شاعر روق امام علامات الاستفهام؟؟؟؟؟

[اللطّــام]

قولوا لشاعر روق يسمع منّا // حنا العلوم الكايده ندركها = بس الطمع نكبه على الطماعه // واللي يعقد احبالها يطلقها
بعض الاسامي يخلفن الظنّا // منته بشاعر روق مار اتركها=الشعر منت بهامته وذراعه // واللي يعقد احبالها يطلقها

[ابـن نـعـيـس]

صح لسانك


وفي انتظار شاعر روق



تحياااااااااااااااااااااااااااااااااااتي

[^ بـ$ـاتـ$ـل ^]

هنا لاجل اتابع

[شاعر روق]

ياللي تجر الصوت بعد عنا=حنا الخشوم النازيه نفركها
واناادري انك جتك مني راعه=واللي يعقد حبالها يطلقها
هامه وقمه وانت ليش معنا=روس البهايم فالشرك نشركها
والا انت ماعندك يكود الضاعه =واللي يعقد حبالها يطلقها

[شاعر روق]

ابن نعيس


ياهلاوين ومرحبتين


شرفني تواجدك

[شاعر روق]

باتل


حياك الله انت ومتابعتك

[اللطّــام]

اللي نعرف انك صغيّر سنا// والساعه اللي جابتك ما ابركها = بالله قلي كم ثمن هالساعه // واللي يعقد احبالها يطلقها
اركد لادقك مثل دق البنا // بعض الدعاوي منته بمدركها = فالمنتدى غادي كما القرقاعه // واللي يعقد احبالها يطلقها

[شاعر روق]

ماعندنا فاللعب ضحكت سنا=ياللي تفبرك قصتك فبركها
خابرك ورعِ ترضع الرضاعة= واللي يعقد حبالها يطلقها
ياشاعرِتقرع قريع الشنا=كم مسلم العالم وكم مشركها
وامسيت في وسط الحراج ابضاعه= واللي يعقد حبالها يطلقها

[اللطّــام]

القيد في رجلك تراه امثنّا //منته بقادر قدمي اتحركها = وين بيروح اللي مسكت اكراعه // واللي يعقد احبالها يطلقها
هذا الغليّم في كلامه فنّا // مالوم عينه لو قعد يعركها = البشت حطيته على الشماعه // واللي يعقد احبالها يطلقها

[اللطّــام]

حــــــــــي الله باتــــــــــــــــــل نورت الصفحـــــــــــــــــــــه.

[^ بـ$ـاتـ$ـل ^]

بصراحه

خصمين لايستهان بكم

متابع

[شاعر روق]

انا جمل وانته وراك اتحنا=يالناقه اللي مرغت مبركها
ترغي وانا اهدروالعرب فراعه=واللي يعقد حبالها يطلقها
من دق به هاجوس فكره غنا=ياموترِ كل ِ يجي يشركها
وايضا تحب العالم النتاعه= واللي يعقد حباله يطلقها

[شاعر روق]

باتل

نورت الصفحة مرتين بحضورك

[متذوق الشعر]

هذا والله العلم الحامي

انا في صف شاعر روق

اي بالله في صفه المبدع

بدون قصور فالثانين

[اللطّــام]

عليك من وقت السحر دندنا // والدايره راع القلم مرّكها = يابو الطباع اللي عرفت اطباعه// واللي يعقد احبالها يطلقها
تبنا ومع وقت الصلاه اذنّا // والمركبه سواقها حركها = من بعد ماطوّعك يالمطواعه // واللي يعقد احبالها يطلقها

القـــــــــــاف شاب ياشـــــــــــــــاعر روق
الخاتمـــــــــــــــــه عنـــــــــــــــدك وصــــــــــــــح لســـــــــــــــــــــانك
وخلــــــــك سمــــــــــــوح على المــــزوح .

[شاعر روق]

السيف من دمك تراه محنا=واللي بقي تروك مع متركها
اصبر عليه لين اقص اخناعة= واللي يعقد حبالها يطلقها
المركبه شالت ثلاثه طنا=ثم انفجر في وسطها امحركها
والسايق اختلت جميع اضلاعه=واللي يعقد حبالها يطلقها

[شاعر روق]

اللطام انا اللي اباعتذر منك ماهوب انت

وعموما صح بدنك على هالطاروق