شاعر روق

[مزبان طيب]

سلام الله على ابن العم شاعر روق يا الروقه=سوات خيال من فوقه بروقٍ ما تلحقها
ما دام انه لقا طاروق من ذوقه وطاروقه=عسى يسري معي لين المزون يبين بارقها

[شاعر روق]

هلا يامرحبا بالصاحب اللي زان منطوقه=عدد وبل المزون اللي هوى الغربي يفرقها
يبا يسري مع اللي فالمعاني كاملِ ذوقه=ورجله مع رجال الجود والماجود يطلقها

[مزبان طيب]

يدوم الك البقا وعلوم بعض القوم مفهوقه=يغربها ليا منه حضر والا يشرقها
على رمحٍ يفج النحر في طعنه وزاروقه=ابا اجمّع عيال العود من داني وابا احرقها

[^ بـ$ـاتـ$ـل ^]

ياسلام عليكم

في قمة الابداع

واصلواا

[شاعر روق]

عسى الله مايبارك فالضعيف ان ضاعت احقوقه=حقوقه ضايعه والعين فالعالم يبحلقها
عسى الله بس يستر لا تجيب عيال مرزوقه=ومرزوقه عسى مرزوق يامزبان يرزقها

[شاعر روق]

باتل



حياك الله شرفتنا بحضورك

[متعب العتيبي]

الله الله

واصلوا متابعين

لاهنتوا

[شاعر روق]

الثعلي الاول


مرحبا ومسهلا حياك الله

تقديري ومودتي

[مزبان طيب]

عسى قلب الخسيس يموت ما تحيا به عروقه=يقبلها على كيفه يا ليت الله يغلقها
ارفع نظرك وتاجد علومٍ سما ... وموثوقه=واليا عجزت اتحلها سهله على موثقها

[مزبان طيب]

^ بـ$ـاتـ$ـل ^


شاعر



حياكم الله


ويسعدنا حضوركم

=================



ولد عمي لا تروح بعيد :) :)

[شاعر روق]

انا ادر(ن)الخسيس انسان وانجس من ذنب طوقه=علوم الشين يامزبان يطبخها ويسلقها
لا والله ساع ماشفت العميل اللي قهر نوقه=وانا بعطييه ساعه وان تركها قلت له سقها

[سلطان الحافي]

يا سلام عليكم يالنشاما
واصلو لاهنتو متابعين

[شاعر روق]

سلطان الحافي

مرحبا شرفتنا يالغالي

دمت بخير

[مزبان طيب]

انا لي راي في عبدٍ تسيّد فوق مرقوقه= ليا منه خلص منه... العجيّز قام يخنقها
لكن الله يفك الحر من معقودة اسبوقه= لجل يشهر وريش الخرب من فوقه يصلفقها

[مزبان طيب]

سلطان



يا هلا ومرحبا

[شاعر روق]

وانا لي راي في عبدِ لبس له بشت بفتوقه= وهو هين وما من لون والعالم يسابقها
تقول امين يامزبان والنيات مصدوقه=على كيفك تكذب نيتك والا تصدقها

[بن دريميح]

الله
الله
يامزبان
اثرك خطير
انتظر مني طاروق بعدين......

متابع للابداع من
الطرفين
شاعر الروقه ، مزبان طيب

[مزبان طيب]

صح لسانك يا شاعر رووووق


واسعدني اللعب معك يا ولد العم


======================

ما عليك زود يا ابن دريميح وانا لي الشرف

ومنك نتعلم

[((الدلبحي))]

واصلوا يالربع وعلى القوه

تحياااااااااااااااااااااااااااااااتي