق

لي الشرف بمجاراتك والاستفاده منك

[مرزوق حمدان العتيبي]

يامرحبا والشعر مطلوب معناها
لكن وين الخبير اللي تبناها
اكثر بيوت العرب مازان مبناها
سبحان من يعلم الاسرار سبحانه
ياقوي المعرفه خلك اكثر وضوح = واسر بالليل والدنيا على حالها
قدمك اللي على كسب المعالي طموح = اشرب الهيل والدنيا على حالها

[تركي الحربي]

اشعب ذلولك ترى النيران مشبوبه = والبيت مبناه طوبه فوقها طوبه

وفن المعاني ترى مانجهل دروبه = سبحان من يعلم الاسرار سبحانه


وش حصل ياعميلي فقوم عادٍ ونوح = في اول الجيل والدنيا على حالها

ناركم ماتشب وقدركم مايفوح = ما لكم حيل والدنيا على حالها

[فيصل المسعودي]

الليل الليل


ياعين ياعين


مرزوووووق العتيبي


والحربي


وااااصلوووووواااااا


في متابعتكم يالغاااالين


في صفك يااااااااااااااامديرررررررر


تحياتي

[((الدلبحي))]

مرزوووووق العتيبي


والحربي


وااااصلوووووواااااا


في متابعتكم يالغاااالين

[مرزوق حمدان العتيبي]

..
.
لاتشعل النار ثم تاكلك يالحربي
منته بقادر تصد الرمي والضربي
والحرب ماهيب مثل الاكل والشربي
سبحان من يعلم الاسرار سبحانه
ماحصل شوف كلك منه غادي جروح = ذقتم الويل والدنيا على حالها
ساعة الجد جد ولاش فيها مزوح = نوفي الكيل والدنيا على حالها

[ابـن نـعـيـس]

صح السنتكم

واصلوووووو

هذا الابداع


تحيااااااااااااااااااااااااااتي

[تركي الحربي]

انت جروحك عميقه من يداويها = والحرب والضرب والله من انت راعيها

والنار ماتاكل الا رجل واطيها = سبحان من يعلم الاسرار سبحانه


القوافل تسير وكل كلبٍ نبوح = تقطع السيل والدنيا على حالها

انت تبغى الهجاد اللي بوقت الصبوح = نسرج الخيل والدنيا على حالها

[مرزوق حمدان العتيبي]

لاتحلف بكذب من يكذب ترى فاجر
خل التجاره فقير ٍ ما انته بتاجر
ماتنطح القوم منت براعي امشاجر
سبحان رب السما والارض سبحانه
الحريبي علامه قام يجمح جموح = حيله خبيل والدنيا على حالها
انت في وسط دارك من نزوح لنزوح= خف تهويل والدنيا على حالها

[تركي الحربي]

الاخ / مرزوق وجميع المتابعين اسف على التاخير لاني كنت بالديره والدير مابها تلفون


خلك في حالك على ماقيل مرزوقي = والكذب ماهو بلنا وانت مطفوقي

حنا نسوق العدا وقت اللقا سوقي = سبحان من يعلم الاسرار سبحانه


يشهر الحر يوم ان الحمامه تنوح = يا اسود الذيل والدنيا على حالها
خل قلبك وسيع وخل صدرك نصوح = واعدل الميل والدنيا على حالها

[((الدلبحي))]

الله الله

طاروق حامي واصلوا والصفوف حاميه

والقهوه والمه

تحيااااااااااااااااااااااااااااااااتي